ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جەبەپ،جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوسۋ كەرەك

  چىن چۋانگو اۆتونوميالى رايوننىڭ وتانشىل ءدىني قايراتكەرلەر اڭگىمە ماجىلىسىندە بىلاي دەپ باسا دارىپتەدى

  ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جەبەپ،جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوسۋ كەرەك

  لي پىڭشين قاتىناستى

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 11 - ايدىڭ 19 - كۇنى ۇرىمجىدەن حابارلايدى. 11 - ايدىڭ 19 - كۇنى تۇستەن بۇرىن اۆتونوميالى رايون وتانشىل ءدىني قايراتكەرلەر اڭگىمە ءماجىلىسىن اشىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ، ءدىننىڭ اقاۋسىز دامۋىن جۇزەگە اسىرۋ توڭىرەگىندە وتانشىل ءدىني قايراتكەرلەردىڭ پىكىرلەرىن جانە ۇسىنىستارىن تىڭدادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى لي پىڭشين ماجىلىسكە قاتىناستى.

  اڭگىمە ماجىلىستە ابدۇرىقىپ ءتومۇرنياز، ابدۇشكۇر راحىمتۇللا، ياڭ جيە، مامەتيمىن ابىلەز، جي رىن، چىن شياۋميڭ، نۇرشات راشيدەن، ۋاڭ حۇڭ، سۇي حىبين، باكەن قاشقىنباي، مۇحتارام ءشارىپجان قاتارلى وتانشىل ءدىني قايراتكەرلەر جەكە - جەكە لەبىز ءبىلدىردى. كوپشىلىك ءبىر اۋىزدان مىنانى ءبىلدىردى: سوڭعى جىلدارى شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولىپ كورمەگەن جەتىستىكتەرگە قول جەتكىزدى، قوعام ورنىقتى، حالىق تىنىش ءومىر، شات - شادىمان تىرشىلىك كەشكەن تاماشا جاعداي جارىققا شىقتى. اۆتونوميالى رايوندىق پارتكوم مەن ۇكىمەت پارتيانىڭ ءدىن قىزمەتى نەگىزگى باعىتىن مۇقيات دايەكتىلەندىرىپ، پارتيانىڭ ءدىني سەنىم ەركىندىگى ساياساتىن تياناقتاندىرىپ، ءدىني قيمىل ورىندارىن جانە ءدىني قيمىل شارت - جاعدايىن ۇزدىكسىز جاقسارتىپ، ەمدەۋ قامسىزداندىرۋى، زەينەتكەرلىك قامسىزداندىرۋى، سالماقتى ناۋقاس قامسىزداندىرۋى، باس اماندىعى جازاتايىم زاقىمدالۋ قامسىزداندىرۋى، ەڭ تومەنگى تۇرمىسىن قامتاماسىز ەتۋ جانە دەنساۋلىقتى تەگىن تەكسەرۋ سياقتى ساياساتتاردى جالپى بەتتىك تياناقتاندىرىپ، ءدىني قايراتكەرلەرگە بەرىلەتىن تۇرمىستىق قوسىمشا قاراجات ولشەمىن جوعارىلاتتى، قالىڭ ءدىني قايراتكەرلەر جانە دىنگە سەنەتىن بۇقارا شىن جۇرەگىنەن پارتيانىڭ ابزال ساياساتىنا العىس ايتادى. كوپشىلىك تاعى ءدىن قىزمەتىن ونان ارى جاقسى ىستەۋ جونىندە پىكىر جانە ۇسىنىس بەردى.

  كوپشىلىكتىڭ لەبىزىن مۇقيات تىڭداعاننان كەيىن، چىن چۋانگو بىلاي دەپ اتاپ كورسەتتى: سوڭعى جىلدارى قالىڭ ءدىني قايراتكەرلەر وتاندى ءسۇيۋ، ءدىندى قاستەرلەۋ تاڭداۋلى ءداستۇرىن بارىنشا اسقاقتاتىپ، وتاننىڭ تۇتاستىعىن، قوعامنىڭ ورنىقتىلىعىن، ۇلتتاردىڭ ىنتىماعىن، دىندەردىڭ تاتۋلىعىن قورعاۋ ءۇشىن بەلسەندى ۇلەس قوستى. مەن اۆتونوميالى رايوندىق پارتكوم جانە ۇكىمەت اتىنان بۇكىل رايوننىڭ ءدىن سالاسىنداعى وتانشىل قايراتكەرلەرگە شىن ىقىلاسپەن العىس ايتامىن.

  چىن چۋانگو بىلاي دەپ اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋىن دايەكتىلەندىرىپ، تياناقتاندىرىپ، قالىڭ ءدىني قايراتكەرلەردى جانە دىنگە سەنەتىن بۇقارانى اناعۇرلىم جاقسى ىنتىماقتاستىرىپ جانە ۇيىستىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا، جاڭا داۋىردەگى جۇڭگوشا سوتسياليستىك شينجياڭ قۇرۋعا بەلسەنە ۇلەس قوسۋ كەرەك. پارتيانىڭ ءدىن قىزمەتىنىڭ نەگىزگى باعىتىن مىقتاپ يگەرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، ءسىڭىپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىلدارىن زاڭ بويىنشا قامتاماسىز ەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ءدىني قيمىل ورىندارىنىڭ الەۋمەتتىك قىزمەت وتەۋىن ۇزدىكسىز جاقسارتىپ، نەگىزدىك قۇرىلعى، قوعامدىق قامتاماسىزداندىرۋ سياقتى الەۋمەتتىك قىزمەت وتەۋلەردى ءدىني قيمىل ورىندارىنا، ءدىني وقىتۋشى - قىزمەتكەرلەرگە شىن مانىندە جالپىلاستىرىپ، ءدىني قيمىل ورىندارىن جانە ءدىني قيمىل شارت - جاعدايىن ۇزدىكسىز جاقسارتۋ كەرەك. وتانشىل ءدىني قايراتكەرلەردى تاربيەلەۋدى، قورعاۋدى، ولارعا قامقورلىق جاساۋدى كۇشەيتىپ، باسشى كادرلاردىڭ وتانشىل ءدىني قايراتكەرلەرمەن بايلانىس ورناتۋ ءتۇزىمىن جانە قورعاۋ، قامقورلىق جاساۋ مەحانيزمىن اقاۋسىزداندىرىپ، كەمەلدەندىرىپ، وتانشىل ءدىني قايراتكەرلەرمەن تۋىستاسىپ، دوستاسىپ، ولارمەن كوبىرەك ارالاسىپ، كوبىرەك سىرلاسىپ، ولارعا كوبىرەك كومەكتەسىپ، ولاردىڭ ءىس جۇزىندىك قيىنشىلىقتارى مەن ماسەلەلەرىن شەشۋىنە ىزگى نيەتپەن كومەكتەسۋ كەرەك. وتانشىل ءدىني قايراتكەرلەردى تاربيەلەۋ - باۋلۋ سەرپىنىن ۇزدىكسىز ارتتىرىپ، ءدىني قايراتكەرلەردىڭ ساياسي ساپاسىن، زاڭدىق تانىمىن، ءدىن جاعىنداعى ماعلۇماتىن ءوسىرىپ، ساياسيدا سەنىمدى، ءدىن جاعىندا ماعلۇماتتى، احىلاق جاعىندا جۇرتتى يلاندىرا الاتىن، شەشۋشى ساتتە رول اتقارا الاتىن وتانشىل ءدىني قايراتكەرلەر قوسىنىن قۇلشىنا قۇرۋ كەرەك. وتانشىل ءدىني قايراتكەرلەردىڭ بەلسەندى رولىن تولىق ساۋلەلەندىرۋ، ءدىن سالاسىنداعى قالىڭ قايراتكەرلەر وتاندى ءسۇيۋ، ءدىندى قاستەرلەۋ تاڭداۋلى ءداستۇرىن بارىنشا اسقاقتاتىپ، ءدىن قاعيدا - جوسىندارى جونىندە وسى زامانعى جۇڭگونىڭ دامۋ، العا باسۋ تالابىنا ۇيلەسەتىن، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن بايىمداۋ جانە تۇسىنىك جاساپ، ءدىننىڭ تاتۋلىعىن، جاراسىمدىلىعىن، اقاۋسىز، ءتارتىپتى دامۋىن جەبەپ، دىنگە سەنەتىن قالىڭ بۇقارانى شينجياڭنىڭ ورنىقتىلىق، دامۋ ىستەرى ءۇشىن جاڭا ۇلەستەر قوسۋعا جەتەكتەۋ كەرەك.

جاۋاپتى رەداكتور: نۇربولات قابىل