جالپى ءماجىلىس رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتەيىك

  لي پىڭشين اۆتونوميالى رايوننىڭ وقۋ - اعارتۋ جۇيەسىندە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى

  جالپى ءماجىلىس رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتەيىك

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 11 - ايدىڭ 19 - كۇنى ۇرىمجىدەن حابارلايدى. 11 - ايدىڭ 19 - كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين اۆتونوميالى رايوننىڭ وقۋ - اعارتۋ جۇيەسىندە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى.

  لي پىڭشين ۇگىت - لەكسيا بايانداماسىندا ەلىمىزدىڭ جاڭا دامۋ كەزەڭىنە قادام تاستاۋىنىڭ ماڭىزدى ءمانىن، ءتيىمدى شارت - جاعدايىن جانە ماڭىزدى ەرەكشەلىگىن تەرەڭ تانۋ، 2035 - جىلعا دەيىنگى بولاشاقتىق نىسانانى جانە ”14 - بەسجىلدىق“ مەزگىلىندەگى ەلىمىز دامۋىنىڭ جەتەكشى باعىتىن، باستى نىساناسىن، ءتۇيىندى مىندەتىن تەرەڭ تانۋ، پارتيانىڭ جاپپاي باسشىلىعىنا تاباندى بولىپ، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋ جولىندا ىنتىماقتاسا كۇرەس جاساپ، پارتيا ورتالىق كوميتەتىنىڭ ”14 - بەسجىلدىق“ مەزگىلدەگى وقۋ - اعارتۋ رەفورماسى، دامۋى جونىندەگى شەشىم، ورنالاستىرۋىنىڭ شينجياڭدا تياناقتاندىرىلىپ تامىر تارتۋىنا شىنايى كەپىلدىك ەتۋ قاتارلى جاقتاردى ءتۇيىندى توڭىرەكتەي وتىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جۇيەلى باياندادى جانە ىشكەرىلەي ءتۇسىندىردى.

  لي پىڭشين بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىز جاڭا دامۋ كەزەڭىنە قادام تاستاۋعا تاياعان، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلدە تۇرعاندا اشىلعان ءبىر رەتكى جالپى جاعدايلىق سيپاتتى، تاريحي سيپاتتى ءمان الاتىن ءماجىلىس. باس شۋجي شي جينپيڭنىڭ جالپى ماجىلىستە سويلەگەن ماڭىزدى ءسوزى ءبىر قىدىرۋ باعدارلىق سيپاتتى، ءتۇبىرلى سيپاتتى، ستراتەگيالىق سيپاتتى ەلەۋلى ماسەلەلەرگە عىلمي جاۋاپ قايتارىپ، كوپتەگەن جاڭا يدەيالاردى، جاڭا كوزقاراستاردى، جاڭا تۇجىرىمداردى، جاڭا تالاپتاردى جاسامپازدىقپەن العا قويىپ، جوعارى ساپالى دامۋدى ىلگەرىلەتۋگە، جاڭا دامۋ ارناسىن قالىپتاستىرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىن قولعا كەلتىرۋگە عىلمي باعدارناما جانە نەگىزگى بويسۇنۋ ولشەمىن ازىرلەدى. ءبىز دامۋ جەتىستىكتەرىن جان - جاقتى تانىپ، دامۋ ورتاسىنىڭ تەرەڭ دە كۇردەلى وزگەرىستەرىن جان - جاقتى يگەرىپ، جاڭا دامۋ كەزەڭىن، جاڭا دامۋ ۇستانىمىن، جاڭا دامۋ ارناسىن جەتە تانىپ، وراي تانىمىن، حاۋىپ - قاتەر تانىمىن كۇشەيتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشۋىمىز، جاقسى قادام باسۋىمىز كەرەك.

  لي پىڭشين بىلاي دەپ باسا دارىپتەدى: بۇكىل رايوننىڭ وقۋ - اعارتۋ جۇيەسىندەگى ءار دارەجەلى پارتيا ۇيىمدارى مەن قالىڭ پارتيالى كادرلار ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، جان - جاقتى، كوپ ساتىلى، جاندى دا جالىندى تۇردە جالپى ءماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ويداعىداي ۇگىتتەپ، ۇيرەنۋدىڭ، دايەكتىلەندىرۋدىڭ قويۋ رايىن قالىپتاستىرىپ، ۇيرەنۋ، دايەكتىلەندىرۋ ورلەۋىن كوتەرىپ، جالپى ءماجىلىس رۋحىن جۇرت جۇرەگىنە ۇيالاتىپ، تيانشان الابىنا تاراتۋ كەرەك.

  لي پىڭشين بىلاي دەپ باسا دارىپتەدى: بۇكىل رايوننىڭ وقۋ - اعارتۋ جۇيەسى جالپى ءماجىلىس رۋحىن ۇيرەنۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن بىرلەستىرىپ، نازاردى جوعارى ساپالى وقۋ - اعارتۋ جۇيەسىن قۇرۋعا شوعىرلاندىرىپ، اۆتونوميالى رايون وقۋ - اعارتۋىن دامىتۋدىڭ ”14 - بەسجىلدىق“ جوباسىن زەرتتەپ جوسپارلاپ، پارتيانىڭ وقۋ - اعارتۋ قىزمەتىنە بولعان جاپپاي باسشىلىعىنا ونان ارى تاباندى بولىپ جانە ونى كۇشەيتىپ، مەكتەپ، وتباسى، قوعام سايكەسە ادام تاربيەلەۋ مەحانيزمىن كەمەلدەندىرىپ، وقۋ - اعارتۋ رەفورماسىن تەرەڭدەتىپ، وقۋ - اعارتۋدىڭ ادىلدىگىن جەبەپ، جالپى حالىققا قىزمەت وتەيتىن ومىرلىك ۇيرەنۋ جۇيەسىن كۇش سالا قالىپتاستىرىپ، حالىق رازى بولاتىن وقۋ - اعارتۋدى جاقسى جۇرگىزىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزمنىڭ قۇرىلىسشىلارى مەن ءىزباسارلارىن تاربيەلەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە وقۋ - اعارتۋ جۇيەسىنىڭ وزىنە تيەسىلى ۇلەسىن قوسۋ كەرەك.

  اۆتونوميالى رايوننىڭ ورىنباسار ءتوراعاسى سۇن حۇڭمەي ءماجىلىستى باسقاردى.

جاۋاپتى رەداكتور: نۇربولات قابىل