اناعۇرلىم كوپ ساقا جولداستاردىڭ ۇرپاقتارعا كوڭىل ءبولۋ قىزمەتىنە قاتىناسۋىن قولداپ، سوتسياليزم قۇرىلىسشىلارى مەن ءىزباسارلارىن باۋلۋعا جاڭا دا اناعۇرلىم زور ۇلەس قوسۋ كەرەك

  شي جينپيڭ ۇرپاقتارعا كوڭىل ءبولۋ قىزمەتىن جاقسى ىستەۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى

  اناعۇرلىم كوپ ساقا جولداستاردىڭ ۇرپاقتارعا كوڭىل ءبولۋ قىزمەتىنە قاتىناسۋىن قولداپ، سوتسياليزم قۇرىلىسشىلارى مەن ءىزباسارلارىن باۋلۋعا جاڭا دا اناعۇرلىم زور ۇلەس قوسۋ كەرەك

  شينحۋا اگەنتتىگىنىڭ 11 - ايدىڭ 18 - كۇنى بەيجيڭنەن بەرگەن حابارى. جۇڭگو ۇرپاقتارعا كوڭىل ءبولۋ قىزمەت كوميتەتى قۇرىلعاندىعىنىڭ 30 جىلدىعىن ەسكە الۋ جانە مەملەكەتتىك ۇرپاقتارعا كوڭىل ءبولۋ قىزمەتى جونىندەگى ماداقتاۋ - سيلاۋ ءماجىلىسى 11 - ايدىڭ 17 - كۇنىنەن 18 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، پارتيا ورتالىق كوميتەتى اتىنان ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى، بۇكىل ەلدەگى ۇرپاقتارعا كوڭىل ءبولۋ قىزمەتىمەن شۇعىلداناتىن ساقا جولداستارعا جانە ۇرپاقتارعا كوڭىل ءبولۋ قىزمەت كوميتەتىندەگى كادرلارعا ىقىلاستى سالەم جولدادى.

  شي جينپيڭ بىلاي دەپ اتاپ كورسەتتى: جاستار مەن ورەندەر وتاننىڭ بولاشاعى جانە ۇلتتىڭ ءۇمىتى. جۇڭگو ۇرپاقتارعا كوڭىل ءبولۋ قىزمەت كوميتەتى قۇرىلعان 30 جىلدان بەرى، اسىرەسە، پارتيا 18 - قۇرىلتايىنان بەرى، قالىڭ ساقا كادرلار، ساقا جاۋىنگەرلەر، ساقا ماماندار، ساقا وقىتۋشىلار، ساقا ەڭبەك ەرلەرى قاتارلى دەمالىسقا، زەينەتكەرلىككە شىققان ساقا جولداستاردى ىنتىماقتاستىرىپ، باستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاستار مەن ورەندەردىڭ اقاۋسىز ءوسىپ - جەتىلۋىن جەبەۋدە ماڭىزدى رول اتقاردى.

  شي جينپيڭ بىلاي دەپ باسا دارىپتەدى: ”بەس ءتۇرلى ساقا جولداستار“ پارتيا مەن مەملەكەتتىڭ باعالى بايلىعى، جاستار مەن ورەندەرگە يدەيالىق ساياسي قىزمەتتى كۇشەيتۋدىڭ ماڭىزدى كۇشى. ءار دارەجەلى پارتكومدار مەن ۇكىمەتتەر ۇرپاقتارعا كوڭىل ءبولۋ قىزمەتىنە باسشىلىقتى كۇشەيتىپ، اناعۇرلىم كوپ ساقا جولداستاردىڭ ۇرپاقتارعا كوڭىل ءبولۋ قىزمەتىنە قاتىناسۋىن قولداپ، ”بەس ءتۇرلى ساقا جولداستاردىڭ“ ۇرپاقتارعا كوڭىل ءبولۋدىڭ كەڭ ساحناسىندا ىسكەرلىك كورسەتىپ، ۇزدىكسىز شۋاق شاشىپ، مەيىر توگىپ، سوتسياليزم قۇرىلىسشىلارى مەن ءىزباسارلارىن باۋلۋعا جاڭا دا اناعۇرلىم زور ۇلەس قوسۋىنا مۇمكىندىك جاساۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان ماجىلىستە ءسوز سويلەپ بىلاي دەپ اتاپ كورسەتتى: ۇرپاقتارعا كوڭىل ءبولۋ قىزمەت كوميتەتى قۇرىلعان 30 جىلدان بەرى، جاستار مەن ورەندەردىڭ اقاۋسىز ءوسىپ - جەتىلۋىن جەبەۋدە ماڭىزدى رول اتقاردى. ءار دارەجەلى ۇرپاقتارعا كوڭىل ءبولۋ قىزمەت كوميتەتتەرى مەن ساقا جولداستاردىڭ باس شۋجي شي جينپيڭنىڭ ۇرپاقتارعا كوڭىل ءبولۋ قىزمەتى جونىندەگى ءبىر قىدىرۋ ماڭىزدى نۇسقاۋىن ىشكەرىلەي دايەكتىلەندىرىپ، ”بەس ءتۇرلى ساقا جولداستار“ رۋحىن ساۋلەلەندىرىپ، ساقا جولداستاردىڭ ارتىقشىلىقتارى مەن باسىمدىعىن ساۋلەلەندىرىپ، توڭكەرىستىك ءداستۇر تاربيەسىن ىشكەرىلەي ورىستەتىپ، مەكتەپتىڭ ءتالىم - تاربيە، وقىتۋ قيمىلدارىنا بەلسەندىلىكپەن قاتىناسىپ، جاستار مەن ورەندەردىڭ احىلاق، اقىل - وي، دەنە، ەستەتيكا، ەڭبەك جاعىنان جان - جاقتىلى دامۋىن جەبەۋدى ءۇمىت ەتەمىن. ءار دارەجەلى پارتكومدار مەن ۇكىمەتتەر ۇرپاقتارعا كوڭىل ءبولۋ قىزمەت كوميتەتىنىڭ قىزمەتىنە ءمان بەرىپ، ساقا جولداستاردىڭ ىزگى ىستەرى مەن اسقاق رۋحىن كەڭىنەن ۇگىتتەپ، ساقا جولداستاردىڭ ىسكەرلىك كورسەتىپ، شۋاق شاشىپ، مەيىر توگۋىن قولداۋ كەرەك.

  مەملەكەتتىك باس جۇمىسشى ۇيىمى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى، جۇڭگو عىلىم - تەحنيكا قوعامى قۇتتىقتاۋ ءسوزىن جولدادى.

  ءماجىلىس ۇرپاقتارعا كوڭىل ءبولۋ قىزمەت كوميتەتىنىڭ 30 جىلدان بەرى، اسىرەسە، پارتيا 18 - قۇرىلتايىنان بەرى قول جەتكىزگەن قىزمەت ناتيجەسىن جانە كەشىرمەلەرى مەن تۇسىنىكتەرىن قورىتىندىلادى، سونداي - اق كەلەسى قادامداعى قىزمەت جونىندە پىكىردى العا قويدى. جۇڭگو ۇرپاقتارعا كوڭىل ءبولۋ قىزمەت كوميتەتى، ورتالىق وركەنيەت كەڭسەسى بىرلەسىپ، بەيجيڭ قالاسى شيچىڭ رايونى ۇرپاقتارعا كوڭىل ءبولۋ قىزمەت كوميتەتى قاتارلى 593 وزات كوللەكتيۆ پەن 1907 وزات جەكەنى ماداقتاپ - سيلادى. ماداقتالىپ - سيلانعانداردىڭ ۋاكىلدەرى ماجىلىستە سوزگە شىقتى.

  ورتالىقتاعى مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار جانە ءارقايسى ولكە، رايون، قالالاردىڭ، شينجياڭ ءوندىرىس - قۇرىلىس بيڭتۋانىنىڭ ۇرپاقتارعا كوڭىل ءبولۋ قىزمەت كوميتەتتەرىنىڭ، وركەنيەت كەڭسەلەرىنىڭ، ورتالىقتاعى مەملەكەت ورگاندارىنىڭ قاتىستى تاراۋلارىنىڭ ۇرپاقتارعا كوڭىل ءبولۋ قىزمەت كوميتەتىنىڭ ۋاكىلدەرى بولىپ 300دەن استام ادام ماجىلىسكە قاتىناستى.

جاۋاپتى رەداكتور: نۇربولات قابىل