قاشقار ايماعى: فينانستىق قولداۋ كاسىپورىنداردىڭ قيىنشىلىعىن جەڭىلدەتتى

  قاشقار ايماعى: فينانستىق قولداۋ كاسىپورىنداردىڭ قيىنشىلىعىن جەڭىلدەتتى

  گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا

  11 - ايدىڭ 17 - كۇنى تۇستەن بۇرىن قاشقار جياڭنان اۋىل شارۋاشىلىق قوسىمشا ونىمدەرىن تولايىم ساتۋ بازارىندا ۇلكەن جۇك اۆتوموبيلىنە ۇن تيەلىپ، كونەءشار اۋدانىنىڭ اۋىل - قالاشىقتارىنا جەتكىزۋگە دايىندالۋدا. ”وسى رەت ىندەت تۋىلعاننان كەيىن ءبىز كونەءشار اۋدانىنىڭ اۋىل - قالاشىقتارىن ىلگەرىندى - كەيىندى 4000 توننادان استام كۇرىش، ۇن، ماي سياقتى تۇرمىستىق زاتتىق ماتەريالدارمەن قامدادىق، مۇندا بانكەنىڭ قارىزىنىڭ ارقاسىندا جەتكىلىكتى قارجىمەن تۇرمىستىق زاتتىق ماتەريالداردى ساتىپ الىپ، تاسىپ، بۇقارانىڭ نەگىزگى تۇرمىس قاجەتىن قامتاماسىز ەتتىك“، - دەدى قاشقار جياڭنان اۋىل شارۋاشىلىق قوسىمشا ونىمدەرىن تولايىم ساتۋ بازارى شەكتى سەرىكتەستىگىنىڭ باسالقاسى پىڭ يۇڭجيان.

  كونەءشار اۋدانىندا ىندەت تۋىلعاننان كەيىن، قاشقار ايماعى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ ءتۇرلى قىزمەتتەرىن ءبىر تۇتاس جوسپارلاپ، ويداعىداي ىستەپ، كاسىپورىنداردى قولداۋ تەبىنىن ارتتىرىپ، فينانس قۇرىلىمدارى ءتۇرلى شارالاردى شىعارىپ، كاسىپورىنداردىڭ قيىنشىلىعىن جەڭىلدەتتى.

  ”ءبىز توتەنشە جاعدايعا توتەپ بەرۋگە قارىز اقشا بەرۋ ارناسىن جانە جۇمىستى، ءوندىرىستى قالپىنا كەلتىرۋ جاسىل ارناسىن اشىپ، ىندەت كەزىندە كاسىپتىك قىزمەتكەرلەردىڭ بارلىعى قىزمەت ورنىندا بولىپ، جۇمىس ءبىتىرۋ بارىسىن قاراپايىمداستىرىپ، ماتەريالدارىن ارتىنان تولىقتاۋدى جولعا قويىپ، كاسىپورىنداردىڭ قارجى قاجەتىن دەر كەزىندە قاناعاتتاندىردىق“، - دەدى جۇڭگو اۋىل شارۋاشىلىعىن وركەندەتۋ بانكەسى قاشقار ايماقتىق بولىمشە بانكەسى پارتكومىنىڭ مۇشەسى، بانكەنىڭ ورىنباسار باستىعى سۇڭ پينيۇي.

  سۇڭ پينيۇيدىڭ تانىستىرۋىنشا، بيىل ىندەت تۋىلعاننان بەرى جۇڭگو اۋىل شارۋاشىلىعىن وركەندەتۋ بانكەسى قاشقار ايماقتىق بولىمشە بانكەسى ىندەت توتەنشە جاعدايىنا توتەپ بەرۋ قارىز اقشاسىنان جيىنى 523 ميلليون يۋان تاراتىپ، ىندەتتەن ساقتانۋ زاتتىق ماتەريالدارىن وندىرۋگە، قامداۋعا بار كۇشپەن قولداۋ كورسەتىپ، ”استىق“، ”كوكونىس“ سياقتى ماڭىزدى اۋىل شارۋاشىلىق ونىمدەرى بازارىن قامداۋدى قامتاماسىز ەتكەن؛ جۇمىستى، ءوندىرىستى قالپىنا كەلتىرۋگە جيىنى 3 ميلليارد 52 ميلليون يۋان قارىز اقشا سالىپ، 64 كاسىپورىنعا قولداۋ كورسەتىپ، بۇل نەگىزدىك قۇرىلعىلار، مال باعىمشىلىعى، اۋىل شارۋاشىلىق قوسىمشا ونىمدەرىن زاپاس ساقتاۋ، زات اينالىمى، جەتكىزۋ سياقتى كاسىپ سالالارىن قامتىعان؛ جيىنى 734 ميلليون يۋان بازارعا اماناتتاپ ساتىپ الۋ قارىز اقشاسىن بەكىتىپ، 7 كاسىپورىنعا 534 ميلليون يۋان قارىز اقشا تاراتىپ، كاسىپورىنداردىڭ 90 مىڭ توننادان استام ءتۇرلى جەمىس - جيدەك ساتىپ الۋىنا قولداۋ كورسەتكەن.

  بيىل 7 - ايدا قاشقار جياڭنان اۋىل شارۋاشىلىق قوسىمشا ونىمدەرىن تولايىم ساتۋ بازارى شينجياڭ كۇنلۇن جەر ارقىلى كەدەيلەردى سۇيەمەلدەۋ، وركەندەتۋ جارنا شەكتى سەرىكتەستىگىمەن سەلبەسىپ، جۇڭگو اۋىل شارۋاشىلىعىن وركەندەتۋ بانكەسى قاشقار ايماقتىق بولىمشە بانكەسىنەن 30 ميلليون يۋان تومەن ءوسىمدى قارىز اقشا ءوتىنىش ەتتى ءارى بەكىتىلدى. وسى قارجى بولعاندىقتان، وسى جولعى ىندەت كەزىندە وسى بازار ەڭ الدىمەن كوپ مولشەردە كۇرىش، ۇن، ماي، ەت، جۇمىرتقا قاتارلى تۇرمىستىق زاتتىق ماتەريالداردى ساتىپ الدى، تاسىمالدادى، سونىمەن بىرگە كوكونىس، جەمىس - جيدەك سياقتى اۋىل شارۋاشىلىق قوسىمشا ونىمدەرىنەن 800 نەشە توننا ساتىپ الىپ، اۋىل شارۋاشىلىق قوسىمشا ونىمدەرىنىڭ ساتىلماي قالۋ قيىن ماسەلەسىن شەشتى. ”كەلەسى قادامدا ءبىز كوپ مولشەردە شىلان ساتىپ الۋدى جوسپارلاپ، شارۋالار ەككەن اۋىل شارۋاشىلىق ونىمدەرىن دەر كەزىندە ساتۋعا شىنايى كەپىلدىك ەتۋگە دايىندالىپ جاتىرمىز“، - دەدى پىڭ يۇڭجيان.

  بانكە قارىزىنىڭ كومەگىندە كونەءشار اۋدانىنداعى شينجياڭ مياۋرىن مەديتسينالىق ەمدەۋ بۇيىمدارى شەكتى سەرىكتەستىگى جەدەل دامىدى. وسى سەرىكتەستىك بيىل 2 - ايدا قۇرىلعان، 3 - ايدا رەسمي ءوندىرىس باستادى ءارى بانكەنىڭ 10 ميلليون يۋان ءوسىمى قازىنادان تولەنەتىن قارىز اقشاسىنا يە بولدى. سەرىكتەستىك وسى قارىز اقشانى ءوندىرىس قۇرىلعىلارىن ساتىپ الۋعا، قىزمەتكەر قابىلداۋعا پايدالانىپ، ءوندىرىس كولەمى ۇزدىكسىز ۇلعايىپ، وندىرگەن ونىمدەرى العاش قۇرىلعان كەزدەگى مەديتسينالىق ماسكى وندىرۋدەن قازىرگى ۆيرۋستان ۇلگى الۋ تۇتىكشەسى، قورعانۋ كيىمى، اۋاشالاۋ كيىمى، اۋاشالاۋ اياق كيىم قاپتاۋىشى قاتارلىلارعا كوبەيىپ، ءتۇرى ۇزدىكسىز مولايۋدا.

  ”بانكە قارىز اقشاسى بەينە دەر كەزىندە جاۋعان جاۋىنداي سەرىكتەستىكتىڭ دامىپ كۇشەيۋىنە قولداۋ كورسەتىپ، ءتىپتى دە كوپ ادامدى جۇمىستاندىرۋعا تۇرتكى بولدى“. شينجياڭ مياۋرىن مەديتسينالىق ەمدەۋ بۇيىمدارى شەكتى سەرىكتەستىگى ساتۋ ءبولىمىنىڭ باس باقىلاۋشىسى رىن ۋيجين تانىستىرىپ بىلاي دەدى: ءوسىمى قازىنادان تولەنەتىن قارىز اقشا ءتۇرىنىڭ وزىنەن سەرىكتەستىك جىلىنا 150 مىڭ يۋان شاماسىندا قاراجات ۇنەمدەپ قالادى. قازىر سەرىكتەستىكتە 100 نەشە قىزمەتكەر بار، وسى رەتكى ىندەت كەزىندە بارلىق قىزمەتكەر جۇمىس ورنىندا بولىپ، ۇستەمەلەپ ىستەپ ءوندىرىس جۇرگىزىپ، قورعانۋ زاتتىق ماتەريالدارىمەن قامداۋدى قامتاماسىز ەتتى.

  ”ىندەتتىڭ ىقپالىن ويلاستىرۋ نەگىزىندە، ءبىز قاجەت ەتكەن كاسىپورىندارعا قارىز اقشانىڭ مەرزىمىن ۇزارتۋ جانە كەشىكتىرۋ جۇمىسىن ءبىتىرىپ، جالعاستى قارىز بەرۋ قىزمەتىن ۇزدىكسىز ويداعىداي ىستەپ، قارىز اقشانى الدىن الا قايتارىپ الماي، قارىز اقشا بەرۋدى توقتاتپاي، ءىس جۇزىندىك ارەكەتىمىز ارقىلى كاسىپورىنداردىڭ ىندەت الا كەلگەن قىسىمىن جەڭىلدەتۋگە كومەكتەسىپ، كاسىپورىنداردىڭ قالىپتى ءوندىرىس جۇرگىزۋىن قامتاماسىز ەتتىك“، - دەدى سۇڭ پينيۇي.

جاۋاپتى رەداكتور: نۇربولات قابىل
  • 1
  • 2
  • 3
  • 4