11 مىڭنان استام وتباسى كونە شاعىن اۋماقتاردى وزگەرتۋدەن يگىلىكتەندى

  اقسۋ قالاسى:

  11 مىڭنان استام وتباسى كونە شاعىن اۋماقتاردى وزگەرتۋدەن يگىلىكتەندى

  11 - ايدىڭ 13 - كۇنى اقسۋ قالاسى جاڭا بازار ءمالىسى جاڭا بازار الەۋمەتتىك اۋماعى شياڭحىلي شاعىن اۋماعىندا بالالار وزگەرتىپ سالىنعاننان كەيىنگى الەۋمەتتىك ورىندا اسىر سالىپ ويناپ ءجۇر. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن

  گازەتىمىزدىڭ جالپىلىق اقپارات قۇرالدارى تىلشىلەرى جيڭ بو، جوۋ پىڭ، جاۋ چاڭفۋ 11 - ايدىڭ 17 - كۇنى اقسۋدان حابارلايدى. 11 - ايدىڭ 12 - كۇنى تاڭەرتەڭ اقسۋ ايماعى جاڭا بازار ءمالىسى جاڭا بازار الەۋمەتتىك اۋماعى شياڭحىلي شاعىن اۋماعىنىڭ تۇرعىنى ۋاڭ حىشىڭنىڭ ەسىگىن اشقاندا ىستىق لەپ بەتكە ۇردى. ”شاعىن اۋماق وزگەرتىپ سالىنعاننان كەيىن، ءۇيىمىزدىڭ تەمپەراتۋراسى ℃25قا تۇراقتادى، قىستا كەيدە ءۇيدىڭ تەرەزەسىن اشىپ قويامىز“، - دەدى شاعىن اۋماقتى وزگەرتىپ سالۋدان كەيىنگى ءۇيدىڭ جىلىنعانىن تىلگە العان ۋاڭ حىشىڭ ءدان ريزا بولىپ.

  بيىل اقسۋ قالاسى كونە شاعىن اۋماقتاردىڭ دەڭگەيىن جوعارىلاتىپ وزگەرتىپ سالعاننان كەيىن، بۇكىل قالاداعى 11 مىڭنان استام وتباسىنداعى تۇرعىننىڭ تۇرمىسى قولايلىلانىپ، ءجۇرىس - تۇرىسى جايلىلانىپ، قونىس ورتاسى جاقسارىپ، ولار پارتيا مەن ۇكىمەتتىڭ قامقورلىعى مەن مەيىرىن شىن مانىندە سەزىندى.

       ءۇي جىلىنىپ، ادامدار توڭبايتىن بولدى؛ جول قاتتىلانىپ، جۇرۋگە جاقسى بولدى؛ جول شىراقتارى جانىپ، حاۋىپسىز بولدى؛ قوقسىق تۇرگە ايىرىلىپ، ورتا تازاردى. تۇرعىن باي گۋاڭچياڭ: ”قازىر شياڭحىليدا تۇرۋدى تىلگە العاندا ءبىزدى ماقتانىش سەزىمى كەرنەيتىن بولدى“، - دەدى.

  شياڭحىلي شاعىن اۋماعى اقسۋ قالاسى 140 ميلليون يۋاننان استام قارجى سالىپ تۇڭعىش توپتا وزگەرتىپ سالعان كونە شاعىن اۋماقتاردىڭ ءبىرى. تۇڭعىش توپتا كونە شاعىن اۋماقتاردى وزگەرتىپ سالۋدا 41 شاعىن اۋماق 4 شاعىن اۋماق ەتىپ بىرىكتىرىلدى، شياڭحىلي شاعىن اۋماعىنا 10 شاعىن اۋماق بىرىكتىرىلدى. كونە شاعىن اۋماقتاردى وزگەرتىپ سالۋ حالىق تۇرمىسى ينجەنەرياسى ءارى حالىق تىلەگى ينجەنەرياسى. وزگەرتىپ سالۋ بارىسىندا اقسۋ قالاسى ۇكىمەت جەتەكشى ەتۋگە، بۇقارا ات سالىسۋعا تاباندى بولىپ، تۇرعىندار زاكاز ءتۇسىرۋ، ۇكىمەت زاكاز اقىسىن تولەۋ ۇلگىسىن قولدانىپ، تۇرعىنداردىڭ پىكىرىن تولىق تىڭداپ، بۇقارانى قاتىناستىردى. اسىلىندە، شياڭحىلي شاعىن اۋماعىنداعى كوپ ساندى قابات ۇيلەر 30 جىلدىق بوران - شاشىندى باستان كەشىرىپ، قۇرىلعىسى كونەرۋ، توبەلەرىنەن سۋ ءوتۋ، قۇبىر جولدارى بىتەلۋ، قۇبىر جۇيەسى كونەرۋ، جولى بۇزىلۋ، بەلگىلەمەگە قايشى قۇرىلىس سالۋ سياقتى ماسەلەلەر توتەنشە كورنەكتى ەدى. تۇرعىندار ماسەلەگە باعىتتاپ تۇسىرگەن تاپسىرىستاردى اقسۋ قالالىق ۇكىمەت قابىلداعاننان كەيىن، 39 ميلليون 600 مىڭ يۋاننان استام قارجى سالىپ، تۇرعىندار وزدەرى 5 ميلليون 400 مىڭ يۋان قارجى جيناپ وزگەرتىپ سالۋ جۇرگىزدى. قىسقا عانا بىرنەشە ايدا شاعىن اۋماق شىت جاڭا تۇرگە ەندى.

  اقسۋ قالالىق قوسىننان شەگىنگەن اسكەريلەر ىستەرى مەكەمەسىنىڭ جاڭا بازار الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ساۋ جينحۋا بىلاي دەدى: تۇرعىنداردىڭ وزىنە قارجى قۇراتۋ ولاردىڭ سۋبيەكتيۆ بەلسەندىلىگىن اناعۇرلىم جاقسى ساۋلەلەندىرىپ، شاعىن اۋماقتىڭ ءار جاقتاعى قىزمەتتەرىنە قاتىناستىرىپ، بىرگە جونگە سالۋ، بىرگە قۇرۋ، بىرگە يگىلىكتەنۋى ءۇشىن.

  13 - عيمارات 1 - كورپۋس 401 - ۇيدەگى تۇرعىن باھارگۇل ابىلەمەتتىڭ كۇيەۋى بيىل 3 - ايدا جىعىلىپ جارالانىپ، ءجۇرىپ - تۇرۋى قولايسىز بولعاندىقتان، شاعىن اۋماقتان كوشىپ شىعىپ، سىرتتان ليفتى بار ءۇيدى جالعا الىپ تۇردى. 9 - ايدىڭ اياعىندا ول كۇيەۋىن ەرتىپ ۇيىنە كەلىپ كورگەننەن كەيىن ەندى كەتپەۋگە بەكىندى.

  ”بيىل ەكى رەت كوزىمە جاس الدىم. الدىڭعىسىندا كۇيەۋىم بالنيتساعا جاتقاندا ەمدەۋ اقىسى ەمدەۋ قامسىزداندىرۋىمەن كوتەرىلىپ، ءوزىم ماندىمدى اقشا جۇمساماعان كەزدە؛ وسى رەتكىسى شاعىن اۋماقتىڭ زور وزگەرىسىن كورگەندە! قاراشى، شاعىن اۋماقتىڭ ورتاسى قانداي تاماشا، بۇكىل قابات ۇيگە ليفت ورناتىلدى، قولايلى دا جايلى، مۇنداي قونىس ورتاسىن كىم ۇناتپاسىن؟ مەن پارتيانىڭ جاقسى ساياساتىنا شىن جۇرەكتەن العىس ايتامىن“، - دەدى باھارگۇل تەبىرەنە.

  كونە شاعىن اۋماقتار وزگەرتىپ سالىنىپ، حالىق تىلەگى، حالىق اۋانى ۇيىستى. اقسۋ قالالىق تۇرعىن ءۇي جانە قالا، اۋىل قۇرىلىسى مەكەمەسىنىڭ ورىنباسار باستىعى ليۋ حۋان بىلاي دەدى: بۇقارانىڭ بارەكەلدى ايتۋى بىزگە قىزمەت قوزعاۋشى كۇشىن ۇستەدى. بۇكىل قالانىڭ 2 - توپتاعى كونە شاعىن اۋماقتاردى وزگەرتىپ سالۋ قىزمەتى باستالدى، كەلەر جىلى 6 - ايدا تۇگەلدەي ورىندالادى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە، حالىقتىڭ تۇرمىس ساپاسىن جاقسارتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرۋ كەرەك دەپ اتاپ كورسەتىلدى.  ”ءبىز جالپى ءماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، ناقتى ىستەرگە كۇش سالىپ، قيىن ماسەلەلەردى شەشىپ، حالىق بۇقاراسىنىڭ تۇرمىسىنىڭ اناعۇرلىم قولايلى، اناعۇرلىم جايلى، اناعۇرلىم تاماشا بولۋىنا مۇمكىندىك جاسايمىز“، - دەدى ساۋ جينحۋا.

جاۋاپتى رەداكتور: نۇربولات قابىل