شەكارا بويىنداعى قىستاقتىڭ تۇرمىسى شالقىدى

  شەكارا بويىنداعى قىستاقتىڭ تۇرمىسى شالقىدى

  گازەتىمىزدىڭ جالپىلىق اقپارات قۇرالدارى ءتىلشىسى جاڭ رۇيلين، ەرىكتى ءتىلشى شۇي ليانفىڭ

  اقشي اۋدانى قارابۇلاق اۋىلى اقۇڭگىر قىستاعىنىڭ تۇرعىنى تۇردىگۇل سۇلەيمەن قىستاقتاعى شارۋاشىلىق قۇرۋ بازاسىندا ءبىر كيىم - كەشەك دۇكەنىن اشتى، قازىر ايلىق كىرىسى نەشە مىڭ يۋانعا جەتىپ، تۇرمىسى ءماندى دە ءساندى ءوتىپ جاتىر.

  ”قىستاقتا قازىر قولى بوس ادام جوق. پارتيانىڭ ابزال ساياساتىنىڭ ارقاسىندا شارۋاشىلىق قۇرىپ، كىرىستى ارتتىرۋ تۇعىرى كوبەيە ءتۇسىپ، كوپشىلىك قوس قولدارىنا سۇيەنىپ اناعۇرلىم كوركەم تۇرمىسقا جەتۋدى ويلايتىن بولدى“، - دەدى 11 - ايدىڭ 11 - كۇنى تۇردىگۇل سۇلەيمەن جۇزىنە كۇلكى ءۇيىرىلىپ.

  اقۇڭگىر قىستاعى شەكارا بويىنداعى قىستاق، بۇرىن قاتىناسى قولايسىز، ينفورماتسياسى توماعا - تۇيىق، بۇل ارادا قونىستانعان قىستاق تۇرعىندارى سىرتقى دۇنيەدەن مۇلدەم حابارسىز كۇيدە كوشپەندى تۇرمىس كەشىرەتىن. ال قازىر بۇل ارانىڭ نەگىزدىك قۇرىلعىلار قۇرىلىسى كۇن سايىن كەمەلدەنىپ، قىستاقتىڭ بەت - بەينەسى مەن قىستاق تۇرعىندارىنىڭ رۋحاني بەت - بەينەسى مۇلدەم جاڭاردى.

  جاڭا تۇرمىستى باستادى

  قىستاق تۇرعىنى اجى اكشي بەيقۇت ۇيگە كوشىپ كىرگەننەن كەيىن تۇرمىسى كوڭىلدى وتە باستادى. كەرپىش - بەتون قۇرىلىمدى جاڭا ءۇيى تاپ - تازا ءارى جارىق، ءۇي جيھازدارى، ءۇي ەلەكتر جابدىقتارى تولىقتانعان ءۇي ءىشى ەرەكشە جايناپ تۇر، ءۇيىنىڭ الدى - ارتىنا ەگىلگەن گۇل - شوپتەر شاعىن اۋلانى ءتىپتى دە كورىكتەندىرە ءتۇسىپتى.

  بىرنەشە جىلدان بەرى قىستاقتا بەيقۇت ءۇي سالىپ، حالىقتى بايىتۋ شاعىن اۋماعىنان بەسەۋى ارت - ارتىنان سالىنىپ، شەكاراداعى كوشپەندى حالىق بۇكىلدەي وتىرىقتاندى. ”قۇبىر سۋىن ىشتىك، ەلەكتردەن پايدالانۋدان الاڭدامايتىن بولدىق، قىستا پار دا بار“. اجى اكشي تەبىرەنىپ: ”ءجۇرىس - تۇرىسىمىزدا ەڭ كوپ وزگەرىس تۋىلدى، بۇرىن قىستاقتا ءجوندى جول دا جوق بولاتىن، اۋىلداعى بازارعا ءبىر بارىپ - قايتۋ ءۇشىن 7 − 8 ساعات ۋاقىت كەتەدى، كۇن اشىق كۇندەرى ءۇستى - باسىمىزدى شاڭ قاۋىپ، جاڭبىرلى كۇندەرى اياعىمىز بالشىق بولىپ قايتاتىنبىز“، - دەدى.

  2018 - جىلدىڭ سوڭىندا بۇكىل قىستاقتى تۇتاستىراتىن نەگىزگى جول Z660 جەلىسىندە اۆتوكولىك قاتىناپ، 69 كيلومەتر قىستاق دارەجەلى اسفالت جول، 21 كيلومەترلىك قىستاق جولى قىستاق تۇرعىندارىنىڭ بايۋ جولىن ىركىلىسسىزدەندىردى. قىستاق جولدارىن سالۋمەن بىرگە جولداردى جارىقتاندىرۋ ينجەنەرياسىن اتقارىپ، كۇن ەنەرگيالى جول شىراعىنان 100ىن ورناتىپ، ەگىنشى - مالشىلاردىڭ ءجۇرىس - تۇرىسىنا قولايلىلىق جاسادى.

  كونە بەت - بەينەسى مۇلدەم جاڭارعان اقۇڭگىر قىستاعىنىڭ ومىرشەڭدىك كۇشى قاۋلاي ءتۇستى. قىستاق دارەجەلى ساۋدا كوشەسى مەن 400 شارشى مەترلىك شاعىن بازار قىستاق دارەجەلى ساۋدا قىزمەت وتەۋ كاسىبىن گۇلدەندىرىپ قانا قويماي، قىستاق تۇرعىندارىنىڭ قالتاسىن دا قامپايتتى. دەنە شىنىقتىرۋ الاڭى، باسكەتبول الاڭى، كىتاپ ءۇيى، بيلياردحانا، ۇستەل دوپ زالى، بۇقارالىق ۇلكەن ساحنا قاتارلىلار ەگىنشى - مالشىلاردىڭ ۇيرەنەتىن، دەنە شىنىقتىراتىن، كوڭىل اشاتىن تاماشا ورنىنا اينالدى.

  جاڭا ءۇمىتتى تۋىنداتتى

  اقۇڭگىر قىستاعى تاۋلى وڭىرگە، ءۇستىرت - سۋىق وڭىرگە ورنالاسقان، ءداستۇرلى كوشپەندى مالشىلىق قىستاعى. ۇزاق ۋاقىتتان بەرى جەرگىلىكتى مالشىلار تابيعي جايلىمعا شەكتەن تىس يەك سۇيەپ، جايلىمعا ارتىقشا مال باققاندىقتان، جەم - ءشوپ پەن مال قايشىلىعى كورنەكتىلەنە ءتۇستى.

  ”قىستاۋلىقتىڭ ءشوبى جىل سايىن سيرەگەندىكتەن، مالدىڭ قىستىق جەم - ءشوبى ازايىپ، ءار جىلى قىستا سۇرلەنگەن جەم - ءشوپ ساتىپ الۋعا 6000 يۋان اقشا جۇمسايتىنبىز“، - دەدى قىستاق تۇرعىنى مامەتتۇردى قۋاق ەسكە الىپ.

  2018 - جىلدىڭ باسىندا اقشي اۋداندىق ۇكىمەت كەڭسەسىنىڭ اقۇڭگىر قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ورمان - ءشوپ ماماندارىن تەكسەرۋ - زەرتتەۋ جۇرگىزۋگە ۇسىنىس ەتتى ءارى قىستاقتاعى پارتيالى كادرلاردى باستاپ الدىمەن ارەكەتكە كىرىسىپ، قىستاقتاعى بوس تۇرعان 18 مۋ جەردى جىرتىپ، تەگىستەپ، تىڭايتقىش بەرىپ، مامانداردىڭ جەتەكشىلىگىندە قياق جانە ارپانى سىناق رەتىندە ەگىپ، ءتۇسىمى ايتارلىقتاي بولدى.

  بۇل ناتيجەنى كورگەن ەگىنشى - مالشىلار ارت - ارتىنان جاساندى جولمەن ءشوپ ەگۋ نىسانىنا كىرىستى، قۇبا تۇزدەن، قىستاق تۇرعىندار كوميتەتىنىڭ ماڭىنداعى بوس جاتقان جەرلەردەن، ەگىنشى - مالشىلاردىڭ ءۇيىنىڭ الدى - ارتىنان جايقالىپ تۇرعان قياقتى كورۋگە بولادى. 2020 - جىلى بۇكىل قىستاق جيىنى 1600 نەشە مۋ جەرگە جاساندى جولمەن ءشوپ ەكتى، بۇكىل قىستاقتاعى 8000نان استام سيىر - قوي سياقتى مالدى قورادا جەممەن باعۋ قاجەتىن قاناعاتتاندىردى.

  اقشي اۋداندىق ۇكىمەت كەڭسەسىنىڭ اقۇڭگىر قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لي گۋاڭ تانىستىرىپ بىلاي دەدى: باياندى دامۋ قابىلەتىن جوعارىلاتۋ ءۇشىن، قىستاق ەگىستىكتەن ورماندى، جايلىمدى قالپىنا كەلتىرۋ، ەكولوگياعا تولەم بەرۋ جانە ەكولوگيانى قورعاۋ ينجەنەرياسى قارجىسىنان تولىق پايدالانىپ، ەڭبەك قۋاتىنا يە كەدەيلەردى ورمان قورعاۋشى، جايلىم باسقارۋشى، قورعاۋشى سياقتىلارعا قابىلداپ، 100 ادامدى ورنىقتى جۇمىستاندىردى.

  تىڭ بولاشاق اشتى

  قىستاق تۇرعىنى كامال احمات ءار كۇنى تاڭەرتەڭ وتباسىنداعىلارمەن بىرگە شاعىن اۋلاسىن جيىستىرىپ رەتتەيدى، بۇل وتباسىنداعىلاردىڭ ادەتىنە اينالعان.

  سوڭعى جىلدارى اقۇڭگىر قىستاعى ”كورىكتى اۋلا“، ”ەڭ بەرەكەلى وتباسىن“ قۇرۋ قيمىلىن ورىستەتىپ، اۋىل - قىستاقتىڭ ورتاسىن تۇتاستاي رەتتەپ - وڭاپ، كورىكتى اۋىل - قىستاق قۇرۋدى جەدەلدەتتى.

  قىستاقتىڭ بەت - بەينەسىن جاقسارتۋدى، اۋىل - قىستاق ورتاسىن كەمەلدەندىرۋدى وراي ەتىپ، قىستاقتا تۇراتىن قىزمەت اترەتى ءۇستىرت ەكولوگياسىن سەزىنۋ ساياحاتىن دامىتۋدى قاراستىردى. بىلتىر 6 - ايدىڭ باسىندا قىستاقتا تۇڭعىش قىرعىز مالشىلار شاتتىعى ساياجايى اشىلىپ قوناق قابىلدادى، مالشىلار شاتتىعى ساياجايىنىڭ جاۋاپتىسى جۇمامودىن جۇمالىنىڭ اسپازدىق ونەرى كوپتەگەن ساياحاتشىلاردى باۋراپ، تيجارات باستاعاننان بەرى تابىسى كورنەكتى بولدى.

  ”قىستاقتىڭ ورتاسى جاقساردى، توڭىرەكتەن ساياحاتتاپ كەلەتىندەر بارعان سايىن كوبەيدى. مالشىلار شاتتىعى ساياجايىنان كىرەتىن كىرىس سيىر، قوي باققاننان الدەقايدا ارتىق ەكەن“، - دەدى جۇمامودىننىڭ ايەلى تۇردىگۇل جۇماقادىر.

  اقۇڭگىر قىستاعىنا قاراستى وڭىردە قارلى تاۋ، وزەن اڭعارى، تاۋ شالعىنى سياقتى ءبىرتالاي ءۇستىرت كورىنىستەرى بولىپ قانا قويماي، ءتورت ماۋسىم بويى اعىپ جاتاتىن جىلىسۋ اراسانى بار. وسى ابزال بايلىق قاينارىنا مەڭزەس، قىستاق تارىم وزەنى قاينارى كورىنىسى ساياحاتى، كوشپەندىلەر مادەنيەتىن سەزىنۋ ساياحاتى سياقتى ساياحات جەلىلەرىن جولعا قويىپ، ”ءۇستىرت كوركى + ۇلتتىق ءدامدى تاعامدار + قىرعىز ۇلتى مادەنيەتى + تۇسەلحانا، تىنىعۋ“ اۋىل - قىستاق ساياحاتىن دامىتتى. بيىل قىستاققا كەلىپ ساياحاتتاعاندار سانى 2200 ادام - رەتتەن اسىپ، ەگىنشى - مالشىلار ساياحاتقا سۇيەنىپ 500 مىڭ يۋاننان استام كىرىس كىرگىزدى.

  ”ءبىز اۋىل - قىستاق ساياحات ورتاسىن ساپالىلاندىرۋمەن بىرگە، اۋىل - قىستاق ساياحاتىن ۇزدىكسىز دامىتىپ، كوركەيتىپ، قىستاق تۇرعىندارىنىڭ كىرىسىن ۇزدىكسىز ورنىقتى ارتتىرۋىنا كومەكتەسەمىز“، - دەدى لي گۋاڭ.

جاۋاپتى رەداكتور: نۇربولات قابىل
  • 1
  • 2
  • 3
  • 4