مال شارۋاشىلىعىنىڭ قالىپتى ءوندىرىسىن بار كۇشپەن قامتاماسىز ەتتى

قاشقار ايماعى:

مال شارۋاشىلىعىنىڭ قالىپتى ءوندىرىسىن بار كۇشپەن قامتاماسىز ەتتى

  11 - ايدىڭ 12 - كۇنى قىزمەتكەرلەر كونەءشار اۋدانى يانسۇڭشان ەگىن، مال شارۋاشىلىعى ونىمدەرى شارۋالار كاسىپتىك كووپەراتيۆىندە سۇرلەمدى كولىككە تيەپ باسۋدا.

□ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى وتكىر نيجات تۇسىرگەن

□ گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا

  11 - ايدىڭ 12 - كۇنى تۇستەن بۇرىن كونەءشار اۋدانى يانسۇڭشان ەگىن، مال شارۋاشىلىعى ونىمدەرى شارۋالار كاسىپتىك كووپەراتيۆىندە قوداس، قوي قورادان شىعىپ، كۇنگە شۋاقتادى. زارارسىزداندىرۋعا جاۋاپتى توحتىباع ۇرايىم قورعانۋ - ساقتانۋ كيىمىن كيىپ، بۇركۋ جابدىعىن ارقالاپ، جولعا، قوراعا، ءتىپتى، ەسىكتىڭ تۇتقاسىنا دەيىن مۇقيات زارارسىزداندىرۋ جۇرگىزدى.

  ”سيىر مەن قويدىڭ جەم - ءشوبى بار، ءار كۇنى ىندەتتەن ساقتانۋعا ارنايى ادام كەلىپ جەتەكشىلىك ەتەدى، بىزدە الاڭدايتىن ەشتەڭە جوق“، - دەدى كووپەراتيۆتىڭ جاۋاپتىسى ءالي وبۇل.

  كونەءشار اۋدانىندا ىندەت تۋىلعاننان كەيىن، قاشقار ايماعى كوپ ءتۇرلى شارالاردى اتقارىپ، جەم - ءشوپ زاپاس قورىن ويداعىداي ازىرلەپ، مال شارۋاشىلىعىنا تەحنيكالىق قىزمەت وتەۋ اترەتىن قۇرىپ، شارۋا وتباسىلارىنىڭ حايۋاناتتار ىندەتىنەن ساقتانۋ، باعىمشىلىق الاڭدارىن (وتباسىلارىن) زارارسىزداندىرۋ سياقتى تەحنيكالىق قىزمەتتەردى ويداعىداي وتەپ، ىندەتتىڭ مال شارۋاشىلىعىنا جاساعان ىقپالىن ەڭ تومەنگى شەككە ءتۇسىرىپ، ىندەت كەزىندەگى مال شارۋاشىلىعى ءوندىرىسىنىڭ حاۋىپسىزدىگىن قامتاماسىز ەتتى.

  كونەءشار اۋدانى يانسۇڭشان ەگىن، مال شارۋاشىلىعى ونىمدەرى شارۋالار كاسىپتىك كووپەراتيۆى كونەءشار اۋدانى تاشىمىلىق اۋىلى اسەكە قىستاعىنا ورنالاسقان، جەر اۋدانى 1200 شارشى مەتر، قازىر 200 قوداس، 600 قوي بار، مۇنىڭ ءبىر ءبولىمىن قىستاقتاعى 38 وتباسى اماناتتاپ باققىزىپ وتىر. ءاليدىڭ تىلشىگە ايتۋىنشا: ىندەت تۋىلعاننان كەيىن، كووپەراتيۆتىڭ زاپاس سۇرلەمى جەتكىلىكتى بولسا دا، ءبىراق باسقا جەم - شوپتەن تارىعىپتى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ جاعدايدى بىلگەننەن كەيىن، دەرەۋ سايكەستىرۋ جاساپ 7 توننا شىجىق جانە كەبەك تاسىپ اكەلىپ، ونى ۋايىمنان ارىلتىپتى.

  ءاليدى ءتىپتى دە الاڭسىز ەتكەنى، ىندەت كەزىندە قىستاقتىڭ حايۋانات ىندەتىنەن ساقتانۋ قىزمەتكەرى روزى امەت ءار كۇنى كووپەراتيۆكە كەلىپ، ءاربىر قورانى مۇقيات تەكسەرىپ، زارارسىزداندىرۋ قىزمەتىن باقىلاپ، قوداس پەن قويدىڭ دەنساۋلىعىن تەكسەرىپ، تەحنيكالىق جاقتان جەتەكشىلىك ەتىپ قىزمەت وتەۋى بولدى. ”ءبىز باعىمشىلىق وتباسىلارىنان ءتۇرلى ىندەتتەن ساقتانۋ شارالارىن مۇقيات تياناقتاندىرۋدى تالاپ ەتىپ، قوي، سيىرلاردى باعۋدىڭ تۇتاس بارىسىنىڭ حاۋىپسىز بولۋىنا كەپىلدىك ەتتىك“، - دەدى روزى.

  ”بۇگىن جيىنى 2000عا تارتا تاۋىق جۇمىرتقاسىن ساتتىم، وسى ءبىر مەزگىلدە وتباسىمىز 20 نەشە مىڭ يۋاننىڭ جۇمىرتقاسىن ساتتى، بۇل قىزمەت اترەتى مەن قىستاق ’ەكى كوميتەتىنىڭ‘ كومەگىنىڭ ارقاسى“، - دەدى تاشىمىلىق اۋىلى عىلدىرلاڭ قىستاعىنداعى جاسىل قابىرشاقتى جۇمىرتقا تاباتىن تاۋىق باعىمشىلىعىمەن شۇعىلدانۋشى قۇربان مامەت قۋانا.

  قۇربان وتباسى جاسىل قابىرشاقتى جۇمىرتقا تاباتىن 4000 تاۋىق باققان بولاتىن، ىندەت تۋىلعاننان كەيىن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ ونىڭ ۇيىنە بارىپ قاجەتى مەن قيىنشىلىعىن ۇعىسىپ، ۆاكسينا قويۋ، جۇمىرتقا ساتۋ سياقتى قيىن ماسەلەلەردى سايكەستىرىپ شەشۋگە كومەكتەسەدى. اۋىلدىق مال شارۋاشىلىق پۋنكتىنىڭ ىندەتتەن ساقتانۋ قىزمەتكەرلەرى ۇيىنە 2 رەتتە 8000 تال ۆاكسينا جەتكىزىپ بەرەدى ءارى ۆاكسينا قويۋعا كومەكتەسەدى؛ تاۋىق جۇمىرتقاسىن ىندەتتەن ساقتانۋ قىزمەتكەرلەرى ۇيگە كەلىپ تەكسەرىپ كارانتيندەگەننەن كەيىن اۋىلدىق قامداۋ ساۋدا كووپەراتيۆى ۇيگە كەلىپ ساتىپ الادى.

  تاشىمىلىق اۋىلدىق پارتكومنىڭ ورىنباسار شۋجيى ۋاڭ زىيىڭ بىلاي دەپ تانىستىردى: ىندەتتەن ساقتانۋ - تىزگىندەۋ كەزىندە اۋىل مال شارۋاشىلىق پۋنكتىنە، قىستاق دارەجەلى ىندەتتەن ساقتانۋ قىزمەتكەرلەرىنە، ت. ب سۇيەنىپ، 50 نەشە ادامنان قۇرالعان 18 مال شارۋاشىلىعى تەحنيكالىق قىزمەت وتەۋ اترەتىن قۇرىپ، شارۋالاردىڭ باعىمشىلىعىنا تەحنيكالىق جاقتان جەتەكشىلىك ەتۋ مەن قىزمەت وتەۋدى كۇشەيتتى؛ قىستاق تۇرعىندارىنىڭ مال، ءۇي قۇستارى ونىمدەرىنىڭ الۋعا تيىستىلەرىن تۇگەل الدى، سونىمەن بىرگە، تاسىمال، تيجارات، ساقتاۋ سياقتى اينالىم بۋىندارىن باقىلاۋ - باسقارۋدى كۇشەيتىپ، ساپا حاۋىپسىزدىگىنە شىنايى كەپىلدىك ەتتى.

  ساناققا قاراعاندا، 11 - ايدىڭ 8 - كۇنىنە دەيىن قاشقار ايماعىنىڭ قامباداعى ەت قورى 10 مىڭ توننا، 88 كولەمدەنگەن جۇمىرتقالايتىن تاۋىق فەرماسىنىڭ (وتباسى) كۇندىك جۇمىرتقا ءونىمى مولشەرمەن 114 توننا، قولدا بار ساۋىن سيىر 185 مىڭ، كۇندىك ءسۇت ءونىمى 186 توننا بولىپ، بۇكىل ايماقتاعى ءار ۇلت بۇقاراسىنىڭ ەت، جۇمىرتقا، ءسۇت سياقتى زاتتىق ماتەريال قاجەتىن قاناعاتتاندىرا الادى ەكەن.

جاۋاپتى رەداكتور: 热依扎·海米提