شينجياڭنىڭ قىسقى ساياحاتتى ارناۋلى تانىستىرۋ ءماجىلىسى ي - ۋدا تۇڭعىش رەت وتكىزىلدى

  گازەتىمىزدىڭ جالپىلىق اقپارات قۇرالدارى ءتىلشىسى تاڭ كاندۇڭ 11 - ايدىڭ 9 - كۇنى ي - ۋدان حابارلايدى. 11 - ايدىڭ 8 - كۇنى مادەنيەت جانە ساياحات مينيسترلىگى، جۇڭگو ساۋدانى جەبەۋ قوعامى، جىجياڭ ولكەلىك ۇكىمەت بىرگە باسقارىپ وتكىزگەن 15 - كەزەكتى جۇڭگو ي - ۋ مادەنيەت جانە ساياحات ونىمدەرى ساۋداسى كورمەسى جىجياڭ ي - ۋ حالىقارالىق كورمە ورتالىعىندا باستالدى. شينجياڭنىڭ ەرەكشە كۇزگى، قىسقى ساياحات بايلىعى، مول ساياحات لەنياسى، سونداي - اق ەرەكشە ازىق - تۇلىكتەرى، مادەنيەت جاسامپازدىق ونىمدەرى كورمەدە ەرەكشە كەرەمەتىن ايگىلەپ، جۇرت نازارىن بىردەن اۋداردى.

  كورمەدە ”شينجياڭ جاقسى جەر“ 2020 شينجياڭ قىسقى ساياحاتتى (ي - ۋ) ارناۋلى تانىستىرۋ ءماجىلىسى بىرگە وتكىزىلدى، بۇل تاقىرىپتىق تانىستىرۋ، ساۋدالاۋ قيمىلىنىڭ ”تۇڭعىش رەت وتكىزىلۋى“ سانالادى. ىلە قازاق اۆتونوميالى وبلىسى، ءۇرىمجى قالاسى سياقتى 6 ايماق، وبلىس، قالا بۇكىل ەلىمىزدەگى ساياحاتشىلارعا شينجياڭنىڭ قىسقى ساياحات بايلىقتارىن جانە لەنيالارىن تانىستىردى، تيىمدىلىك جاساۋ، سيلاۋ ساياساتتارىن جاريالادى. اقسۋ ايماعى مەن بيڭتۋان 1 - شىسى ارال قالاسى تۇڭعىش رەت بىرلەسىپ ۇيىرمە قۇراپ، كورمەگە قاتىناستى، كورمەنىڭ كىرەر اۋىزىنداعى ءبىرىنشى كورمە اۋماعىنان ”مەن جىجياڭدى، شينجياڭدى سۇيەمىن، بولاشاقتى بىرگە جاراتايىق“ نەگىزگى تاقىرىپتىق كورمە سارايىن دەن قويا قۇردى، ول جۇڭگولىق، شەتەلدىك قوناقتاردىڭ، ساۋداگەرلەردىڭ ايالدايتىن ”ينتەرنەت جۇلدىزى“ ءسوزسىز باراتىن جەرىنە اينالدى.

  تانىستىرۋ ماجىلىسىندە شينجياڭنىڭ ءارقايسى ايماق، وبلىس، قالالارىنىڭ ءبارى جەلىلەس ساياحات لەنيالارىن جانە تيىمدىلىك جاساۋ، سيلاۋ شارالارىن العا قويدى. ىلە قازاق اۆتونوميالى وبلىسى وبلىسقا توتە قاراستى A دارەجەلىدەن جوعارى كورىنىس وڭىرلەرىنىڭ بۇكىل ەلدەگى ساياحاتشىلاردان ەسىك بەلەت الماۋ، شينجياڭنىڭ سىرتىنان كەلەتىن ساياحاتشىلارعا ساياحات قاتىناس قوسىمشا قاراجاتىن بەرۋ، ساياحات كووپەراتيۆتەرى اكەلگەن قوناقتارعا قاراي قاتارعا ءتىزىپ سيلاۋ سىندى 3 ۇلكەن سيلىقتى ۇسىندى. التاي ايماعى قار قالاسى التاي . ۇلپا قار ساپارى 3 كۇندىك ساياحاتى، قار قالاسى التاي . تابيعي قار ساپارى 4 كۇندىك ساياحاتى، قار قالاسى التاي . قىسقى ءوز كولىگىمەن ساياحاتتاۋ 6 كۇندىك ساياحاتى، قىسقى قار تاماشالاۋ، شاڭعى تەبۋ 7 كۇندىك ساياحاتى، قىسقى ۇلتتىق عۇرىپ - ادەتتى، مادەنيەتتى ءتۇيسىنۋ 10 كۇندىك ساياحاتى سىندى 5 ءتۇرلى قىسقى سارا لەنيانى، سونداي - اق بۇكىل ايماقتاعى تيجارات جۇرگىزەتىن A دارەجەلى كورىنىس وڭىرلەرىنىڭ بارىنەن ەسىك بەلەت الماۋ، ۇشاق جالداۋ، ورنىن ۇيلەستىرۋ سيلىعى، ارناۋلى پويەز سيلىعى، ءوز كولىگىمەن ءجۇرۋ سيلىعى، قار - مۇز قىسقى لاگەر سيلىعى قوسىمشا قاراجاتى، قوناق ءۇي اس - سۋ ەرەكشە ونىمدەرى تيىمدىلىك جاساۋ بەلەتى، شاڭعى تەبۋ الاڭدارىندا تيىمدىلىك جاساۋ، اكەلگەن قوناقتارىنا قاراي قاتارعا ءتىزىپ سيلاۋ سياقتى تيىمدىلىك جاساۋ، سيلاۋ ساياساتتارىن العا قويدى. سانجى حۇيزۋ اۆتونوميالى وبلىسى تۇرلىشە نىسانا بازارلارىنىڭ سۇرانىسىنا قاراي، ”سۋىق پەن ىستىقتى بىردەي سەزىنۋ ساپارى“ 3 كۇندىك ساياحاتى جانە ”كوركەم تيانشانداعى سەيىل - سەرۋەن ساپارى“ 5 كۇندىك ساياحاتى لەنياسى ونىمدەرىن العا قويدى، سونىمەن بىرگە قارلى تاۋ، جايلاۋ، سازدىق، ءشول دالا سياقتى كورىنىس بايلىقتارىن وزەك ەتكەن شينجياڭداعى ەڭ كوركەم اينالمالى ”تيانشاندى اينالىپ ساياحاتتاۋ . شينجياڭنىڭ جالپى كورىنىسى“ 7 كۇندىك ساياحات لەنياسىن العا قويدى. قۇمىل قالاسى ”ۇلكەن تەڭىز جولىندا قۇپيالىقتى ىزدەۋ 2 كۇندىك ساياحاتى“ ەرەكشە لەنياسى مەن ”قار - مۇز سالتاناتى 2 كۇندىك ساياحاتى“ لەنياسىن العا قويدى.

  تانىستىرۋ ماجىلىسىندە جۇڭگو جاستار ساياحاتى شينجياڭ حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگى سياقتى شينجياڭ ساياحات كاسىپورىندارى جەكە - جەكە جەرگىلىكتى ساياحات كاسىپورىندارىمەن ستراتەگيالىق سەلبەستىك كەلىسىمىن جاساستى.

  ساياحات ارقىلى شينجياڭدى گۇلدەندىرۋ ستراتەگياسىن اتقارۋدى جەدەلدەتۋ، شينجياڭنىڭ قىسقى ساياحات بازارىنىڭ گۇلدەنۋىن ىلگەرىلەتۋ ءۇشىن، ي - ۋ تانىستىرۋ ماجىلىسىنەن كەيىن، اۆتونوميالى رايوندىق مادەنيەت جانە ساياحات مەڭگەرمەسى بۇكىل شينجياڭداعى ءارقايسى ايماق، وبلىس، قالالارداعى مادەنيەت جانە ساياحات تاراۋلارىن، تىرەكتى ساياحات كاسىپورىندارىن حاڭجوۋعا، نانجيڭگە، بەيجيڭگە، چىڭدۋعا، شاڭحايعا، شىنجىنعا، گۋاڭجوۋعا بارىپ، قىسقى ساياحاتتى ۇگىتتەۋ، ساۋدالاۋ، تانىستىرۋ قيمىلدارىن ورىستەتۋگە جالعاستى ۇيىمداستىرادى.

جاۋاپتى رەداكتور: 热依扎·海米提