”مالشىلاردىڭ“ جاڭاشا تۇرمىسى

قارامايلى قالاسى شياۋگۋاي قىستاعى:

”مالشىلاردىڭ“ جاڭاشا تۇرمىسى

گازەتىمىزدىڭ جالپىلىق اقپارات قۇرالدارى ءتىلشىسى گى يوۋجۇن، قارامايلى تىلشىلەر پۋنكتىنەن گاۋ يۇيفەي

  جاتتىق تا تازا اسفالت جول، ادەمى بەيقۇت ءۇي، ەرەكشەلىگى ايقىن حالىقتىق تۇسەلحانا، قىستاقتىڭ شىت جاڭا بەينەسى 62 جاستاعى قىستاق تۇرعىنى ماقسۇتقان. جاۋ لاۋچيدى ەرەكشە ماقتانىشقا بولەيدى: ”ورتامىز مۇنداي كوركەم، قالتامىز قامپيدى، جاڭاشا اۋىل - قىستاقتىڭ قانداي ەكەنىن كورمەك بولساڭ، وندا شياۋگۋاي قىستاعىنا كەل“.

  قارامايلى قالاسى قارامايلى رايونى شياۋگۋاي اۋىلى شياۋگۋاي قىستاعى قازاق مالشىلارى شوعىرلى قونىستانعان قىستاق، جاقىنعى جىلداردان بەرى اۋىل - قىستاقتى گۇلدەندىرۋ ستراتەگياسىن اتقارۋ، ەرەكشە شارۋاشىلىقتى دامىتۋ ارقىلى قىستاقتىڭ كونە بەت - بەينەسى شىت جاڭا تۇسكە ەنىپ، بۇرىنعى ”مالشىلار“ باقىتتى تۇرمىسقا شومدى.

قىستاقتىڭ بەت - بەينەسى بەينە سۋرەتتەي كورىكتەندى

  ”قاراشى، بۇلاردى ۇكىمەت ءبىر تۇتاس سالعان، 100 نەشە شارشى مەترلىك ۇيلەردىڭ ىشكى قۇرىلعىلارى قالاداعى عيماراتتاعى ۇيلەردەن قالىسپايدى“. شياۋگۋاي قىستاعىندا سەيىلدەپ جۇرگەن ماقسۇتقان ءبىر - بىرلەگەن كوركەم بەيقۇت ۇيلەردى تانىستىردى.

  بۇرىن قىستاق تۇرعىندارى تام ۇيلەردە تۇراتىن، جۇرەتىن جولدارى كوڭ - قوقىر مەن قوقىر - قوقسىق تولعان توپىراق جول بولاتىن. قىستاق تۇرعىندارى ءۇيىنىڭ الدى - ارتىنا مال باعۋدى ادەتكە اينالدىرعاندىقتان قىستاق ورتاسىنىڭ تازالىعى ءبىرشاما ناشار ەدى.

  ىلگەرىرەكتە، قىستاقتا بەيقۇت ءۇي سالىپ حالىقتى اۋقاتتاندىرۋ ينجەنەرياسى اتقارىلىپ، ماقسۇتقان مەن قىستاق تۇرعىندارى كونە ۇيدەن كوشىپ شىعىپ، تازا دا جارىق بەيقۇت ۇيگە كىرگەن. ءۇي ءىشىنىڭ وسىزاماندانعان تۇرمىستىق قۇرىلعىلارى تولىق، سونداي - اق ادام مەن مالدى ءبولۋدى جۇزەگە اسىرعان.

  مۇنىمەن عانا قويماي، قىستاق جولدارى قاتتىلاندىرىلدى، اۋىز سۋ تىكە ىشۋگە بولاتىن قۇبىر سۋىنا اينالدى، سونىمەن بىرگە قوقىر - قوقسىق ساندىعى ورناتىلىپ، اپتا سايىن ورتا تازالىعى اۆتوموبيلى قوقىر - قوقسىقتى تازالاپ تاسىمالداپ اكەتەتىن بولدى.

  2018 - جىلدان بەرى قىستاق سەنترىندەگى 30 مۋلىق اق جەرگە تاس الما اعاشىن، الما اعاشىن ەگىپ، تاس الما كوشەسى، الما كوشەسى سىندى ەكى كورىنىس كوشە جولىن قالىپتاستىردى، قىستاقتىڭ باتىسى مەن سولتۇستىگىنە بوراننان قورعانۋ ورمانىن ەكتى. قىستاقتاعى نەگىزگى كوشە جولدارىندا ىلگەرىندى - كەيىندى شام - شىراقپەن جارىقتاندىرۋ، جاقسارتۋ، دارەجەسىن كوتەرۋ ينجەنەرياسى جۇرگىزىلىپ، قىستاق الۋان رەڭدى شىراقتار سامسىعان ”تۇنسىز قالاعا“ اينالدى.

  قىستاق تۇرعىندارىن ءتىپتى دە قۋانتقانى، 2019 - جىلى شياۋگۋاي قىستاعىنىڭ ”جۇڭگوداعى كورىكتى، سەيىل - سەرۋەن اۋىل - قىستاق“ تىزىمىنە ءساتتى كىرگەنى بولدى.

  ”قىستاق بەينە گۇلباقشا سياقتى! بالامنىڭ قالا رايونىندا ءۇيى بار، ءبىراق مەن ءوزىمنىڭ ’ساياجايىمدا تۇرىپ‘، قارتايعاندا راقاتتى ءومىر كەشسەم دەيمىن“، - دەدى ماقسۇتقان.

كىرىستى كوپ نەگىزدە ارتتىرىپ، قىستاق تۇرعىندارىن بايىتتى

  ”مەن بيىل تەك اۋلا شارۋاشىلىعىن دامىتۋدان 7000 يۋاننان استام كىرىس كىرگىزدىم“، - دەدى 10 - ايدىڭ 25 - كۇنى 62 جاستاعى قىستاق تۇرعىنى ساۋ ليفۋ قۋانىشپەن.

  ساۋ ليفۋ وتباسىنىڭ 2 مۋلىق اۋلاسىنىڭ 1.3 مۋىنا الما اعاشى، الحور اعاشى جانە قىزىل بۇرىش، پاميدور سياقتى كوكونىس ەگىلگەن.

  ”كوكونىس مايساسىن قىستاق پەن اۋىل تەگىن قامدايدى، سۋ دا تەگىن. كوكونىس، قاۋىن - قاربىز، جەمىس - جيدەك پىسقاندا قىستاق قالا رايونىنا اپارىپ ساتۋعا كومەكتەسەدى“، - دەدى ساۋ ليفۋ.

  قارامايلى قالاسى قارامايلى رايوندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنەن شياۋگۋاي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋاڭ رۇي بىلاي دەدى: وسى بىرنەشە جىلدان بەرى قىستاق ەگىنشى - مالشىلاردى بار كۇشپەن اۋلا ەگىمشىلىگى مەن باعىمشىلىعىن دامىتۋعا جەتەكتەدى جانە كومەكتەستى ءارى ءبىر تۇتاس ساتۋ جانە ساياحاتشىلاردىڭ اۋلادا ۇزۋدەن اسەر الۋىن بىرلەستىرۋ تاسىلىنەن پايدالانىپ، ەگىنشى - مالشىلاردىڭ اۋىل شارۋاشىلىق قوسىمشا ونىمدەرىن ساتۋىنا كومەكتەستى.

  ساۋ ليفۋ تاعى دا ءبىر حالىقتىق تۇسەلحانا اشىپ، بىلتىر 5000 يۋاننان استام اقشا تاپتى.

  2018 - جىلدان بەرى شياۋگۋاي قىستاعى ساياحات كاسىبىن دامىتىپ، 20دان استام ەرەكشە حالىقتىق تۇسەلحانا سالدى. سونىمەن بىرگە، ات ونەرى بازاسى، حوش ءيىستى وسىمدىكتەر باقشاسى، جۇلدىز تاماشالاۋ ءۇيى سياقتى ”ينتەرنەتتە جۇلدىز بولعان“ ءسوزسىز باراتىن كورىنىس تۇيىندەرىن قۇرىپ، ءبىلىم ىزدەۋ، ات ونەرىنە جاتتىعۋ سياقتى نىسانداردى اشىپ، اۋىل - قىستاق ساياحاتىنىڭ ومىرشەڭدىگىن ونان ارى قاۋلاتتى.

  ”جەردى كوتەرمەگە بەرۋ اقىسى، اۋلا شارۋاشىلىعى، حالىقتىق تۇسەلحانا كىرىسىنە ءتۇرلى قوسىمشا قاراجاتتار مەن جىل اياعىنداعى قىستاقتىڭ كوللەكتيۆ تابىس ءبولىسى قوسىلعاندا، ءبىز ەكەۋىمىزدىڭ ءبىر جىلدىق كىرىسىمىز از بولعاندا 70 مىڭ يۋان بولادى، تۇرمىسىمىز وتە جاقسى!“، - دەدى ساۋ ليفۋ.

  مۇنداي كىرىس دەڭگەيى شياۋگۋاي قىستاعىندا توتەنشە كوپ كەزدەسەدى. ۋاڭ رۇي بىلتىر شياۋگۋاي قىستاعىنىڭ جان باسىندىق تازا كىرىسىنىڭ 28 مىڭ 500 يۋانعا جەتىپ، تۇتاس شينجياڭدا اعالاپ العا شىققاندىعىن تانىستىردى.

وركەنيەتتى جاڭا سالت كوڭىلدەردى نارلەندىردى

  10 - ايدىڭ 22 - كۇنى ساعات 20 مولشەرىندە، كەشكى اسىن ءىشىپ بولعاننان كەيىن قىستاق تۇرعىنى ىسقاق جەتپىس اتىن جەتەلەپ قىستاقتاعى ات بايگە الاڭىنا كەلدى. ءار كۇنى اتقا ءمىنىپ ات بايگە الاڭىنداعى قۇمايت جولمەن بىرنەشە اينالا شابۋ وعان ەرەكشە راقات اكەلەدى. ول: ”بۇرىن بايگە سالماق بولسا، تۇزدەن بوس جەر ىزدەۋشى ەدىك. قازىر ءوزىڭ قاراشى، مىناۋ قۇم شاعىل توسەلگەن جولمەن شابا جونەلۋ مۇلدەم باسقاشا“، - دەدى.

  بىلتىر 10 - ايدىڭ باسىندا شياۋگۋاي قىستاعى اينالمالى جابىق جارىس جولى بار كاسىپتىك بايگە الاڭىن سالدى، قولى بوس كەزدەردە بايگە الاڭىنا بارىپ جاتتىعۋ ىسقاقتىڭ تۇرمىسىنىڭ ءبىر بولىمىنە اينالعان.

  ۋاڭ رۇي بىلاي دەدى: بۇل كۇندەرى ءتىپتى دە كوپ قىستاق تۇرعىندارى رۋحاني مادەنيەت تۇرمىسىنا كوڭىل بولە باستادى. شياۋگۋاي قىستاعىندا ىلگەرىندى - كەيىندى ات بايگە الاڭى، باسكەتبول الاڭى، دەنە شىنىقتىرۋ ءۇيى، سونداي - اق سەيىل - سەرۋەن الاڭى سياقتىلار سالىندى. تاعى دا قىستاق تۇرعىندارى مادەنيەت ءۇيى، دومبىرا مادەنيەت الاڭى كەڭەيتىلىپ سالىندى. تۇنىقتىق دارەجەسى جوعارى بۇكىلدەي رەڭدى LED ەكران، كاسىپتىك ساحنا شىراقتارى مەن دىبىس ۇلعايتقىش سياقتىلار ورناتىلىپ، ەرەكشەلىگى ايقىن ”اۋىل - قىستاق ۇلكەن ساحناسى“ جاسالدى.

  مادەنيەت شەبى سالىندى. قىستاقتا قىستاق تۇرعىندارى 5 مادەنيەت اترەتىن ۇيىمداستىرىپ، ءتۇرلى قيمىلداردى جاندى دا جالىندى وتكىزدى. كوكتەم مەرەكەسى، دۋان - ۋ مەرەكەسى، مەملەكەت مەرەكەسى سياقتى مەرەكەلەردە ءتۇرلى ەرەكشەلىكتەگى قيمىلدار ءتىپتى دە كەم بولمايدى.

  ”بۇرىن مەن اراق ىشۋگە، قارتا ويناۋعا قۇمار بولاتىنمىن، قازىر اتقا ءمىنۋدى، كونسەرت تاماشالاۋدى ۇناتامىن؛ ايەلىم بۇرىن ۇيدەن شىقپاۋشى ەدى، قازىر قىستاقتىڭ ادەبيەت - كوركەمونەر تىرەكتىسىنە اينالدى؛ قىزىم جەلدىرمەنى جاقسى وينايدى، ونىڭ كونسەرتى قىستاقتاعى ادەبيەت - كوركەمونەر قيمىلدارىنىڭ ىشىندەگى ەڭ تارتىمدى ءنومىر. قازىر تۇرمىسىمىز اسا ءماندى وتۋدە“، - دەدى ىسقاق ماقتانىشپەن.

  ”باي مازمۇندى، الۋان ءتۇرلى، بەلسەندى العاباسار مادەنيەت قيمىلدارى قىستاق تۇرعىندارىنىڭ رۋحاني بەت - بەينەسىن بارىنشا وزگەرتتى جانە جوعارىلاتتى، قىستاق تۇرعىندارىنىڭ كىرىستەرىن ارتتىرىپ، بايىپ دوڭگەلەك داۋلەتكە ۇمتىلۋ كۇش - قۋاتى اناعۇرلىم نىعايا ءتۇستى“، - دەدى ۋاڭ رۇي.

جاۋاپتى رەداكتور: 热依扎·海米提
  • 1
  • 2
  • 3
  • 4