شينحۋا اگەنتتىگىنىڭ ماڭىزدى ماقالاسى جوبانىڭ «ۇسىنىسى» جازىلعان 200 كۇننىڭ سىرىن اشتى

  

  شينحۋا اگەنتتىگىنىڭ 11 - ايدىڭ 4 - كۇنى بەيجيڭنەن بەرگەن حابارى. بولاشاقتاعى 5 جىلدا، 15 جىلدا جۇڭگو قالاي بولماق؟

  بولاشاققا بەت العان وسىناۋ دامۋدىڭ جاڭا كارتيناسى دۇنيەنىڭ الدىندا جايىپ سالىنعان كەزدە، ءبىز شەكارا سىرتىنداعى كوپتەگەن اقپارات قۇرالدارىنان مىناداي ۇندەر ەستىدىك:

  ”جۇڭگونىڭ ’14 - بەسجىلدىق‘ جوباسى كۇللى دۇنيە جۇزىنە ىقپال جاسايدى“، ”بەسىنشى جالپى ءماجىلىس جۇڭگونىڭ وزىنە سەنىمىن، ءوزىن كۇشەيتۋ تالپىنىسىن كورسەتتى“، ”جۇڭگو ’قوس اينالىممەن‘ تىعىز بايلانىستىرىپ جاڭا ارتۋ ۇيەگىن قالىپتاستىردى“...

  جۇڭگونىڭ ”14 - بەسجىلدىعى“ مەن 2035 - جىلعا دەيىنگى جاڭا ورنالاستىرۋى نە ءۇشىن الەم نازارىن وزىنە اۋدارىپ وتىر؟ بۇل ۇلى جوسپار قالاي جاسالدى؟ بولاشاقتاعى دامۋدىڭ قانداي تىڭ بەتالىسىن اڭداتادى؟

  شينحۋا اگەنتتىگى 11 - ايدىڭ 4 - كۇنى ماڭىزدى ماقالا «تاريحي توعىس تۇيىنىندەگى ۇلى جوسپار − <جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىنىڭ> جارىققا شىعۋى تۋرالى ەستەلىكتى» جاريالاپ، جۇرتقا بەيمالىم كوپتەگەن دەتالدارمەن جانە حيكايالارمەن جۇڭگونىڭ بولاشاعىنا ساياتىن وسىناۋ باعدارلامالىق حۇجاتتىڭ جارىق كورۋ بارىسىنىڭ سىرىن اشتى، ونىڭ استارىنداعى ينفورماتسيالار تەرەڭ مانگە يە.

  − دۇنيە جۇزىنە نە بولدى؟ جۇڭگو قايدا بەتتەيدى؟ «جارىققا شىعۋى تۋرالى ەستەلىك» باس شۋجي شي جينپيڭنىڭ جۇڭگونىڭ بولاشاعى مەن تاعدىرى تۋرالى ستراتەگيالىق تولعانىستارىن جان - جاقتى كورسەتتى، ونىڭ ىشىندەگى ءبىرتالاي سوزدەر العاش رەت جاريالانىپ وتىر.

  ”14 - بەسجىلدىق“ جۇڭگو ءۇشىن قانداي مانگە يە؟

  ءدال وسى ساتتەگى جۇڭگو جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىنە ءوتتى، الايدا دامۋ بۇرىن بولماعان كۇردەلى ورتاعا تاپ بولدى.

  ”دامۋ ورتاسىندا تەرەڭ وزگەرىستەر تۋىلعان جاعدايدا، پارتيا ءىشى - سىرتىنداعىلار، ەل ءىشى - سىرتىنداعىلار تۇگەلدەي بىزگە قاراپ وتىر. بەسىنشى جالپى ءماجىلىس تاريحتىڭ شەشۋشى ساتىندە مەملەكەتتىڭ دامۋ بەتالىسىنا ستراتەگيالىق جاقتان جەتەكشىلىك جاساۋى كەرەك“، - دەدى باس شۋجي شي جينپيڭ سوزىندە اسقاق، پارمەندى ۇنمەن.

  «جارىققا شىعۋى تۋرالى ەستەلىكتىڭ» تولىق ءماتىنىنىڭ ءون بويىنا باس شۋجيدىڭ سوتسياليستىك وسىزاماندانعان مەملەكەت قۇرىپ شىعۋ تۋرالى تەرەڭ تولعانىستارى مەن ستراتەگيالىق تۇجىرىمدامالارى سىڭگەن، ول قوعامنىڭ ءار سالاسىنىڭ ”14 - بەسجىلدىق“ جوبا جونىندەگى ۇسىنىستى جان - جاقتى، تولىق، ءدال ءتۇسىنۋى ءۇشىن اسا زور پايدالانۋ قۇنىنا يە.

  − ۇلتتىڭ گۇلدەنۋىنە، بولاشاعى مەن تاعدىرىنا ساياتىن وسى ءبىر ماڭىزدى حۇجات قالاي جارىق كوردى؟ ونى جازۋعا كىمدەر قاتىستى؟ ورتادا ”نەلەر قوسىلىپ، نەلەر الىندى؟“. «جارىققا شىعۋى تۋرالى ەستەلىك» بىزگە مىنە وسىلاردىڭ بەت پەردەسىن ءبىر - بىردەن اشىپ بەردى.

  3 - ايداعى ىندەتكە قارسى اتتانۋدىڭ شەشۋشى مەزگىلىندە ورتالىق كوميتەت ساياسي بيۋروسىنىڭ تۇراقتى كوميتەتى، ورتالىق كوميتەتتىڭ ساياسي بيۋروسى ىلگەرىندى - كەيىندى ءماجىلىس اشىپ، حۇجات جازۋ گرۋپپاسىن قۇرۋدى ۇيعاردى، باس شۋجي شي جينپيڭ ءوزى گرۋپپا باستىعى بولدى؛ 4 - ايدىڭ 13 - كۇنى جانە 6 - ايدىڭ 17 - كۇنى باس شۋجي حۇجات جازۋ گرۋپپاسىنىڭ 1 - رەتكى جانە 2 - رەتكى جالپى ءماجىلىسىن جەكە - جەكە باسقارىپ اشتى؛ 7 - ايدان 9 - ايعا دەيىن باس شۋجي ۇدايى 7 رەت ارناۋلى تاقىرىپتاعى اڭگىمە ماجىلىستەردى باسقارىپ اشتى... وسىناۋ ۋاقىت كەستەسى باس شۋجيدىڭ حۇجات جازۋ گرۋپپاسىن باستاپ وتكىزگەن 200 تاۋلىككە جۋىق قىزمەت بارىسىن ەگجەي - تەگجەيلى كوز الدىمىزعا اكەلدى.

  جوعارى دەڭگەيلى جوبالاۋدى كۇشەيتۋ مەن حالىقتان اقىل - كەڭەس الۋعا تاباندى بولۋدى بىرلەستىرۋ جوبا ۇسىنىسىنىڭ ايقىن ەرەكشەلىگى بولدى.

  «جارىققا شىعۋى تۋرالى ەستەلىكتە» مىناداي دەتالدار بار: ۇسىنىس نۇسقاسى جالپى ءماجىلىستىڭ تالقىلاۋىنا تاپسىرىلۋدىڭ الدىندا، تەك ورتالىق كوميتەت ساياسي بيۋروسىنىڭ تۇراقتى كوميتەتىنىڭ ءوزى 3 رەت، ورتالىق كوميتەت ساياسي بيۋروسى ءماجىلىسى 2 رەت قاراپ شىقتى. پارتيا ىشىندە پىكىر الۋ بارىسىندا 300دەن استام جەرىنە وزگەرىس ەنگىزىلدى. 19 - كەزەكتى ورتالىق كوميتەتتىڭ بەسىنشى جالپى ءماجىلىسى اشىلۋ بارىسىندا، ماجىلىسكە قاتىناسقان ۋاكىلدەردىڭ پىكىرىن قابىلداپ، 30دان استام جەرىنە وزگەرىس ەنگىزدى. سوڭىندا جالپى ماجىلىستە داۋىسقا سالىنىپ ماقۇلدانعان ۇسىنىستىڭ تولىق ءماتىنىنىڭ ءاربىر ءارىبىن مارجانداي ەكشەلىپ، ابدەن سارالاعان دەۋگە بولادى.

  ايرىقشا اتاپ وتۋگە ءتيىستىسى، «جارىققا شىعۋى تۋرالى ەستەلىكتە» ينتەرنەت قولدانۋشىلاردىڭ ۇسىنىستارىن حۇجات جازۋ گرۋپپاسى قالاي قابىلداعاندىعى جانە حۇجاتقا قالاي رەسمي جازعانى تۋرالى شاعىن حيكايا جاريالاندى، وقىعان ادامعا جالىندى، جاندى، تاماشا اسەر بەرەدى. كوپشىلىككە مىنانى دا ايتا كەتەيىك: ”يۇنفان“ ەسىمدى ينتەرنەت قولدانۋشى ورتاعا قويعان ”ءوزارا كومەكتەسەتىن زەينەتكەرلىك“ تۋرالى ۇسىنىس قابىلدانىپتى. شينحۋا اگەنتتىگىنىڭ ءتىلشىسى وسى ينتەرنەت قولدانۋشىمەن حابارلاسقان ءارى ونىمەن سۇحباتتاسقان قاتىستى بەينە ەكران باعدارلاماسى دا اسىعا كۇتۋگە تاتيدى.

  − جوبا ۇسىنىسىنىڭ تولىق ءماتىنى 20 مىڭ ارىپتەي، ونىڭ تامىر - جۇلگەسىن قالاي وقىپ تۇسىنۋگە بولادى؟ «جارىققا شىعۋى تۋرالى ەستەلىك» بۇل جاعىندا دا بىزگە جەتەكشىلىك ۇسىندى.

  جاڭا دامۋ كەزەڭىن جەتە تانۋ، جاڭا دامۋ ۇستانىمىن جالپى بەتتىك دايەكتىلەندىرۋ، جاڭا دامۋ ارناسىن كۇش سالا قالىپتاستىرۋ − مىنە وسى 3 ”جاڭا“ ۇسىنىس جوباسىنىڭ تولىق ءماتىنىنىڭ لوگيكالىق ارقاۋىن قۇراپ، باس شۋجي شي جينپيڭنىڭ جۇڭگونىڭ بولاشاق دامۋى تۋرالى تەرەڭ تولعانىسىن ايگىلەگەن.

  جوبا ۇسىنىسىندا بولىكتىك - تارماقتىق قۇرىلىم قولدانىلىپ، 3 ۇلكەن بولىككە، 15 بولىمگە، 60 تارماققا ءبولىندى، ونداعى تارماق بايان بولىمىندە ”14 - بەسجىلدىق“ مەزگىلدەگى ەكونوميكالىق، قوعامدىق دامۋدىڭ جانە رەفورما جاساۋدىڭ، ەسىك اشۋدىڭ 12 جاقتاعى ءتۇيىندى مىندەتتەرى باياندالعان كەزدە، لوگيكالىق جەلىسىندە جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى 5 ۇلكەن جاڭا دامۋ ۇستانىمىنىڭ بولىكتىك رەتى جاسىرىلىپ جاتتى.

  ”جاڭالىق اشۋدىڭ ەلىمىزدىڭ وسىزاماندانۋ قۇرىلىسىنىڭ جالپى جاعدايىنداعى وزەكتى ورنىنا تاباندى بولۋ“ ايقىن ورتاعا قويىلدى؛

  ”جالپى حالىقتىڭ بىرگە بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ“ 2035 - جىلعا دەيىنگى بولاشاقتىق نىسانا رەتىندە العاش رەت ورتاعا قويىلدى؛

  ”ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ“ جونىندە جۇيەلى ورنالاستىرۋ جاسالدى؛

  ...

  «جارىققا شىعۋى تۋرالى ەستەلىك» جوبا ۇسىنىسىنداعى ەلەۋلى ايتىلىمداردى، ەلەۋلى جارقىن تۇيىندەردى رەتتەپ شىقتى، ول جوبا ۇسىنىسىن وقىپ ءتۇسىنۋدىڭ كىلتى بولىپ تابىلادى.

جاۋاپتى رەداكتور: نۇربولات قابىل