وقۋشىلارعا قارجىلاي كومەكتەسۋ ساياسات جۇيەسى ۇزدىكسىز كەمەلدەندى

 

 گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا 10 - ايدىڭ 22 - كۇنى ۇرىمجىدەن حابارلايدى. ”13 - بەسجىلدىقتان“ بەرى رايونىمىز مەكتەپكە دەيىنگى تاربيەدەن اسپيرانت تاربيەسىنە دەيىنگى وقۋشىلارعا كومەك بەرۋ ساياساتى جۇيەسىن ورناتىپ، اقاۋسىزداندىرىپ، بىردە - ءبىر وقۋشىنىڭ وتباسى ەكونوميكالىق قيىنشىلىعى سەبەپتى وقۋدان قول ۇزبەۋىنە شىنايى كەپىلدىك ەتتى.

  اۆتونوميالى رايون تۇتاس رايوننىڭ اۋىل - قىستاقتارىنداعى (اۋدان قالاشىعىن قامتيدى) مەكتەپكە دەيىنگى بالالاردىڭ 3 جىلدىق بالاباقشاعا كىرۋى بويىنشا جىلىنا ءار وقۋشىعا ورتا سەپپەن 2800 يۋان قاراجات بەرىپ قامتاماسىزداندىردى؛ مىندەتتى وقۋ - اعارتۋ ساتىسىندا ”ەكىنى كەشىرىم ەتۋ، ءبىردى تولىقتاۋ“ ساياساتىن اتقارىپ، مىندەتتى وقۋ - اعارتۋ ساتىسىنداعى وقۋ قوسالقى قاراجاتى مەن وقۋلىق اقىسىن كەشىرىم ەتىپ، وتباسىندا قيىنشىلىعى بار جاتاقتا جاتىپ وقيتىن وقۋشىلارعا تۇرمىستىق كومەك قاراجات بەردى. 2019 - جىلعى كۇزگى وقۋ ماۋسىمىنان بەرى رايونىمىز تاعى ارحيۆ تۇرعىزىلىپ، كارتچكالاندىرىلعان وقۋشىلار، ارحيۆ تۇرعىزىلىپ، كارتچكالاندىرىلماعان وتباسىندا ەكونوميكالىق قيىنشىلىعى بار مۇگەدەك وقۋشىلار، اۋىل - قىستاقتارداعى ەڭ تومەنگى تۇرمىسى قامتاماسىز ەتىلەتىن وتباسىنداعى وقۋشىلار، اۋىل - قىستاقتارداعى ەرەكشە قيىنشىلىعى بار، قۇتقارۋ - كومەكتەسۋ بويىنشا قارالىپ وتىرعان وقۋشىلار سىندى 4 ءتۇرلى وتباسىندا قيىنشىلىعى بار جاتاقتا جاتپايتىن وقۋشىلاردى تۇرمىستىق كومەك قاراجات بەرۋ كولەمىنە ەنگىزدى؛ تولىق ورتا ساتىسىندا، ”ءۇشتى كەشىرىم ەتۋ، ءبىردى تولىقتاۋ“ ساياساتىن اتقارىپ، شارتقا ۇيلەسەتىن وتباسىندا ەكونوميكالىق قيىنشىلىعى بار وقۋشىلاردىڭ وقۋ قوسالقى قاراجاتىن، جاتاق اقىسىن، وقىتۋ ماتەريالدارى اقىسىن كەشىرىم ەتتى ءارى مەملەكەتتىڭ وقۋعا كومەك قاراجاتىن بەردى؛ جوعارى دارەجەلى وقۋ - اعارتۋ ساتىسىندا ”سيلاۋ، كومەكتەسۋ، قارىز اقشا بەرۋ، ىنتالاندىرۋ، تولىقتاما قاراجات بەرۋ، كەشىرىم ەتۋ“ سىندى كوپ جاقتى ءبىر تۇلعالاندىرعان قارجىلاي كومەكتەسۋ جۇيەسى ارقىلى وتباسىندا ەكونوميكالىق قيىنشىلىعى بار وقۋشىلاردىڭ مەكتەپكە ءساتتى ءتۇسۋىن ءارى وقۋىن ءساتتى اياقتاتۋىن قامتاماسىز ەتتى؛ اسپيرانت وقۋ - اعارتۋى ساتىسىندا مەملەكەتتىڭ جانە اۆتونوميالى رايوننىڭ وقۋ سيلىعى، وقۋعا كومەك قاراجاتىنان جانە اسپيرانتتىق وقۋ سيلىق قاراجاتىنان يگىلىكتەنۋىنە بولادى.

  ساناققا قاراعاندا، رايونىمىزدا وقۋشىلاردىڭ وقۋعا كومەكتەسۋ قاراجاتى 2016 - جىلعى 2 ميلليارد 790 ميلليون يۋاننان 2019 - جىلعى 7 ميلليارد 620 ميلليون يۋانعا كوبەيىپ، 2019 - جىلدىڭ وزىندە تيىمدىلىككە كەنەلگەن وقۋشى 4 ميلليون 800 مىڭ ادام - رەتتەن اسقان. مەملەكەت پەن اۆتونوميالى رايوننىڭ قارجىلاي كومەكتەسۋ ساياساتىنىڭ اتقارىلۋى وتباسىندا ەكونوميكالىق قيىنشىلىعى بار وقۋشىلارعا باعىتتاعان ”كومەكتەسۋگە تيىستىلەرىنە مۇمكىندىكتىڭ بارىنشا كومەكتەسۋىن“ جۇزەگە اسىرىپ، ولاردىڭ وتباسى ەكونوميكالىق قيىنشىلىعىن جەڭىلدەتىپ، ميلليونداعان كەدەي وقۋشىلاردىڭ ارمانىن نۇرلاندىرىپ، كەدەيلىكتىڭ ۇرپاقتان - ۇرپاققا جالعاسۋىن ءونىمدى تۇردە ءۇزدى.

جاۋاپتى رەداكتور: نۇربولات قابىل