جاڭا ساپاردى بەتكە الىپ ۇزدىكسىز ەرلىكپەن العا ۇمتىلايىق

جاڭا ساپاردى بەتكە الىپ ۇزدىكسىز ەرلىكپەن العا ۇمتىلايىق

− باس شۋجي شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى

□ گازەتىمىزدىڭ جالپىلىق اقپارات قۇرالدارى تىلشىلەرى

  باس شۋجي شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى رايونىمىزداعى قالىڭ كادرلار مەن بۇقارا اراسىندا قىزۋ اڭىس قوزعادى. كوپشىلىك ءبىر اۋىزدان: ۇلى وتانشىلدىق رۋحتى جانە توڭكەرىستىك قاھارماندىق رۋحتى ۇزدىكسىز ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن بەتكە الىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى بەتكە الىپ، ۇزدىكسىز ەرلىكپەن العا ۇمتىلاتىندىقتارىن ءبىلدىردى.

  شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى حاتۋ التىن كەنى پارتكومىنىڭ شۋجيى، ديرەكتورى دۋان ۋيدۇڭ مىنالاردى ءبىلدىردى: ۇلى جەڭىستى ەستە بەرىك ساقتاپ، ۇلى ىستەردى ىلگەرىلەتۋىمىز كەرەك. مەملەكەت مەنشىگىندەگى كاسىپورىن جاۋاپتىسى رەتىندە، ءار ۇلت جۇمىسشىلارىن باستاپ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاستىرىپ، دۇنيە جۇزىندەگى ماڭداي الدى كاسىپورىندارعا تۋرالانىپ باسقارۋ دەڭگەيىن ۇزدىكسىز جوعارىلاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋاتىمىزدى ارنايمىز.

  ”باس شۋجيدىڭ ماڭىزدى ءسوزى حالىقتىق كاسىپورىنداردى جىگەرلەندىردى، ءبىز وتانشىلدىق سۇيىسپەنشىلىكتى كۇشەيتىپ، قوعامدىق جاۋاپكەرشىلىكتى باتىل ارقالاپ، كۇرەس جاساۋ كۇشىن ۇيىستىرىپ، قيىندىققا قارسى اتتانىپ، قايسارلىقپەن العا ىلگەرىلەۋىمىز كەرەك“. يەما توبى شەكتى سەرىكتەستىگىنىڭ باسالقاسى چىن چياڭ مىنالاردى ءبىلدىردى: ءبىز وتانشىلدىق رۋحتى ۇزدىكسىز ساۋلەلەندىرىپ، باستى كاسىبىمىزدى ويداعىداي، ساپالى ىستەپ، مەملەكەتتىڭ ەكونوميكالىق قۇرىلىسىنا جانە قوعامنىڭ العا باسۋىنا اناعۇرلىم زور ۇلەس قوسامىز.

  شىحىزى داشۋەسى مەديتسينا شۋەيۋانى كلينيكالىق مەديتسينا كاسىبى داشۋە 1 - جىلدىعىنىڭ وقۋشىسى ۋاڭ يانان بىلاي دەدى: ءبىز باس شۋجيدىڭ ماڭىزدى ءسوزىنىڭ رۋحىمەن يدەيا مەن ارەكەتتى بىرلىككە كەلتىرەمىز. ولاردىڭ ەسەلى ەڭبەگىن ەستە بەرىك ساقتاپ، بۇگىنگى باقىتتى تۇرمىستى قاستەرلەيمىز. مەن ەسەلەپ قۇلشىنىپ، بولاشاقتا ۇزدىك شيپاگەر بولىپ، وتاننىڭ ءۇمىتىن اقتاپ، حالىق ءۇشىن قىزمەت وتەيمىن.

  10 - ايدىڭ 23 - كۇنى تاڭەرتەڭ ەرتە، حوشۇت اۋدانى نارىنكەر اۋىلى ۇلزات قىستاعىندا بايار سياقتى 4 قىستاق تۇرعىنى كەدەي وتباسى سا . بەنبانىڭ ۇيىنە كەلىپ، جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىنىڭ تەلەۆيزورداعى تىكە تارالىمىن كوردى. بايار كەزىندە ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن، قازىر قىستاقتاعى بايۋدىڭ باستاماشىسىنا اينالدى، ”قازىرگى جاقسى تۇرمىسىمىز بۇكىل ەلدەگى ءار ۇلت حالقىنىڭ بىرگە كۇرەس جاساۋىنىڭ ارقاسىندا قولعا كەلگەن. مەن جالعاستى قۇلشىنىپ، سەلبەستىك كووپەراتيۆتى ءتىپتى دە ويداعىداي جۇرگىزىپ، كوپشىلىكپەن بىرگە جاپپاي دوڭگەلەك داۋلەتتى قوعامعا ۇمتىلامىن“.

  مەملەكەتتىك ەلەكتر تورى حوتان ەلەكترمەن قامداۋ سەرىكتەستىگى قالا رايونىن ەلەكترمەن قامداۋ ورتالىعىنىڭ جاۋاپتىسى لەي يانشياڭ بىلاي دەدى: ”وسى زامان جاستارى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن جالعاستىرۋى، اسقاقتاتۋى كەرەك. مەملەكەتتىك ەلەكتر تورى سەرىكتەستىگىنىڭ ءبىر مۇشەسى رەتىندە، ءبىز بورىشتى ەستە بەرىك ساقتاپ، نيەتتى ۇيىستىرىپ، كۇشتى شوعىرلاندىرىپ، بۇكىل ىنتا - پەيىلىمىزبەن ەلەكترمەن قامداۋدى قامتاماسىز ەتۋ قىزمەتىن ويداعىداي ىستەپ، ءىس جۇزىندىك ارەكەتىمىزبەن مەملەكەت مەنشىگىندەگى كاسىپورىننىڭ جاۋاپكەرشىلىگى مەن جاۋاپكەرشىلىك ارقالاۋىن ايگىلەيمىز“.

  10 - ايدىڭ 23 - كۇنى تۇستەن بۇرىن جينالىستىڭ تىكە تارالىمىن كورگەن سوڭ بۇراتالا موڭعۇل اۆتونوميالى وبلىسى ءورت ءوشىرۋ - ورتتەن ساقتانۋ، قۇتقارۋ - كومەك بەرۋ تارماق اترەتىندەگى قولباسىلار مەن جاۋىنگەرلەر مىنالاردى ءبىلدىردى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى − جۇڭگو كوممۋنيستىك پارتياسى مەن حالىق ارمياسىنىڭ داڭقتى وسكەلەڭ قاسيەتىنىڭ جاندى بەينەسى، اسا قۇندى رۋحاني بايلىق، ءسوز جوق، جۇڭگو حالقىن بارلىق قيىندىق - كەدەرگىلەردى، توسقاۋىلداردى جەڭۋگە، بارلىق كۇشتى جاۋدى جەڭۋگە جىگەرلەندىرەدى.

  (ءتىلشى لي لي، جازۋعا قاتىسقان تىلشىلەر شى شين، ۋي حۇڭپيڭ، ۋاڭ يۇيجاۋ، سۇڭ ۋيگو، بۇراتالا وبلىسى تىلشىلەر پۋنكتىنەن جاڭ شياۋمين، ەرىكتى تىلشىلەر جاڭ يۇڭ، شى يىڭيىڭ، ۋاڭ جىن، نيۋ دىلۇڭ)

جاۋاپتى رەداكتور: 热依扎·海米提