ءساتتى باستاپ، ءساتتى اياقتاتىپ، ءساتتى ىستەپ، تابىسپەن ورىنداپ، قايراتتانا ءتۇسىپ كەدەيلىكتەن ارىلتۋدان قامال الۋ شايقاسىندا جەڭىسكە جەتۋ كەرەك

مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەڭسەسىنىڭ تەكسەرۋ - زەرتتەۋ گرۋپپاسى حوتان ايماعىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى

ءساتتى باستاپ، ءساتتى اياقتاتىپ، ءساتتى ىستەپ، تابىسپەن ورىنداپ، قايراتتانا ءتۇسىپ كەدەيلىكتەن ارىلتۋدان قامال الۋ شايقاسىندا جەڭىسكە جەتۋ كەرەك

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 25 - كۇنى حوتاننان حابارلايدى. 10 - ايدىڭ 23 - كۇنىنەن 24 - كۇنىنە دەيىن مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسى كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى شيا گىڭشىڭ تەكسەرۋ - زەرتتەۋ گرۋپپاسىن باستاپ، حوتان ايماعىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى. اۆتونوميالى رايوندىق پارتكومنىڭ ورىنباسار شۋجيى لي پىڭشين تەكسەرۋ - زەرتتەۋدە بىرگە بولدى.

  تەكسەرۋ - زەرتتەۋ گرۋپپاسىنداعىلار ىلگەرىندى - كەيىندى حوتان اۋدانى بۇزاق اۋىلى زاۋتۋ باعىمشىلىق بازاسى، ەكونوميكالىق جاڭا رايون اياق كيىم كاسىپ باقشاسى، قاراقاش اۋدانى شينجياڭ مەيبيتى توبى شەكتى سەرىكتەستىگى، يفىڭ شارۋاشىلىعى شەكتى سەرىكتەستىگى سياقتى جەرلەرگە بارىپ جۇمىس باسىندا تەكسەرۋ - زەرتتەۋ جۇرگىزىپ، قويان، قوي، تاۋىق سياقتى ءۇي قۇستارى، جانۋارلار باعىمشىلىق كاسىپ سالاسىن دامىتۋ جانە باستاماشى كاسىپورىنداردىڭ ءوندىرىس تيجاراتى، كەدەيلەردى جەتەكتەۋ، كەدەيلەرگە پايدا جەتكىزۋ احۋالدارىن تاپتەشتەي ۇعىسىپ، جۇمىستانعان كەدەي بۇقارامەن بەتپە - بەت اڭگىمەلەسىپ، ءارقايسى ەڭبەك ءتۇرى بويىنشا شەبەر دارىندىلاردى باۋلۋ، جۇمىس ىستەۋ، كىرىس كىرگىزۋ جاعدايلارىن ۇعىستى. شيا گىڭشىڭ بەينە ەكران ارقىلى لوپ اۋدانى، نيە اۋدانى، گۇما اۋدانى، كەريا اۋدانى، شەريا اۋدانىنىڭ كەدەيلىكتەن ارىلتۋدان قامال الۋ قىزمەتىن ورنالاستىردى.

  شيا گىڭشىڭ تەكسەرۋ - زەرتتەۋدە بىلاي دەپ اتاپ كورسەتتى: كەزەكتە كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنە جەتۋدىڭ، جالپى بەتتىك اياقتاتۋدىڭ شەشۋشى كەزەڭىنە ءوتتى، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جاپپاي دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ نىسانالارى، ولشەمدەرى بويىنشا ولشەمگە، ۇلگىگە تۋرالانىپ، كاسىپ سالاسىن دامىتۋ ارقىلى كەدەي ەڭبەككۇشتەردىڭ جۇمىس ورنىن ورنىقتىرۋعا، جۇمىستاندىرۋعا جەتەكشىلىك ەتىپ، ىجداعاتتىلىقپەن ىستەپ، ءساتتى باستاپ، ءساتتى اياقتاتىپ، ءساتتى ىستەپ، تابىسپەن ورىنداپ، قايراتتانا ءتۇسىپ كەدەيلىكتەن ارىلتۋدان قامال الۋ شايقاسىندا جەڭىسكە جەتۋ كەرەك.

  شيا گىڭشىڭ بىلاي دەپ باسا دارىپتەدى: كاسىپ سالاسى دامىعاندا عانا، كەدەيلىكتەن ارىلتۋدى قامتاماسىز ەتۋگە بولادى، دامۋ تەبىندەي تۇسەدى. كاسىپ سالاسى ارقىلى كەدەيلەردى سۇيەمەلدەۋ سىندى وسى ءبىر ءتۇبىردى مىقتاپ يگەرىپ، ۇيىمداستىرۋ فورماسىنا جاڭالىق ەنگىزىپ، باستاماشى كاسىپورىنداردىڭ، سەلبەستىك كووپەراتيۆتەردىڭ، كەدەيلەردى سۇيەمەلدەۋ بازالارىنىڭ جەتەكشىلىك رولىن ويداعىداي ساۋلەلەندىرىپ، جەرگىلىكتى ورىننىڭ جاعدايىنا قاراي ەرەكشە كاسىپ سالاسىن دامىتىپ، ۇيلەسىمدى كولەمدەنگەن ەگىنشىلىكتى، باعىمشىلىقتى بارىنشا ىلگەرىلەتىپ، كاسىپ سالاسىن زورايتىپ، الۋەتتەندىرىپ، شارپۋ ونىمدىلىگىن قالىپتاستىرىپ، ەگىنشى - مالشىلاردىڭ كىرىسىن ورنىقتى ارتتىرۋىن جەبەۋ كەرەك. كەدەيلەردى سۇيەمەلدەۋ بايلىعىنان شىن مانىندە جاقسى پايدالانىپ، ەرىك - جىگەر، اقىل - پاراسات جاعىنان سۇيەمەلدەۋگە ءمان بەرىپ، كەدەي وڭىرلەردەگى كەدەي بۇقارانىڭ باياندى دامۋ قۋاتىن ارتتىرۋ كەرەك. قايتا كەدەيلەسۋدەن ساقتانۋدى قاداعالاۋ مەن كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، كومەكتەسۋ - سۇيەمەلدەۋ شارالارىن الدىن الا تياناقتاندىرىپ، قايتا كەدەيلەسۋدەن جانە جاڭا كەدەيلەردىڭ جارىققا شىعۋىنان ساقتانۋ كەرەك. ”ءتورتتى توقتاتپاۋ“ تالابىن قاتاڭ تياناقتاندىرىپ، قازىرگى كومەكتەسۋ - سۇيەمەلدەۋ ساياسات - شارالارىنىڭ، قارجىمەن قولداۋ سەرپىنىنىڭ، كومەكتەسۋ - سۇيەمەلدەۋ قىزمەت كۇشىنىڭ جالپى تۇلعالىق ورنىقتىلىعىن ساقتاپ، كوپ شارالاردى قاتار قولدانىپ كەدەيلىكتەن ارىلتۋ تابىستارىن بەكەمدەۋ كەرەك.

جاۋاپتى رەداكتور: 热依扎·海米提