تاريحي شارىقتاۋ، شەشۋشى تابىس

  تاريحي شارىقتاۋ، شەشۋشى تابىس

  − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگونىڭ ”13 - بەسجىلدىق“ مەزگىلىندەگى دامۋىنا جەتەكشىلىك ەتۋىنەن ەستەلىك

   شينحۋا اگەنتتىگىنىڭ تىلشىلەرى

  ”’13 - بەسجىلدىق‘ جوبانىڭ باستى مىندەتتەرى مەن نىسانالارىن جەڭىسپەن ورىنداۋ الدىندا تۇرمىز، قولايلى ساتتەن پايدالانىپ سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستاۋ كەرەك“.

  2016 − 2020، جاڭا داۋىردەگى جۇڭگونىڭ دامۋ ساپارىندا بوياۋى قويۋ تاراۋلار جازىلدى.

  ەكونوميكانىڭ جالپى مولشەرى 100 تريلليون يۋاندىق ۇلكەن وتكەلگە تاياپ، جان باسىندىق GDP 10 مىڭ دوللاردان اسىپ، ەكونوميكالىق ناقتى قۋات، عىلىم - تەحنيكالىق ناقتى قۋات، جالپىلىق مەملەكەت قۋاتى جاڭا، زور ساتىعا كوتەرىلدى.

  جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كەلەلى ستراتەگيالىق تابىسقا قول جەتىپ، كەدەيلىكتەن ارىلتۋدان قامال الۋ جالپى بەتتىك جەڭىسكە جەتۋ الدىندا تۇر، جۇڭحۋا ۇلتى ارشىندى قاداممەن جاپپاي دوڭگەلەك داۋلەتتىلىككە بەتتەپ، ءبىرىنشى 100 جىلدىق كۇرەس نىساناسى تابىسپەن ورىندالۋ الدىندا تۇر.

  5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ الىسقا كوز جىبەرىپ، جوبا جوسپار جاساپ، ورنالاستىرىپ، بۇكىل پارتيانى، بۇكىل ەلدەگى ءار ۇلت حالقىن ەكپىندەي ىلگەرىلەۋگە، ءورىس اشىپ، جاڭالىق جاراتۋعا ىنتىماقتاستىرىپ، باستاپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، جوعارى ساپالى دامۋدى ىلگەرىلەتىپ، شەشۋشى ناتيجەلەرگە قول جەتكىزىپ، تاريحي شارىقتاۋدى جۇزەگە اسىردى.

  ءداۋىر تولقىنىنىڭ الدىڭعى لەگىندە ءجۇرىپ، العا ىلگەرىلەۋگە جول نۇسقاپ، جۇڭگونىڭ دامۋىنىڭ جاڭا، كەڭ ساتىعا كوتەرىلۋىن ىلگەرىلەتتى

  مىڭداعان مۇنارا كران، 100 مىڭنان استام قۇرىلىسشى... بيىل كۇزدەگى حۋابەي جازىعىندا شيۇڭ - ان جاڭا رايونى بۇكىل الەمدەگى ەڭ ۇلكەن قۇرىلىس ورنىنا اينالىپ، ءار كۇنى قاۋلاپ جەتىلدى.

  2017 - جىلى 2 - ايدىڭ 23 - كۇنى باس شۋجي شي جينپيڭ جۇڭنانحايدان جولعا شىعىپ، اۆتوكولىكپەن 100 كيلومەتردەن استام جول باسىپ، وسى جەرگە كەلدى.

  ”شيۇڭ - ان جاڭا رايونىن قۇرۋ تاريحي سيپاتتى ينجەنەريا“، باس شۋجي شي جينپيڭنىڭ ءسوزى ورىندى ايقىن تۇراقتاندىردى.

  قازىر سان عاسىرلىق جوبانى، مەملەكەتتىڭ ءىرى ءىسىن ارقالاعان كەلەشەك قالادا دابىرالى قۇرىلىس كورىنىسى جارىققا شىقتى.

  شيۇڭ - ان جاڭا رايونىنان وڭتۇستىككە قاراي 2000 كيلومەتردەن استام جەردە شىنجىننىڭ چيانحايى بار.

  ەكونوميكالىق ەرەكشە رايوننىڭ ىشىندەگى ”ەرەكشە رايون“ قايراڭنان جاڭا قالاعا وزگەرىپ، 200دەن استام قۇرىلىس ەڭسە كوتەرىپ، 173 مىڭ جاڭادان قۇرىلعان كاسىپورىن ىرگە تەۋىپ، 50دەن استام تۇزىمدىك جاڭالىق اشۋ بۇكىل ەلدە كوشىرىلىپ جالپىلاستىرىلدى.

  شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعى ساتىندە، باس شۋجي شي جينپيڭ وسى ارادا ەل ءىشى - سىرتىنا جۇڭگو رەفورما جاساۋدى، ەسىك اشۋدى اناعۇرلىم بيىك باستامادا ىلگەرىلەتەدى دەپ جاريالادى.

  21 - عاسىردىڭ ءۇشىنشى 10 جىلدىعىنىڭ باستاماسىندا، الىپ چاڭجياڭنىڭ وڭتۇستىگى مەن سولتۇستىگىنە كوز جىبەرسەڭىز، جۇڭگونىڭ بايتاق دالاسىندا تالاي - تالاي جوبالاردىڭ رەالدىققا اينالىپ، تالاي - تالاي كورىنىستەردىڭ بىرتىندەپ كەستەلەنگەندىگىن كورەسىز.

  5 جىلدىڭ الدىندا پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى اشىلدى. ”مەملەكەتتىڭ كەلەشەك 5 جىلدىق دامۋ جوباسىن جاقسى جاساۋ جاپپاي دوڭگەلەك داۋلەتتى قوعام ورناتۋعا، رەفورمانى جاپپاي تەرەڭدەتۋگە، مەملەكەتتى جاپپاي زاڭمەن جونگە سالۋعا، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىنىڭ سايكەستى ىلگەرىلەۋىنە سايادى، ەلىمىز ەكونوميكاسىنىڭ، قوعامىنىڭ ۇزدىكسىز اقاۋسىز دامۋىنا سايادى، سوتسياليستىك وسىزامانداندىرۋ قۇرىلىسىنىڭ كەلەلى جاعدايىنا سايادى“. باس شۋجي شي جينپيڭنىڭ اسقاق تا ايبىندى ءسوزى ادامدى قۇلشىنا ىلگەرىلەۋگە شابىتتاندىردى.5 جىل ۋاقىتتا ۋاقىتپەن جارىسا زىمىرادىق.

  ۇزدىكسىز وزگەرگەن سان - سيفر، ۇزدىكسىز جاڭالانعان رەت قاتارى ءىرى ەلدىڭ اياق الىسىنا كۋا بولدى، بارعان سايىن مولايعان تابىس سەزىمى، باقىت سەزىمى، حاۋىپسىزدىك سەزىمى تۇرمىستىڭ وزگەرىسىندە ايگىلەندى −

  ەكونوميكانىڭ جالپى مولشەرىنىڭ دۇنيە ءجۇزى ەكونوميكاسىندا ۇستاعان سالماعى 2015 - جىلعى %15.5تەن 2019 - جىلعى %16.3كە جوعارىلاپ، جان باسىندىق ىشكى ءوندىرىس جالپى ءونىم قۇنى 70 مىڭ 892 يۋانعا جەتىپ، دۇنيە جۇزىندەگى ەڭ زور كولەمدى ورتاشا كىرىستى شوعىر قالىپتاستى؛ اۋىل شارۋاشىلىعىنان باسقا كاسىپكە ويىسقان 100 ميلليوننان استام ادام جاڭا قالا تۇرعىندارىنا اينالىپ، 50 ميلليوننان استام كەدەي كەدەيلىكتەن ارىلىپ، جۇڭحۋا ۇلتىن نەشە مىڭ جىلدار بويى مازالاپ كەلگەن مۇلدەم كەدەيلىك ماسەلەسى تاريحي سيپاتتى شەشىم تابۋ الدىندا تۇر...

  الاۋلى ساتتەر، تاماشا كوزايىمدار جۇڭحۋا ۇلتىنىڭ ۇلى گۇلدەنۋ ساپارىنداعى شەشۋشى بۋىنداردى تاڭبالاپ، تاريحتى ۇمىتپاۋ، كەلەشەككە كوز جىبەرۋدەي داڭقتى بورىشتى ارقالاۋدا −

  2017 - جىلى پارتيانىڭ 19 - قۇرىلتايى جەڭىسپەن اشىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ ستراتەگيالىق نىساناسىن ورتاعا قويدى؛ 2018 - جىلى رەفورما جاساۋدىڭ، ەسىك اشۋدىڭ 40 جىلدىعى سالتاناتپەن تويلانىپ، دۇنيە جۇزىنە رەفورما جاساۋدى، ەسىك اشۋدى سوڭىنا دەيىن جۇرگىزۋ بەكىمى جاريالاندى؛ 2019 - جىلى جاڭا جۇڭگو قۇرىلعاندىعىنىڭ 70 جىلدىق سالتاناتى جۇڭحۋا پەرزەنتتەرىنىڭ قۇلشىنا العا ىلگەرىلەۋىنىڭ داۋىرلىك جويقىن اعىنىن ۇيىستىردى...

  جۇڭگو جاساۋى، جۇڭگو جاسامپازدىعى، جۇڭگو سالۋى قوسىلا كۇش ۇستەپ، جۇڭگونىڭ شىت جاڭا بەت - بەينەسىن ۇزدىكسىز سومدادى −

  جاساۋ كاسىبىنىڭ ارتقان قۇنىنىڭ بۇكىل الەمدەگى ۇستاعان ۇلەسى %30كە جۋىقتاپ، ءۇرتىس 10 جىل بويى دۇنيە جۇزىندە ءبىرىنشى ورىندا تۇردى؛ جوعارى قارقىندى تەمىر جولدىڭ جالپى ۇزىندىعى 35 مىڭ كيلومەترگە جەتىپ، جوعارى قارقىندى تاس جولدىڭ ۇزىندىعى 150 مىڭ كيلومەترگە جاقىنداپ، جىلجىمالى جۇڭگو ومىرشەڭدىك كۇشى شار تاراپقا تارالدى؛ شياڭگاڭ - جۋحاي - اۋمىن ۇلكەن كوپىرى 3 جەردى جالعاستىرىپ، بەيجيڭ داشيڭ حالىقارالىق اۋەجايى قاناتىن كەڭگە جايىپ، تالايلاعان كەلەلى ينجەنەريالار دۇنيە ءجۇزىن قايران قالدىردى؛ C919 ءىرى تۇرپاتتى جولاۋشى ۇشاعى كوك اسپاندا سامعاپ، ”جۇڭگو تيانيانى“ سالىنىپ ىسكە قوسىلىپ، بەيدوۋ جول نۇسقاۋ جۇيەسى رەسمي اشىلىپ، 5G توراپ جەلىسى جەدەل قالىپتاسىپ، جاڭالىق اشۋدىڭ ۇلى كۇشى ۇزدىكسىز شىعارىلدى...

  5 جىلدا ەكونوميكالىق ناقتى قۋات، عىلىم - تەحنيكالىق ناقتى قۋات، جالپىلىق مەملەكەت قۋاتى جاڭا، زور ساتىعا كوتەرىلىپ، قوماقتى ناتيجەلى جۇڭگو كەرەمەتىن جالعاستى جازىپ، ەلدەن ەرەك جۇڭگو كۇشىن ايگىلەدى.

  ”13 - بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتى الىستى جوسپارلاپ، كەلەلى جاعدايدى كوزدە ۇستاپ، حالىقارا، ەل ءىشى دامۋىنىڭ بەتالىسىن تەرەڭ باعامدادى.

  ”13 - بەسجىلدىق“ جوبا ۇسىنىسى بولسىن، الدە، ”13 - بەسجىلدىق“ جوبا باعدارلاماسى بولسىن، بەتاشارى تۇگەلدەي جاڭا كۇي دەگەن كىلت سوزگە شوعىرلاندى.

  قارقىن وزگەرىسى، قۇرىلىم جاقسارۋى، قوزعاۋشى كۇش اۋىسۋى، بۇل − جۇڭگو دامۋىنىڭ جاڭا كەزەڭگە وتكەنىنىڭ زاڭدىلىق سيپاتتى بەينەسى، اناعۇرلىم جوعارى دامۋ دەڭگەيىن بەتكە العان تابيعي تاريحي بارىس.

  باس شۋجي شي جينپيڭ: ”13 - بەسجىلدىق“ جوبا ەلىمىز ەكونوميكاسىنىڭ دامۋى جاڭا كۇيگە وتكەننەن كەيىنگى ءبىرىنشى 5 جىلدىق جوبا، ءسوز جوق، جاڭا كۇيگە ۇيلەسۋ، جاڭا كۇيدى يگەرۋ، جاڭا كۇيگە جەتەكشىلىك ەتۋ كەرەك، - دەپ ايقىن اتاپ كورسەتتى.

  جاڭا كۇيدە دامۋ جولى قاي جاققا بەتتەيدى؟

  ”’13 - بەسجىلدىق‘ مەزگىلىندەگى ەلىمىزدىڭ دامۋىندا جىلدامدىققا قاراۋمەن بىرگە، ارتۋ مولشەرىنە دە قاراۋ، ءتىپتى دە ماڭىزدىسى، ساپاعا قاراۋ كەرەك، ساپاعا يە، ونىمدىلىككە يە، جالعانى جوق، باياندى ارتۋدى كۇش سالا جۇزەگە اسىرۋ كەرەك“، باس شۋجي شي جينپيڭنىڭ تۇجىرىمى ايقىن دا بەكەم بولدى.

  ”جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن بەرىك ورناتۋ جانە شىنايى دايەكتىلەندىرۋ“

      − پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى تۇراقتاندىرعان جاڭا دامۋ ۇستانىمى قانداي دامۋدى جۇزەگە اسىرۋ، دامۋدى قالاي جۇزەگە اسىرۋ ماسەلەسىنە عىلمي جاۋاپ بەردى، ول ەلىمىز دامۋىنىڭ جالپى جاعدايىنا ساياتىن تەرەڭ وزگەرىس.

  پارتيا 19 - قۇرىلتاي بايانداماسىندا، ەلىمىز ەكونوميكاسى جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە ءوتتى دەپ ايقىن العا قويىلدى.

  2017 - جىلى 12 - ايدا، پارتيا 19 - قۇرىلتايىنان كەيىن، باس شۋجي شي جينپيڭ العاش رەتكى ەل ىشىندەگى قىزمەت تەكسەرۋدە جياڭسۋدىڭ شۇيجوۋىنا كەلدى. شۇيگۇڭ توبىندا باس شۋجي شي جينپيڭ كاسىپورىندى دۇنيە ءجۇزىنىڭ الدىڭعى لەگىن كوزدە ۇستاپ، جاڭالىق اشا دامۋدىڭ جاقسى ۇلگىسىندە، جاقسى تاجىريبەسىندە قۇلشىنا ىزدەنىس جاساۋعا شابىتتاندىردى: ”جاڭالىق اشۋ − كاسىپورىننىڭ وزەكتى باسەكەلىك كۇشىنىڭ قاينارى، كوپتەگەن وزەكتى تەحنيكالاردى سۇراپ الا المايسىڭ، ساتىپ الا المايسىڭ“.

  جاپپاي دوڭگەلەك داۋلەتتى قوعام ورناتۋدى نىسانا ەتۋ، جوعارى ساپالى دامۋدى جۇزەگە اسىرۋدى جەتەكشى ەتۋ، جاڭا دامۋ ۇستانىمىن دامۋدىڭ جەتەكشى تاياقشاسى ەتۋ ”13 - بەسجىلدىقتاعى“ ەكونوميكالىق، قوعامدىق دامۋدىڭ جالپى بارىسىمەن باستان - اياق ساباقتاستى.

  ”13 - بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق بولاشاقتى تياناق ەتىپ، جوسپار جاساپ، ءبىر جوبانى اياعىنا دەيىن جالعاستىرۋعا تاباندى بولدى.

  5 جىلدان بەرى كۇنى - ءتۇنى قىزمەت ىستەپ، بوران - شاشىنعا قاراماي ساپار شەكتى، باس شۋجي شي جينپيڭنىڭ قىزمەت تەكسەرۋى بايلانىسىمەن قالىڭ قالالاردا، اۋىل - قىستاقتاردا، كاسىپورىنداردا ءىزى قالىپ، ورتالىق كوميتەت ساياسي بيۋروسىنىڭ ءماجىلىسى، ورتالىق رەفورمانى تەرەڭدەتۋ كوميتەتىنىڭ ءماجىلىسى، ورتالىق قازىنا - ەكونوميكا كوميتەتىنىڭ ءماجىلىسى سياقتى ماڭىزدى ماجىلىستەردى تالاي رەت باسقارىپ اشىپ، ماماندار، وقىمىستىلار، كاسىپكەرلەر، عالىمدار، نەگىزگى ساتى ۋاكىلدەرى قاتارلىلارمەن اڭگىمەلەسىپ، ”13 - بەسجىلدىق“ مەزگىلىندەگى مەملەكەتتىڭ دامۋىنا ءبىر قىدىرۋ كەلەلى تۇجىرىمدار جاساپ، ءبىر قىدىرۋ كەلەلى ورنالاستىرۋلار جۇرگىزدى.

  تيبىن جاڭالاپ، دارەجەسىن جوعارىلاتۋعا تۇساۋ بولعان تەرەڭ ساتىلى قايشىلىقتى جويىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، جوعارى دەڭگەيدە جوبالاپ، مىندەتتەر مەن شارالاردى العا قويىپ، ”ءۇشتى ازايتۋ، ءبىردى تومەندەتۋ، ءبىردى تولىقتاۋدى“ ىلگەرىلەتۋدە كورنەكتى ىلگەرىلەۋشىلىككە قول جەتكىزدى؛

  ەلىمىز قوعامىنداعى باستى قايشىلىقتىڭ وزگەرىسىمەن تىعىز ساباقتاستىرىپ، جاپپاي دوڭگەلەك داۋلەتتى قوعام ورناتۋدى ءدال كوزدەپ، ءۇش ءىرى قامال الۋ شايقاسىن باتىلدىقپەن ويداعىداي جۇرگىزىپ، فينانس سياقتى سالالارداعى ەلەۋلى حاۋىپ - قاتەردەن ساقتانىپ جانە ونى تىزگىندەپ، كەدەيلىكتەن ارىلتۋدان قامال الۋ شايقاسىندا شەشۋشى سيپاتتى ىگەرىلەۋشىلىككە قول جەتكىزىپ، ەكولوگيالىق ورتانى قورعاۋدا كورنەكتى ونىمدىلىككە جەتتى؛

  بەيجيڭ - تيانجين - حىبەي سايكەستى دامۋ، چاڭجياڭ ەكونوميكالىق بەلدەۋىن دامىتۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى، حايناننىڭ رەفورما جاساۋىن، ەسىك اشۋىن جاپپاي تەرەڭدەتۋدى ىلگەرىلەتۋ، شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ، چاڭجياڭ اتىراۋىن ءبىر تۇلعالاندىرىپ دامىتۋ، حۋاڭحى الابىنىڭ ەكولوگياسىن قورعاۋ جانە جوعارى ساپالى دامىتۋ، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى، تالاي - تالاي مەملەكەتتىك كەلەلى ستراتەگيالار وڭىرلىك سايكەستى دامۋ ارناسىن ۇلاستىرىپ، ءارقايسى ۇلكەن الاپتىق بولىكتەر ۇتىمدى ىقپالداستى؛

  رەفورمانى جاپپاي تەرەڭدەتۋ ۇكىمەت پەن بازاردىڭ قاتىناسىن اشالاپ، جوعارى دەڭگەيلى ەسىك اشۋ ەل ءىشى - سىرتى بازارىن تۇتاستىرىپ، شىنجىن جۇڭگوشا سوتسياليزمنەن الدىمەن ۇلگى كورسەتۋ رايونى مەن حاينان ەركىن ساۋدا پورتى ياكور الىپ، جولعا شىقتى...

  ”13 - بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتى سالماقتى دا بايسالدى بولىپ، تاباندىلىقتى ساقتاپ، بۇكىل ەل حالقىن مىزعىماستان كۇشتى ۇيىستىرىپ ءوز ءىسىن جاقسى ىستەۋگە باستادى.

  ”پارتيانىڭ باسشىلىعىنا تاباندى بولۋ“ − ”13 - بەسجىلدىق“ جوبا ۇسىنىسىندا، بۇل − ەكونوميكالىق، قوعامدىق دامۋدى ىلگەرىلەتۋدە، ءسوز جوق، بويسۇنۋعا ءتيىستى 6 ۇلكەن پرينسيپتىڭ ءبىرى بولدى، سونىمەن بىرگە، جەكە ءبىر تاراۋ اشىلىپ، ”پارتيانىڭ باسشىلىعىن كۇشەيتۋ جانە جاقسارتۋ“ جونىندە ەگجەي - تەگجەيلى ورنالاستىرۋ جاسالدى.

  2018 - جىلى پارتيا مەن مەملەكەت قۇرىلىمدارى رەفورماسى تەرەڭدەتىلىپ، ءىشىنارا پارتيا، ۇكىمەت قۇرىلىمدارى بىرىكتىرىلىپ قايتا ۇيىمداستىرىلدى، پارتيا جالپى جاعدايدى تەگىس مەڭگەرىپ، ءار جاقتاردىڭ ءتۇزىلىس - مەحانيزمدە كۇشەيۋىن سايكەستىردى، بەتالىستى يگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ رولى ونان ارى كورنەكتىلەندى.

  وسى 5 جىلدا قانداي وزگەرىستە دە، داۋىلدى بوراندا دا پارتيامىز حالىققا تىعىز سۇيەندى. ”بىلەك سىبانىپ قۇلشىنا ىستەۋ“، ”جالپى جۇرت ءبىر نيەتپەن قۇلشىنا ىستەۋ“، ”باقىت كۇرەس جاساۋدان كەلەدى“... باس شۋجي شي جينپيڭنىڭ ۇندەۋىندە بۇكىل ەل حالقى تىزە قوسا قۇلشىنىپ، تىزە قوسا كۇرەس جاسادى.

  ”13 - بەسجىلدىق“ مەزگىلىندە دۇنيە ءجۇزى الاساپىران وزگەرىس مەزگىلىنە كىرىپ، ەكونوميكانىڭ جاھاندانۋى تەرىس اعىنعا تاپ بولىپ، قورعامپازدىق، سىڭارجاقتىلىق بوي كوتەرىپ، دۇنيە ءجۇزى ەكونوميكاسى توقىراپ، جۇڭگو - امەريكا ەكونوميكا - ساۋدا قاجالىسى كۇشەيىپ، ەلىمىز ەكونوميكاسىنىڭ باسەڭدەۋ قىسىمى ارتىپ، دامۋ جولى تەگىس بولمادى.

  بيىل مەملەكەتتىك ەكى ءماجىلىس كەزىندە باس شۋجي شي جينپيڭ ساياسي كەڭەستىڭ ەكونوميكا سالاسىنىڭ مۇشەلەرىنە امانداسا بارعاندا بىلاي دەپ باسا دارىپتەدى: كەزەكتەگى ەكونوميكالىق جاعدايعا جالپى بەتتىك، ديالەكتيكالى، ۇزاق بولاشاقتىق كوز ايامەن تالداۋ جاساۋعا تاباندى بولىپ، داعدارىس ىشىندە قۇلشىنا جاڭا وراي جەتىلدىرۋ، وزگەرىس ىشىندە قۇلشىنا جاڭا جاعداي اشۋ كەرەك.

  وسى 5 جىلدا مەيلى سىرتقى ورتاداعى وزگەرىستىڭ اساۋ تولقىنىنا قارسى شايقاسۋدا بولسىن، الدە، ەل ىشىندەگى دامۋداعى قيىنشىلىقتار مەن سىن - سايىستارعا توتەپ بەرۋدە بولسىن، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق تومەنگى شەكتە ويلاۋعا تاباندى بولىپ، ستراتەگيالىق تاباندىلىقتى ساقتاپ، ۇزدىكسىز قامال الىپ، قيىنشىلىقتى جەڭىپ، داعدارىستى ورايعا اينالدىردى.

  2016 - جىلى اشىلعان ورتالىقتىڭ ەكونوميكالىق قىزمەت ماجىلىسىندە، ورنىقتىلىق بارىسىندا ىلگەرىلەۋ قىزمەت جالپى ارناسى پارتيامىزدىڭ ەل باسقارۋىنىڭ ماڭىزدى پرينسيبى بولىپ تۇراقتاندىرىلدى.

  ”13 - بەسجىلدىق“ مەزگىلىندە جالپى تۇلعالىق جاقتان ورنىقتى بولۋدان باسەڭدەۋ بارىسىندا ورنىعۋعا بەت الۋعا دەيىن، ونان ورنىقتىلىق بارىسىندا وزگەرۋگە دەيىن، جۇڭگونىڭ ەكونوميكالىق اينالىمى باستان - اياق ورنىقتى بولۋداي نەگىزگى ريتىمدى ساقتاپ، نەگىزگى بەينەنى ورنىقتىرىپ، نەگىزگى جاعدايدى بەكەمدەپ، ورنىقتىلىق بارىسىندا جاقسارۋ، ۇزاق ۋاقىت جاقسارۋداي نەگىزگى بەتالىستا وزگەرىس بولمادى، كۇردەلى دە الماعايىپ دۇنيە جۇزىنە ورنىقتىلىق جانە تۇراقتىلىق ۇستەدى.

  %4.9! بيىلعى 3 - توقساندا جۇڭگو ەكونوميكاسى 2 - توقساننان بەرگى وڭ سانمەن ارتۋ كۇيىن جالعاستىرىپ، جاندانۋ اناعۇرلىم تەبىندى بولىپ، الدىڭعى 3 توقساندا تۇگەلدەي وڭ ارتۋ جۇزەگە استى.

  حالىقارالىق اقشا قورى ۇيىمى جۋىردا مالىمەت جاريالاپ، 2020 - جىلى الەم ەكونوميكاسى %4.4 كەمەيەدى، جۇڭگو الەمدەگى بىردەن - ءبىر وڭ ارتۋدى جۇزەگە اسىرعان نەگىزگى ەكونوميكالىق تۇلعا بولادى دەپ مەجەلەدى.

  ”ىندەتتەن ساقتانۋ - تىزگىندەۋدە جانە ەكونوميكانى قالپىنا كەلتىرۋدە تۇگەلدەي دۇنيە ءجۇزىنىڭ الدىڭعى لەگىندە ءجۇرىپ، جۇڭگونىڭ قۋاتتى قالپىنا كەلتىرۋ قابىلەتى مەن تاسقىنداعان ومىرشەڭدىك كۇشىن ايگىلەدىك!“، باس شۋجي شي جينپيڭنىڭ اسقاق تا ارىندى ءسوزى جۇڭگونىڭ العا ىلگەرىلەۋ جولىنداعى قيىنشىلىق، كەدەرگى اتاۋلىنى جەڭەتىن سەنىمى مەن كۇشىن ايگىلەدى.

  رەفورما جاساۋ، جاڭالىق اشۋ، قيىندىقتا جول اشۋ جۇڭگو اتتى الىپ كەمەنى جوعارى ساپالى دامۋ ساپارىنا قاراي جۇرۋگە باستادى

  ”سول كەزدە اۋلاۋدى دوعارىپ، جاعاعا شىعاتىنىمىزدى بىلگەندە ىشتەي قاتتى ابىرجىدىم، ەلدىڭ ءبارى تىرشىلىكتەرىنەن الاڭدادى. شىنداپ جاعاعا شىققاننان كەيىن، ۇكىمەتتىڭ كومەكتەسىپ سۇيەمەلدەۋىندە كوپتەگەن جاستار ونەر ۇيرەنىپ، جۇمىس تاۋىپ الدى“، - دەدى انحۇي ولكەسىنىڭ ما - انشان قالاسىنداعى بۇرىنعى شۋەجياۋا قىستاعىنىڭ تۇرعىنى سان گۋنياڭ.

  سان گۋنياڭنىڭ ۇيىندە 5 قايىق بار، چاڭجياڭدا بالىق اۋلاۋعا تيىم سالىنعاننان كەيىن، بالىقشىلىق كەمەسىن شاعىپ بولشەكتەگەندە تولەم قاراجات الدى جانە وتپەلى مەزگىلدە تۇرمىستىق قوسىمشا قاراجات الدى، ءبىر ءۇيلى جان جاڭا قونىسقا كوشىپ كىردى، كۇيەۋى بالىق شارۋاشىلىعىن قورعايتىن تازالىقشى بولدى.

  ”چاڭجياڭدا بالىق اۋلاۋعا تيىم سالۋ − كەلەلى شارۋا، 300 نەشە مىڭ بالىقشىنىڭ تىرشىلىگىنە سايادى، بوداۋى از بولمايدى، ءبىراق جالپى الاپتىڭ ەكولوگياسىن قورعاۋدا مۇنداي بوداۋ بەرۋ ورىندى“. بيىل 8 - ايدا باس شۋجي شي جينپيڭ انحۇيدا قىزمەت تەكسەرگەندە وسىلاي دەپ باسا دارىپتەدى.

  چاڭجياڭ − جۇڭحۋا ۇلتىنىڭ انا وزەنى، ەلىمىز دامۋىنىڭ ماڭىزدى تىرەگى، ەكونوميكانىڭ وزەگى.

  2016 - جىلى 1 - ايدا چۇڭچيڭدە چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ اڭگىمە ءماجىلىسىن اشقاندا، باس شۋجي شي جينپيڭ چاڭجياڭنىڭ ەكولوگيالىق ورتاسىن قالپىنا كەلتىرۋدى بارىنەن ماڭىزدى ورىنعا قويىپ، اۋقىمدى قورعاۋدى بىرگە يگەرىپ، قاۋىرت اشۋمەن اينالىسپاۋدى ايقىن العا قويدى.

  ۇلى داريا جوڭكىلە اعىپ، تاۋلار جاڭا بەينەگە ەندى.

  5 جىل ىشىندە ەلىمىزدىڭ ەكولوگيالىق وركەنيەت قۇرىلىسى تەبىنى بۇرىن بولىپ كورىلمەگەن دەڭگەيگە جەتتى، 2019 - جىلى بىرلىك GDP ەنەرگيا شىعىنى 2015 - جىلداعىدان %13.2 تومەندەدى، بۇكىل ەلدەگى 337 ايماق دارەجەلى جانە ودان جوعارى قالالاردىڭ اۋا ساپاسى جاقسى بولعان كۇن سانىنىڭ سالىستىرماسى %82كە جەتىپ، جەر بەتى سۋ ساپاسىنىڭ Ⅲ دارەجەگە جەتۋ نەمەسە ودان جاقسى بولۋ سالىستىرماسى %74.9كە جەتتى، لاستانۋدان ساقتانۋدىڭ جانە ونى جونگە سالۋدىڭ كەزەڭدىك سيپاتتى نىساناسى ءساتتى جۇزەگە اسىپ، ەكولوگيالىق ورتا ساپاسى جالپى جاقتان جاقساردى.

  ”13 - بەسجىلدىق“ مەزگىلىندە جاڭا دامۋ ۇستانىمىن جەتەكشى ەتىپ، ساپاداعى وزگەرىستى، ونىمدىلىكتەگى وزگەرىستى، قوزعاۋشى قۋاتتاعى وزگەرىستى ىلگەرىلەتىپ، ەلىمىز ەكونوميكاسىنىڭ دامۋى ”بار ما، جوق پا“ دەۋدەن ”جاقسى ما، جامان با“ دەۋگە بەتتەدى.

  5 جىلدان بەرى جاڭالىق اشۋدى جەتەكشى ەتىپ، جوعارى ساپالى دامۋ قوزعاۋشى قۋاتتى اۋىستىرۋدىڭ ەسىگىن اشتى −

  ”مىنا ونىمدەردىڭ بارلىعىن وزدەرىڭىز دەربەس زەرتتەپ - اشتىڭىزدار ما؟ بازاردى يەلەۋ سالىستىرماسى قانداي؟“، 2020 - جىلى 10 - ايدىڭ 12 - كۇنى باس شۋجي شي جينپيڭ گۋاڭدۇڭدا چاۋجوۋ سانحۋان (توبى) جارنا شەكتى سەرىكتەستىگىندە قىزمەت تەكسەرگەندە ءبىر فارفور تاقتانى قولىنا الىپ كورىپ وسىلاي دەپ سۇرادى.

  كاسىپورىن جاۋاپتىسى باس شۋجيگە بىلاي دەدى: سەرىكتەستىك قۇرىلعان 50 جىلدان بەرى ءبىر ءىستى دەن قويىپ ىستەپ كەلەدى، ول − دەربەس جاڭالىق اشۋعا تاباندى بولۋ جانە كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتۋ، قازىر %90تەن استام جابدىق دەربەس زەرتتەپ - اشىلعان، وپتيكالىق بايلانىس تورابىنىڭ كوننەكتورىنا پايدالانىلاتىن فارفور وزەك الەمدىك بازارداعى پايدالانىلۋ مولشەرىنىڭ %75تەن استامىن يەلەيدى.

  ”كاسىپورىندى دامىتۋدا، كاسىپ سالاسىنىڭ دارەجەسىن جوعارىلاتۋدا، ەكونوميكانى جوعارى ساپالى دامىتۋدا تۇگەلدەي دەربەس جاڭالىق اشۋعا سۇيەنۋ كەرەك“. بۇل باس شۋجيدىڭ شىنايى ءۇمىتى، سونداي - اق مەملەكەت دامۋىنىڭ بەتالىسى.

  2018 - جىلى 3 - ايدا مەملەكەتتىك ەكى ماجىلىستەگى گۋاڭدۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، باس شۋجي شي جينپيڭ جاڭالىق اشۋدى جوعارى ساپالى دامۋدىڭ قۋاتتى قوزعاۋشى كۇشىنە اينالدىرۋ كەرەكتىگىن باسا دارىپتەدى.

  5 جىلدان بەرى عىلمي زەرتتەۋ شۋەيۋانىنان، ورىندارىنان جوعارى مەكتەپتەرگە، جوعارى، جاڭا تەحنيكالىق كاسىپورىنداردان جوعارى، جاڭا تەحنيكالىق رايوندارعا دەيىن، باس شۋجي شي جينپيڭ جاڭالىق اشۋ فاكتورى ەڭ تەبىندى جەرلەرگە قايتا - قايتا باردى؛ ورتالىقتىڭ ماجىلىسىنە قاتىناسۋدان اكادەميكتەر جينالىسىندا ماڭىزدى ءسوز سويلەگەنگە دەيىن، باس شۋجي شي جينپيڭ عىلىم - تەحنيكادا جاڭالىق اشۋدى باستان - اياق كوكەيىنەن شىعارمادى.

  ”جۇڭگوشا دەربەس جاڭالىق اشۋ جولىمەن جۇرۋگە تاباندى بولۋ“، ”اناعۇرلىم كوپ شەشۋشى، وزەكتى تەحنيكالاردى يگەرۋ“، ”تەحنيكالىق جاڭالىق اشۋ − كاسىپورىننىڭ جانى“ ... 5 جىلدان بەرى رەسپۋبليكانىڭ شەشىم جاساۋشىلارى باستان - اياق عىلىم - تەحنيكادا جاڭالىق اشۋدى مەملەكەتتىڭ دامۋ جالپى جاعدايىنىڭ وزەكتى ورنىنا قويدى.

  قىزمەتتىك عىلىم - تەحنيكا تابىسى مەنشىك ۇقىعى نەمەسە ۇزاق ۋاقىت پايدالانۋ ۇقىعى سىناق ءتۇيىنىن ورىستەتىپ، عىلىم - تەحنيكادا جاڭالىق اشۋ بولىگىن ورناتىپ، عىلىم - تەحنيكالىق سيلاۋ ءتۇزىمىن كەمەلدەندىرىپ، عىلىم - تەحنيكادا جاڭالىق اشۋ ساياسات، شارالارىن اناعۇرلىم كەمەلدەندىردى؛

  بەيجيڭ، شاڭحاي، گۋاڭدۇڭ - شياڭگاڭ - اۋمىن ۇلكەن شىعاناق رايونى حالىقارالىق عىلىم - تەحنيكادا جاڭالىق اشۋ ورتالىعى قۇرىلىسى ىشكەرىلەي ىلگەرىلەتىلدى، 50 نەشە كەلەلى عىلىم - تەحنيكا نەگىزدىك قۇرىلعىلارى نىسانى ورنالاستىرىلدى، سالىندى، عىلىم - تەحنيكادا جاڭالىق اشۋ كەڭىستىك ورنالاستىرۋى ۇزدىكسىز ساپالىلاندى؛

  عارىشقا ادام الىپ ۇشۋدىڭ جانە ايدى بارلاۋ ينجەنەرياسىنىڭ تابىسى مول بولدى، بىتىراندى نەيترون كوزى سياقتى ءبىر توپ مەملەكەت اسىلى ىلگەرىندى - كەيىندى سالىنىپ بولىپ ىسكە قوسىلدى، ساعاتتىق جىلدامدىعى 600 كيلومەترلىك جوعارى جىلدامدىقتى ماگنيتتى قالقىما سىناق ۇلگى پويەزى ءوندىرىس جەلىسىنەن شىقتى...

  5 جىل ىشىندە ەلىمىزدىڭ كەلەلى جاڭالىق اشۋ تابىستارى ىركەس - تىركەس جارىققا شىعىپ، كەيبىر وزىق سالالاردا بىرگە جۇگىرۋ، باستاپ جۇگىرۋ كەزەڭىنە ءوتتى.

  ”ءبىز داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشىپ، ءسوز جوق، عىلىم - تەحنيكادا جاڭالىق اشۋدان جاۋاپ تابۋىمىز كەرەك“. 2020 - جىلى 10 - ايدىڭ 16 - كۇنى ورتالىق كوميتەت ساياسي بيۋروسى كۆانتتىق عىلىم - تەحنيكانىڭ زەرتتەلۋى مەن قولدانىلۋىنىڭ بولاشاعى جونىندە توپتىق ۇيرەنۋ وتكىزگەندە، باس شۋجي شي جينپيڭ وسىنى قايتالاي دارىپتەدى.

  5 جىلدان بەرى رەفورما جاساۋدا تىڭنان جول سالىپ، جوعارى ساپالى دامۋ ۇزدىكسىز ىشكەرىلەي ىلگەرىلەتىلدى −

  ”وراي سىزدەردىڭ قولدارىڭىزدا“. بيىل 8 - ايدىڭ 19 - كۇنى ماگاڭ ساپالى قورىتپا شىبىق ماتەريالدار سەحىندا تەمىر ۇشقىندار شاشىراپ، قاربالاستىق كۇي مەن مۇندالادى. باس شۋجي شي جينپيڭ وسىندا كەلىپ، كاسىپورىندى جەدەل دامۋعا جىگەرلەندىردى.

  2016 - جىلدان قازىرگە دەيىن باس شۋجي شي جينپيڭ كوپتەگەن بولات - تەمىر كاسىپورىندارىندا قىزمەت تەكسەردى، مۇنىڭ ىشىندە بىرىكتىرۋ ارقىلى دۇنيە جۇزىلىك دەڭگەيدەگى كاسىپورىندار قاتارىنان ورىن العان ماگاڭ بار، سونداي - اق سىرتقا بەت الىپ دامىپ، زورايعان حىگاڭ بار؛ تيبىن جاڭالاپ، دارەجەسىن جوعارىلاتقان شوۋگاڭ بار، عىلىم - تەحنيكادا جاڭالىق اشۋ قادامىن جەدەلدەتكەن تايگاڭ دا بار.

  ”13 - بەسجىلدىق“ مەزگىلىندە ەلىمىزدىڭ بولات - تەمىر كاسىپ سالاسى جاپپاي زيانعا باتۋىنان ءوندىرىس قۋاتىن قىسقارتۋ نىساناسىن جۇزەگە اسىرعانعا دەيىن، ونان سالانىڭ ونىمدىلىگى تاريحتاعى ەڭ جوعارى ورەگە جەتۋگە دەيىن، قامداۋ جاعىنداعى قۇرىلىمدىق رەفورمانىڭ ناتيجەسىن پارمەندى دالەلدەدى.

  وسى 5 جىلدا ءوندىرىس قۋاتىن ازايتۋ، قوردى ازايتۋ، سۇيمەندى ازايتۋ ارقىلى ەلىمىزدىڭ ونەركاسىپ ءوندىرىس قۋاتىنىڭ پايدالانىلۋ سالىستىرماسى 2019 - جىلدىڭ سوڭىندا %76.6كە جوعارىلادى، ماكرولىق سۇيمەن سالىستىرماسىنىڭ جوعارى قارقىندى ارتۋ ەكپىنى ءونىمدى تەجەلدى؛

  وزىندىك قۇندى تومەندەتۋ ارقىلى 66 جىل الىنعان تيجارات سالىعى تاريح ساحناسىنان شەگىنىپ، كاسىپورىنداردىڭ سالىق اقى اۋىرتپالىعى ونان ارى تومەندەتىلدى، 2016 - جىلدان 2020 - جىلعا دەيىن سالىقتى ازايتىپ، اقىنى تومەندەتۋ مولشەرى تىڭنان جيىنى 7 تريلليون 600 ميلليارد يۋان اينالاسىنا جەتەدى؛

  قامداۋ جاعىنداعى قۇرىلىمدىق رەفورمانى ۋاكىل ەتىپ، ”13 - بەسجىلدىق“ مەزگىلىندە رەفورمانى جاپپاي تەرەڭدەتۋگە جالپى بەتتىك كۇش سالىپ، كوپ تۇيىندەردە قامال الىپ، ماڭىزدى سالالار مەن شەشۋشى بۋىندارداعى رەفورما شەشۋشى تابىستارعا قول جەتكىزدى.

  5 جىل ىشىندە ءبىر قىدىرۋ بەلگى سيپاتتى، شەشۋشى سيپاتتى، جەتەكشىلىك سيپاتتى رەفورمالار تياناقتانىپ، تامىر تارتتى: مەملەكەت قورعانىسى جانە ارميا رەفورماسى اتقارىلىپ، وزەن باستىعى ءتۇزىمى، كول باستىعى ءتۇزىمى جاپپاي ورناتىلىپ، مال - مۇلىك ۇقىعى رەفورماسىندا ”تۇراقتى مال - مۇلكى بار ادامدار عانا نەسىبەسىنە قاناعات قىلادىنى“ ورتالىقتىڭ حۇجاتىنا ەنگىزىپ، اۋىل - قىستاق جەرىنىڭ مەنشىك ۇقىعى، كوتەرمەگە الۋ ۇقىعى، تيجارات جۇرگىزۋ ۇقىعى ”ءۇش ۇقىقتى ءبولۋ“ كەمەلدەندىرىلدى، تەرگەۋدى وزەك ەتكەن قىلمىستىق ىستەر ارىز - شاعىم ءتۇزىمى رەفورماسى ىلگەرىلەتىلدى، كاسىپورىن جۇمىسشى - قىزمەتشىلەرىنىڭ نەگىزگى زەينەتكەرلىك قامسىزداندىرۋى قورىن ورتالىق سايكەستىرۋ ءتۇزىمى ورناتىلدى...

  جۋىردا عانا ەكونوميكالىق ەرەكشە رايون قۇرىلعاندىعىنىڭ 40 جىلدىعىن وراي ەتىپ، ورتالىق ءتىزىم بويىنشا توپتاپ ۇقىق بەرۋ تاسىلىمەن شىنجىنعا ماڭىزدى سالالار مەن شەشۋشى بۋىندار رەفورماسىندا اناعۇرلىم كوپ ىرىقتى ۇقىق بەردى، 27 تارماق رەفورما شاراسى مەن 40 تارماق العاشقى توپتاعى ۇقىق بەرۋ ىستەرىن جالپىلاي العا قويدى.

  5 جىلدان بەرى اشىق اينالىسقا تۇسىرۋدە، جوعارى ساپالى دامۋدا ۇزدىكسىز جاڭا ءورىس اشىلدى −

  ”اماليات وتكەن 40 جىلدا جۇڭگو ەكونوميكاسىنىڭ دامۋى اشىق ۇستاۋ شارت - جاعدايىندا قول جەتكەندىگىن، بولاشاقتا جۇڭگو ەكونوميكاسىنىڭ جوعارى ساپالى دامۋىنىڭ جۇزەگە اسىرىلۋى دا، ءسوز جوق، اناعۇرلىم اشىق ۇستاۋ شارت - جاعدايدا جۇرگىزىلەتىندىگىن دالەلدەدى“.

  2018 - جىلى 4 - ايدا باس شۋجي شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق جينالىسىنىڭ اشىلۋ سالتىندا تاقىرىپتىق ءسوز سويلەپ، ەسىك اشۋ ارقىلى جوعارى ساپالى دامۋدى ىلگەرىلەتۋ بەكىمىن انىق بايىمدادى.

  جيىنى 138 مەملەكەت جانە 30 حالىقارالىق ۇيىممەن 200 پارشا ”ءبىر بەلدەۋ، ءبىر جولدى“ بىرگە قۇرۋ سەلبەستىك حۇجاتىنا قول قويىسىپ، 21 ەركىن ساۋدا سىناق رايونىن قۇرىپ، الەمدىك تيجارات - ساۋدا ورتاسىنداعى ورنى 2019 - جىلى 31 - ورىنعا كوتەرىلىپ، ەكى كەزەك جۇڭگو حالىقارالىق يمپورت كورمەسىن ءساتتى وتكىزدى... 5 جىلدان بەرى ەلىمىزدىڭ سىرتقا ەسىك اشۋى اناعۇرلىم جوعارى دەڭگەيگە بەتتەپ، اشىق ەكونوميكالىق جاڭا ءتۇزىلىس جەدەل ورناتىلدى.

  بيىل دۇنيە جۇزىندە ىندەت ورشىگەن جاعدايدا، جۇڭگو يمپورت - ەكسپورت تاۋارلارى جارمەڭكەسى بۇلتقا كوشىرىلگەنىنەن جۇڭگو حالىقارالىق قىزمەت وتەۋ ساۋدا جارمەڭكەسى، جۇڭگو حالىقارالىق يمپورت كورمەسى سياقتىلار ىركەس - تىركەس وتكىزىلگەنگە دەيىن جۇڭگو كەلەلى حالىقارالىق ەكونوميكا، ساۋدا قيمىلدارىن ارت - ارتىنان وتكىزىپ، دۇنيە ءجۇزى ەكونوميكاسىنىڭ قالپىنا كەلۋىنە قوزعاۋشى قۋات قوستى.

  ”ەلىمىزدىڭ اسا ءىرى كولەمدى بازار باسىمدىعى مەن ىشكى سۇرانىس كومەسكى كۇشىن تولىق ساۋلەلەندىرىپ، ەل ءىشى، حالىقارا قوس اينالىمعا تۇسەتىن ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ كەرەك“، بيىل 5 - ايدىڭ 14 - كۇنى اشىلعان ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە جاڭا كەلەلى دامۋ ستراتەگياسى العا قويىلدى.

  ەل ىشىندەگى ءىرى اينالىمدى نەگىزگى تۇلعا ەتەتىن، ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىنىڭ قالىپتاسۋىن ىلگەرىلەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ءىشى - سىرتىنداعى دامۋ اۋقىمىن عىلمي يگەرىپ جاساعان ستراتەگيالىق شەشىم.”ەل ىشىندەگى ۇلكەن اينالىمدى نەگىزگى تۇلعا ەتۋ استە ەسىكتى جاۋىپ الىپ جابىق كۇيدە جۇمىس جۇرگىزۋ دەگەندىك ەمەس، قايتا ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردىڭ اناعۇرلىم ويداعىداي تۇتاسۋىن، حالىقارا جانە ەل ءىشى سىندى ەكى بازاردان، ەكى بايلىقتان اناعۇرلىم ويداعىداي پايدالانىپ، اناعۇرلىم پارمەندى باياندى دامۋدى جۇزەگە اسىرۋىمىز كەرەك“. بيىل 7 - ايدا باس شۋجي شي جينپيڭ كاسىپكەرلەر اڭگىمە ماجىلىسىندە تۋى ايقىن تۇردە ەسىك اشۋدى بۇلجىماستان كەڭەيتۋ ەمەۋرىنىن ءبىلدىردى.

  حالىقتى بارىنەن جوعارى قويىپ، حالىقتى باقىتقا كەنەلتىپ، بۇكىل حالىقتى باستاپ باقىتتى تاماشا تۇرمىسقا بەتتەدى

  ءبىر تاۋدان اسۋ ءۇشىن قانشا جىل قاجەت؟

  سىچۋاننىڭ دالياڭشان تاۋىنداعى جالاما جارتاستىڭ ۇستىندە اتۋلەر قىستاعىنىڭ تۇرعىندارى اتا - بابالارىنان بەرى نەشە جۇزدەگەن جىلدار بويى وسى ارادا تىرشىلىك ەتىپ كەلدى. 2016 - جىلى 11 - ايدان بۇرىن قىستاق تۇرعىندارى ءجۇرىپ - تۇرۋدا بۇكىلدەي ”اسپان ساتىسىنا“ سۇيەنەتىن.

  ”قىستاق تۇرعىندارىنىڭ ءجۇرىپ - تۇرۋ جاعدايىن كورىپ، تىنىشىم قاتتى كەتتى“. 2017 - جىلى مەملەكەتتىك ەكى ماجىلىستە باس شۋجي شي جينپيڭ لياڭشان وبلىسىنىڭ ”جالاما جارتاستاعى قىستاق“ جونىندەگى تەلەۆيزورداعى حاباردى كورگەنىن تىلگە العاندا، ونىڭ ءسوزى مەن بەت الپەتىنەن كوڭىل بولگەن ىقىلاستى پەيىلى ءبىلىنىپ تۇر.

  2020 - جىلى 5 - ايدا قىستاق تۇرعىندارى اقىرى تاۋدان ءتۇستى.

  ارحيۆ تۇرعىزىلىپ، كارتچكالاندىرىلعان 84 كەدەي وتباسىندا جالپى 344 ادام قونىس جاڭالاپ كەدەيلەردى سۇيەمەلدەۋ بويىنشا شاۋجۋە اۋدان قالاشىعىنداعى شوعىرلى ورنالاستىرۋ تۇيىنىندەگى جاڭا ۇيلەرگە ىركەس - تىركەس كوشىپ كىردى.

  نەشە مىڭ جىلدان بەرى قىستاق تۇرعىندارىنىڭ ەڭسەسىن باسىپ تۇرعان ”كەدەيلىك تاۋىنان“ اقىرى اسىپ ءوتتى.

  پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىندە: ”ءسوز جوق، حالىقتى وزەك ەتۋ سىندى دامۋ يدەياسىنا تاباندى بولىپ، حالىقتىڭ ىرىس - قۇتىن ارتتىرۋدى، ادامداردىڭ جان - جاقتى دامۋىن جەبەۋدى دامۋدىڭ شىعار ءتۇيىنى مەن تابان تىرەر تياناعى ەتۋ كەرەك“ دەپ باسا دارىپتەلدى.

  جاڭا دامۋ ۇستانىمىن دايەكتىلەندىرىپ، حالىقتىڭ ىرىس - قۇتىن ارتتىرۋ، ادامنىڭ جان - جاقتى دامۋىن جەبەۋ شىعار ءتۇيىن جانە تابان تىرەر تياناق بولدى.

  5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ تاماشا تۇرمىسقا دەگەن تالپىنىسىن بۇلجىماس كۇرەس نىساناسى ەتىپ، دامۋ حالىق ءۇشىن، دامۋ جەتىستىكتەرىنەن حالىق تەڭ يگىلىكتەنۋ دەگەننەن جازباي، جوعارى ساپالى دامۋدى ىلگەرىلەتۋ بارىسىندا ءار ءتۇرلى حالىق تۇرمىسى ىستەرىن ويداعىداي ىستەۋگە، حالىق تۇرمىسى سالاسىنداعى ولقىلىقتاردى تولىقتاۋعا قۇلشىنىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.

  − بەلدى بەكەم بۋىپ، اتوي دابىلىن قاعىپ، كەدەيلىكتەن ارىلتۋدان قامال الۋدىڭ شەشۋشى شايقاس كەزەڭىنە وتۋىنە جەتەكشىلىك ەتتى.

  كەدەيلىك − ”13 - بەسجىلدىق“ مەزگىلىندەگى ەلىمىزدىڭ دامۋىنداعى ەڭ كورنەكتى ولقىلىق.

  2015 - جىلدىڭ سوڭىندا ەلىمىزدىڭ اۋىل - قىستاق−تارىندا ارحيۆ تۇرعىزىلىپ، كارتچكالاندىرىلعان 54 ميلليون 330 مىڭ كەدەي بار ەدى، باتىس بولىكتەگى كوپتەگەن ولكەلەردە كەدەيلىكتىڭ تۋىلۋ سالىستىرماسى %7تەن اسقان، كەدەيلىك دارەجەسى تەرەڭ، كەدەيلىكتى ازايتۋدىڭ وزىندىك قۇنى جوعارى، كەدەيلىكتەن ارىلتۋدىڭ قيىندىعى زور بولدى.

  سول ارىنمەن، قاجىرلى قايراتپەن شايقاسقا شىقتى.

  باس شۋجي شي جينپيڭ ءوزى قولباسشىلىق ەتتى، ءوزى جورىققا اتتاندى، ءوزى شايقاستى قاداعالادى. 5 جىلدان بەرى باس شۋجي شي جينپيڭ قاجىر - قايراتىنىڭ ەڭ كوبىن كەدەيلەردى سۇيەمەلدەۋ قىزمەتىنە ارنادى، ءار جىلى ءبىر رەت كەدەيلىكتەن ارىلتۋدان قامال الۋ جونىندە ارناۋلى تاقىرىپتا اڭگىمە ءماجىلىسىن اشۋعا تاباندى بولىپ، كەدەي وڭىرلەرگە ۇزدىكسىز تۇردە ىشكەرىلەي بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، كەدەي قىستاقتاردى ارالاپ كەدەي وتباسىلارىنا بارىپ حال - جاعدايىن سۇراپ، كەدەي بۇقارانى ەسىنەن شىعارمادى.

  شىعىس، باتىس بولىكتەردىڭ كەدەيلەردى سۇيەمەلدەۋ سەلبەستىگى مەن باعىتتامالى كومەكتەسۋ قىزمەتىن اناعۇرلىم جاقسى ىستەۋدەن اۋىر كەدەي وڭىرلەردىڭ كەدەيلىكتەن ارىلتۋدان قامال الۋىن جەدەل ىلگەرىلەتۋگە، ودان ارى قاراي ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەردى كۇش سالا شەشكەنگە دەيىن، كەدەيلىكتەن ارىلتۋدان قامال الۋ شايقاسىنىڭ ءاربىر ماڭىزدى كەزەڭىنە، شەشۋشى ساتىنە جەتكەن سايىن باس شۋجي شي جينپيڭ اناعۇرلىم ايقىن وي جەلىسىن العا قويىپ، اناعۇرلىم دالمە - ءدال شارالاردى ورنالاستىردى.

  ورتالىق ءبىر تۇتاس جوسپارلاۋ، ولكە باس جاۋاپتى بولۋ، قالا، اۋداندار تياناقتاندىرۋدى يگەرۋ سىندى قىزمەت مەحانيزمىن دايەكتىلەندىرۋدى ىلگەرىلەتۋ ءۇشىن، 2017 - جىلدان باستاپ باس شۋجي شي جينپيڭ ءار جىلى ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، كەدەيلىكتەن ارىلتۋدان قامال الۋدىڭ ناتيجەسىن جىلدىق باعالاۋ سياقتى جاعدايلار جونىندەگى مالىمەتتى تىڭدادى.

  ەڭ سوڭعى جەڭىسكە شىنايى كەپىلدىك ەتۋ ءۇشىن، 2020 - جىلى 3 - ايدىڭ 6 - كۇنى باس شۋجي شي جينپيڭ پارتيا 18 - قۇرىلتايىنان بەرگى كەدەيلىكتەن ارىلتۋدان قامال الۋ جونىندەگى ەڭ كولەمدى ماجىلىسكە قاتىناسىپ، ولكە دارەجەلىدەن اۋدان دارەجەلىگە دەيىنگى كادرلارعا تىكەلەي تالاپتار قويىپ، ورنالاستىرۋ جاسادى. باس شۋجيدىڭ تاپسىرماسىن ەستە بەرىك ساقتاي وتىرىپ، 5 جىلدا جيىنى 2 ميلليون 900 مىڭنان استام ءبىرىنشى شۋجي نەمەسە قىستاقتا تۇراتىن كادرلار كەدەيلىكتەن ارىلتۋدان قامال الۋدىڭ ءبىرىنشى شەبىندە شايقاس جاسادى؛

  باس شۋجي باستان - اياق ەستەن شىعارماي كوڭىل بولگەن ”ءۇش رايون، ءۇش وبلىستا“ كەدەيلەر سانى 2017 - جىلعى 3 ميلليون 50 مىڭنان 2019 - جىلدىڭ سوڭىندا 430 مىڭعا ازايدى؛

  باس شۋجي كوڭىل بولگەن ”ەكىدەن تارىقتىرماۋ، ءۇشتى قامتاماسىز ەتۋ“ ماسەلەسى جالپى تۇلعالىق جۇزەگە اسىرىلدى جانە نەگىزىنەن شەشىلدى...

  ”13 - بەسجىلدىقتىڭ“ الدىڭعى 4 جىلىندا ەلىمىزدە كەدەيلىكتىڭ تۋىلۋ سالىستىرماسى 2015 - جىلدىڭ سوڭىنداعى %5.7تەن 2019 - جىلدىڭ سوڭىندا %0.6كە ءتۇستى. كەزەكتە كەدەيلىك قالپاعى الىنباعان 52 كەدەي اۋدان مەن 1113 كەدەي قىستاق شايقاستى باسى - قاسىندا قاداعالاپ، كەدەيلىك قامالىنا قاراي ەڭ سوڭعى اتويعا شىقتى.

  ”دەر كەزىندە جاپپاي دوڭگەلەك داۋلەتتى قوعام ورناتۋعا، قازىر اتقارىلىپ وتىرعان ولشەمنەن تومەنگى اۋىل - قىستاق كەدەي حالقىنىڭ تۇگەلدەي كەدەيلىكتەن ارىلۋىن دەر كەزىندە جۇزەگە اسىرۋعا، «بىرلەسكەن مەملەكەتتەر ۇيىمىنىڭ 2030 - جىلعى باياندى دامۋ كەڭەستىك تارتىبىندەگى» كەدەيلىكتى ازايتۋ نىساناسىن 10 جىل بۇرىن جۇزەگە اسىرۋعا سەنىمىمىز بار“. بيىل 9 - ايدىڭ 22 - كۇنى باس شۋجي شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا دۇنيە جۇزىنە وسىنى سالتاناتپەن جاريالادى.

  − نازاردى حالىق تۇرمىسىنداعى ”ۇساق ىستەرگە“ شوعىرلاندىرىپ، حالىق تۇرمىسىنداعى ولقىلىقتاردى تولىقتاپ، ادىلدىكتى، ادىلەتتىلىكتى جەبەپ، حالىق بۇقاراسىنىڭ تابىس سەزىمىنىڭ اناعۇرلىم تاتىمدى بولۋىنا، باقىت سەزىمىنىڭ اناعۇرلىم باياندى بولۋىنا، حاۋىپسىزدىك سەزىمىنىڭ اناعۇرلىم قامتاماسىز ەتىلۋىنە مۇمكىندىك جاساۋعا قۇلشىندى.

  سولتۇستىكتەگى وڭىرلەردىڭ قىستا تازا ەنەرگيامەن جىلىنۋىن، قوقىر - قوقسىقتى تۇرگە ءبولۋدى جولعا قويۋدى، قارتتاردى كۇتىمدەۋ ورىندارىنىڭ قىزمەت وتەۋ ساپاسىن جوعارىلاتۋدى ىلگەرىلەتتى...

  2016 - جىلى 12 - ايدىڭ 21 - كۇنى باس شۋجي شي جينپيڭ ورتالىق قازىنا - ەكونوميكاعا باسشىلىق ەتۋ گرۋپپاسىنىڭ 14 - رەتكى ءماجىلىسىن باسقارىپ اشىپ، ”13 - بەسجىلدىق“ جوبا باعدارلاماسىندا بەلگىلەنگەن 165 ءتۇرلى كەلەلى ينجەنەريالىق نىسانداردىڭ ىلگەرىلەتىلۋى جانە حالىق بۇقاراسى جاپپاي كوڭىل بولگەن كورنەكتى ماسەلەلەردى ويداعىداي شەشۋ سياقتى قىزمەتتەردى اقىلداستى.

  باس شۋجي شي جينپيڭ: ”جاپپاي دوڭگەلەك داۋلەتتى قوعام ورناتۋدا، ەكونوميكالىق ارتۋدى ساقتاۋمەن قاتار، ەڭ ماڭىزدىسى، حالىقتى وزەك ەتكەن دامۋ يدەياسىن تياناقتاندىرىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارانىڭ قيىنشىلىعىن شەشىپ، ءبىلىم الۋ، ەڭبەگىنىڭ جەمىسىن كورۋ، اۋىرعاندا ەمدەلە الاتىن بولۋ، قارتايعاندا كۇتىنە الاتىن بولۋ، باسىندا باسپاناسى بولۋ جاقتارىندا تىڭ ىلگەرىلەۋشىلىكتەرگە ۇزبەي قول جەتكىزۋ كەرەك“ دەپ باسا دارىپتەدى.

  نازاردى بۇقارانىڭ ”شۇعىل، قيىن، ۋايىمداعان، كوكسەگەن“ ىستەرىنە شوعىرلاندىرىپ، ”ۇساق ىستەردى“ ۇلكەن ءىس رەتىندە ىستەدى.

  ”13 - بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتى حالىق بۇقاراسى جاپپاي كوڭىل بولگەن، اڭىسى كۇشتى بولعان، قايتا - قايتا جارىققا شىعىپ وتىرعان ماسەلەلەردى شىعار ءتۇيىن ەتۋگە تاباندى بولىپ، اناعۇرلىم كوپ شارالاردى شىعارىپ، اناعۇرلىم كۇش جۇمساپ، ءاربىر ءىستىڭ ءبىر - بىردەن تياناقتاندىرىلۋىن يگەردى:

  5 جىلدان بەرى قالا - قالاشىقتا جاڭادان جۇمىستاندىرىلعان ادام 60 ميلليوننان اسىپ، جاڭالىق اشۋدىڭ، شارۋاشىلىق قۇرۋدىڭ تولقىنى كوتەرىلىپ، جاڭا كاسىپتەر ۇزدىكسىز جارىققا شىقتى؛

  5 جىلدان بەرى بۇكىل ەلدە لاشىقتى جەرلەردى وزگەرتۋ بويىنشا شامامەن 23 ميلليون تۇرعىن ءۇي قۇرىلىسى باستالىپ، 50 ميلليوننان استام تۇرعىننىڭ ”لاشىقتان عيماراتقا كوشىپ كىرۋىنە“ كومەك كورسەتىلدى، 2019 - جىلدىڭ سوڭىنا دەيىن 38 ميلليوننان استام قيىنشىلىعى بار بۇقارا الەۋمەتتىك جالعا بەرىلگەن ۇيلەرگە كوشىپ كىردى، 22 ميلليونعا تاياۋ قيىنشىلىعى بار بۇقارا ءۇيدى جالعا الۋ قوسىمشا قاراجاتىن الدى؛

  5 جىلدان بەرى مىندەتتى وقۋ - اعارتۋدىڭ ساپاسى ۇزدىكسىز جوعارىلاپ، بۇكىل ەل بويىنشا مىندەتتى وقۋ - اعارتۋ مەكتەپتەرىنىڭ %99.8ىنىڭ وقىتۋ شارت - جاعدايى ولشەمگە جەتىپ، ارحيۆ تۇرعىزىلىپ، كارتچكالاندىرىلعان كەدەي وتباسىلارىندا مىندەتتى وقۋ - اعارتۋ ساتىسىنداعى وقۋدان قول ۇزگەن وقۋشىلاردىڭ سانى نولگە ءتۇسىرىلدى؛

  5 جىلدان بەرى قارتتاردى كۇتىمدەۋ قىزمەت وتەۋ جۇيەسى قۇرىلىسىنا قارجى قوسۋ سەرپىنى ۇزدىكسىز كۇشەيتىلىپ، قىزمەت وتەۋ قابىلەتى ۇزدىكسىز جوعارىلاتىلدى، قارتتاردى كۇتىمدەۋ قىزمەت وتەۋ توسەگىنىڭ سانى 7 ميلليون 610 مىڭنان استى، 30 ميل−ليونعا تاياۋ قارت جاسى كەلگەن قارتتارعا بەرىلەتىن قوسىمشا قاراجاتتان يگىلىكتەندى؛

  5 جىلدان بەرى سالاماتتى جۇڭگو ستراتەگياسى ورنىقتى اتقارىلدى، 2019 - جىلى ەلىمىزدە ادامداردىڭ ورتاشا مەجەلى عۇمىر جاسى 77.3كە جەتتى، نەگىزگى ەمدەۋ قامسىزداندىرۋىنا قاتىناسۋدىڭ قامتۋ سالىستىرماسى %95تەن جوعارى دەڭگەيدە تۇراقتاندى، نەگىزگى سالاماتتىق كورسەتكىشتەرى جالپى تۇلعالىق جاقتان العاندا ورتا، جوعارى كىرىستى مەملەكەتتەردىڭ الدىڭعى لەگىنەن ورىن الدى.

  5 جىلدان بەرى دەموكراتيا، زاڭمەن جونگە سالۋ داۋىرمەن قادامداس، رەفورمامەن ۇندەس بولدى، ءبىر توپ ماڭىزدى زاڭ جانە قاتىستى زاڭدىق ماسەلەلەر جونىندەگى قارار ىركەس - تىركەس جاسالدى، ازاماتتىق زاڭناما ماقۇلداندى، ۆاكسينا باسقارۋ زاڭى شىعارىلدى، قورشاعان ورتانى قورعاۋ زاڭىنا، اتموسفەرانىڭ لاستانۋىنان ساقتانۋ جانە ونى جونگە سالۋ زاڭىنا وزگەرىس ەنگىزىلدى... عىلمي جولمەن زاڭ شىعارۋ، دەموكراتيالىق جولمەن زاڭ شىعارۋ، زاڭ بويىنشا زاڭ شىعارۋ ىشكەرىلەي ىلگەرىلەتىلدى.

  − حالىقتى بارىنەن جوعارى قويىپ، ءومىردى بارىنەن جوعارى قويىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدان جازباي، حالىققا دەگەن تەرەڭ سۇيىسپەنشىلىكتى ايگىلەدى.

  بيىل 10 - ايدىڭ 17 - كۇنى ساعات 0دە چيڭداۋ قالاسىندا بارلىق ادامنىڭ نۋكلەين قىشقىلىنان ۇلگى الىپ تەكسەرۋ نەگىزىنەن اياقتالدى، 5 كۇندە الىنعان ۇلگى 10 ميلليون 890 مىڭنان استى.

  ”حالىقتىڭ ءومىرىنىڭ حاۋىپسىزدىگىن قورعاۋ ءۇشىن، ءبىز ەشتەڭەدەن تايىنبايمىز!“ باس شۋجي شي جينپيڭ كەسەتىپ پارمەندى تۇردە ايتتى.

  بۇرىن بولماعان، توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، ىندەتتەن ساقتانۋ - تىزگىندەۋ سىندى ءتۇتىنسىز سوعىستى باتىل جۇرگىزدى.

  10 ميلليون حالقى بار ءىرى قالا ۋحاننان شىعۋ جولىن جاپتى؛ 40 مىڭنان استام مەديتسينا قىزمەتكەرى تۇندەلەتىپ كومەككە اتتاندى؛ ءبىر ميلليارد 400 ميلليون جۇڭگولىق ەل بىرلىگىنەن بەرىك قامال تۇرعىزدى.

  تۋعانىنا نەبارى 30 نەشە ساعات بولعان نارەستەدەن 108 جاستاعى قارياعا دەيىن، ءاربىر ناۋقاستى تاستامادى؛ بۇكىل ەل بويىنشا دياگنوزى تۇراقتاندىرىلعان ناۋقاسقا ورتا ەسەپپەن 23 مىڭ يۋان شاماسىندا ەمدەۋ قاراجاتى جۇمسالدى، كەيبىر قاتەرلى، سالماقتى ناۋقاستاردىڭ ەمدەلۋ قاراجاتى بىرنەشە ءجۇز مىڭعا جەتتى، ءتىپتى، ءبىر ميلليون يۋاننان استى، مۇنىڭ بارلىعىن مەملەكەت ۇستىنە الدى...

  شىنايى سۇيىسپەنشىلىك اۋەلگى ماقساتتى نۇرلاندىردى.

  ”14 - بەسجىلدىق“ مەزگىلى − ۇتىمدى جاعدايدان پايدالانا وتىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ ءبىرىنشى 5 جىلى، ەلىمىز جاڭا دامۋ كەزەڭىنە وتەدى.

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى حالىق شارۋاشىلىعى مەن قوعامدىق دامۋدىڭ 14 - رەتكى بەسجىلدىق جوبانى جانە 2035 - جىلعا دەيىنگى بولاشاقتىق نىسانانى بەلگىلەۋ جونىندەگى ۇسىنىستى قاراپ، مۇنان بىلايعى ءبىر مەزگىلدەگى ەلىمىزدىڭ ەكونوميكالىق، قوعامدىق دامۋىنا بەتالىس كورسەتىپ، جوبا جاسايدى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ماڭگى بويكۇيەزدىككە سالىنبايتىن رۋحاني كۇيدى جانە العان بەتتەن قايتپايتىن كۇرەسكەرلىكتى باستان - اياق ساقتاعاندا، ءبىز، ءسوز جوق، جاڭا اناعۇرلىم زور كەرەمەتتەردى جارىققا شىعارىپ، تىڭ ءارى اناعۇرلىم زور جەڭىسكە قول جەتكىزە الامىز.

  (تىلشىلەر جاۋ چاۋ، چي جۇڭشي، ان بەي، چىن ۋيۋي، حوۋ شۋەجيڭ)

  (شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل