جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى

  جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى

  شي جينپيڭ ماڭىزدى ءسوز سويلەدى

  لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

  10 - ايدىڭ 23 - كۇنى جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن

  10 - ايدىڭ 23 - كۇنى جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جينالىسقا قاتىناستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى 10 - ايدىڭ 23 - كۇنى تۇستەن بۇرىن بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، بىلاي دەپ باسا دارىپتەدى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى سوعىسى يمپەرياليزمنىڭ شاپقىنشىلىق ىرگە كەڭەيتۋىنە قارسى تۇرىپ، جاڭا جۇڭگونىڭ حاۋىپسىزدىگىن قورعاپ، جۇڭگو حالقىنىڭ بەيبىت تۇرمىسىن قورعاپ، چاۋشيان تۇبەگىنىڭ جاعدايىن ورنىقتىردى، ازيانىڭ جانە دۇنيە ءجۇزىنىڭ بەيبىتشىلىگىن قورعادى. 70 جىلدىڭ الدىنداعى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى سوعىسىنا قايىرىلا قاراساق، كوپتەگەن جاڭا تاريحي ەرەكشەلىككە يە ۇلى كۇرەس جۇرگىزدىك، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىنا كوز جىبەرسەك، تاباندىلىعىمىز شەكسىز ارتىپ، سەنىمىمىز تەڭدەسسىز كۇشەيەدى. ءبىز امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ماشاقاتتى بارىسى مەن ۇلى جەڭىسىن ەستە بەرىك ساقتاپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتىپ، ايبارلى ەرلىكپەن، اسقاق رۋحپەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قاراي، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ۇزدىكسىز ەرلىكپەن العا ىلگەرىلەۋىمىز كەرەك.

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.

  حالىق سارايىنىڭ ۇلكەن زالى ايبىندى دا قىزۋ بەينەگە شومدى. ءتوراعالار مىنبەسىنىڭ جوعارعى جاعىنا ”جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى“ دەپ جازىلعان جينالىس بەلگىسى ءىلىندى، ارتقى شىمىلدىقتىڭ ءدال ورتاسىنا مەملەكەت گەربى ءىلىنىپ، مەملەكەت گەربىنىڭ استىڭعى جاعىنا ”2020 — 1950“ دەگەن اق ءتۇستى سان جازىلعان، 10 قىزىلتۋ ەكى جاعىنا ءبولىنىپ تىزىلگەن. ۇلكەن زالدىڭ 2 - قاباتىنداعى تەكشەگە ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەس جۇرگىزىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ جولىندا قاجىماي - تالماي كۇرەس جۇرگىزەيىك!“ دەگەن ۇران ىلىنگەن.

  تۇستەن بۇرىن ساعات 10دا جينالىس باستالدى. بۇكىل زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى. مەملەكەت ءانى ورىندالىپ بولعان سوڭ، بۇكىل زالداعىلار ورىندارىنان تۇرىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىندا ەرلىكپەن قازا بولعان قۇرباندارعا ءۇنسىز ازا ءبىلدىردى.

  قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى: ول مىنالاردى ءبىلدىردى: 70 جىلدىڭ الدىندا جۇڭحۋانىڭ تاڭداۋلى پەرزەنتتەرىنەن قۇرالعان جۇڭگو حالىق ەرىكتىلەر ارمياسى حالىقتىڭ ماڭىزدى تاپسىرماسىن، ۇلتتىڭ ءۇمىتىن ارقالاپ، بەيبىتشىلىكتى قورعاۋدىڭ، شاپقىنشىلىققا قارسى تۇرۋدىڭ ادىلەت تۋىن بيىك ۇستاپ، ايبارلى ەرلىكپەن، اسقاق رۋحپەن يالۋجياڭ وزەنىنەن ەندەي ءوتىپ، ۇلى وتانشىلدىق رۋحتى جانە توڭكەرىستىك قاھارماندىق رۋحتى ساۋلەلەندىرىپ، چاۋشيان حالقىمەن جانە ارمياسىمەن بىرگە 2 جىل 9 اي بويى اسا ماشاقاتتى قاندى سوعىس جۇرگىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى جۇڭحۋا ۇلتىنىڭ تاريح پاراعىنا ماڭگى ويىلىپ جازىلادى، ادامزاتتىڭ بەيبىتشىلىك، دامۋ، العا باسۋىنىڭ تاريح پاراعىنا ماڭگى ويىلىپ جازىلادى.

  شي جينپيڭ بىلاي دەپ باسا دارىپتەدى: 70 جىلدان بەرى، ءبىز اعا بۋىن توڭكەرىسشىلەردىڭ حالىقارالىق ادىلەتتىلىكتى قورعاۋ، دۇنيە ءجۇزىنىڭ بەيبىتشىلىگىن قورعاۋ، جاڭا ومىرگە كەلگەن رەسپۋبليكانى قورعاۋ جولىندا سىڭىرگەن وشپەس ەڭبەگىن باستان - اياق ەستەن شىعارمادىق، ايبىنى اسقاق قاھارماندىق ماداق جىرىن جازعان جۇڭگو حالىق ەرىكتىلەر ارمياسىنىڭ قولباسىلارى مەن جاۋىنگەرلەردى، سونداي - اق وسى سوعىستىڭ جەڭىسكە جەتۋىنە ۇلەس قوسقان ادامداردى باستان - اياق ەستەن شىعارمادىق، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىندا ەرلىكپەن قۇربان بولعان قۇربانداردى باستان - اياق ەستەن شىعارمادىق، قۇربانداردىڭ ەسەلى ەڭبەگى ماڭگىلىك ۇمىتىلمايدى، قۇربانداردىڭ داڭقتى ەسىمى ماڭگى ساقتالادى. شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان جۇڭگو حالىق ەرىكتىلەر ارمياسىنىڭ بارلىق كوزى ءتىرى ساقا جاۋىنگەرلەرىنە، ساقا جولداستارعا، جارالانعان، مۇگەدەك بولعان داڭقتى اسكەريلەرگە، سول جىلداردا امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنا كومەك كورسەتكەن بۇكىل ەلدەگى ءار ۇلت حالقىنا، اسىرەسە، سوعىسقا قاتىناسىپ الدىڭعى شەپكە كومەك كورسەتكەندەرگە، جۇڭگو حالىق ەرىكتىلەر ارمياسىنداعى قۇربانداردىڭ وتباسىنداعىلارعا، اسكەريلەردىڭ وتباسىنداعىلارعا ەڭ ىقىلاستى سالەم جولدادى.

  شي جينپيڭ مىنالاردى ءبىلدىردى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىندا چاۋشيان پارتياسى، ۇكىمەت، حالقى جۇڭگو حالىق ەرىكتىلەر ارمياسىنا كوڭىل ءبولدى، ايالادى، كومەكتەستى، جۇڭگو مەن چاۋشيان ەكى ەل حالقى مەن ارمياسى بەينەت پەن زەينەتتى بىرگە وتكەرىپ، ءومىر - ءولىم سايىسىن بىرگە باستان كەشىپ، ۇلى كۇرەسكەرلىك دوستىقتى ىستىق قاندارىمەن بىرگە تۇلعالادى. دۇنيە جۇزىندەگى بەيبىتشىلىكتى سۇيەتىن بارلىق مەملەكەت پەن حالىق، دوس ۇيىمدار مەن دوس قايراتكەرلەر جۇڭگو حالىق ەرىكتىلەر ارمياسىنىڭ چاۋشيانعا بارىپ سوعىس جۇرگىزۋىنە پارمەندى كومەك بەردى جانە قولداۋ كورسەتتى. شي جينپيڭ جۇڭگو پارتياسى، ۇكىمەتى، ارمياسى اتىنان ولارعا شىن جۇرەكتەن العىس ايتتى.

  شي جينپيڭ بىلاي دەپ اتاپ كورسەتتى: جۇڭحۋا ۇلتى − بەيبىتشىلىكتى سۇيەتىن ۇلت، جۇڭگو حالقى − بەيبىتشىلىكتى سۇيەتىن حالىق. تاياۋ زاماننان كەيىن، جۇڭگو حالقى ازۋلى ەلدەردىڭ شاپقىنشىلىعىنىڭ زيانكەستىگىنە ۇشىراپ، سوعىس تاقسىرەتىن ابدەن تارتتى، اسىرەسە، سوعىستىڭ قاتىگەزدىگىن، بەيبىتشىلىكتىڭ قىمباتتىلىعىن تەرەڭ سەزىندى. جاڭا جۇڭگو قۇرىلعان العاشقى تۇستا، ويران بولعاندى ورنىنا كەلتىرىپ، شارۋاشىلىقتى كوركەيتۋگە تۋرا كەلدى، جۇڭگو حالقى بەيبىتشىلىك پەن تىنىشتىقتى شەكسىز كوكسەدى. ءبىراق جۇڭگو حالقىنىڭ بۇل تىلەگى ورەسكەل سىن - سايىسقا ۇشىراپ، يمپەرياليستىك شاپقىنشىلار سوعىستى جۇڭگو حالقىنا زورلاپ تاڭدى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى − سوعىسۋشى ەكى جاقتىڭ كۇشىندە وراسان زور پارىق بولعان جاعدايدا جۇرىلگەن وسىزاماندانعان سوعىس. وسىنداي تىم تەڭسىز، اسا جاپا - ماشاقاتتى جاعدايدا جۇڭگو حالىق ەرىكتىلەر ارمياسى چاۋشياننىڭ ارميا - حالقىمەن تىعىز سايكەسىپ، اسا جاپا - ماشاقاتتى سوعىس جۇرگىزۋ ارقىلى ءتىس - تىرناعىنا دەيىن قارۋلانعان قارسىلاسىن جەڭدى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى − جۇڭگو حالقىنىڭ ورنىنان تۇرىپ دۇنيەنىڭ شىعىسىندا ەڭسە كوتەرگەندىگىنىڭ جارناماسى، جۇڭحۋا ۇلتىنىڭ ۇلى گۇلدەنۋگە بەت الۋىنىڭ ماڭىزدى بەلەسى ساناتىندا، جۇڭگو مەن دۇنيە ءجۇزى ءۇشىن كەلەلى دە تەرەڭ ماڭىزعا يە.

  شي جينپيڭ بىلاي دەپ باسا دارىپتەدى: وسى سوعىس ارقىلى جۇڭگو حالقى شاپقىنشىلاردىڭ مەملەكەت قاقپاسىنا اسكەر توپتاپ، ودان ارى قاراي جاڭا جۇڭگونى جورگەگىندە تۇنشىقتىرماقشى بولعان قاسكۇنەمدىگىن تالقاندادى، جاڭا جۇڭگو شىن مانىندە بەرىك تۇرا الدى؛ جۇڭگو حالقى تاياۋ زاماننان بەرگى كىم كورىنگەن اڭگىرتاياق ويناتقان، وزگەنىڭ قاباعىنا قاراعان 100 جىلدىق قورلىقتى ءۇزىلدى - كەسىلدى جويىپ، ”شىعىس ازيانىڭ دىمكاسى“ قالپاعىن ءۇزىلدى - كەسىلدى لاقتىرىپ تاستاپ، جۇڭگو حالقى شىن مانىندە ەڭسەسىن كوتەرىپ ەل ساناتىنا قوسىلدى؛ جۇڭگو حالقى شاپقىنشىلاردى جەڭىپ، بۇكىل دۇنيە ءجۇزىن ءدۇر سىلكىندىرىپ، جاڭا جۇڭگونىڭ ازيا مەن حالىقارالىق ىستەردەگى ماڭىزدى ورنىنىڭ نەگىزىن قالاپ، جاڭا جۇڭگونىڭ ءىرى ەلدىك ورنىن ايگىلەدى؛ حالىق ارمياسى سوعىس بارىسىندا سوعىس جۇرگىزۋدى ۇيرەنىپ، جالاڭ ءبىر ارميا تۇرىنەن كوپ اسكەر تۇرىنەن قۇرالعان ارمياعا قاراي ويىسۋدى جۇزەگە اسىرىپ، مەملەكەت قورعانىسى مەن ارميانىڭ وسىزاماندانۋىن بارىنشا ىلگەرىلەتتى؛ دۇنيە جۇزىلىك 2 - سوعىس اياقتاعاننان كەيىن، ازيانىڭ، ءتىپتى، دۇنيە ءجۇزىنىڭ ستراتەگيالىق ارناسى تەرەڭدەي سومدالدى، بۇكىل دۇنيە جۇزىندە ەزىلگەن ۇلتتار مەن حالىقتىڭ ۇلت تاۋەلسىزدىگى مەن حالىق ازاتتىعىنا قول جەتكىزۋ ادىلەتتى ىسىنە بارىنشا مەدەت بەرىلىپ، دۇنيە ءجۇزىنىڭ بەيبىتشىلىگى جانە ادامزاتتىڭ العاباسارلىق ىستەرى پارمەندى تۇردە ىلگەرىلەتىلدى. بۇل سوعىس جەر مەن سۋدى، وتان مەن وتباسىن امان ساقتاپ، جۇڭگو حالقىنىڭ زورلىق - زومبىلىقتان قورىقپايتىن قۇرىش جىگەرىن تولىق كورسەتتى. بۇل سوعىس جۇڭگو حالقىنىڭ رۋحىن اسقاقتاتىپ، جۇڭگو حالقىنىڭ ءبىر نيەتپەن جۇمىلعان قايىسپاس قاسيەتىن تولىق كورسەتتى. بۇل سوعىس دۇنيە ءجۇزىن جۇڭگوعا شىت جاڭا كوزبەن قاراتىپ، جۇڭگو حالقىنىڭ دۇنيە ءجۇزىنىڭ بەيبىتشىلىگىن قورعاۋ باتىل بەكىمىن تولىق كورسەتتى. بۇل سوعىس حالىق ارمياسىنىڭ جاۋىنگەرلىك قۋاتىنىڭ دۇنيە ءجۇزىن ءدۇر سىلكىندىرگەندىگىن، باتىل سوعىس جۇرگىزىپ، ءسوزسىز، جەڭۋدەي مويىماس قايسارلىعىن تولىق كورسەتتى. بۇل سوعىس ادىلەتتىڭ وكتەمدىكتى، ءسوزسىز، جەڭەتىندىگىن، بەيبىتشىلىك پەن دامۋدىڭ بوگەۋ بەرمەيتىن تاريح اعىنى ەكەنىن تاعى دا دالەلدەدى.

  شي جينپيڭ بىلاي دەپ اتاپ كورسەتتى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋدىڭ ايبىنى اسقاق سوعىسىندا ەرجۇرەك جۇڭگو حالىق ەرىكتىلەر ارمياسى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن سومدادى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى ۋاقىت پەن كەڭىستىكتەن اسىپ ءوتىپ، ۋاقىت وتكەن سايىن جاڭاردى، ءسوز جوق، ماڭگى جالعاستىرۋ، ۇرپاقتار بويى اسقاقتاتۋ كەرەك. مەيلى زامان قالاي دامىسىن، ءبىز قاشاندا زورەكەرلەردەن قورىقپايتىن، وكتەمدىككە قارسى تۇراتىن ۇلت جىگەرىن شىڭداۋىمىز كەرەك. مەيلى زامان قالاي دامىسىن، ءبىز قاشاندا جالپى جۇرت ءبىر نيەتپەن بىلەك بىرىكتىرىپ، تىلەك توعىستىراتىن ۇلت كۇشىن ۇيىستىرۋىمىز كەرەك. مەيلى زامان قالاي دامىسىن، ءبىز قاشاندا ءولىمدى ەلەڭ قۇرلى كورمەيتىن، اجال الشىسىنان كەلمەيتىن ۇلت جىگەرىن سومداۋىمىز كەرەك. مەيلى زامان قالاي دامىسىن، ءبىز قاشاندا تۋراشىلدىقتى ساقتاپ، جاڭالىق اشاتىن، ەرلىكپەن العا ۇمتىلاتىن ۇلت پاراساتىن قاۋلاتۋىمىز كەرەك.

  شي جينپيڭ بىلاي دەپ باسا دارىپتەدى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى جەڭىسكە جەتكەن 60 نەشە جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا جۇڭگودا بۇرىن بولىپ كورمەگەن تاريحي وراسان وزگەرىستەر تۋىلىپ، جۇڭگوشا سوتسياليزم جاڭا داۋىرگە ءوتىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. بۇگىنگى تاڭدا ءبىز ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرمىز، جاپپاي دوڭگەلەك داۋلەتتى قوعام ورناتۋدىڭ جەڭىسىنە قول جەتكىزۋ الدىندا تۇرمىز، جاپپاي سوتسياليستىك وسىزاماندانعان مەملەكەت قۇرۋدىڭ كەلەشەگى جارقىن. ۇلى جەڭىستى ەستە بەرىك ساقتاپ، ۇلى ىستەردى ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، پارتيانى ءتىپتى دە پارمەندى دە قۋاتتى ەتىپ سومداۋ؛ ءسوز جوق، حالىقتى وزەك ەتۋگە تاباندى بولىپ، بارلىعىن حالىق ءۇشىن ىستەپ، بارلىعىندا حالىققا سۇيەنۋ؛ ءسوز جوق، ەكونوميكالىق، قوعامدىق دامۋدى ىلگەرىلەتۋگە تاباندى بولىپ، ەلىمىزدىڭ جالپىلىق مەملەكەت قۋاتىن ۇزدىكسىز ۇلعايتۋ؛ ءسوز جوق، مەملەكەت قورعانىسىن جانە ارميانى وسىزامانداندىرۋدى جەدەل ىلگەرىلەتىپ، حالىق ارمياسىن دۇنيە جۇزىندەگى ماڭداي الدى ارميا ەتىپ جالپى بەتتىك قۇرىپ شىعۋ؛ ءسوز جوق، دۇنيە ءجۇزىنىڭ بەيبىتشىلىگى مەن ادىلەتىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: دۇنيە ءجۇزى ءار ەل حالقىنىڭ دۇنيە ءجۇزى، دۇنيە ءجۇزى ءدوپ كەلگەن قيىنشىلىق پەن سىن - سايىس ءار ەل حالىقتارىنىڭ قيىن - قىستاۋدا بىرگە بولىپ، قول ۇستاسا توتەپ بەرۋىن قاجەت ەتەدى، بەيبىت دامۋ، سەلبەسىپ تەڭ يگىلىككە كەنەلۋ عانا دۇنيەنىڭ دۇرىس جولى. قازىر دۇنيە جۇزىندە ءارقانداي سىڭار جاقتىلىق، قورعامپازدىق، اسىرە مۇددەشىلدىك اتاۋلى مۇلدە ىسكە اسپايدى. ءارقانداي قوقان - لوقى، قۇرساۋلاۋ، جوعارى شەكتەن اسقان قىسىم كورسەتۋ تاسىلدەرى تۇگەلدەي مۇلدە ىسكە اسپايدى. ءارقانداي ءوز بىلگەنىن ىستەيتىن، وزىمنەن كەرەمەت ەشكىم جوق دەيتىن ارەكەت اتاۋلى، ءارقانداي زورەكەرلىك، وزبىرلىق، وكتەمدىك ارەكەت اتاۋلى تۇگەلدەي مۇلدە ىسكە اسپايدى. مۇلدە ىسكە اسپاعانى بىلاي تۇرسىن، اقىرىندا، ءسوز جوق، قۇرىدىمعا كەتپەي قويمايدى.

  شي جينپيڭ بىلاي دەپ باسا دارىپتەدى: جۇڭگو قورعانىس سيپاتىندىق مەملەكەت قورعانىسى ساياساتىن دايەكتى اتقارىپ كەلەدى، جۇڭگو ارمياسى باستان - اياق دۇنيە ءجۇزىنىڭ بەيبىتشىلىگىن قورعايتىن بەرىك كۇش. جۇڭگو ماڭگى زورەكەر بولمايدى، ىرگە كەڭەيتپەيدى، زورەكەرلىك پەن وكتەمدىك ساياسيعا باتىل قارسى تۇرادى. ءبىز مەملەكەتتىڭ يەلىك ۇقىعىنىڭ، حاۋىپسىزدىگىنىڭ، دامۋ مۇددەسىنىڭ زيانعا ۇشىراۋىنا استە قول قۋسىرىپ قاراپ تۇرمايمىز، ءارقانداي ادامنىڭ، ءارقانداي كۇشتىڭ سۇعاناقتىق جاساۋىنا جانە وتاننىڭ قاسيەتتى تەرريتورياسىن بولشەكتەۋىنە استە جول قويمايمىز. ەگەر دە مۇنداي اۋىر جاعداي تۋىلا قالسا، جۇڭگو حالقى، ءسوز جوق، بەتپە - بەت كەلىپ سىلەيتە سوققى بەرەدى.

  لي كىچياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى مەن وراسان زور ۇلەسىن جاپپاي ەسكە الىپ، قورىتىندىلاپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحىنىڭ تاريحي ماڭىزى مەن داۋىرلىك قۇنىن تەرەڭدەي بايىمداپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى سالعان تاريحي ويدى جىنتىكتەي ءتۇسىندىرىپ، مەملەكەت تەرريتورياسىنىڭ يەلىك ۇقىعى مەن ءبىر تۇتاستىعىن قورعاۋ، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋ بەرىك تۇرعىسى مەن بەكىمىن سالتاناتپەن جاريالاپ، ۇلى جەڭىستى ەستە بەرىك ساقتاپ، كۇرەس جاساۋعا باتىل بولىپ، كۇرەس جاساۋعا شەبەر بولىپ، جۇڭگوشا سوتسياليزم ۇلى ىستەرىن ۇزدىكسىز العا ىلگەرىلەتۋدى باسا دارىپتەدى. كوپشىلىك مۇقيات ۇيرەنىپ، ءتۇسىنىپ، باتىل دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي قۇلشىنۋ كەرەك.

  سوڭىندا بۇكىل زالداعىلار «وتاندى جىرلايمىز» ءانىن اسقاقتاتا شىرقادى، جينالىس اسقاقتاعان ءان اۋەنىمەن اياقتالدى.

  جينالىستان ىلگەرى، شي جينپيڭ قاتارلى باسشى جولداستار ”جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى“ ەستەلىك زناگى يەگەرلەرىنىڭ ۋاكىلدەرىمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

  ەرىكتىلەر ارمياسىنىڭ ساقا جاۋىنگەرلەرى، ساقا جولداستار، قۇربانداردىڭ وتباسىنداعىلار قاتارلىلاردىڭ ۋاكىلدەرى، ورتالىقتاعى پارتيا، ۇكىمەت، ارميا، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ازاتتىق ارميا مەن قارۋلى ساقشى اسكەري بولىمدەرىنىڭ كوماندير - جاۋىنگەرلەرىنىڭ ۋاكىلدەرى، استاناداعى ءار سالا بۇقاراسىنىڭ ۋاكىلدەرى، ت . ب جينالىسقا قاتىناستى.

جاۋاپتى رەداكتور: نۇربولات قابىل