ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىبىنىڭ جاندانۋىن جەدەلدەتۋ، قارىشتاپ دامۋىن ىلگەرىلەتۋ كەرەك

  اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسى التىنشى جالپى ءماجىلىسىن اشتى

  ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىبىنىڭ جاندانۋىن جەدەلدەتۋ، قارىشتاپ دامۋىن ىلگەرىلەتۋ كەرەك

  گازەتىمىزدىڭ جالپىلىق اقپارات قۇرالدارى ءتىلشىسى يۋان لەي 10 - ايدىڭ 23 - كۇنى ۇرىمجىدەن حابارلايدى. 10 - ايدىڭ 23 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسىنىڭ التىنشى جالپى ءماجىلىسىن باسقارىپ اشىپ، 2020 - جىلعى ساياحات قىزمەتىنىڭ ورىستەتىلۋ جاعدايى جونىندەگى مالىمەتتى تىڭدادى، قىس ماۋسىمىنداعى ساياحات كاسىبىن دامىتۋ، ساياحات بازارىن جەدەل جانداندىرۋ سياقتى قىزمەتتەردى اقىلداسىپ، ساياحات كاسىبىنىڭ جاندانۋىن جەدەلدەتىپ، قارىشتاپ دامۋدى ىلگەرىلەتتى.

  شوكىرات زاكىر مىنالاردى اتاپ كورسەتتى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شينجياڭنىڭ ەرەكشە باسىمدىققا يە كاسىپ سالالارىن باۋلىپ، زورايتىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي مەڭگەرۋ العى شارتىندا، ساياحات بازارىن جەدەل جانداندىرىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك. كەزەكتە شينجياڭ قىزمەتى الدەقاشان جاڭا تاريحي باستاماعا قادام تاستادى، ساياحات كاسىبىن دامىتۋدا وراي دا، باسەكە دە بار، الايدا تۇتاس تۇلعالىق جاقتان جاقسارۋ جاعدايى وزگەرگەن جوق، اسىرەسە، رايونىمىزدىڭ قوعامدىق جالپى جاعدايىنىڭ ۇزدىكسىز ورنىقتى بولۋى، ساياحات ءتۇزىلىس مەحانيزمىنىڭ ونان ارى اقاۋسىزدانۋى، قىزمەت وتەۋ قۇرىلعىلارىنىڭ ونان ارى كەمەلدەنۋى، ساياحاتشىلاردىڭ شينجياڭعا كەلۋ ارمانىنىڭ ونان ارى كۇشەيە ءتۇسۋى رايونىمىز ساياحات كاسىبىنىڭ دامۋىن قالپىنا كەلتىرۋدى ىلگەرىلەتۋگە بەرىك نەگىز قالادى.

  شوكىرات زاكىر بىلاي دەپ باسا دارىپتەدى: ساياحاتشىلاردىڭ پارىقتى بولعان قاجەتىن ءداپ باسىپ يگەرىپ، الۋان ءتۇرلى ساياحات ونىمدەرىن جانە قىزمەت وتەۋىن ۇسىنىپ، ساياحات بازارىنىڭ كومەسكى كۇشىن بارىنشا اشۋ كەرەك. ساياحات ۇگىتى، جوسپارلاۋ - ساتۋ تەبىنىن كۇشەيتىپ، دالمە - ءدال جوسپارلاۋ - ساتۋدى ورىستەتىپ، ساياحاتشىلاردىڭ ءتۇرلى قاجەتىن قاناعاتتاندىرۋ كەرەك. ساياحات كاسىبىنىڭ دامۋ ورتاسىن ساپالىلاندىرىپ، قازىرگى بار تيىمدىلىك جاساۋ، سۇيەمەلدەۋ ساياساتىن تياناقتاندىرۋ نەگىزىندە ساياحات كاسىپورىندارىنىڭ قيىنشىلىقتارى مەن ماسەلەلەرىن شەشۋىنە كومەكتەسىپ، كاسىپورىنداردىڭ دامۋ سەنىمىن سەرپىلتۋ كەرەك. ساياحات حاۋىپسىزدىگىن بار كۇشپەن قامتاماسىز ەتىپ، ماڭىزدى ۋاقىت كەزەڭىندەگى ساياحاتشى مولشەرىن تىزگىندەۋدى جانە شۇعىل جاعدايعا توتەپ بەرۋ، باسقارۋ قىزمەتىن كۇشەيتىپ، ساياحاتقا ساياتىن ماڭىزدى سالالاردى جانە بۋىنداردى باقىلاۋ - باسقارۋدى كۇشەيتىپ، الدىن الا ساقتانۋ كەرەك.

  شوكىرات زاكىر مىنالاردى تالاپ ەتتى: ءار دارەجەلى ساياحات كاسىبىن دامىتۋ باسشىلىق گرۋپپاسى جاۋاپكەرشىلىك ارقالاۋدى كۇشەيتۋى، ساياحات قىزمەتىن جوعارى دەڭگەيدە جوبالاۋدى جانە زەرتتەۋدى، ورنالاستىرۋدى كۇشەيتۋ كەرەك. جەر - جەر، قاتىستى تاراۋلار جالپى جاعداي كوزقاراسىن ورناتىپ، فۋنكتسيالىق رولىن ساۋلەلەندىرۋى، سەلبەسۋدى، سايكەسۋدى كۇشەيتىپ، ساياحات كاسىبىن دامىتۋدى بەلسەنە قولداۋى، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋعا تىڭ ۇلەس قوسۋى كەرەك.

  اۆتونوميالى رايوننىڭ باسشىلارىنان ەركىن تۇنياز، تيان ۋىن، ۋاڭ ميڭشان، جاۋ چۇڭجيۋ، جاۋ چيڭ ماجىلىسكە قاتىناستى.

جاۋاپتى رەداكتور: نۇربولات قابىل