ىشكى وڭىرلەردەگى جوعارى مەكتەپتەردىڭ شينجياڭ مەديتسينا داشۋەسىنە باعىتتامالى كومەكتەسۋ قىزمەت ءماجىلىسى اشىلدى

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 21 - كۇنى ۇرىمجىدەن حابارلايدى. 10 - ايدىڭ 21 - كۇنى تۇستەن بۇرىن 2020 - جىلعى ىشكى وڭىرلەردەگى جوعارى مەكتەپتەردىڭ شينجياڭ مەديتسينا داشۋەسىنە باعىتتامالى كومەكتەسۋ قىزمەت ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين، جيلين داشۋەسى پارتكومىنىڭ شۋجيى جياڭ جىيىڭ ماجىلىسكە قاتىناستى ءارى ءسوز سويلەدى.

  ماجىلىستە، لي پىڭشين اۆتونوميالى رايوننىڭ رەفورما، دامۋ، ورنىقتىلىق جاعدايىن جانە وقۋ - اعارتۋ قىزمەتى جاعدايىن تانىستىردى. لي پىڭشين بىلاي دەپ اتاپ كورسەتتى: جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، جيلين داشۋەسى، جۇڭنان داشۋەسى، بەيجيڭ جۇڭي دارىگەرلىك - شيپاگەرلىك داشۋەسى قاتارلى ىشكى وڭىرلەردەگى جوعارى مەكتەپتەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، وسكەلەڭ ساياسي سانالىلىقپەن جانە ارەكەت سانالىلىعىمەن شينجياڭ مەديتسينا داشۋەسىنە باعىتتامالى كومەكتەسۋ قىزمەتىن تىڭعىلىقتى، ويداعىداي ىستەپ، شينجياڭ مەديتسينا داشۋەسىنىڭ دارىندى تاربيەلەۋىن جەبەپ، ءپان قۇرىلىسىن كۇشەيتىپ، عىلمي زەرتتەۋ قابىلەتىن ءوسىرىپ، ەمدەۋ قىزمەت وتەۋىن ساپالىلاندىرىپ، شينجياڭ مەديتسينا داشۋەسىنىڭ جالپى تۇلعالىق مەكتەپ باسقارۋ دەڭگەيىن پارمەندى جوعارىلاتتى. ىشكى وڭىرلەردەگى جوعارى مەكتەپتەردىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتە وتىرىپ، باعىتتامالى كومەكتەسۋ سەرپىنىن ونان ارى ارتتىرىپ، نازاردى سەلبەسىپ جاڭالىق اشۋعا شوعىرلاندىرىپ، اقىل - پاراسات جاقتان قولداۋدى كۇشەيتىپ، مەديتسينا دارىندىلارىن جەتىلدىرۋ قۇرىلىمىن ساپالىلاندىرىپ، دارىندىلاردى باۋلۋ ساپاسىن ءوسىرىپ، وقۋ - اعارتۋ، ەمدەۋ ىستەرىن جاڭالىق اشا دامىتۋدى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، سالاماتتى شينجياڭ قۇرىلىسىن ىلگەرىلەتۋ ءۇشىن پارمەندى قامتاماسىزدىق ازىرلەۋىن ءۇمىت ەتەمىن. شينجياڭ مەديتسينا داشۋەسى تۇلعالىق جاۋاپكەرشىلىگىن ونان ارى كۇشەيتىپ، شينجياڭعا كومەكتەسۋ ساياساتىنىڭ جانە شينجياڭعا كومەكتەسۋ بايلىقتارىنىڭ ەڭ ۇلكەن ونىمدىلىگىن ويداعىداي ساۋلەلەندىرىپ، ماندىك دامۋدى جەدەل ىلگەرىلەتىپ، ونەگە كورسەتىپ ادام تاربيەلەۋ ءتۇبىرلى مىندەتىن اناعۇرلىم ويداعىداي تياناقتاندىرىپ، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزم قۇرىلىسشىلارى مەن ءىزباسارلارىن جەتىلدىرۋ كەرەك.

  جياڭ جىيىڭ بىلاي دەپ اتاپ كورسەتتى: شينجياڭعا باعىتتامالى كومەكتەسۋ قىزمەتى پارتيا ورتالىق كوميتەتى جاساعان كەلەلى شەشىم، ورنالاستىرۋ. جيلين داشۋەسى شينجياڭ مەديتسينا داشۋەسىنە باعىتتامالى كومەكتەسۋدى ماڭىزدى ساياسي مىندەت ەتىپ، ءمورالدى دا قابىلەتتى بولۋعا ءمان بەرىپ، ۇزدىك كادرلاردى تاڭداپ شينجياڭعا كومەكتەسۋگە جىبەردى؛ نازاردى پاندەردى دامىتۋعا شوعىرلاندىرىپ، وقىتۋشىلار قوسىنىنىڭ جالپى تۇلعالىق دەڭگەيىن كۇش سالا جوعارىلاتتى؛ وقۋ - وقىتۋ ۇلگىسىندە جاڭالىق اشىپ، بىرلەسىپ تاربيەلەۋدى ناقتى ىسكەرلىكپەن ىلگەرىلەتتى؛ باسىم بايلىقتاردى بىرىكتىرىپ، حالىقارالىق اقىل - پاراسات قويماسىن بىرگە قۇردى؛ دامۋ قاجەتىمەن بىرلەستىرىپ، شينجياڭ مەديتسينا داشۋەسىنە قاراستى 6 - شيپاحاناعا دالمە - ءدال كومەك بەرىپ، شينجياڭ مەديتسينا داشۋەسىنىڭ جالپىلىق قۋاتىنىڭ ونان ارى جوعارىلاۋىنا دەم بەردى. بۇدان كەيىن جيلين داشۋەسى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، كومەكتەسۋ قىزمەتىنىڭ سەرپىنىن ارتتىرىپ، قىزمەت ۇلگىسىندە جاڭالىق اشىپ، شينجياڭ مەديتسينا داشۋەسىنىڭ ءپان قۇرىلىسى دەڭگەيىن، وقىتۋشىلار قوسىنى دەڭگەيىن، دارىندى تاربيەلەۋ ساپاسىن، عىلمي زەرتتەۋ قابىلەتىن، ەمدەۋ قىزمەت وتەۋ دەڭگەيىن جانە مەكتەپ باسقارۋ دەڭگەيىن جوعارىلاتۋىنا كومەكتەسىپ، شينجياڭنىڭ ەمدەۋ ىستەرىنىڭ دامۋىنا زور كۇشپەن قولداۋ كورسەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن ۇلەس قوسادى.

  ماجىلىستە جۇڭنان داشۋەسى قاتارلى ءبىر ءبولىم باعىتتامالى كومەكتەسەتىن جوعارى مەكتەپتەردەگى جاۋاپتى جولداستار، شينجياڭعا كومەكتەسەتىن كادرلاردىڭ ۋاكىلدەرى پىكىر اۋىستىرىپ، ءسوز سويلەدى.

  اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى، اۆتونوميالى رايوننىڭ ورىنباسار ءتوراعاسى سۇن حۇڭمەي ماجىلىسكە قاتىناستى.

جاۋاپتى رەداكتور: نۇربولات قابىل