3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، جاڭا داۋىردەگى شينجياڭ وقۋ - اعارتۋ ىستەرىنىڭ تىڭ سەرپىلىس جاساۋىن ىلگەرىلەتۋ كەرەك

  چىن باۋشىڭ شينجياڭنىڭ وقۋ - اعارتۋ قىزمەتى جونىندە تەكسەرۋ - زەرتتەۋ جۇرگىزدى

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، جاڭا داۋىردەگى شينجياڭ وقۋ - اعارتۋ ىستەرىنىڭ تىڭ سەرپىلىس جاساۋىن ىلگەرىلەتۋ كەرەك

  لي پىڭشين تەكسەرۋ - زەرتتەۋدە بىرگە بولدى

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 20 - كۇنى ۇرىمجىدەن حابارلايدى. 10 - ايدىڭ 16 -، 17 - كۇندەرى وقۋ - اعارتۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر چىن باۋشىڭ شينجياڭعا كەلىپ وقۋ - اعارتۋ قىزمەتى جونىندە تەكسەرۋ - زەرتتەۋ جۇرگىزىپ، اۆتونوميالى رايوننىڭ وقۋ - اعارتۋ قىزمەتى اڭگىمە ماجىلىسىنە قاتىناسىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنىپ، دايەكتىلەندىرىپ، تياناقتاندىرىپ، جاڭا داۋىردەگى شينجياڭ وقۋ - اعارتۋ ىستەرىنىڭ جوعارى ساپالى دامۋىن، تىڭ سەرپىلىس جاساۋىن ونان ارى ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين اڭگىمە ءماجىلىستى باسقاردى جانە تەكسەرۋ - زەرتتەۋدە بىرگە بولدى.

  شينجياڭداعى كەزىندە، چىن باۋشىڭ رايونىمىزداعى ءار دارەجەلى، ءتۇرلى مەكتەپتەرگە بارىپ، مەكتەپتەردىڭ پارتيا قۇرىلىسى جانە يدەيا - ساياسي قىزمەتى، ۇلتتار ىنتىماعى، العاباسارلىعى تاربيەسى، مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋى جانە وقۋ - وقىتۋى، جۇڭحۋانىڭ تاڭداۋلى ءداستۇرلى مادەنيەتى تاربيەسى سياقتى قىزمەتتەر جونىندە تەكسەرۋ - زەرتتەۋ جۇرگىزدى.

  چىن باۋشىڭ اڭگىمە ماجىلىستە بىلاي دەپ اتاپ كورسەتتى: سوڭعى جىلدارى شينجياڭنىڭ وقۋ - اعارتۋ ىستەرىندە وراسان زور وزگەرىس جارىققا شىقتى، ساياسي ەكولوگيا تازاردى، رۋحاني كۇي سەرپىلدى، وقۋ - اعارتۋدىڭ بەت - بەينەسى جاڭاردى، دامۋ وي جەلىسى وزگەردى، پارتيانىڭ وقۋ - اعارتۋ قىزمەتىنە باسشىلىعى جالپى بەتتىك كۇشەيدى، ونەگە كورسەتىپ ادام تاربيەلەۋ ءتۇبىرلى مىندەتى ونان ارى تياناقتاندى، مەكتەپ باسقارۋ شارت - جاعدايى مەن وقۋ - وقىتۋ ساپاسى ۇزدىكسىز ءوستى، كادرلار، وقىتۋشىلار، وقۋشىلار وقۋ - اعارتۋ ىستەرىنىڭ دامۋىنا نىق سەنىم ارتىپ، ءار ۇلت بۇقاراسىنىڭ وقۋ - اعارتۋداعى تابىس سەزىمى ۇزدىكسىز جوعارىلادى.

  چىن باۋشىڭ بىلاي دەپ باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ويداعىداي دايەكتىلەندىرۋدە، تياناقتاندىرۋدا مىنا ءتۇيىندى قىزمەتتەردى ويداعىداي ىستەۋ كەرەك: ءبىرىنشى، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن كۇشەيتىپ، پارتيانىڭ وقۋ - اعارتۋدى باسقارۋ تۋىن بيىك ۇستاپ، جۇڭگوشا سوتسياليستىك وقۋ - اعارتۋ باعىتىنا مىزعىماستان تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە، تياناقتاندىرۋعا قىزمەت وتەۋ جانە بويسۇنۋ كەرەك. ەكىنشى، جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، جۇڭحۋا ۇلتى ورتاق تۇلعا تانىمىن وقۋشىلاردىڭ جۇرەك تۇكپىرىنە تەرەڭ تامىر تارتۋىنا مۇمكىندىك جاساۋ كەرەك. ءۇشىنشى، مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىن جانە وقۋ - وقىتۋىن كۇشەيتىپ، مەملەكەتتە ءبىر تۇتاس قولدانىلاتىن ءتىل - جازۋدى قولدانىسقا كەڭەيتۋدى، جالپىلاستىرۋدى ءتۇبىرلى، نەگىزدىك قىزمەت رەتىندە يگەرۋ كەرەك. ءتورتىنشى، ”14 - بەسجىلدىق“ مەزگىلىندەگى وقۋ - اعارتۋ ىستەرىن جوسپارلاۋدى كۇشەيتىپ، ءتۇرلى قىزمەتتەردى ساپاسى مەن سانىنا كەپىلدىك ەتە وتىرىپ ويداعىداي ىستەۋ كەرەك. بەسىنشى، جوعارى ساپالى دامۋ اۋقىمىنداعى وقۋ - اعارتۋ جۇيەسىن ورناتۋدى كۇشەيتىپ، ادىلدىك، ساپا سىندى ەكى ۇلكەن تاقىرىپتى ونان ارى كورنەكتىلەندىرىپ، بىركەلكى بولماۋ، تولىق بولماۋ سىندى ەكى ۇلكەن ماسەلەنى شەشىپ، شينجياڭنىڭ جاڭا دامۋ ارناسىنا تىرەك بولاتىن وقۋ - اعارتۋ جۇيەسىن ورناتۋ كەرەك. التىنشى، يدەولوگيا سالاسىنداعى قىزمەتتەردى كۇشەيتىپ، يدەولوگيا شەبىن ويداعىداي كۇزەتىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتۋ كەرەك.

  لي پىڭشين بىلاي دەپ اتاپ كورسەتتى: پارتيا 18 - قۇرىلتايىنان بەرى، اسىرەسە، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وقۋ - اعارتۋ مينيسترلىگىنىڭ كوڭىل بولۋىندە جانە جەتەكشىلىك ەتۋىندە، اۆتونوميالى رايوندىق پارتكوم باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن شىنايى كۇشەيتىپ، پارتيانىڭ وقۋ - اعارتۋ باعىتىنىڭ جانە پارتيا ورتالىق كوميتەتىنىڭ وقۋ - اعارتۋ قىزمەتى جونىندەگى شەشىمدەرىنىڭ، ورنالاستىرۋلارىنىڭ قاز - قالپىندا تامىر تارتىپ وركەن جايۋىنا باتىل تۇردە شىنايى كەپىلدىك ەتتى. كەزەكتەگى جانە الداعى ءبىر مەزگىلدە، ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ماڭىزدى ساياسي مىندەت ەتىپ، ۇيرەنۋدى، ۇگىتتەۋدى ۇزدىكسىز ورىستەتىپ، وقۋ - اعارتۋ جۇيەسىنىڭ دايەكتىلەندىرۋ، تياناقتاندىرۋ شارالارىن مۇقيات اقىلداسىپ، جاساپ شىعامىز. پارتيانىڭ وقۋ - اعارتۋ قىزمەتىنە باسشىلىعىنا تيتتەي دە بوساڭسىماي تاباندى بولىپ جانە ونى كۇشەيتىپ، ءبىلىم بەرىپ ادام تاربيەلەۋ شەبىن ويداعىداي قۇرىپ، ويداعىداي كۇزەتىپ، يدەيا - ساياسي قىزمەتتى ونان ارى كۇشەيتىپ جانە جاقسارتىپ، وقىتۋشىلار قوسىنى قۇرىلىسىن تىڭعىلىقتى ىلگەرىلەتىپ، وقۋ - اعارتۋ رەفورماسىن ۇزدىكسىز تەرەڭدەتىپ، بيڭتۋان مەن جەرگىلىكتى ورىن وقۋ - اعارتۋىن توعىستىرا دامىتۋدى تىڭعىلىقتى ىلگەرىلەتىپ، وقۋ - اعارتۋ ارقىلى شينجياڭعا كومەكتەسۋدىڭ رولىن شىنايى، ويداعىداي ساۋلەلەندىرىپ، حالىق رازى بولاتىن وقۋ - اعارتۋدى ويداعىداي جۇرگىزەمىز.

  وقۋ - اعارتۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر سۇن ياۋ، اۆتونوميالى رايوننىڭ ورىنباسار ءتوراعالارى جاۋ چيڭ، سۇن حۇڭمەي قاتىستى قيمىلدارعا قاتىناستى.

جاۋاپتى رەداكتور: نۇربولات قابىل