”قوس بىرەگەي“ قۇرىلىسىنىڭ ءىس جۇزىندىك ناتيجەلەرى ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت ەتەيىك

  ىشكى وڭىرلەردەگى جوعارى مەكتەپتەردىڭ شينجياڭ داشۋەسىنە باعىتتامالى كومەكتەسۋ قىزمەتى ءماجىلىسى اشىلدى

  ”قوس بىرەگەي“ قۇرىلىسىنىڭ ءىس جۇزىندىك ناتيجەلەرى ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت ەتەيىك

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 19 - كۇنى ۇرىمجىدەن حابارلايدى. 2020 - جىلعى ىشكى وڭىرلەردەگى جوعارى مەكتەپتەردىڭ شينجياڭ داشۋەسىنە باعىتتامالى كومەكتەسۋ قىزمەتى ءماجىلىسى 10 - ايدىڭ 19 - كۇنى ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين، چيڭحۋا داشۋەسى پارتكومىنىڭ شۋجيى چىن شۇي، جۇڭشان داشۋە پارتكومىنىڭ شۋجيى چىن چۇنشىڭ ماجىلىسكە قاتىناستى ءارى ءسوز سويلەدى.

  لي پىڭشين سوزىندە بىلاي دەپ اتاپ كورسەتتى: جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، چيڭحۋا داشۋەسى جەتەكشى ورىن بولعان ىشكى وڭىرلەردەگى 19 جوعارى مەكتەپ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇندەۋىنە بەلسەندىلىكپەن ءۇن قوسىپ، وسكەلەڭ ساياسي سانالىلىقپەن جانە جاۋاپكەرشىلىك ارقالاۋمەن شينجياڭ داشۋەسىنە باعىتتامالى كومەكتەسۋ قىزمەتىن تىڭعىلىقتى جاقسى ىستەپ، شينجياڭ داشۋەسىنىڭ ”مينيسترلىك پەن رايون بىرلەسىپ قۇرۋ“ جانە ”قوس بىرەگەي“ قۇرىلىسىندا كەلەلى ىلگەرىلەۋشىلىكتەرگە قول جەتكىزدى. ىشكى وڭىرلەردەگى جوعارى مەكتەپتەردىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋدى، تياناقتاندىرۋدى وراي ەتىپ، كومەكتەسۋ تەبىنىن ۇزدىكسىز ارتتىرىپ، مەكتەپتەر ارا سەلبەستىكتى تەرەڭدەتىپ، نازاردى سەلبەستىككە، جاڭالىق اشۋعا شوعىرلاندىرىپ، اقىل - پاراسات جاقتان قولداۋدى كۇشەيتىپ، شينجياڭ داشۋەسىنىڭ پاندەر قۇرىلىسىنىڭ، عىلمي زەرتتەۋ قابىلەتىنىڭ، وقىتۋشىلار قوسىنىنىڭ، مەكتەپ باسقارۋىنىڭ تاعى دا تىڭ ساتىعا كوتەرىلۋىنە دەمەۋشى بولۋىن ءۇمىت ەتەمىز. شينجياڭ داشۋەسى تۇلعالىق جاۋاپكەرشىلىكتى اناعۇرلىم كۇشەيتىپ، شينجياڭعا كومەكتەسۋ ساياساتى مەن بايلىعىنىڭ ەڭ زور اسەرىن شىنايى جاقسى ساۋلەلەندىرىپ، ماندىك دامۋدى جەدەل ىلگەرىلەتىپ، ”قوس بىرەگەي“ قۇرىلىسىنىڭ ءىس جۇزىندىك ناتيجەسى ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت وتەۋى كەرەك.

  چىن شۇي بىلاي دەپ اتاپ كورسەتتى: اۆتونوميالى رايوندىق پارتكوم مەن ۇكىمەت وقۋ - اعارتۋدى الدىمەن دامىتۋ ستراتەگياسىن جالپى بەتتىك تياناقتاندىرىپ، شينجياڭنىڭ جوعارى دارەجەلى وقۋ - اعارتۋىنىڭ دامۋىن كۇش سالا ىلگەرىلەتتى. اسىرەسە، سوڭعى جىلدارى شينجياڭ داشۋەسىنىڭ دامۋىنا ايرىقشا ءمان بەرىپ، پارمەندى شارالار قولدانىپ، شينجياڭ داشۋەسىنىڭ ”قوس بىرەگەي“ قۇرىلىسىن قولدادى. باعىتتامالى كومەكتەسەتىن جوعارى مەكتەپتەر ىنتىماقتاسا سەلبەسىپ، تىلەك توعىستىرىپ، كۇش بىرىكتىرىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن بەلسەندىلىكپەن جەڭىپ، باعىتتامالى كومەكتەسۋ مىندەتتەرىن جالپى بەتتىك تياناقتاندىرىپ، كوتەرمەگە الىپ شۋەيۋان قۇرۋ سياقتى باعىتتامالى كومەكتەسۋدىڭ جاڭا ۇلگىسىن ۇزدىكسىز بەكەمدەدى، سونداي - اق جاڭا ناتيجەلەرگە قول جەتكىزدى. كەلەسى قادامدا، باعىتتامالى كومەكتەسەتىن جوعارى مەكتەپتەر 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جالپى بەتتىك دايەكتىلەندىرىپ، تياناقتاندىرىپ، دارىندىلاردى تاربيەلەۋ سىندى ءتۇبىرلى مىندەتتى باستان - اياق ارقاۋ ەتىپ، كوتەرمەگە الىپ شۋەيۋان قۇرۋداي باعىتتامالى كومەكتەسۋ ۇلگىسىن ۇزدىكسىز بەكەمدەپ جانە ساپالىلاندىرىپ، ”14 - بەسجىلدىق“ باعىتتامالى كومەكتەسۋ قىزمەت جوباسىن جاقسى جاساپ، رايون مەن مەكتەپتەر سەلبەستىگىن ۇزدىكسىز تەرەڭدەتىپ، شينجياڭ داشۋەسىنىڭ ماندىك دامۋىن جۇزەگە اسىرۋىنا كۇش قوسىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ءتيىستى ۇلەستەرىن قوسادى.

  چىن چۇنشىڭ بىلاي دەپ اتاپ كورسەتتى: شينجياڭعا باعىتتامالى كومەكتەسۋ قىزمەتى − پارتيا ورتالىق كوميتەتى جاساعان كەلەلى شەشىم - ورنالاستىرۋ. جۇڭشان داشۋەسى شينجياڭ داشۋەسىنە باعىتتامالى كومەكتەسۋ قىزمەتىنە ايرىقشا ءمان بەرىپ، ”قان بەرۋ“ مەن ”قان جاساۋدى“ بىردەي جۇرگىزىپ، وقىتۋشىلار قوسىنى ورەسىن جوعارىلاتتى؛ كومەكتەسۋ مەن ”ءوزارا كومەكتەسۋدى“ بىردەي جۇرگىزىپ، شينجياڭ داشۋەسىنىڭ پاندەر قۇرىلىسى ورەسىن جوعارىلاتتى؛ شينجياڭعا كىرۋ مەن شينجياڭنان شىعۋدى بىردەي جۇرگىزىپ، وقۋشىلاردى قوس باعىتتا اۋىستىرۋ اۋىس - ءتۇيىس جاڭا ۇلگىسىنە بەلسەندىلىكپەن ىزدەنىس جاساپ، دارىندىلاردى تاربيەلەۋ ساپاسىن كۇش سالا جوعارىلاتتى. كەلەسى قادامدا، جۇڭشان داشۋەسى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، مەكتەپتىڭ ابزال بايلىعىن بىرىكتىرىپ، شينجياڭ داشۋەسى ساياحات شۋەيۋانى قۇرىلىسىنىڭ دامۋىن كوپ تۇرعىدان جەبەپ، باعىتتامالى كومەكتەسۋدىڭ باياندى سەلبەسۋ، دامۋ ۇزاق ءونىمدى مەحانيزمىن بەلسەندىلىكپەن ىلگەرىلەتىپ، شينجياڭ داشۋەسىنە باعىتتامالى كومەكتەسۋ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتەدى.

  ماجىلىستە ءبىر ءبولىم باعىتتامالى كومەكتەسەتىن جوعارى مەكتەپتەر پىكىر اۋىستىرىپ ءسوز سويلەدى.

  اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى، اۆتونوميالى رايوننىڭ ورىنباسار ءتوراعاسى سۇن حۇڭمەي ماجىلىسكە قاتىناستى.

جاۋاپتى رەداكتور: نۇربولات قابىل