اناعۇرلىم جوعارى باستامادا رەفورما جاساۋدى، ەسىك اشۋدى ىلگەرىلەتەيىك

اناعۇرلىم جوعارى باستامادا رەفورما جاساۋدى، ەسىك اشۋدى ىلگەرىلەتەيىك

− باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

□ حالىق گازەتىنىڭ شولۋشىسى

  رەفورما جاساۋ، ەسىك اشۋ − پارتيامىزدىڭ ءبىر رەتكى ۇلى ويانۋى، پارتيا مەن حالىقتىڭ ارشىندى قاداممەن ءداۋىردى قۋىپ جەتۋىندەگى ماڭىزدى اسىلى، جۇڭگوشا سوتسياليزمگە تاباندى بولۋدا جانە دامىتۋدا، ءسوزسىز، باسىپ وتەتىن جولى، ”قوس 100 جىلدىق“ كۇرەس نىساناسىن جۇزەگە اسىرۋدى، جۇڭحۋا ۇلتى ۇلى گۇلدەنۋىن جۇزەگە اسىرۋدى بەلگىلەيتىن شەشۋشى شارا. شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا باس شۋجي شي جينپيڭ جاڭا داۋىردەگى ەكونوميكالىق ەرەكشە رايون قۇرىلىسىندا العان بەتىنەن قايتپايتىن كۇرەسكەرلىك بەينە، بوران - شاشىنعا بوگەلمەيتىن رۋحاني كۇي ارقىلى رەفورمانى كىدىرتپەي، ەسىك اشۋدى توقتاتپاي، اناعۇرلىم جوعارى باستامامەن رەفورما جاساپ، ەسىك اشۋدى ىلگەرىلەتۋ كەرەكتىگىن باسا دارىپتەپ، داۋىرمەن بىرگە ىلگەرىلەي وتىرىپ رەفورمانى جاپپاي تەرەڭدەتۋ، قايسارلىقپەن ءورىس اشىپ، ەسىك اشۋدى جالپى بەتتىك كەڭەيتۋ سىندى ايقىن تالاپتى ورتاعا قويدى.

  بۇل ءبىر وراي مەن باسەكەگە تولى ءداۋىر. ورايدى يگەرۋدىڭ، باسەكەگە توتەپ بەرۋدىڭ تەتىگى جاڭا داۋىردەگى رەفورما جاساۋ، ەسىك اشۋدىڭ تۋىن بيىك ۇستاپ، رەفورمانى ۇزدىكسىز جالپى بەتتىك تەرەڭدەتۋدە، ەسىك اشۋدى ۇزدىكسىز جالپى بەتتىك كەڭەيتۋدە. باس شۋجي شي جينپيڭ جاقىندا گۋاڭدۇڭدا قىزمەت تەكسەرگەندە مىنانى تەرەڭ اتاپ كورسەتتى: دۇنيە جۇزىندە 100 جىلدا بولماعان زور وزگەرىس الدىندا، ەل ءىشى - سىرتىنداعى دامۋ ورتاسىندا جارىققا شىققان تەرەڭ، كۇردەلى وزگەرىستەر الدىندا، ءبىز اناعۇرلىم جوعارى دەڭگەيدەگى ءوز كۇشىنە سۇيەنىپ ءومىر ءسۇرۋ جولىمەن ءجۇرىپ، اناعۇرلىم جوعارى دەڭگەيدەگى رەفورما جاساۋ، ەسىك اشۋدى اتقارىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋىمىز كەرەك. ەكونوميكالىق ەرەكشە رايون پارتيا ورتالىق كوميتەتىنىڭ ستراتەگيالىق ويىن تەرەڭ ۇعىنىپ، ەلىمىزدىڭ جاڭا دامۋ ساتىسىنا وتكەن كەلەلى جاعدايىن نەگىزگە الىپ، جاڭا دامۋ ارناسىن قالىپتاستىرۋ سىندى نەگىزگى شايقاس مايدانىندا ءوز ورنىن ءدال تاۋىپ، اناعۇرلىم جوعارى باستامادا رەفورما جاساۋ، ەسىك اشۋدى ىلگەرىلەتىپ، ەكونوميكالىق ەرەكشە رايون قىزمەتىندە جاڭا جاعداي اشۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا جاڭا دا اناعۇرلىم زور ۇلەس قوسۋ كەرەك.

  بولاشاقتى بەتكە الىپ، پارتيا مەن مەملەكەتتىڭ قىزمەتتەرىن جالپى بەتتىك ىلگەرىلەتۋدە، اسىرەسە، جاڭا دامۋ ۇستانىمىن دايەكتىلەندىرۋدە، جوعارى ساپالى دامۋدى ىلگەرىلەتۋدە، جاڭا دامۋ ارناسىن قالىپتاستىرۋدا ۇزدىكسىز ءداۋىردىڭ الدىڭعى لەگىندە ءجۇرۋ، ءالى دە رەفورمانى جاپپاي تەرەڭدەتۋ ارقىلى قوزعاۋشى كۇش ۇستەۋ، ناتيجە جاراتۋعا ۇمتىلۋ كەرەك. رەفورما ماڭگى جالعاسادى، رەفورما جولى داڭعىل بولمايدى. قازىر رەفورما تاعى ءبىر جاڭا تاريحي كەزەڭگە كەلدى، كوبى تۇگەلدەي بۇرىن بولماعان جاڭا ماسەلەلەر، رەفورمانى ىلگەرىلەتۋدىڭ كۇردەلىلىك دارەجەسى، سەزىمتالدىق دارەجەسى، جاپالىلىق دارەجەسى 40 جىلدىڭ الدىنداعىدان كەم سوقپايدى، ءسوز جوق، اناعۇرلىم ۇلكەن ساياسي باتىلدىق پەن اقىل - پاراسات ارقىلى ىزدەنىپ ءجۇرىپ جول تابۋ مەن جوعارى دەڭگەيدە جوبالاۋدى كۇشەيتۋدى ۇشتاستىرىپ، ورايدى قولدان جىبەرمەي، ماڭىزدى سالالار مەن شەشۋشى بۋىندارداعى رەفورمانى قارقىندى، ورنىقتى قاداممەن تەرەڭدەتىپ، رەفورمانىڭ جۇيەلىلىگىنە، تۇتاستىعىنا، سايكەستىلىگىنە اناعۇرلىم ءمان بەرىپ، رەفورمانىڭ جالپىلىق ونىمدىلىگىن جوعارىلاتۋ كەرەك. پارتيا ورتالىق كوميتەتى ىشكەرىلەي زەرتتەۋ ارقىلى ەكونوميكالىق ەرەكشە رايون قۇرىلعاندىعىنىڭ 40 جىلدىعىن وراي ەتىپ، شىنجىننىڭ كەشەندى رەفورما سىناق ءتۇيىنىن اتقارۋىنا قولداۋ كورسەتىپ، ءتىزىم بويىنشا مولىنان ۇقىق بەرۋ ادىسىمەن شىنجىندى ماڭىزدى سالالار مەن شەشۋشى بۋىندار رەفورماسىندا اناعۇرلىم كوپ ىرىقتى ۇقىققا يە ەتۋدى ۇيعارىپ، 27 تارماق رەفورما شاراسى مەن 40 تارماق العاشقى توپتاعى ۇقىق بەرۋ ىستەرىن جالپىلاي العا قويدى. شىنجىن ەكونوميكالىق ەرەكشە رايونى جاۋاپكەرشىلىكتى ارقالاپ، دۇرىس باعداردى مىقتاپ يگەرىپ، يدەيانى ازات ەتىپ، ادىلدىكتى ساقتاپ، جاڭالىق جاراتىپ، ماڭىزدى سالالاردا ءبىر توپ كەلەلى رەفورما شارالارىن ورتاعا قويىپ، كوشىرۋگە، جالپىلاستىرۋعا كەلەتىن كەلەلى تۇزىمدىك جاڭالىق اشۋ تابىستارىن قالىپتاستىرۋعا قۇلشىنۋ كەرەك. جالپى پەريودتىق باسقارۋ تانىمىن ورناتىپ، وي جەلىسىن جاڭالاپ، قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتىپ، اسا ءىرى تيپتەگى قالانىڭ ەرەكشەلىگى مەن زاڭدىلىعىنا ۇيلەسەتىن جونگە سالۋدىڭ جاڭا جولىمەن جۇرۋگە قۇلشىنۋ كەرەك.

  ەسىك اشۋ العا باستىرادى، توماعا تۇيىق ارتتا قالدىرادى. الدا، دۇنيە ءجۇزى ەكونوميكاسى كوپتەگەن كۇردەلى سىن - سايىسقا ءدوپ كەلىپ وتىر، ءبىز استە قارسى جەل مەن قايىرىلعان تولقىنعا بوگەلمەي، تاريحتىڭ دۇرىس جاعىندا تۇرىپ، ەسىك اشۋدى تاباندىلىقپەن جالپى بەتتىك كەڭەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىمىز، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك. ءوندىرىس، ءبولىس، اينالىم، تۇتىنۋ جۇيەسىن ساپالىلاندىرىپ، دارەجەسىن جوعارىلاتىپ، ەل ءىشى ۇلكەن اينالىمىن ىركىلىسسىزدەندىرۋ جانە ەل ءىشى، حالىقارالىق ەكى اينالىمدى ۇلاستىرۋ فۋنكتسياسىن كۇشەيتىپ، قاعيدا - ولشەم سياقتى تۇزىمدىك ەسىك اشۋدى جەدەل ىلگەرىلەتىپ، اناعۇرلىم جوعارى دەڭگەيدە اشىق تيپتەگى ەكونوميكالىق جاڭا ءتۇزىلىستى الدىمەن قۇرۋىمىز كەرەك. ”ءبىر بەلدەۋ، ءبىر جول“ بويىنداعى مەملەكەتتەرمەن جانە وڭىرلەرمەن كوپ ساتىلى، كوپ سالالى ناقتى سەلبەستىكتى كۇشەيتۋىمىز كەرەك. جالعىز گۇل كوكتەمگە كورىك بەرە المايدى، بارلىق گۇل قۇلپىرا شەشەك اتسا عانا كوكتەمنىڭ ءسانى كەلەدى. ەكونوميكالىق ەرەكشە رايون قۇرىلىسىنىڭ 40 جىلدىق امالياتىن دۇنيە جۇزىندەگى ءار ەلدىڭ بىرگە ات سالىسۋىنان بولە قاراۋعا بولمايدى، ول ءار ەل ءۇشىن دە كەڭ دامۋ ءورىسىن ازىرلەپ، دامۋدىڭ تابسىىنان يگىلىكتەندىردى. دۇنيە جۇزىندەگى ءار ەلدىڭ جۇڭگونىڭ ەكونوميكالىق ەرەكشە رايونىنىڭ رەفورماسىنا، ەسىك اشۋىنا، دامۋىنا اناعۇرلىم كوپ ات سالىسىپ، بىرگە اقىلداساتىن، بىرگە قۇراتىن، بىرگە يگىلىكتەنەتىن، بىرگە پايداعا كەنەلەتىن جاڭا ارنا قالىپتاستىرۋىن قارسى الامىز.

  اماليات دامۋىنىڭ شەگى بولمايدى، يدەيانى ازات ەتۋدىڭ شەگى بولمايدى، رەفورما جاساۋدىڭ، ەسىك اشۋدىڭ شەگى بولمايدى. شىنجىن سياقتى ەكونوميكالىق ەرەكشە رايون قۇرىلعاندىعىنىڭ 40 جىلدىعىن جاڭا باستاما ەتىپ، ەكونوميكالىق ەرەكشە رايوننىڭ بۇكىل ەلدىڭ رەفورما جاساۋى، ەسىك اشۋى مەن سوتسياليستىك وسىزامانداندىرۋ قۇرىلىسىنداعى ماڭىزدى تەرەزەلىك جانە ۇلگى كورسەتۋ، جەتەكتەۋ رولىن ۇزدىكسىز ساۋلەلەندىرىپ، رەفورما جاساۋدى، ەسىك اشۋدى سوڭىنا دەيىن جۇرگىزسەك، ءبىز، ءسوز جوق، جاڭا داۋىردەگى ۇلى ساپاردا توسقاۋىلداردى تالقانداپ، العان بەتتەن قايتپاي، ميلليارد حالىقتىڭ باقىتتى تۇرمىسى مەن كوركەم بولاشاعىن بىرگە جاراتا الامىز.

(شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور: 热依扎·海米提