تۇلعالىق رولدى ساۋلەلەندىرىپ، ەكپىندەي ىلگەرىلەۋ كۇش - قۋاتىن ۇيىستىرايىق

تۇلعالىق رولدى ساۋلەلەندىرىپ، ەكپىندەي ىلگەرىلەۋ كۇش - قۋاتىن ۇيىستىرايىق

− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (8)

□ گازەتىمىزدىڭ شولۋشىسى

  جاڭا باستامادا شينجياڭ قىزمەتىن ويداعىداي ىستەۋدىڭ بورىشى داڭقتى، جاۋاپكەرشىلىگى اۋىر، قازىر ەڭبەك ەتىپ، پايداسىن بولاشاقتا كورەتىن ءىس. باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ اتاپ كورسەتتى: ”شينجياڭ قىزمەتىن ويداعىداي ىستەۋ − بۇكىل پارتيانىڭ، بۇكىل ەلدىڭ كەلەلى ءىسى، ءسوز جوق، بۇكىل ەل ءبىر تۇتاس جۇيە يدەياسىن مىقتاپ ورناتىپ، پارتيا ورتالىق كوميتەتى ءبىر تۇتاس باسشىلىق ەتەتىن، ورتالىقتىڭ تاراۋلارى قولداۋ كورسەتىپ، جەتەكشىلىك ەتەتىن، ءارقايسى ولكە - قالالار كومەك بەرىپ، سايكەسەتىن، شينجياڭ تۇلعالىق رولىن ساۋلەلەندىرەتىن قىزمەت مەحانيزمىن كەمەلدەندىرۋ كەرەك“.

  ماتەرياليستىك ديالەكتيكا بىلاي دەپ قارايدى: زاتتاردىڭ دامۋى − ىشكى سەبەپ پەن سىرتقى سەبەپتىڭ ورتاق اسەرىنىڭ جەمىسى، الايدا ”سىرتقى سەبەپ − وزگەرىستىڭ شارتى، ىشكى سەبەپ − وزگەرىستىڭ نەگىزى، سىرتقى سەبەپ ىشكى سەبەپ ارقىلى رول اتقارادى“. ءدال وسىنداي بولعاندىقتان، شينجياڭ قىزمەتىن جاقسى ىستەۋدە رايونىمىزداعى ءار دارەجەلى پارتكوم مەن ۇكىمەتتىڭ، ءار ۇلت كادرلارى مەن بۇقارانىڭ تۇلعالىق تانىم ورناتۋى، تۇلعالىق رول ساۋلەلەندىرۋى تەتىك سانالادى.

  2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. بۇگىنگى شينجياڭدا قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. وسى ناتيجەلەرگە قول جەتكىزۋ پارتيا ورتالىق كوميتەتىنىڭ پارمەندى باسشىلىعىنىڭ جەمىسى، بۇكىل پارتيانىڭ، بۇكىل ەل حالقىنىڭ ورتاق كۇرەس جۇرگىزۋىنىڭ جەمىسى، وعان ءارى شينجياڭداعى 25 ميلليون ءار ۇلت ۇلاندارىنىڭ اقىل - پاراساتى مەن ماڭداي تەرى سىڭگەن. كورىكتى مەكەن قۇرۋ قوجايىندىق رۋحتان قول ۇزە المايدى. كورىكتى شينجياڭ قۇرۋدا، سايىپ كەلگەندە، شينجياڭداعى ءار ۇلت كادرلارى مەن بۇقارانىڭ ورتاق قۇلشىنىسىنا سۇيەنىپ، شينجياڭ قىزمەتىن جاقسى ىستەۋدىڭ تۇلعالىق رولىن ساۋلەلەندىرۋ كەرەك.

  نانىمدى، سەنىمدى، ءسوزسىز، بەكەمدەۋ كەرەك. نانىم كۇرەس جولىن نۇرلاندىرادى، سەنىم كوركەم بولاشاق اشادى. نانىم مەن سەنىم بەرىك بولعاندا عانا، ءبىر تۇتاس يدەيانى، مويىماس جىگەردى، قۇدىرەتتى جاۋىنگەرلىك قۋاتتى باستان - اياق ساقتاۋعا بولادى. باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى سوزىندە جاڭا داۋىردەگى پارتيانىڭ شينجياڭدى جونگە سالۋ جالپى جوباسى ىشكەرىلەي بايىمدالىپ، شينجياڭ قىزمەتىن جاقسى ىستەۋ جونىندە كەلەلى ورنالاستىرۋ جاسالعان، ول جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى كەلەلى ساياسي مىندەت ساناپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال ءتۇسىنىپ جانە وعان ۇزاق ۋاقىت تاباندى بولىپ، ءتۇرلى مىندەتتەردىڭ دايەكتىلەنۋىن، تياناقتانۋىن ءىس جۇزىندىكپەن ۇشتاستىرا ويداعىداي يگەرىپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋىمىز كەرەك.

  سۋبيەكتيۆ بەلسەندىلىكتى، ءسوز جوق، قاۋلاتۋ كەرەك. حالىق بۇقاراسى − تاريحتى جاراتاتىن نەگىزگى تۇلعا. قوعام ورنىقتىلىعى مەن باياندى تىنىشتىقتى جۇزەگە اسىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن، ءار ۇلت كادرلارى مەن بۇقارانىڭ وبيەكتيۆ بەلسەندىلىگىن تولىق قاۋلاتۋ قاجەت. ءبىر جاعىنان، ءار دارەجەلى پارتيا ۇيىمدارى نەگىزگى تىرەكتىك رولدارىن تولىق ساۋلەلەندىرىپ، تۇتاس شينجياڭداعى ءار ۇلت كادرلارى مەن بۇقارانى ىنتىماقتاستىرىپ، باستاپ، قيىنشىلىقتان تايسالماي العا ۇمتىلىپ، تالىقپاي تالپىنىپ، ءار ۇلت كادرلارى مەن بۇقارانىڭ تاماشا تۇرمىس جاراتۋداعى اسىل ارمان، اسقاق سەزىمىن ۇزدىكسىز قاۋلاتۋ كەرەك. ەندى ءبىر جاعىنان، دامۋ حالىق ءۇشىن، دامۋدا حالىققا سۇيەنۋ، دامۋ جەتىستىكتەرىنەن حالىق تەڭ يگىلىكتەنۋ دەگەنگە، ءسوز جوق، تاباندى بولىپ، ەڭ كەڭ حالىقتىڭ ءتۇبىرلى مۇددەسىن ويداعىداي جۇزەگە اسىرۋدى، ويداعىداي قورعاۋدى، ويداعىداي دامىتۋدى بارلىق قىزمەتتىڭ شىعار ءتۇيىنى جانە تابان تىرەر تياناعى ەتىپ، دامۋ بارىسىن اۋەلگى ماقساتتان جازباۋ، حالىقتى باقىتقا كەنەلتۋ بارىسىنا، ەڭ جوعارى شەكتە جۇرت تىلەگىن ۇيىستىرۋ، كۇش - قۋات ۇيىستىرۋ بارىسىنا، جۇدىرىقتاي جۇمىلىپ، كورىكتى شينجياڭ قۇرۋ بارىسىنا اينالدىرۋ كەرەك.

  توراڭعى رۋحى مەن بيڭتۋان رۋحىن، ءسوز جوق، امالياتتا ايگىلەۋ كەرەك. توراڭعى رۋحى مەن بيڭتۋان رۋحى قايسارلىق، تالماي الۋەتتەنۋ، قايراتتانا العا ۇمتىلۋ جىگەرىن، قاسيەتىن ايگىلەيتىن، وتاندى، شينجياڭدى ءسۇيۋ، قاجىرلىلىقپەن كۇرەس جۇرگىزۋ، ۇلەس قوسۋعا پەيىل بولۋداي جانۇيا - وتان سۇيىسپەنشىلىگىن ايگىلەيتىن شينجياڭداعى ءار ۇلت حالقىنىڭ باعالى رۋحاني قازىناسى. ۇزاق ۋاقىتتان بەرى، شينجياڭداعى ءار ۇلت كادرلارى مەن بۇقارا باتىلدىقپەن ىلگەرىلەپ، شوگەلدىكپەن، قاجىرلىلىقپەن ىستەپ، توراڭعى رۋحى مەن بيڭتۋان رۋحىن ءىس - ارەكەتتەرىمەن ايگىلەدى. ۇلى رۋح ۇلى ىسكە تىرەك بولادى جانە ونى ىلگەرىلەتەدى. جاڭا جورىقتا، ءبىز تىپتەن توراڭعى رۋحى مەن بيڭتۋان رۋحىنا مۇراگەرلىك ەتىپ جانە ونى ساۋلەلەندىرىپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ءوزىمىزدى ارناپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋعا ۇلەس قوسىپ، ەڭبەك سىڭىرۋگە ءتيىسپىز.

  شەگە قاعۋ رۋحىن ساۋلەلەندىرۋدى، ءسوز جوق، مىقتاپ تياناقتاندىرۋ كەرەك. جەر - جەر، تاراۋلار جاۋاپكەرشىلىك سەزىمدى، كوكەي تەستىلىك سەزىمدى، بورىشتىلىق سەزىمدى كۇشەيتىپ، قىزمەت امالياتىمەن جانە قىزمەت جاۋاپكەرشىلىگىمەن، مىندەتىمەن ۇشتاستىرىپ، ءتۇيىندى مىندەتتەردى ءبىر - بىردەن ەگجەي - تەگجەيلى اشالاپ ءبولىپ، قىزمەتتەردى ءبىر - بىردەن اقىلداسىپ، جۇمىستى ءبىر - بىردەن تياناقتاندىرىپ، شىن مانىندە نىسانانى ناتيجەگە اينالدىرۋ، ايبىندى جوبانى رەالدىققا اينالدىرۋ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەگى ناقتى ونىمدىلىككە اينالدىرۋ كەرەك.

  ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ءبىزدىڭ داڭقتى بورىشىمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وتاننىڭ شۋاقتى ۇلى شاڭىراعىندا 25 ميلليون تيانشان ۇلاندارىنىڭ، ءسوزسىز، تۇلعالىق رولدى ساۋلەلەندىرىپ، ەكپىندەي ىلگەرىلەۋ كۇش - قۋاتىن ۇيىستىرىپ، جاۋاپكەرشىلىك ارقالاۋدى، ءىس تىندىرۋدى كۇشەيتىپ، وتاننىڭ شينجياڭىن ونان ارى كورىكتەندىرە تۇسەتىندىگىنە سەنىمىمىز كامىل!

جاۋاپتى رەداكتور: 热依扎·海米提