جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

«چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىس جوباسى باعدارلاماسىن» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 16 - كۇنى ءماجىلىس اشىپ، «چىڭدۋ - چۇڭچيڭ ءوڭىرىنىڭ قوس قالا ەكونوميكالىق شەڭبەر قۇرىلىس جوباسى باعدارلاماسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مىنالاردى اتاپ كورسەتتى: كەزەكتە ەلىمىز دامۋىنىڭ ەل ءىشى، حالىقارالىق ورتاسىندا تەرەڭ، كۇردەلى وزگەرىستەر ۇزدىكسىز جارىققا شىعىپ، چىڭدۋ - چۇڭچيڭ رايونى ەكى قالا ەكونوميكالىق شەڭبەرى قۇرىلىسىن ىلگەرىلەتتى، بۇل باسىمدىقتار ارقىلى ءبىرىن - ءبىرى تولىقتايتىن، جوعارى ساپالى داميتىن وڭىرلىك ەكونوميكانىڭ جايعاسۋىن قالىپتاستىرۋعا ءتيىمدى، بازار كەڭىستىگىن كەڭەيتۋگە، كاسىپ سالاسى تىزبەگىن، قامداۋ تىزبەگىن ساپالىلاندىرۋعا جانە ورنىقتىرۋعا ءتيىمدى، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋداعى كەلەلى شارا.

  ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، چۇڭچيڭ، چىڭدۋ سىندى ەكى ورتالىق قالانىڭ سايكەسىپ باستاماشىلىق ەتۋىن كورنەكتىلەندىرىپ، وڭىرلىك باسىمدىلىق پەن ەرەكشەلىكتى ايگىلەۋگە ءمان بەرىپ، چىڭدۋ، چۇڭچيڭ ءوڭىرىنىڭ بۇكىل ەلدە ىقپالى بار ماڭىزدى ەكونوميكالىق ورتالىققا، عىلىم - تەحنيكادا جاڭالىق اشۋ ورتالىعىنا، رەفورما جاساۋ، ەسىك اشۋدىڭ جاڭا بيىگىنە، جوعارى ساپالى تۇرمىسقا، جايلى قونىسقا اينالۋىنا مۇمكىندىك جاساپ، بۇكىل ەلدىڭ جوعارى ساپالى دامۋىنا باستاماشىلىق ەتەتىن ماڭىزدى ارتۋ ۇيەگى مەن جاڭا قوزعاۋشى كۇش قاينارىن قالىپتاستىرۋ كەرەك.

  ءماجىلىس مىنالاردى تالاپ ەتتى: چىڭدۋ، چۇڭچيڭ ءوڭىرى ءبىر تۇتاس جۇيە يدەياسى مەن ءبىر تۇلعالانعان دامۋ ۇستانىمىن مىقتاپ ورناتىپ، سەلبەستىك مەحانيزمىن كەمەلدەندىرىپ، وڭىرلىك سەلبەستىكتىڭ جوعارى دەڭگەيلى ۇلگىسىن قالىپتاستىرۋ كەرەك. ”قوس قالا ەستەلىگىن“ اسقاقتاتا شىرقاپ، ىشكى قۇرلىقتاعى رەفورما جاساۋ، ەسىك اشۋدىڭ بيىگىن قول ۇستاسا قالىپتاستىرىپ، جوعارى ولشەمدى بازار جۇيەسىن بىرگە قۇرىپ، تاڭداۋلى شارۋاشىلىق - ساۋدا ورتاسىن قالىپتاستىرىپ، ”ءبىر بەلدەۋ، ءبىر جولدى“ بىرگە قۇرۋدى جەتەكشى ەتىپ، باتىس بولىكتەگى قۇرلىق، تەڭىز جاڭا ارناسىن ويداعىداي قۇرىپ، ەل ءىشى، حالىقارالىق ەكونوميكالىق قوس اينالىمىنا بەلسەنە ات سالىسۋ كەرەك. ەكولوگيالىق ورتانى قورعاۋدى بۇلجىماستان ويداعىداي يگەرىپ، ەكولوگيانى الدىڭعى ورىنعا قوياتىن، جاسىل دامۋدىڭ جاڭا جولىنا ءتۇسىپ، ادام مەن تابيعاتتىڭ جاراسىمدى بىرگە ءومىر ءسۇرۋىن ىلگەرىلەتۋ كەرەك. ورتالىق پەن ءوڭىردىڭ قارىم - قاتىناسىن ويداعىداي ءبىر جاقتى ەتىپ، چۇڭچيڭ نەگىزگى قالاسى مەن چىڭدۋدىڭ دامۋ قابىلەت دارەجەسىن جانە جالپىلىق باسەكەلىك قۋاتىن كۇش سالا ءوسىرىپ، قالا دامۋىنىڭ سىرتقا قاراي كەڭەيۋدەن ءمان - مازمۇندىق وسۋگە قاراي ويىسۋىن ىلگەرىلەتىپ، تۇيىندەر ارقىلى اۋماقتى جەتەكتەپ، بىركەلكى دامىپ، توڭىرەكتەگى قالا، اۋداندارمەن بىر تۇلعالانا داميتىن ورتالىق قالا شەڭبەرىن قالىپتاستىرۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور: 热依扎·海米提