جاڭا دامۋ ۇستانىمىن بۇلجىتپاي دايەكتىلەندىرەيىك

جاڭا دامۋ ۇستانىمىن بۇلجىتپاي دايەكتىلەندىرەيىك

− باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

□ حالىق گازەتىنىڭ شولۋشىسى

  جاڭا دامۋ ۇستانىمى جەتەكشىلىك تاياقشاسى، باعدارشام. باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا بىلاي دەپ تەرەڭ اتاپ كورسەتتى: گۋاڭدۇڭنىڭ، شىنجىننىڭ ەكونوميكالىق دامۋ دەڭگەيى ءبىرشاما جوعارى، ءدوپ كەلگەن بايلىق فاكتورىندىق شەكتەمەلەر اناعۇرلىم كۇشتى، حالىقارادان كەلەتىن تەحنيكا، دارىندى سياقتى سالالارداعى باسەكە قىسىمى اناعۇرلىم زور، جاڭا دامۋ ۇستانىمىن تياناقتاندىرۋ، جوعارى ساپالى دامۋدى ىلگەرىلەتۋ − ءتۇبىرلى شىعار جول. باس شۋجي شي جينپيڭ بىلاي دەپ باسا دارىپتەدى: جاڭا دامۋ ۇستانىمىن بۇلجىتپاي دايەكتىلەندىرۋدە دامۋعا تاباندى بولۋ ماڭداي الدى ماڭىزدى ءىس، دارىندىلار ءبىرىنشى بايلىق، جاڭالىق اشۋ ءبىرىنشى قوزعاۋشى كۇش، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ەڭ الدىمەن ىلگەرىلەتىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىنۋ كەرەك.

  پارتيا مەن مەملەكەت ەكونوميكالىق ەرەكشە رايون قۇرۋ كەلەلى ستراتەگيالىق ورنالاستىرۋىن جاساعاننان بەرى، شىنجىن ەلىمىزدىڭ رەفورما جاساۋداعى، ەسىك اشۋداعى ماڭىزدى تەرەزەسىنە اينالىپ، ءتۇرلى ىستەردە كورنەكتى ناتيجەلەرگە قول جەتكىزىپ، باۋرامدىلىققا، قوزعاۋشى كۇشكە، ومىرشەڭدىككە، جاڭالىق اشۋ قۋاتىنا يە، حالىقارالانعان جاڭالىق اشۋ تيبىندەگى قالاعا اينالدى، ەكونوميكا جالپى مولشەرى ازياداعى قالالار ىشىندە 5 - ورىنعا شىعىپ، 1000نان استام رەفورما شارالارىن الدىمەن جاساپ، سىرتقى ساۋدا يمپورت - ەكسپورت جالپى سوماسى 2019 - جىلى 431 ميلليارد 500 ميلليون دوللارعا جەتىپ، جينالعان مەملەكەتتىك جوعارى، جاڭا تەحنيكالىق كاسىپورىندار 17 مىڭنان اسىپ، جاپپاي دوڭگەلەك داۋلەتتى قوعام ورناتۋ نىساناسىن ەڭ الدىمەن ورىندادى. ”ءبىر تامشى سۋدان كۇن كورىنەدى“، ءبىر جەر ءبىر ەلدىڭ كەلبەتىن كورسەتەدى. شىنجىننىڭ دامۋ جەتىستىكتەرى جاڭا دامۋ ۇستانىمىنىڭ ەرەكشە كۇشتى ستراتەگيالىق، تۇعىرنامالىق، جەتەكشىلىك سيپاتقا يە ەكەندىگىن، ەلىمىز دامۋ وي جەلىسىنىڭ، دامۋ بەتالىسىنىڭ، دامۋداعى كۇش سالۋ ءتۇيىنىنىڭ شوعىرلى ايگىلەنۋى ەكەندىگىن، جالپى جاعدايدى، ءتۇبىردى، ۇزاق بولاشاقتى مەڭگەرەتىن باعدار ەكەندىگىن، ءسوز جوق، دامۋدىڭ جالپى بارىسىمەن جانە ءار سالاسىمەن ساباقتاستىرۋ كەرەكتىگىن تولىق دالەلدەدى. پارتيا ورتالىق كوميتەتى شىنجىننىڭ رەفورما جاساۋىنا، ەسىك اشۋىنا، جاڭالىق اشىپ، دامۋىنا زور ءۇمىت ارتتى. شىنجىن جاڭا داۋىردە پارتيا ورتالىق كوميتەتى جۇكتەگەن تاريحي بورىشتى ارقالاپ، جۇڭگوشا سوتسياليزمنەن الدىمەن ۇلگى كورسەتۋ رايونىن ويداعىداي قۇرىپ، سوتسياليستىك وسىزاماندانعان قۇدىرەتتى ەل قۇرۋداعى قالا ۇلگىسى بولىپ، جاڭا دامۋ ۇستانىمىن دايەكتىلەندىرۋ، تياناقتاندىرۋ قابىلەتى مەن دەڭگەيىن جوعارىلاتىپ، جاڭا دامۋ ۇستانىمىن مىقتى يگەرىپ، دامۋدى ىلگەرىلەتۋى كەرەك.

  قازىر دۇنيە ءجۇزىنىڭ 100 جىلدا بولماعان ۇلكەن وزگەرىسى جەدەل كۇشەيۋدە، حالىقارانىڭ ەكونوميكا، عىلىم - تەحنيكا، مادەنيەت، حاۋىپسىزدىك، ساياسي سياقتى ارنالارىندا تۇگەلدەي تەرەڭ رەتتەۋلەر تۋىلۋدا. ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، ەكونوميكا جوعارى جىلدامدىقپەن ارتۋ كەزەڭىنەن جوعارى ساپالى دامۋ كەزەڭىنە ءوتىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسى قالىپتاسۋدا، جوعارى ساپالى دامۋدى جۇزەگە اسىرۋدا ءالى دە كوپتەگەن ولقىلىقتار، ءالسىز تۇستار بار، ەكونوميكالىق ەرەكشە رايوننىڭ دامۋى دا كەيبىر قيىنشىلىقتار مەن سىن - سايىستارعا ءدوپ كەلدى. تەك ەل ءىشى - سىرتىنداعى ۇلكەن اۋقىمدى ديالەكتيكالىق تۇرعىدا تانىپ جانە يگەرىپ، ەلىمىزدىڭ جاڭا دامۋ كەزەڭىنە ءوتۋ كەلەلى جاعدايىن نەگىزگە الىپ، جاڭا دامۋ ۇستانىمىن تياناقتاندىرىپ، جوعارى ساپالى دامۋدى ىلگەرىلەتۋمەن، جاڭا دامۋ ارناسىن قۇرۋمەن تىعىز بايلانىستىرىپ، وراي تانىمى مەن حاۋىپ - قاتەر تانىمىن كۇشەيتىپ، وزگەرىستى ءدال تانىپ، وزگەرىسكە عىلمي سايكەسىپ، وزگەرىسكە ىرىقتىلىقپەن ۇمتىلىپ، داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشقاندا عانا، ەكونوميكالىق ەرەكشە رايوندى اناعۇرلىم جاقسى قۇرىپ، قۇرۋ دەڭگەيىن اناعۇرلىم جوعارىلاتىپ، بۇكىل ەل ءبىر تۇتاس جۇيە بارىسىندا ەكونوميكالىق ەرەكشە رايوننىڭ شارپۋ، جەتەكتەۋ رولىن اناعۇرلىم ويداعىداي ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋعا بولادى.

  جاڭا جاعداي جاڭا جاۋاپكەرشىلىك ارقالاۋدى، جاڭا ىسكەرلىككە ۇندەۋدى قاجەت ەتەدى. جاڭا داۋىردەگى ەكونوميكالىق ەرەكشە رايون قۇرىلىسىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، يدەيا مەن ارەكەتتى جاڭا دامۋ ۇستانىمىمەن بىرلىككە كەلتىرۋ كەرەك. قامداۋ جاعىنداعى قۇرىلىمدىق رەفورما سىندى نەگىزگى جەلىگە تاباندى بولىپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ەل ءىشى بازارىنا اناعۇرلىم كوپ سۇيەنىپ، قامداۋ جۇيەسىنىڭ ەل ءىشى قاجەتىنە بەيىمدەلۋ سيپاتىن جوعارىلاتىپ، جوعارى ساپالى قامداۋ ارقىلى كۇن سايىن دارەجەسى جوعارىلاپ وتىرعان ەل ءىشى بازارى قاجەتىن قاناعاتتاندىرۋ كەرەك. جاڭالىق اشۋ ارقىلى دامۋعا دەم بەرۋ ستراتەگياسىن بۇلجىتپاي اتقارىپ، جاڭا قوزعاۋشى قۋات جەتىلدىرىپ، جاڭا مۇمكىندىكتەردى جوعارىلاتىپ، بۇكىل الەمدىك ىقپالعا يە عىلىمدا جانە وندىرىستە جاڭالىق اشۋدىڭ بيىك بەلەسىن قالىپتاستىرىپ، كاسىپ سالاسى تىزبەگىن ارقاۋ ەتىپ جاڭالىق اشۋ تىزبەگىن ورنالاستىرىپ، جاڭالىق اشۋ تىزبەگىن ارقاۋ ەتىپ كاسىپ سالاسى تىزبەگىن جايعاستىرىپ، ستراتەگيالىق جاڭادان گۇلدەنگەن كاسىپ سالالارىن كورەگەندىكپەن جايعاستىرىپ، بولاشاقتىق كاسىپ سالالارىن جەتىلدىرىپ، دامىتىپ، سيفرلى ەكونوميكانى دامىتىپ، نەگىزدىك زەرتتەۋلەر مەن قولدانىلمالى نەگىزدىك زەرتتەۋلەرگە ۇسىنىلىم تەبىنىن ارتتىرىپ، بۇكىل الەمدىك جاڭالىق اشۋ تورىمەن ىرىقتىلىقپەن توعىسۋ كەرەك. وسى زامانعى قىزمەت وتەۋ كاسىبىن زور كۇشپەن دامىتىپ، قىزمەت وتەۋ كاسىبىنىڭ دامۋ قابىلەتى دارەجەسىن جانە باسەكەلىك قۋاتىن جوعارىلاتۋ كەرەك. اناعۇرلىم اشىق دارىندى ساياساتىن جۇرگىزىپ، شار تاراپتان ۇزدىك دارىندىلاردى جيناۋ، ىستەتۋ كەرەك. گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنىڭ كەلەلى تاريحي ورايىن مىقتى يگەرىپ، بەلسەنە ىسكەرلىك كورسەتىپ، وسى 3 جەردەگى ەكونوميكالىق اينالىمنىڭ ەرەجە - قاعيدالارىن ۇلاستىرۋدى، مەحانيزمدەرىن ۇشتاستىرۋدى ىلگەرىلەتىپ، بازاردىڭ ءبىر تۇلعالانۋ دەڭگەيىن ءوسىرۋ، شياڭگاڭدىق، اۋمىندىق، تايۋاندىق باۋىرلاستار مەن شەتەلدەگى چياۋمين باۋىرلاستاردى قارجى قوسىپ، شارۋاشىلىق قۇرۋداعى، قوس باعىتتا ەسىك اشۋداعى ماڭىزدى رولدارىن تولىق ساۋلەلەندىرۋگە، ەكونوميكالىق ەرەكشە رايوندى دامىتۋعا تىڭ ۇلەس قوسۋعا ۇزدىكسىز ىنتالاندىرۋ، باستاۋ كەرەك.

  40 جىلدان بەرى ەكونوميكالىق ەرەكشە رايون جۇڭگوشا سوتسياليزم قۇرۋ ۇلى تاريحي ۇردىسىندە ەرلىكپەن الدىڭعى شەپتە اتويلاپ، ءورىس اشا ىلگەرىلەۋدىڭ ايبىندى تاراۋىن جازدى. جاڭا باستامادا، ەكونوميكالىق ەرەكشە رايون اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا باعىت بەلگىلەپ، جاڭا ستراتەگيالىق ورىندى ويداعىداي يگەرىپ، دامۋدىڭ ساپاسى مەن ونىمدىلىگىن زور كۇشپەن جوعارىلاتىپ، ەكونوميكالىق باسەكەلىك قۋاتتى، جاڭالىق اشۋ قۋاتىن، حاۋىپ - قاتەرگە قارسى تۇرۋ قۋاتىن كۇشەيتىپ، جوعارى ساپالى دامۋدى جۇزەگە اسىرسا، ءسوز جوق، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا تىڭ دا اناعۇرلىم زور كەرەمەتتەر جاراتا الادى.

(شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور: 热依扎·海米提