پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولايىق

پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولايىق

− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە (7)

□ گازەتىمىزدىڭ شولۋشىسى

  شينجياڭ قىزمەتىن جاقسى ىستەۋدىڭ تەتىگى − پارتيانىڭ جالپى جاعدايدى تۇگەل مەڭگەرۋدەگى، ءار جاقتاردى سايكەستىرۋدەگى باسشىلىق ۇيتقىلىق رولىن ساۋلەلەندىرۋدە. باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: ”پارتيامىزدىڭ اۋەلگى ماقساتى مەن بورىشى − شينجياڭداعى ءار ۇلت حالقىن قامتىعان جۇڭگو حالقىن باقىتقا كەنەلتۋ، شينجياڭداعى ءار ۇلتتى قامتىعان جۇڭحۋا ۇلتىنىڭ گۇلدەنۋىن جۇزەگە اسىرۋ. ءار دارەجەلى پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا تۋرالانىپ، پارتيا ورتالىق كوميتەتىمەن سانالى تۇردە يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋ كەرەك“.

  شينجياڭ قىزمەتى پارتيا مەن مەملەكەت قىزمەتىنىڭ كەلەلى جاعدايىنا سايادى، پارتيا ورتالىق كوميتەتى ەجەلدەن شينجياڭ قىزمەتىنە وسكەلەڭ ءمان بەرىپ كەلدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭدى جونگە سالۋدىڭ زاڭدىلىعىنا دەگەن تانىم مەن يگەرۋدى ۇزدىكسىز تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىنىڭ كەلەلى ونىمدىلىكتەرگە قول جەتكىزۋىن جەبەپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا بۇرىن بولماعان جەتىستىكتەرگە قول جەتكىزدى. پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋ − پارتيامىزدىڭ حالىققا باسشىلىق ەتىپ شينجياڭدى جونگە سالۋ، شينجياڭدى ورنىقتىرۋ، شينجياڭدى گۇلدەندىرۋدەگى ءساتتى تاجىريبەسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى مازمۇنى.

  اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى بىلاي دەپ باسا دارىپتەدى: پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.

  جالپى جاعدايدى مەڭگەرگەندە، بەتالىستى تۇزەتۋگە، نەگىزدى مىقتى يگەرگەندە، سوڭعىلاردى جونگە سالۋعا بولادى. پارتيانىڭ ساياسي قۇرىلىسى جاقسى ۇستالسا، ساياسي بەتالىس، ساياسي تۇرعى، ساياسي كەلەلى جاعداي يگەرىلسە، پارتيانىڭ قۇرىلىسىندا ءبىر تۇتاس باسشىلىق بولادى، پارتيانىڭ باسشىلىعىندا كەپىلدىك بولادى. پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋدا، پارتيانىڭ ساياسي قۇرىلىسىن ماڭداي الدى ورىنعا قويىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ”ءتورت تانىمدى“ اناعۇرلىم كۇشەيتىپ، ”ءتورت سەنىمدى“ اناعۇرلىم بەكەمدەپ، ”ەكىنى قورعاۋدى“ اناعۇرلىم ورىنداپ، شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، بۇكىل رايونداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ جانە ءار ۇلت كادر، بۇقاراسىنىڭ تىلەگىن قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناستىرۋدى، تىعىز توعىستىرۋدى باتىل ورىنداپ، بارلىق ارەكەتتە پارتيا ورتالىق كوميتەتىنىڭ جارلىعى مەن قولباسشىلىعىنا بويسۇنۋ كەرەك.

  ساياسي لۋشيان ايقىن بەلگىلەنگەننەن كەيىن، كادرلار شەشۋشى فاكتور بولادى. پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋدا، ءار دارەجەلى باسشى كادرلار مەن ءار ۇلت كادرلار قوسىنى قۇرىلىسىن شىن مانىندە جاقسى يگەرۋ كەرەك. مۇرات - سەنىم تاربيەسىن تاباندىلىقپەن كۇشەيتىپ، پارتيا ستيلى، پاكتىك قۇرىلىسىن ىشكەرىلەي ىلگەرىلەتىپ، ساياسي جاقتان جاتتىقتىرۋدى كورنەكتىلەندىرىپ، كادرلاردىڭ ساياسي ساپاسىن پارىقتاۋدى ۇدايىلاندىرىپ، ءار دارەجەلى باسشىلىق ۇقىقتى قاشاندا ادال، كىرشىكسىز، جاۋاپكەرشىلىك ارقالاي الاتىن كادرلاردىڭ قولىندا مىقتى يگەرىلۋىنە شىنايى كەپىلدىك ەتۋ كەرەك. تاربيەلەۋ - باۋلۋ سەرپىنىن ارتتىرىپ، نازاريالىق نەگىزى مىعىم، ساياساتتى يگەرۋى جەتكىلىكتى، امالياتتىق قابىلەتى كۇشتى كادرلار قوسىنىن كۇش سالا باۋلۋ كەرەك. پارتياعا ادال، ءمورالدى دا قابىلەتتى، جوعارى ساپالى از ۇلت كادرلار قوسىنىن قۇرۋدى ماڭىزدى مىندەت رەتىندە ءارقاشان بوساڭسىماي يگەرۋ كەرەك. كادرلارعا كوڭىل ءبولۋ مەحانيزمىن اقاۋسىزداندىرىپ، كەمەلدەندىرىپ، ءار ۇلت كادرلارىن ساياسي جاقتان ىنتالاندىرىپ، قىزمەت جاعىندا قولداپ، مامىلە جاعىندا قامتاماسىز ەتىپ، تۇرمىس جاعىنان كوڭىل ءبولىپ، كوڭىل كۇي جاقتان قامقورلىق جاساپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك.

  نەگىز بەرىك بولماسا، جەر قوزعالىپ، تاۋ تەڭسەلەدى. پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋدا، نەگىزگى ساتىنى يگەرۋگە، نەگىزدى بەكەمدەۋگە تاباندى بولۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق ۋاقىتتىق جوسپارى مەن نەگىزدى بەكەمدەۋ شاراسى ەتىپ، نەگىزگى ساتى پارتيا ۇيىمدارىن بۇقاراعا قىزمەت وتەۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ بەرىك جاۋىنگەرلىك قامالى ەتىپ قۇرىپ شىعۋعا قۇلشىنىپ، پارتيا تۋىن ءاربىر نەگىزگى ساتى شەبىندە اسقاق جەلبىرەتۋ كەرەك.

  اسقار - اسقار تاۋلاردىڭ دا بارىنەن بيىك شىڭى بولادى. پارتيانىڭ باسشىلىعى − ءبىزدىڭ حاۋىپ - قاتەرلەر مەن سىن - سايىستاردى جەڭۋىمىزدىڭ، جەڭىسكە ۇزدىكسىز قول جەتكىزۋىمىزدىڭ تەتىگى. پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋدى شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ ءار جاقتارىمەن، تۇتاس بارىسىمەن ساباقتاستىرساق، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازاتىن بولامىز.

جاۋاپتى رەداكتور: 热依扎·海米提