يدەيانى، ارەكەتتى بىرلىككە كەلتىرىپ، تاسقىنداعان كۇش - قۋات ۇيىستىردى

يدەيانى، ارەكەتتى بىرلىككە كەلتىرىپ، تاسقىنداعان كۇش - قۋات ۇيىستىردى

− اۆتونوميالى رايوننىڭ ۇگىت - لەكسيا ۇيىرمەلەرى جەر - جەرگە، مەكەمە - ورىندارعا بارىپ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى

□ گازەتىمىزدىڭ جالپىلىق اقپارات قۇرالدارى تىلشىلەرى

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ءۇشىن، 10 - ايدىڭ 15 - كۇنىنەن باستاپ، اۆتونوميالى رايوندىق پارتكوم ۇيىمداستىرىپ قۇرعان ءماجىلىس رۋحىن ۇيرەنۋ، دايەكتىلەندىرۋ ۇگىت - لەكسيا ۇيىرمەلەرى اۆتونوميالى رايونعا، ءارقايسى ايماق، وبلىس، قالالارعا، ءارقايسى مەڭگەرمە، مەكەمەلەرگە، ءارقايسى جوعارى مەكتەپتەرگە بارىپ ۇگىت - لەكسيا قيمىلىن ورىستەتتى ءارى نەگىزگى ساتىلارعا بارىپ كادر - بۇقارامەن اڭگىمەلەستى.

  ءار ۇلت كادر - بۇقاراسى ۇگىت - لەكسيانى زەر سالا تىڭداعاننان كەيىن مىنانى ءبىلدىردى: يدەيانى، ارەكەتتى ءماجىلىستىڭ رۋحىمەن بىرلىككە كەلتىرىپ، كۇش - قۋاتىمىزدى ءماجىلىس تۇراقتاندىرعان مىندەتتەرگە ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز.

  10 - ايدىڭ 16 - كۇنى تۇستەن كەيىن، اۆتونوميالى رايوندىق پارتكومنىڭ 2 - ءماجىلىس كەڭسەسىندە اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مەڭگەرۋشىسى لي جۋان اۆتونوميالى رايونعا توتە قاراستى ورگان، مەكەمە - ورىندارداعى پارتيالى كادرلارعا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن ۇگىت - لەكسيا بايانداماسىن جاسادى. لي جۋان نەگىزگى تاقىرىپپەن تىعىز بىرلەستىرىپ، نازاريانى ءىس جۇزىندىكپەن بايلانىستىرىپ، جاندى مىسالداردى قولدانىپ، ءوز سەزىنگەندەرىمەن ۇشتاستىرىپ، ءماجىلىستىڭ رۋحىنا جالپى بەتتىك ىشكەرىلەي تۇسىنىك جاسادى.

  ”ۇگىت - لەكسيا بايانداماسىندا قاراپايىم ءتىل ارقىلى تەرەڭ وي اڭعارتىلعان نازاريالىق بايىمداۋمەن قوسا، اماليات ساتىسىنداعى ءادىس - امال تۋرالى ويلانۋ دا بار ەكەن، تىڭداعاننان كەيىن كوپ وي الدىم“. اۆتونوميالى رايوندىق پارتكومعا توتە قاراستى ورگاندار قىزمەتى كوميتەتىنىڭ شۋجيى ياۋ شياۋجۇن بىلاي دەدى: اۆتونوميالى رايونعا توتە قاراستى ورگاندار وسى رەتكى ۇگىت - لەكسيا قيمىلىن وراي ەتىپ، باي مازمۇندى ۇگىت، ۇگىت - لەكسيا قيمىلدارىن ۇيىمداستىرىپ ورىستەتىپ، اۆتونوميالى رايونعا توتە قاراستى ورگانداردا ۇيرەنۋدىڭ قىزۋ ورلەۋىن كوتەرىپ، ۇيرەنۋ جەتىستىكتەرىن ءىس تىندىرىپ، ناتيجە شىعارۋدىڭ، قىزمەتتى ىلگەرىلەتۋدىڭ قۋاتتى قوزعاۋشى كۇشىنە شىن مانىندە اينالدىرۋ كەرەك.

  10 - ايدىڭ 16 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ ورىنباسار مەڭگەرۋشىسى گاۋ جيانلۇڭ سانجى حۇيزۋ اۆتونوميالى وبلىسىندا «3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا جاراتايىق» دەگەن تاقىرىپتا بايانداما جاساپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن 6 جاقتان جۇيەلى بايىمدادى، ءتۇسىندىردى.

  سانجى وبلىستىق قوعامدىق عىلىمدار بىرلەستىگىنىڭ ءتوراعاسى ءايناپ بىلاي دەدى: ”لەكسيانىڭ مازمۇنى باي، نازاريالىق ورەسى جوعارى، ادامعا تەرەڭ وي سالدى. ءبىز ءىس جۇزىندىكپەن ۇشتاستىرىپ، قاتىستى تاقىرىپتىق زەرتتەۋلەردى مۇقيات ۇيىمداستىرىپ ورىستەتىپ، اڭگىمە ءماجىلىستىڭ رۋحىن ۇگىتتەۋدى، ءتۇسىندىرۋدى، جالپىلاستىرۋدى قۇلشىنا جاقسى ىستەيمىز، اسىرەسە، بۇقارانىڭ اراسىنا بارىپ، بەتپە - بەت ۇگىت - لەكسيا ورىستەتىپ، بارلىق وتباسىنا، بارلىق ادامعا جەتكىزۋدى شىن مانىندە ورىندايمىز“.

  10 - ايدىڭ 16 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ شۋجيى ءيىلحام وسمان قارامايلى قالاسىندا ۇگىت - لەكسيا بايانداماسىن جاسادى. بايانداما ماجىلىسىندە ءيىلحام وسىمان نازاريا + سۋرەت + بەينەجازبا سياقتى كوپ ءتۇرلى تاسىلمەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە جالپى بەتتىك تۇسىنىك جاساپ، جاڭا جاعدايداعى شينجياڭ قىزمەتىنىڭ جەتەكشى يدەياسىن، نىسانا - مىندەتىن، نەگىزگى پرينسيبىن شينجياڭنىڭ ءىس جۇزىندىگىمەن بىرلەستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ ماڭىزدىلىعىن بايىمدادى.

  شينجياڭ مۇناي الابى سەرىكتەستىگى كاسىپورىن مادەنيەتى باسقارماسى (پارتكوم ۇگىت ءبولىمى) يدەيا - ساياسي ءبولىمىنىڭ جاۋاپتىسى لي پىڭ بىلاي دەدى: ”پارتيالى كادر رەتىندە، مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، ءسوز جوق، مۇقيات ۇيرەنىپ، دايەكتىلەندىرىپ، باستان - اياق اسقاقتاعان رۋحاني كۇيدى ساقتاپ، شينجياڭ قىزمەتىنىڭ باس نىساناسىمەن تىعىز ارقاۋ ەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا قارامايلى مۇنايشىلارىنىڭ اقىل - پاراساتى مەن كۇش - قۋاتىن قوسامىن“.

  10 - ايدىڭ 16 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ جازۋشىلار قوعامىنىڭ ورىنباسار ءتوراعاسى ەركەش قۇرمانبەك التاي ايماعىنداعى ءار ۇلت كادر - بۇقاراسىنا ۇگىت - لەكسيا جاسادى. سول كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسى تاعى التاي قالاسى شاشۋ جولى ءمالىسى قىزىلتاس الەۋمەتتىك اۋماعىنا بارىپ، ءار ۇلت كادر - بۇقاراسىمەن بەتپە - بەت پىكىر اۋىستىردى، اڭگىمەلەستى. كوپشىلىك العا قويعان ماسەلەلەرگە قاراتا، ەركەش قۇرمانبەك قاراپايىم سوزبەن تەرەڭ ماعىنا بىلدىرە وتىرىپ تالداۋ جانە تۇسىنىك جاساپ، ماكرولىق وي ايتۋمەن قوسا، ميكرولىق تالداۋ دا جاساپ، كوپشىلىكتىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن كوپ ساتىلى، جان - جاقتىلى، كوپ تۇرعىدا ۇيرەنۋىنە، تۇسىنۋىنە مۇمكىندىك جاسادى.

  وسى الەۋمەتتىك اۋماقتا پراكتيكا ىستەپ جۇرگەن داشۋە وقۋشىسى جياڭ جۇن - ي بىلاي دەدى: ”ۇگىت - لەكسيا بايانداماسىن تىڭداپ مول ءبىلىم الدىم، باس شۋجيدىڭ تاپسىرماسىن ەسىمدە، ءسوز جوق، بەرىك ساقتاپ، بۇكىل ىنتا - پەيىلىممەن نەگىزگى ساتىدا قىزمەت ىستەپ، نەگىزگى ساتىعا تامىر تارتىپ، اناعۇرلىم تىنىش، كورىكتى، باقىتتى التاي قۇرۋعا ءوزىمنىڭ جاستىق كوكتەمدەگى كۇش - قۋاتىمدى ارنايمىن“.

  10 - ايدىڭ 16 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (ورىنباسار شۋەيۋان باستىعى) ءابي سالام تۇرپان قالاسىنا بارىپ ۇگىت - لەكسيا جاسادى. سول كۇنى تۇستەن كەيىن گاۋچاڭ رايونى جۇزىمشىلىك قالاشىعى باعرى الەۋمەتتىك اۋماعىندا ول نەگىزگى ساتىداعى كادر - بۇقارامەن بەتپە - بەت اڭگىمەلەسىپ، ۇگىت - لەكسيا جاسادى.

  باعرى الەۋمەتتىك اۋماعىنىڭ كادرى شاميدين نۇردىن بىلاي دەدى: ”مەن ىرىقتىلىقپەن ىسكەرلىك كورسەتىپ، وسى رەتكى ءماجىلىستىڭ رۋحىن جاقسى ۇيرەنىپ، جاقسى ۇگىتتەپ، جاقسى دايەكتىلەندىرىپ، ءار ۇلت بۇقاراسىن باتىل تۇردە پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەيمىن“.

  10 - ايدىڭ 16 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتكومىنىڭ شۋجيى ديڭ شوۋچيڭ قاشقار ايماعىنداعى پارتيالى كادرلارعا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ءتۇسىندىردى، ۇگىتتەدى. بايانداما ءماجىلىسىن زەر سالا تىڭداعان پارتيالى كادرلار جابال مىنالاردى ءبىلدىردى: باياندامانىڭ وي جۇلگەسى ايقىن، مازمۇنى باي بولدى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي، تەرەڭ ۇيرەنۋ جونىنەن وتە كۇشتى جەتەكشىلىك سيپاتقا يە.

  (ءتىلشى جاڭ يۇنمەي، قاتىناسقان تىلشىلەر شيا چيڭ، جاڭ يانفاڭ، گى يوۋجۇن، سانجى تىلشىلەر پۋنكتىنەن ياڭ حايجۇن، قارامايلى تىلشىلەر پۋنكتىنەن تيان حۋايىڭ، التاي تىلشىلەر پۋنكتىنەن ياڭ ۋيشۋان، تۇرپان تىلشىلەر پۋنكتىنەن ما جيانشان، قاشقار تىلشىلەر پۋنكتىنەن ليۋ مىڭشين)

جاۋاپتى رەداكتور: 热依扎·海米提