شينجياڭدا 2 جەر ”تۇنىق سۋ، جاسىل تاۋ − باعالى بايلىق“ بويىنشا امالياتتىق جاڭالىق اشۋ بازاسىنا ەنگىزىلدى

  گازەتىمىزدىڭ جالپىلىق اقپارات قۇرالدارى ءتىلشىسى لي شيڭ 10 - ايدىڭ 16 - كۇنى ۇرىمجىدەن حابارلايدى. تاياۋدا ەكولوگيالىق ورتا مينيسترلىگى 4 - توپتاعى مەملەكەتتىك ەكولوگيالىق وركەنيەت قۇرىلىسىنان ۇلگى كورسەتەتىن قالا، اۋدانداردىڭ ءتىزىمىن جانە 4 - توپتاعى ”تۇنىق سۋ، جاسىل تاۋ − باعالى بايلىق“ بويىنشا امالياتتىق جاڭالىق اشۋ بازالارىن جاريالادى. مۇنىڭ ىشىندە قورعاس اۋدانى، بيڭتۋان 9 - شىسىنىڭ 161 - تۋانى شينجياڭداعى تۇڭعىش رەت ”تۇنىق سۋ، جاسىل تاۋ − باعالى بايلىق“ بويىنشا امالياتتىق جاڭالىق اشۋ بازاسىنا ەنگىزىلگەن جەر بولدى.

  ”تۇنىق سۋ، جاسىل تاۋ − باعالى بايلىق“بويىنشا امالياتتىق جاڭالىق اشۋ بازاسىنىڭ ماقساتى ەكولوگيالىق مادەنيەتتىڭ قامداۋ جاعىنداعى ۇلگىسىندە جاڭالىق ەنگىزۋدى ىلگەرىلەتىپ، جاسىلدىق ارقىلى حالىققا تيىمدىلىك جاساۋ، جاسىلدان تەڭ يگىلىكتەنۋ ماركاسىن قالىپتاستىرىپ، كوبەيتۋگە بولاتىن، جالپىلاستىرۋعا بولاتىن ”تۇنىق سۋ، جاسىل تاۋ − باعالى بايلىق“ ۇلگىسىن قالىپتاستىرىپ، ەكولوگيالىق وركەنيەت قۇرىلىسىنىڭ ۇلگى نۇسقاسىن ورناتىپ، بۇكىل ەلدىڭ ەكولوگيالىق وركەنيەت قۇرىلىسىنان ۇلگى كورسەتۋ، جەتەكتەۋ.

  قورعاس اۋدانى مەن بيڭتۋان 9 - شىسى 161 - تۋانى سوڭعى جىلدارى ”تۇنىق سۋ، جاسىل تاۋدى“ باعالى بايلىققا اينالدىرۋ جاعىندا ءتيىمدى ىزدەنىستەر جاسادى ءارى ناقتى ونىمدىلىككە قول جەتكىزىپ، بۇكىل شينجياڭنىڭ جەر - جەرىنىڭ باعالى بايلىق ۇستانىمىن امالياتتا ايگىلەۋىنە ۇلگى كورسەتتى.

  بۇدان سىرت، تەكەس اۋدانى، قابا اۋدانى مەملەكەتتىڭ ەكولوگيالىق وركەنيەت قۇرىلىسىنا ۇلگى كورسەتەتىن قالا، اۋداندار قاتارىنا ەنگىزىلدى. ەكى جەر ”ەكولوگيا ارقىلى اۋداندى ەڭسەلەندىرۋ“ ۇستانىمىن مىقتاپ ورناتىپ، جەرگىلىكتى جاعدايعا قاراي ەكولوگيالىق ورتا ساپاسىن ۇزدىكسىز جوعارىلاتىپ، ساياحاتتى جەتەكشى ەتكەن ەكولوگيالىق كاسىپ سالاسىن زور كۇشپەن دامىتىپ، ەكولوگيالىق وركەنيەت قۇرىلىسى ارقىلى1 -، 2 -، 3 - كاسىپ سالالارىنىڭ توعىسپالى دامۋىن ۇزدىكسىز ىلگەرىلەتتى. وسىنىڭ الدىندا، موڭعۇلكۇرە اۋدانى، توعىزتاراۋ اۋدانى، بۋىرشىن اۋدانى مەملەكەتتىڭ ەكولوگيالىق وركەنيەت قۇرىلىسىنان ۇلگى كورسەتەتىن قالا، اۋداندار قاتارىنا ەنگىزىلگەن بولاتىن.

جاۋاپتى رەداكتور: 热依扎·海米提
  • 1
  • 2
  • 3
  • 4