مەملەكەت ەلەكتر تورى شەكتى سەرىكتەستىگىنىڭ شينجياڭعا كومەكتەسۋ قىزمەتى اڭگىمە ءماجىلىسى اشىلدى

  گازەتىمىزدىڭ جالپىلىق اقپارات قۇرالدارى ءتىلشىسى يۋان لەي 10 - ايدىڭ 16 - كۇنى ۇرىمجىدەن حابارلايدى. 10 - ايدىڭ 16 - كۇنى مەملەكەت ەلەكتر تورى شەكتى سەرىكتەستىگى ۇرىمجىدە شينجياڭعا كومەكتەسۋ قىزمەتى اڭگىمە ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، مەملەكەت ەلەكتر تورى شەكتى سەرىكتەستىگىنىڭ القا باستىعى، پارتيا باسشىلىق گرۋپپاسىنىڭ شۋجيى ماۋ ۋيميڭ ماجىلىسكە قاتىناستى جانە ءسوز سويلەدى.

  مەملەكەت ەلەكتر تورى شەكتى سەرىكتەستىگىنىڭ باس ديرەكتورى، پارتيا باسشىلىق گرۋپپاسىنىڭ ورىنباسار شۋجيى شين باۋ - ان ءماجىلىستى باسقاردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى.

  شوكىرات زاكىر بىلاي دەپ اتاپ كورسەتتى: تۇتاس رايوندا جوعارىدان تومەنگە دەيىن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، ۇگىتتەپ، دايەكتىلەندىرىپ، تياناقتاندىرىپ جاتقان تۇستا، مەملەكەت ەلەكتر تورى شەكتى سەرىكتەستىگى ۇرىمجىدە شينجياڭعا كومەكتەسۋ قىزمەتى اڭگىمە ءماجىلىسىن اشىپ، مەملەكەت ەلەكتر تورى شەكتى سەرىكتەستىگىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى وسكەلەڭ ساياسي سانالىلىعى مەن جاۋاپكەرشىلىگىن تولىق ايگىلەدى. مەملەكەت ەلەكتر تورى شەكتى سەرىكتەستىگى شينجياڭعا باعىتتامالى كومەكتەسۋ قىزمەتىنە ايرىقشا ءمان بەرىپ، ساياسات، قارجى، نىسان قۇرىلىسى سياقتى جاقتاردان شينجياڭعا بارىنشا قولداۋ كورسەتىپ، شينجياڭنىڭ قوعام ورنىقتىلىعى مەن باياندى تىنىشتىقتى جۇزەگە اسىرۋىنا ەلەۋلى ۇلەس قوستى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ تىڭعىلىقتى ىستەۋىمىز؛ وسكەلەڭ جاۋاپكەرشىلىك سەزىم جانە تۇلعالىق جاۋاپكەرشىلىك تانىممەن ەكى جاقتىڭ سەلبەستىكتى ىشكەرىلەتۋدى كۇشەيتۋىن، سەلبەستىك سالاسىن كەڭەيتۋىن ىلگەرىلەتىپ، شينجياڭعا كومەكتەسۋ جەتىستىگىن بەكەمدەۋگە ۇزدىكسىز كۇش سالۋىمىز؛ ەنەرگيا بايلىعى ابزالدىلىعىن تياناق ەتىپ، ابزالدىلىقتارىمەن ءبىرى - ءبىرىن تولىقتىرۋدى، بىرگە پايداعا كەنەلىپ دامۋدى ىلگەرىلەتۋ جاعىندا ۇزدىكسىز كۇش سالۋىمىز؛ حالىقتى وزەك ەتۋدەي دامۋ يدەياسىنا تاباندى بولىپ، ەلەكتر قۋاتى ءتۇزىلىسى رەفورماسىن تەرەڭدەتىپ، حالىق تۇرمىسىن جاقسارتۋدى جەبەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بەلسەندى ۇلەس قوسۋىمىز كەرەك.

  ماۋ ۋيميڭ بىلاي دەدى: سەرىكتەستىك پارتيا باسشىلىق گرۋپپاسى شينجياڭعا كومەكتەسۋ قىزمەتىن باستان - اياق پارتيا مەن مەملەكەت قىزمەتىنىڭ كەلەلى جاعدايىنا قىزمەت ەتۋدەگى ماڭىزدى ساياسي مىندەت ەتىپ، شينجياڭعا كومەكتەسۋ قىزمەتىنە قاتىستى ءبىرسىپىرا شارالار بەلگىلەپ، اتقارىپ، كورنەكتى ونىمدىلىككە قول جەتكىزدى. كەزەكتە جانە مۇنان بىلايعى ءبىر مەزگىلدە، سەرىكتەستىك 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن باتىل تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاۋاپكەرشىلىكتى ىرىقتىلىقپەن ارقالاپ، بەلسەنە ىسكەرلىك كورسەتىپ، ەلەكتر تورىن ورنالاستىرۋ بايلىعى مەن سەنىمدى ەلەكترمەن قامداۋ قۋاتىن ونان ارى كۇشەيتىپ، كەدەيلەردى سۇيەمەلدەۋ، كەدەيلىكتەن ارىلتۋ جانە قىزمەت وتەۋ دەڭگەيىنىڭ جوعارىلاۋىن ىلگەرىلەتىپ، شينجياڭنىڭ ەلەكتر تورى ىسىنە جان - جاقتى كومەكتەسۋ - سۇيەمەلدەۋ تەبىنىن ارتتىرىپ، ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەپ، ەلەكتر تورىنىڭ تىرەكتىلىك، جەبەۋ، قىزمەت وتەۋ رولىن ويداعىداي ساۋلەلەندىرىپ، قارجى، كاسىپ سالاسى، دارىندى سياقتى جاقتاردان شينجياڭعا كومەكتەسۋ كەشەندى شارالارىن ويداعىداي اتقارىپ، ورتالىقتىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن دايەكتىلەندىرۋ، شينجياڭنىڭ ەكونوميكالىق، قوعامدىق دامۋىن قولداۋ جاعىنداعى مەملەكەت كومانداسىنىڭ ”تىرەكتىك“ رولىن شىن مانىندە ويداعىداي ساۋلەلەندىرىپ، باتىلدىقپەن ورتالىق كاسىپورىندارىنىڭ شينجياڭعا كومەكتەسۋدەگى كوش باسشىسى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا مەملەكەت ەلەكتر تورىنىڭ تيەسەلى ۇلەسىن قوسادى.

  اڭگىمە ءماجىلىس اياقتاعاننان كەيىن، مەملەكەت ەلەكتر تورى شەكتى سەرىكتەستىگى مەن اۆتونوميالى رايوندىق حالىق ۇكىمەتى اۆتونوميالى رايوننىڭ ”14 - بەسجىلدىق“ ەنەرگيا جانە ەلەكتر جوباسىن جاساۋ، ەنەرگيا ينتەرنەت قۇرىلىسىن جەدەلدەتۋ، تازا ەنەرگيانىڭ دامۋىن جەبەۋ، ەلەكترلەندىرۋ دەڭگەيىن جوعارىلاتۋ، ەلەكتر قۋاتى ءتۇزىلىسى رەفورماسىن تەرەڭدەتۋ سياقتى ستراتەگيالىق سەلبەستىك جۇلگەسىندەگى كەلىسىمگە قول قويدى.

  اۆتونوميالى رايوننىڭ ورىنباسار ءتوراعاسى جاۋ چيڭ، مەملەكەت ەلەكتر تورى شەكتى سەرىكتەستىگىنىڭ ورىنباسار باس ديرەكتورى جاڭ جىگاڭ اتالعان قيمىلعا قاتىناستى.

جاۋاپتى رەداكتور: 热依扎·海米提
  • 1
  • 2
  • 3
  • 4