جۇندۇڭ ءوڭىرىنىڭ كومىرىمەن وڭتۇستىك شينجياڭداعى 3 ايماق-وبلىستى تىكە قامداۋ، تىكە ساتۋ قىزمەتىن ورنالاستىردى

  اۆتونوميالى رايون بەينەەكران ءماجىلىسىن اشىپ

  جۇندۇڭ ءوڭىرىنىڭ كومىرىمەن وڭتۇستىك شينجياڭداعى 3 ايماق-وبلىستى تىكە قامداۋ، تىكە ساتۋ قىزمەتىن ورنالاستىردى

  گازەتىمىزدىڭ جالپىلىق اقپارات قۇرالدارى ءتىلشىسى يۋان لەي 10 - ايدىڭ 10 - كۇنى ۇرىمجىدەن حابارلايدى. 10 - ايدىڭ 9 - كۇنى جۇندۇڭ ءوڭىرىنىڭ كومىرىمەن وڭتۇستىك شينجياڭداعى 3 ايماق - وبلىستى تىكە قامداۋ، تىكە ساتۋ قىزمەتىن ورنالاستىرۋ بەينەەكران ءماجىلىسى اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى جانە ءسوز سويلەدى.

  ءماجىلىس مىنالاردى اتاپ كورسەتتى: 2019 - جىلى قىستا اۆتونوميالى رايون تۇتاس رايوننىڭ كومىر بايلىعىن ورنالاستىرۋدى ءبىر تۇتاس جوسپارلاپ، كومىر تاسىمالداۋدى قامتاماسىز ەتۋ قىزمەتىن كۇشەيتىپ، وڭتۇستىك شينجياڭداعى 3 ايماق - وبلىستا حالىقتىڭ جىلىنۋىن كەسەك كومىرمەن قامتاماسىز ەتۋ قىزمەتىن اتقاردى، حالىقتىڭ جىلىنۋىنا قاجەتتى كەسەك كومىردىڭ ءار تونناسىنىڭ ساتىلۋ باعاسى سايكەس مەزگىلدەگىدەن 150 − 300 يۋان ارزانداپ، ورتاشا ارزانداۋ مولشەرى %35 − 20 بولىپ، وڭتۇستىك شينجياڭداعى 3 ايماق - وبلىستاعى ءار ۇلت بۇقاراسىنىڭ قىستا جىلىنۋداعى اۋىرتپالىعىن ءونىمدى جەڭىلدەتىپ، ءار ۇلت بۇقاراسىن ناقتى يگىلىكتەرگە كەنەلتتى.

  ءماجىلىس مىنالاردى باسا دارىپتەدى: جەر - جەر، تاراۋلار حالىقتى وزەك ەتكەن دامۋ يدەياسىنا تاباندى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكوم ونىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ساياسي دەڭگەيدى جوعارىلاتىپ، جاۋاپكەرشىلىك سەزىمدى، كوكەي تەستىلىك سەزىمدى اناعۇرلىم كۇشەيتىپ، سان سالالى قىزمەتتى ناقتى، ەگجەي - تەگجەيلى، ويداعىداي ىستەپ، وڭتۇستىك شينجياڭداعى 3 ايماق - وبلىستاعى حالىقتىڭ 2020 - جىلعى جىلىنۋىن كەسەك كومىرمەن قامداۋ قىزمەتىن بار كۇشپەن ويداعىداي ىستەۋ كەرەك. ءوندىرۋ، تاسىمالداۋ، قامداۋ، ساتۋ سياقتى بۋىنداردا باعانى لايىقتى ارزانداتىپ، بيىل كومىردىڭ وتباسىلارىنا جەتكىزىلگەن كەزدەگى باعاسىنىڭ بىلتىرعىدان جوعارى بولماۋىنا شىنايى كەپىلدىك ەتۋ؛ كەسەك كومىر ءوندىرۋدى بەلسەنە ۇيىمداستىرىپ، كومەسكى كۇشتەردى اناعۇرلىم اشىپ، ارزانعا بەرىپ، تىكە قامدايتىن، تىكە ساتاتىن كومىرمەن تولىق قامداۋعا شىنايى كەپىلدىك ەتۋ؛ باقىلاۋ - باسقارۋدى كۇشەيتىپ، كومىر باعاسىن قىمباتتاتۋدان ساقتانىپ، تىزگىندەپ، كومىر بازارىنىڭ قالىپتى ءتارتىبىن ارناعا ءتۇسىرۋ، ساقتاۋ؛ ءتۇرلى حاۋىپسىزدىك شارالارىن تياناقتاندىرىپ، ءوندىرىس حاۋىپسىزدىگى شىرعالاڭىنىڭ تۋىلۋىنان ساقتانۋ؛ جاۋاپكەرلىكتى، جۇمىس ءبولىسىن ايقىنداپ، قىزمەتتە بىرىككەن كۇش قالىپتاستىرىپ، مىندەتتىڭ تياناقتانۋىن جەبەپ، بيىل قىستان كەلەر جىلى كوكتەمگە دەيىن وڭتۇستىك شينجياڭداعى 3 ايماق - وبلىستاعى حالىقتىڭ جىلىنۋىن كەسەك كومىرمەن قامداۋ قىزمەتىنىڭ ءتارتىپتى، باعانىڭ ورنىقتى بولۋىنا شىنايى كەپىلدىك ەتۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى.

جاۋاپتى رەداكتور: نۇربولات قابىل
  • 1
  • 2
  • 3
  • 4