شىعانداعان ءداۋىر سيمفونياسى

  شىعانداعان ءداۋىر سيمفونياسى

  − پارتيا 18 - قۇرىلتايىنان بەرى باس شۋجي شي جينپيڭ قىزمەت تەكسەرگەن، تەكسەرۋ - زەرتتەۋ جۇرگىزگەن كەدەي قىستاقتاردىڭ كەدەيلىكتەن ارىلۋىن تەكسەرۋ

  ارنايى ۇسىنىس ەتىلگەن تەكسەرۋ-زەرتتەۋ گرۋپپاسى

  كەدەيلىك − ادامزاتتى ۇزاقتان بەرى مازالاپ كەلە جاتقان قيىن ماسەلە، كەدەيلىكتى جەڭۋ − جۇڭحۋا ۇلتىنىڭ مىڭداعان جىلداردان بەرگى ارمان - تىلەگى. جاڭا جۇڭگو قۇرىلعاننان بەرى پارتيامىز حالىقتى باستاپ كەدەيلىككە ۇزدىكسىز سوعىس جاريالادى. رەفورما جاساۋ، ەسىك اشۋ بۇل سوعىستى جاڭا تاريحي كەزەڭگە الىپ كىرىپ، اۋىل - قىستاقتاعى 800 ميلليوننان استام كەدەي حالىق ىركەس - تىركەس كەدەيلىكتەن ارىلدى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتى جويۋدى ەل باسقارۋدا اناعۇرلىم ماڭىزدى ورىنعا قويىپ، بۇكىل پارتيانىڭ، بۇكىل قوعامنىڭ كۇشىن جۇمىلدىرىپ شوعىرلى تۇردە كەدەيلىكتەن ارىلتۋدان قامال الدى، ونىڭ سەرپىنىنىڭ زورلىعى، كولەمىنىڭ كەڭدىگى، ناتيجەسىنىڭ كورنەكتىلىگى، ىقپالىنىڭ تەرەڭدىگى بۇرىن بولماعان، دۇنيە جۇزىندە سيرەك كەزدەسەدى، بۇل ادامزاتتىڭ كەدەيلىكتى ازايتۋ تاريحىنداعى جۇڭگو كەرەمەتىن جاراتتى.

  دوڭگەلەك داۋلەتتىلىككە جەتۋ جولىندا ەشكىمدى قاتاردان قالدىرۋعا بولمايدى، بۇل باس شۋجي شي جينپيڭ ەڭ قام جەگەن ءىس. كەدەيلىكتەن ارىلتۋدان قامال الۋ باستالعاننان بەرى، باس شۋجي قارلى - بورانعا، شىجىعان ىستىققا قاراماي، باتپاق كەشىپ، تاۋ اسىپ، تاس باسىپ، وزەندەردەن ءوتىپ، بۇكىل ەلدەگى 14 شوعىرلى تۇتاسقان ەرەكشە كەدەي ءوڭىردى ارالاپ شىعىپ، ىلگەرىندى - كەيىندى حىبەيدىڭ فۋپيڭ اۋدانى لوتو - ۋان قىستاعى مەن گۋجياتاي قىستاعى، گانسۋدىڭ ۋييۋان اۋدانى يۋانگۋدۇي قىستاعى، حۋناننىڭ فىڭحۋاڭ اۋدانى چاڭپۋتاڭ قىستاعى، حۋناننىڭ حۋايۋان اۋدانى شىبادۇڭ قىستاعى، حىناننىڭ لانكاۋ اۋدانى جاڭجۋاڭ قىستاعى، جياڭشيدىڭ جيڭگاڭشان قالاسى شىنشان قىستاعى، انحۇيدىڭ جينجاي اۋدانى داۋان قىستاعى، نيڭشيانىڭ جيڭيۋان اۋدانى ياڭليڭ قىستاعى، نيڭشيانىڭ يۇڭنيڭ اۋدانى يۋانلۇڭ قىستاعى، چيڭحايدىڭ گولمۇد قالاسى جياڭيۋان قىستاعى، چيڭحايدىڭ حۋجۋ تۋزۋ اۆتونوميالى اۋدانى بان - يان قىستاعى، حىبەيدىڭ جاڭبەي اۋدانى دىشىڭ قىستاعى، سانشيدىڭ كىلان اۋدانى جاۋجياۋا قىستاعى مەن سۇڭجياگوۋ قىستاعى، سىچۋاننىڭ جاۋجۋە اۋدانى سانحى قىستاعى مەن حوپۋ قىستاعى، چۇڭچيڭنىڭ شىجۋ تۋجيا اۆتونوميالى اۋدانى حۋاشي قىستاعى، جياڭشيدىڭ يۇيدۋ اۋدانى تانتوۋ قىستاعى، ىشكى موڭعۇلدىڭ حارچين حوشۇنى ما - انشان قىستاعى، حىناننىڭ گۋاڭشان اۋدانى دۇڭيۋە قىستاعى، يۇنناننىڭ تىڭچۇڭ قالاسى سانجيا قىستاعى جۇڭجاي سىمولا ۋازۋ قىستاعى، شانشيدىڭ جاشۇي اۋدانى جينمي قىستاعى، نيڭشيانىڭ ۋجۇڭ قالاسى حۇڭدى قىستاعى قاتارلى 24 كەدەي قىستاققا بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، كەدەيلىكتەن ارىلتۋدان قامال الۋدىڭ قاۋىرت ورىستەتىلۋىن ىلگەرىلەتتى.

  باس شۋجيدىڭ شىن ىقىلاستى قامقورلىعى مەن دەن قويا جەتەكشىلىك ەتۋىندە، بۇل كەدەي قىستاقتار قۇلشىنىس بەتالىسىن ايقىنداپ، دامۋ جىگەرىن تاسقىنداتتى، كادرلار مەن بۇقارا ءبىر نيەتپەن كۇش قوسىپ، كەدەيلىكتەن ارىلتۋدان قامال الۋدىڭ تاريحي سەكىرىسىن جۇزەگە اسىردى. جاپپاي دوڭگەلەك داۋلەتتى قوعام ورناتۋ اياقتالار جىلدا، ولار توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن قۇلشىنا جەڭىپ، ءونىمدى شارالار قولدانىپ، قاجىرلىلىقپەن قۇلشىنىپ، كەدەيلىكتەن ارىلتۋدىڭ جەتىستىكتەرىن بەكەمدەدى. ولاردىڭ قاجىماي ۇمتىلعان كۇرەسكەرلىك جالىندى ىنتالارى مەن ەرلىكپەن شايقاسقان كەدەيلىكتەن ارىلۋ حيكايالارى بەينە ءداۋىردىڭ سيمفونياسى سەكىلدى شىعانداپ، كوسەم مەن حالىق جۇرەكتەس بولعان، گۇلدەنۋ جولىندا دوڭگەلەك داۋلەتتىلىككە ۇمتىلعان ايبىندى ماداق جىرىن جازدى.

  اماليات حالىقتىڭ ناعىز قاھارمان ەكەندىگىن، نەگىزگى ساتىداعى كادرلار مەن بۇقارانىڭ شەكسىز اقىل - پاراسات پەن كۇش - قۋاتقا يە ەكەندىگىن، تەك پارتيانىڭ بۇقارالىق لۋشيانىن ويداعىداي دايەكتىلەندىرىپ، كەدەي وڭىرلەردەگى كادرلار مەن بۇقارانىڭ جاسامپازدىق ومىرشەڭدىگىن تولىق قاۋلاتا بىلسەك، كەدەيلىكتەن ارىلتۋدان قامال الۋ ۇلى ءىسىنىڭ، ءسوز جوق، ورىندالاتىندىعىن، اۋىل - قىستاقتى گۇلدەندىرۋ نىساناسىنىڭ، ءسوز جوق، جۇزەگە اساتىندىعىن دالەلدەدى.

  (شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل