باسقا سالاعا ويىستىرىپ جۇمىستاندىرىلعان ادام سانى ۇزدىكسىز ارتتى

  گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا 10 - ايدىڭ 9 - كۇنى ۇرىمجىدەن حابارلايدى. ”13 - بەسجىلدىق“ مەزگىلىندە رايونىمىز اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ تەبىنىن ۇزدىكسىز كۇشەيتتى، اۋىل - قىستاقتاعى باسقا سالاعا ويىسىپ جۇمىستانعان ارتىق ەڭبەككۇش ۇزدىكسىز ارتىپ، اۋىل - قىستاقتاعى اناعۇرلىم كوپ ارتىق ەڭبەككۇش باسقا سالاعا ويىسىپ جۇمىستانۋ ارقىلى كەدەيلىكتەن ارىلىپ، كىرىستەرىن ارتتىردى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2016 - جىلى تۇتاس رايونىمىزدا اۋىل - قىستاقتاعى ارتىق ەڭبەككۇشتەردەن 2 ميلليون 750 مىڭ ادام - رەت باسقا سالاعا ويىسىپ جۇمىستاندىرىلدى، 2017 - جىلى 2 ميلليون 750 مىڭ ادام - رەت باسقا سالاعا ويىسىپ جۇمىستاندىرىلدى، 2018 - جىلى 2 ميلليون 805 مىڭ ادام - رەت باسقا سالاعا ويىسىپ جۇمىستاندىرىلدى، 2019 - جىلى 2 ميلليون 873 مىڭ 500 ادام - رەت باسقا سالاعا ويىسىپ جۇمىستاندىرىلدى.

  ”13 - بەسجىلدىق“ مەزگىلىندە رايونىمىز نازاردى ەڭبەكپەن جۇمىستاندىرۋداعى ءتۇيىندى قاۋىمعا جانە اۋىر كەدەي وڭىرگە شوعىرلاندىرىپ، ءار ۇلت بۇقاراسىن سول جەردە، جاقىن ماڭدا جۇمىستانۋعا، ءتارتىپتى تۇردە قالاعا كىرىپ جۇمىستانۋعا جەتەكتەپ، ىلگەرىندى - كەيىندى قاشقار، حوتان ايماعىنداعى قالا - اۋىلداعى ارتىق ەڭبەككۇشتەردەن 3 جىلدا 100 مىڭ ادامدى باسقا سالاعا ويىستىرىپ جۇمىستاندىرۋ جوباسىن، وڭتۇستىك شينجياڭداعى اۋىر كەدەي وڭىرلەردەن 3 جىلدا 100 مىڭ ادامدى جۇمىستاندىرىپ، كەدەيلەردى سۇيەمەلدەۋ جوباسىن ۇيىمداستىرىپ اتقاردى.

  2017 - جىلدان 2019 - جىلعا دەيىن، قاشقار، حوتان ايماعىندا قالا - اۋىلداعى ارتىق ەڭبەككۇشتەردەن 3 جىلدا 100 مىڭ ادامدى باسقا سالاعا ويىستىرىپ جۇمىستاندىرۋ جوباسى 135 مىڭ ادامنىڭ باسقا سالاعا ويىسىپ جۇمىستانۋىن ىلگەرىلەتۋگە دەم بەردى. 2018 - جىلدان 2020 - جىلى 6 - ايعا دەيىن، وڭتۇستىك شينجياڭداعى اۋىر كەدەي وڭىرلەردەن جالپى 210 مىڭ ارحيۆ تۇرعىزىلىپ، كارتچكالاندىرىلعان كەدەي وتباسى ەڭبەككۇشتەرى باسقا سالاعا ويىسىپ جۇمىستاندى. 2014 - جىلدان بەرى، مەملەكەت شينجياڭنىڭ توقىماشىلىق كاسىبىن دامىتۋعا زور قولداۋ كورسەتتى، 2017 - جىلدان 2019 - جىلعا دەيىن تۇتاس شينجياڭداعى توقىماشىلىق، كيىم - كەشەك كاسىپ سالاسى جاڭادان 350 مىڭ ادامدى جۇمىستاندىردى.

  اناعۇرلىم ساپالى جانە اناعۇرلىم تولىق جۇمىستاندىرۋدى جۇزەگە اسىرۋ ءۇشىن، رايونىمىز جۇمىستاندىرۋ ارناسىن مۇمكىندىكتىڭ بارىنشا كەڭەيتتى، جەرگىلىكتى جاعدايعا قاراي ”قىستاق اشقان زاۆود“، ”كەدەيلەردى سۇيەمەلدەۋ سەحىن“ قۇرىپ، جۇمىستانۋعا باۋراپ، اۋىل - قىستاق ەڭبەككۇش سەلبەستىك ۇيىمدارىنىڭ جۇمىستانۋعا باستاۋىنا قولداۋ كورسەتىپ، كاسىپ سالاسى (ونەركاسىپ) باقشاسى رايونىندا ورنىقتى جۇمىستانۋدى ىلگەرىلەتىپ، ساياحات كاسىپ سالاسىن دامىتۋ ارقىلى جۇمىستانۋدى جەبەدى. سونىمەن قاتار، رايونىمىز تاعى شينجياڭ ىشىندە ءوڭىر اتتاپ باسقا سالاعا ويىستىرىپ جۇمىستاندىرۋ، ىشكى وڭىرلەردەگى شينجياڭعا كومەكتەسەتىن ولكە، قالالارعا ويىستىرىپ جۇمىستاندىرۋ سياقتى كوپ ءتۇرلى ارنالار ارقىلى جۇمىستاندىرۋ ءورىسىن ۇزدىكسىز كەڭەيتىپ، جۇمىستانۋ كولەمىن ۇلعايتىپ، اۋىل - قىستاقتاعى ارتىق ەڭبەككۇشتەرگە اناعۇرلىم كوپ جۇمىستانۋ ورايىن ازىرلەدى.

  رايونىمىزدىڭ جۇمىستانۋ قۇرىلىمى اناعۇرلىم ۇيلەسىمدى بولدى. ”13 - بەسجىلدىق“ مەزگىلىندە، رايونىمىز قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، ەرەكشە باسىمدىققا يە كاسىپ سالاسىن جانە ەڭبەككۇش شوعىرلى كاسىپ سالاسىن جەتىلدىرىپ، ۇلعايتىپ، ەڭبەككۇشتەردى 3 - كاسىپ سالاسىنا قاراي ءتارتىپتى اعىلۋعا جەتەكتەدى. 2019 - جىلى 3 - كاسىپ سالاسى جۇمىستانۋدى ەڭ كوپ قابىلداعان كاسىپ سالاسىنا اينالىپ، قالا - قالاشىققا قاراي اعىلعان اۋىل - قىستاقتاعى ارتىق ەڭبەككۇشتەر بارعان سايىن مولايىپ، قالا - قالاشىقتىڭ جۇمىستانۋعا قابىلداۋ قۋاتى اناعۇرلىم كۇشەيدى.

جاۋاپتى رەداكتور: نۇربولات قابىل