شارۋا وتباسىلارى بارقىت ءشوپ ساتىپ، قالتاسىن قامپايتتى

 گازەتىمىزدىڭ جالپىلىق اقپارات قۇرالدارى تىلشىلەرى جىڭ جو، ليۋ ي، زوۋ ي، جۇڭ جاۋفىڭ

  9 - ايدىڭ 20 - كۇنى جەرگىلىكتى ورىنداعى قىستاق تۇرعىنى كەريا اۋدانى تۋراقاز اۋىلى حوتان چىنگۋاڭ بيولوگيالىق عىلىم - تەحنيكا شەكتى سەرىكتەستىگىندە بارقىت ءشوپ ساتۋدا. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  التىن كۇز كەزى، كەريا اۋدانىندا بارقىت ءشوپ جيىن - تەرىنى سىرگە جيار ساتىنە جەتتى. بيىل كەريا اۋدانى بازاردى باعدار، تاپسىرىستى اۋىل شارۋاشىلىعىن تياناق ەتىپ، جەرگىلىكتى جاعدايعا قاراي بارقىت ءشوپ شارۋاشىلىعىن دامىتىپ، باستاماشى كاسىپورىندارمەن 50 مىڭ مۋ جەرگە بارقىت ءشوپ ەگۋ كەلىسىمىن جاساپ، كاسىپورىن جەتەكتەۋ ۇلگىسىمەن شارۋالاردىڭ كەدەيلىكتەن ارىلىپ كىرىستەرىن ارتتىرۋىن ىلگەرىلەتتى.

  9 - ايدىڭ 20 - كۇنى كەريا اۋدانى تۋراقاز اۋىلى اۋىل شارۋاشىلىعى كاسىپ باقشاسىندا توڭىرەكتەگى ءارقايسى قىستاقتاردان كەلگەن قىستاق تۇرعىندارى زاۆود اۋماعىنىڭ سىرتىندا قاتارعا ءتىزىلىپ، وزدەرى ەككەن بارقىت ءشوپتى ساتۋعا دايىندالىپ تۇردى. تارازىلاعاننان كەيىن، شارۋالار بارقىت ءشوپتى زاۆودتىڭ اشىتۋ كولشىگىنە توگىپ، سونان سوڭ دەرەۋ ەسەپ جاسادى. بارقىت ءشوپ سول جەردە اقشاعا اينالىپ، بىردەن شارۋالاردىڭ قالتاسىنا ءتۇستى.

  ”مەن بيىل 3 جارىم مۋ جەرگە بارقىت ءشوپ ەكتىم، مەجەمەن كىرىسىم 7000 يۋانعا تايايدى“. كەريا اۋدانى تۋراقاز اۋىلى تۋراقاز قىستاعىنىڭ تۇرعىنى ءسىليمحان تۇردى بىلاي دەدى: سەرىكتەستىك تۇقىممەن، تىڭايتقىشپەن جانە تەحنيكامەن قامدايدى، ءونىم العان سوڭ كەز كەلگەن ۋاقىتتا كاسىپورىنعا بارىپ ساتۋعا بولادى، كاسىپورىن ناق اقشامەن ەسەپ جابادى. عۇجىبايدوللا يسمايل تۋراقاز اۋىلىنداعى ەگىمشىلىك ءىرى وتباسى، بيىل تەك بارقىت ءشوپ ەگۋدىڭ وزىنەن 20 مىڭ يۋاننان استام كىرىس تابا الادى.

  حوتان چىنگۋاڭ بيولوگيالىق عىلىم - تەحنيكا شەكتى سەرىكتەستىگى تيجارات ءبولىمىنىڭ جاۋاپتى ديرەكتورى گۇڭ جيانگاڭ بىلاي دەپ تانىستىردى: سەرىكتەستىك كەريا اۋدانىندا شارۋا وتباسىلارىن بارقىت ءشوپ ەگۋگە جەتەكتەدى، بيىل جىل باسىنان قازىرگە دەيىن 30 مىڭ توننادان استام ءونىم الىنىپ، 3700دەن ارتىق كەدەي وتباسىن كىرىسىن ارتتىرۋعا جەتەكتەدى.

  ەگىمشىلىك بارىسىندا كاسىپورىندار تەحنيكا، تۇقىم جانە تىڭايتقىش سياقتىلارمەن ءبىر تۇتاس قامدادى، قولدادى، شارۋا وتباسىلارى بارقىت ءشوپتى جيناعان سوڭ، كاسىپورىنداردىڭ باعانى تومەندەتپەي ساتىپ الۋىنا تاپسىرادى. ”بيىل زاۆودتىڭ ساتىپ الۋ باعاسى كيلوگرامىنا 0.85 يۋان بولدى، ۇستىندە ناق اقشامەن ەسەپ جاسايمىز، شارۋا وتباسىلارىندا قانشالىقتى بار بولسا، سونشالىقتى ساتىپ الامىز“، - دەدى گۇڭ جيانگاڭ.

  بارقىت ءشوپتىڭ گۇل اشۋ مەزگىلى 5 اي، 7 دە 10 كۇن ارالىعىندا ءبىر رەت تەرۋگە بولادى. گۇڭ جيانگاڭ ەسەپ جاساپ كورسەتتى، ءار مۋ جەردەگى بارقىت ءشوپ ءۇشىن زاتتىق ماتەريال قاراجاتىنان 320 يۋان جۇمسالادى، ورتا ەسەپپەن ءار مۋىنان 2.5 توننا ءونىم الىنادى دەپ ەسەپتەسەك، شارۋالاردىڭ بارقىت ءشوپ ساتۋدان تاباتىن كىرىسى 2125 يۋان بولادى، وزىندىك قۇندى شىعارىپ تاستاعاندا، ءار مۋىنان كىرەتىن تازا كىرىس 1805 يۋان بولادى. مۇنىمەن قويماي، بارقىت ءشوپ وڭدەلگەننەن كەيىنگى ”قالدىق ماتەريالىن“ تىڭايتقىشقا اينالدىرۋعا بولادى، تەرىپ الىنعاننان كەيىنگى بارقىت ءشوپ ساباعىنان مال جەمى دايىندالادى، ءاربىر بۋىندا تۇگەلدەي بارقىت ءشوپتى ”تۇك قالدىرماي كادەگە جاراتۋعا“ كەپىلدىك ەتۋگە بولادى.

  كاسىپورىنداردىڭ ەڭ تومەنگى شەكتەن تۇسىرمەي ساتىپ الۋى بولعاندىقتان، كەريا اۋدانىنداعى شارۋالاردىڭ ەگىمشىلىك ىنتاسى جوعارى بولدى.

  تۋراقاز اۋىلى چاقا قىستاعىندا جان باسىنا تۋرا كەلەتىن ەگىستىك جەر نە بارى 0.8 مۋ، ارحيۆ تۇرعىزىلىپ، كارتچكالاندىرىلعان كەدەي وتباسى %40تەن اسادى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ تەكسەرىپ - زەرتتەۋ جۇرگىزگەن سوڭ، قىستاق تۇرعىندارىن بارقىت ءشوپ شارۋاشىلىعىن دامىتۋعا جەتەكتەۋدى ۇيعاردى. قازىر قىستاق تۇرعىندارىنىڭ ءۇيىنىڭ الدى - ارتىنا تۇگەلدەي بارقىت ءشوپ ەگىلىپ، بۇكىل قىستاقتاعى ەگىلۋ كولەمى 800 مۋدان استى، مەجەمەن بيىل ەگىمشىلىك وتباسىلارىنىڭ كىرىسى ورتا ەسەپپەن 2000 يۋاننان ارتادى.

  كەريا اۋدانى حوتان ايماعىنداعى كەدەيلىك قالپاعى الىنباعان 5 كەدەي اۋداننىڭ ءبىرى. جاقىنعى جىلداردان بەرى كەريا اۋدانى كاسىپ سالاسى ارقىلى كەدەيلەردى سۇيەمەلدەۋدى كەدەيلىكتەن ارىلتۋدان قامال الۋدىڭ ماڭىزدى تىرەگى ەتۋگە تاباندى بولىپ، اۋداننىڭ وڭىرلىك ەكونوميكاسىن دامىتۋ جوباسىن جانە كاسىپ سالاسىنىڭ ورنالاسۋىن تىعىز توڭىرەكتەپ، بازار بولاشاعى جاقسى، سالىستىرمالى ابزالدىلىعى كورنەكتى، ىقپال جاساپ جەتەكتەۋ كۇشى زور كاسىپتەردى كۇش سالا دامىتتى. 2020 - جىلى كەريا اۋدانى بيولوگيالىق عىلىم - تەحنيكا كاسىپورىندارىن ەنگىزىپ، ”ۇكىمەت قولداۋ +كاسىپورىن قارجى قوسۋ + شارۋا وتباسىلارى قاتىناسۋ“ ۇلگىسى ارقىلى بارقىت ءشوپ شارۋاشىلىعىن كۇش سالا دامىتىپ، قىستاق تۇرعىندارىن ەگىمشىلىككە جەتەكتەپ، كىرىستى ارتتىرۋ ارناسىن كەڭەيتتى.

  ۇعىسۋعا قاراعاندا، حوتان چىنگۋاڭ بيولوگيالىق عىلىم - تەحنيكا شەكتى سەرىكتەستىگى ءبولىپ الۋ سەحىن قۇرۋدا ەكەن، وسى ارقىلى كاسىپ تىزبەگىن ونان ارى ۇزارتىپ، ءونىمنىڭ قوسىمشا قۇنىن جوعارىلاتىپ، سونداي - اق بارقىت ءشوپ ەگىمشىلىگى كولەمىن اناعۇرلىم كەڭەيتىپ، اناعۇرلىم كوپ شارۋا وتباسىن پايداعا كەنەلتۋدى جوسپارلاپ وتىر.

جاۋاپتى رەداكتور: نۇربولات قابىل