كوركەم شينجياڭ شار تاراپتان كەلگەن ساياحاتشىلاردى شات مەرەيمەن قارسى الدى

  گازەتىمىزدىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ، ەرىكتى ءتىلشى لي ليڭ

  مەملەكەت مەرەكەسى دەمالىسى كەزىندە قاناس كورىنىس ءوڭىرى زور توپتاعى ۇيىرمەمەن كەلگەن ساياحاتشىلاردى كۇتىپ الدى.

  ”قازىر قاناس، قوم كورىنىس وڭىرلەرىنىڭ كۇزگى كورىنىسىن تاماشالاۋدىڭ ەڭ تاماشا مەزگىلى، ىشكى وڭىرلەردەن كەلگەن ساياحاتشىلار ايرىقشا كوپ“. مەملەكەت مەرەكەسى، جۇڭچيۋ مەرەكەسى دەمالىسى كەزىندە جۇڭچيڭ ساياحات شينجياڭ حالىقارالىق ساياحات سەرىكتەستىگىنىڭ ساياحات جەتەكشىسى ەرتاي ەڭبەك قاتتى قاربالاس بولدى. ”مىنە قاراڭىز، ەلىمىزدىڭ جەر - جەرىنەن كەلگەن ساياحاتشىلار قاناستا باس قوستى، ولاردىڭ شينجياڭنىڭ كوركەم كورىنىسىنە دەگەن ماراپاتتارىن ەستىپ ماقتانىش سەزىمگە بولەندىم“، - دەدى ەرتاي.

  ۇعىسۋعا قاراعاندا، 10 - ايدىڭ 1 - كۇنىنەن 5 - كۇنىنە دەيىن التاي ايماعى ءبىر ميلليون 39 مىڭ 300 ادام - رەت ساياحاتشى قابىلداپ، ساياحات كىرىسى 571 ميلليون يۋان بولعان.

  دەمالىس كەزىندە تيانشان الابىنىڭ كورىنىسى كوركەم بولىپ، شينجياڭ شار تاراپتان كەلگەن ساياحاتشىلاردى شات مەرەيمەن قارسى الدى، جەر - جەردەگى كورىنىس وڭىرلەرى، كورىنىس تۇيىندەرى ۇزدىكسىز دۋمانعا بولەندى.

  تىك ۇشاققا وتىرىپ، كەڭىستىكتەن باعراش كولى داحىكوۋ كورىنىس ءوڭىرىنىڭ ساۋلەتتى كورىنىسىنە كوز جىبەرگەن حاڭجوۋلىق ساياحاتشى حى لي: ” 2 جىلدىڭ الدىندا باعراش كولىنە كەلىپ وسى ارانىڭ كوركەم كورىنىسىن ۇناتىپ قالعامىن. تومەن كەڭىستىكتى ساياحات اشىلعانىن بىلگەن سوڭ، مەن تىك ۇشاقپەن كول بەتىنىڭ كوركەم كورىنىسىن تاماشالاپ، ايرىقشا اسەرلەندىم“، - دەپ تەبىرەنىسىن ءبىلدىردى.

  شينجياڭ يحۋتۇڭيۇڭ اۆياتسيا شەكتى سەرىكتەستىگىنىڭ القا باستىعى، باس ديرەكتورى گى فىڭبونىڭ نەشە كۇننەن بەرى تەلەفونىندا تىنىم بولمادى، بارلىعى دا تومەن كەڭىستىكتى ساياحاتقا كۇن ىلگەرى كەلىسىم بەرۋشىلەر ەدى. مەملەكەت مەرەكەسى قارساڭىنان قازىرگە دەيىن 500دەن استام ساياحاتشى تەلەفوندا تومەن كەڭىستىكتە باعراش كولىن ساياحاتتاۋعا الدىن الا كەلىستى“، - دەدى گى فىڭبو.

  دەمالىس كەزىندە تۇتاس شينجياڭنىڭ جەر - جەرىندە 200دەن استام مادەنيەت جانە ساياحات قيمىلى وتكىزىلدى، جەر - جەردەگى كورىنىس وڭىرلەرى، كورىنىس تۇيىندەرى ەسىك بەلەتى اقىسىن ازايتۋ، ەسىك بەلەتىن الماۋ سياقتى ءتيىمدى قيمىلداردى جولعا قويىپ، ساياحاتشىلاردى جابال كەلۋگە باۋرادى، ءسويتىپ، شينجياڭنىڭ كۇزگى ساياحاتى ءساتتى باستاما كوتەردى.

  اقسۋ ايماعى 20دان استام مادەنيەت، ساياحات قيمىلىن وتكىزدى ءارى كوپ ءتۇرلى تيىمدىلىك جاساۋدى جولعا قويىپ، شينجياڭنىڭ ءىشى - سىرتىنان قىرۋار ساياحاتشى باۋرادى. 10 - ايدىڭ 1 - كۇنىنەن باستاپ، اقسۋ ايماعىنداعى بارلىق A دارەجەلى كورىنىس وڭىرلەرى ساياحاتشىلاردان ەسىك بەلەتىن الماي اشىق ۇستادى. ”بارلىق جەردەن شينجياڭدىقتاردىڭ ىستىق ىقىلاستى قوناقۋارلىعىن سەزىندىك، الۋان ءتۇرلى ءدامدى تاعامداردان اۋىز ءتيىپ، كۇزدىڭ كوركەم كورىنىسىن تاماشالادىق، راسىندا وسى رەتكى ساپاردان ولجالى قايتتىق“، - دەدى جياڭسۋلىق ساياحاتشى شياۋ حۇي.

  قۇمدى شولدە ءجۇرۋ، التىن كۇزدەگى توراڭعى كورىنىسىن تاماشالاۋ، ەرەكشەلىككە يە ءدامدى تاعامداردى جەۋ... 10 - ايدىڭ 6 - كۇنى 3 كۇنگە جالعاسقان جىڭ اۋدانىنىڭ 3 - كەزەكتى مۇتتار قۇمدىعى مادەنيەت - ساياحات مەرەكەسىنىڭ شىمىلدىعى اشىلدى. باستاپقى كۇنى - اق وسى اۋدانداعى تودوگ اۋىلى گۇرتى مال شارۋاشىلىق قىستاعىنىڭ تۇرعىنى ءادىل قالي ۇلكەن توناردا 140 كيلوگرامنان اساتىن تۇيەنى ءبۇتىن قاقتادى. ءار كيلوگرامىن 130 يۋاننان ساتتى، ءبىر ساعاتقا جەتپەيتىن ۋاقىتتا تۇگەلدەي ساتىپ بولىپ، 18 مىڭ يۋاننان استام كىرىس كىرگىزدى.

جاۋاپتى رەداكتور: نۇربولات قابىل
  • 1
  • 2
  • 3
  • 4