رەفورما مىندەتىن دەر كەزىندە، تابىسپەن ورىنداۋعا شىنايى كەپىلدىك ەتەيىك

اۆتونوميالى رايون اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتۋ قىزمەتىن جۇمىس باسىندا ىلگەرىلەتۋ ءماجىلىسىن اشتى

رەفورما مىندەتىن دەر كەزىندە، تابىسپەن ورىنداۋعا شىنايى كەپىلدىك ەتەيىك

  گازەتىمىزدىڭ جالپىلىق اقپارات قۇرالدارى ءتىلشىسى ليۋ ي 10 - ايدىڭ 1 - كۇنى اقسۋدان حابارلايدى. 9 - ايدىڭ 30 - كۇنى اۆتونوميالى رايون اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتۋ قىزمەتىن جۇمىس باسىندا ىلگەرىلەتۋ ءماجىلىسىن اشتى. ءماجىلىس 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جانە باس شۋجي شي جينپيڭنىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتۋ جونىندەگى ماڭىزدى بايىمداۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوننىڭ كەلەسى ساتىداعى اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتۋ قىزمەتى جونىندە ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى ورنالاستىرۋ. رايونىمىزداعى مەملەكەت پەن اۆتونوميالى رايوننىڭ سىناق ءتۇيىنى مىندەتىن ۇستىنە العان اۋدان - قالالار رەفورمادا ءبىرشاما جاقسى ناتيجەلەرگە قول جەتكىزىپ، اۋىل - قىستاق كوللەكتيۆ ەكونوميكاسىن دامىتۋدىڭ ومىرشەڭدىگىن كۇشەيتتى.

  ءماجىلىس مىنالاردى باسا دارىپتەدى: جەر - جەر، تاراۋلار جاۋاپكەرشىلىك سەزىم مەن بورىشتىلىق سەزىمدى شىن مانىندە كۇشەيتىپ، الدىڭعى مەرزىمدە ورىندالعان ءارقايسى سىناق ءتۇيىنى مىندەتتەرى نەگىزىندە رەفورما قىزمەتىن جان - جاقتى جۇرگىزىپ، رەفورما مىندەتتەرىن دەر كەزىندە، تابىسپەن ورىنداۋعا شىنايى كەپىلدىك ەتۋلەرى كەرەك.

  ءماجىلىس مىنالاردى اتاپ كورسەتتى: اۋىل - قىستاق كوللەكتيۆ مەنشىك تۇزىمىنە بۇلجىماستان تاباندى بولىپ، كوللەكتيۆ شارۋاشىلىق ۇيىمدارىنىڭ رولىن جاقسى ساۋلەلەندىرىپ، مۇشەلەردىڭ زاڭدى ۇقىق - مۇددەسىن ويداعىداي قورعاپ، ءتىپتى دە كوپ مۇشەلەرگە پايدا ءبولىسىن بەرۋدى ىسكە اسىرۋعا تالپىنۋ كەرەك. تيجارات سيپاتتى مال - مۇلىك جارنا سەلبەستىگى ءتۇزىمى رەفورماسىن ورنىقتى، ءتارتىپتى ىلگەرىلەتىپ، مال - مۇلىكتى اداقتاپ تەكسەرۋدىڭ ناقتى بولۋىنا، كوللەكتيۆ مال - مۇلىك ۇقىعىنىڭ انىق بولۋىنا، كوللەكتيۆ مال - مۇلىكتى باسقارۋ، ءبىر جاقتى ەتۋ ءتۇزىمىنىڭ ايقىن بولۋىنا شىنايى كەپىلدىك ەتۋ كەرەك. پارتيانىڭ رەفورما قىزمەتىنە جالپى بەتتىك باسشىلىعىن كۇشەيتىپ، قىزمەت جاۋاپكەرشىلىگىن ناقتىلاندىرىپ، تياناقتاندىرۋ مەحانيزمىن كەمەلدەندىرىپ، جاقسارتىپ، رەفورما قامتاماسىزدىعىن كۇشەيتىپ، رەفورمانىڭ تىڭ جەتىستىكتەرى ارقىلى اۋىل - قىستاقتى گۇلدەندىرۋگە ءتىپتى دە زور ۇلەس قوسۋ كەرەك.

جاۋاپتى رەداكتور: 热依扎·海米提