وقۋ - اعارتۋ مينيسترلىگى ىندەت مەزگىلىندە شەتەلگە شىعىپ وقۋدىڭ قيىن جاعدايىنا توتەپ بەرۋدىڭ ارناۋلى شارالارىن العا قويدى

  شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. ءتىلشىنىڭ 9 - ايدىڭ 16 - كۇنى وقۋ - اعارتۋ مينيسترلىگىنەن ۇعىسۋىنا قاراعاندا، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا جانە ءار ەلدىڭ (رايونداردىڭ) شەكارادان كىرۋ، ۆيزا اشتىرۋ، كەزەكشى ۇشاق سياقتىلارعا ساياساتتىق شەكتەمە قويۋىنا ۇشىراعاندىقتان، ەلىمىزدەگى ءبىر ءبولىم وقۋشىلاردىڭ شەكارا سىرتىنداعى ەلدەرگە جانە رايوندارعا شىعىپ وقۋ جوسپارى امالسىز وزگەرگەن، كەشەۋىلدەتىلگەن، اۋەلى، كۇشىنەن قالىپ، كوپتەگەن وقۋشىلاردىڭ وقۋى قيىن بولعان. وقۋ - اعارتۋ مينيسترلىگى وسى جونىندە ارناۋلى ساياسات شىعارىپ، وقۋشىلاردى ەل ىشىندە ينتەرنەتتە ساباق وقۋعا جەتەكتەۋ، ەل ىشىندەگى جوعارى مەكتەپتەردە قىسقا مەرزىمدىك ۇيرەنۋىنە، بارىس - كەلىس جاساۋىنا رۇقسات ەتۋ، جۇڭگو مەن شەتەلدىڭ سەلبەسىپ مەكتەپ قۇرۋ ارتىقشىلىعىن ساۋلەلەندىرۋ سياقتى تاسىلدەر ارقىلى وسى تۇردەگى وقۋشىلاردىڭ ناقتى قيىنشىلىعىن شەشتى.

  وقۋ - اعارتۋ مينيسترلىگى حالىقارالىق مەكەمەسىنىڭ (شياڭگاڭ، اۋمىن، تايۋان كەڭسەسى) جاۋاپتىسى بىلاي دەپ تانىستىردى: شەكارا سىرتىنداعى جوعارى مەكتەپتەردىڭ وقۋشىلاردى ينتەرنەتتە ساباق وقۋعا ورنالاستىرۋ جاعدايىنا قاراتا، وقۋشىلاردى ەل ىشىندە الىس ارالىقتان وقۋ ءتاسىلى ارقىلى وقۋىن جالعاستى تامامداۋىنا لايىقتى جەتەكشىلىك ەتەمىز، سونىمەن بىرگە، شەتەلدە وقيتىندار جاپپاي كوڭىل ءبولىپ وتىرعان وقۋ تاريحىن، عىلمي دارەجەسىن تانۋ سياقتى ساياساتتىق ماسەلەلەرگە دەر كەزىندە جاۋاپ قايتارىپ، شەشىپ، شەتەلدە وقيتىنداردىڭ ىندەتتەن ساقتانۋ - تىزگىندەۋدىڭ ىقپالىنا ۇشىراپ، ۋاقىتىندا مەكتەپكە قايتۋعا امالسىز قالىپ، ءبىر ءبولىم ساباقتارىن ينتەرنەتتە وقۋدى تاڭداعان جانە وسى سەبەپتى شەكارا سىرتىندا تۇرۋ ۋاقىتى وقۋ ءتارتىبى تالابىنا ۇيلەسپەي قالۋ جاعدايىن ايقىنداپ، وقۋ تاريحىن، عىلمي اتاعىن تانۋ ناتيجەسىنە ىقپال جاسايتىن سەبەپ ەتپەيمىز.

  وقۋ - اعارتۋ مينيسترلىگى مىنالاردى ايقىندادى: وقۋ - اعارتۋدىڭ ءادىل بولۋىنا شىنايى كەپىلدىك ەتۋ العى شارتىندا، جوعارى مەكتەپتەردىڭ كەلىسىمگە قول قويۋى سياقتى تاسىلدەر ارقىلى شەتەلگە شىعىپ وقيتىنداردىڭ الدىمەن ەل ىشىندەگى جوعارى مەكتەپتەردە وقي تۇرۋىنا رۇقسات ەتىلەدى. جۇڭگو مەن شەتەل سەلبەسىپ مەكتەپ قۇرعان ءبىر ءبولىم قۇرىلىمدار مەن نىسانداردىڭ، سونداي - اق ىشكى وڭىرلەر (وتان ۇلى قۇرلىعى) مەن شياڭگاڭ، اۋمىن، تايۋان سەلبەسىپ مەكتەپ قۇرعان ءبىر ءبولىم قۇرىلىمدار مەن نىسانداردىڭ وقۋ - اعارتۋدىڭ ءادىل بولۋىنا كەپىلدىك ەتۋ العى شارتىندا، ەرەكشە شارتقا ۇيلەسەتىن ءبىر ءبولىم شەتەلگە شىعىپ وقيتىنداردى باعالاپ قابىلداۋىنا، قوس باعىتتا تاڭداۋ جاساپ، ۇزىكتەرىن قابىلداپ، وقۋشىلاردى ەل ىشىندە وقۋ ورايىمەن قامداۋىنا رۇقسات ەتىلەدى. وقۋشى قابىلداۋ مەملەكەتتىڭ ءبىر تۇتاس وقۋشى قابىلداۋ جوسپارىنا كىرمەيدى، جوعارى مەكتەپتەردىڭ اسىلگى وقۋشى قابىلداۋ كورسەتكىشىن يەلەمەيدى، جوعارى مەكتەپتەردىڭ باسقا تۇردەگى وقۋشى قابىلداۋىنا ىقپال جاسامايدى.

  مۇنان سىرت، وقۋ - اعارتۋ مينيسترلىگى شەتەلدە تۇراتىن ەلشىحانالاردىڭ، كونسۋلحانالاردىڭ وقۋ - اعارتۋ تاراۋلارىن سول ەلدىڭ وقۋ - اعارتۋ تاراۋلارىمەن جانە جوعارى مەكتەپتەرىمەن بەلسەندىلىكپەن بايلانىس جاساۋعا جەتەكشىلىك ەتىپ، ەلىمىزدىڭ شەتەلدە وقيتىن وقۋشىلارىنىڭ وقۋىنىڭ ىقپالعا ۇشىراۋ ماسەلەسىن ۇيلەسىمدى شەشۋگە قۋزايدى. وقۋ - اعارتۋ مينيسترلىگى تاعى كوپ ءتۇرلى جولدار مەن ارنالار ارقىلى ادام ىستەتۋشى ورىنداردىڭ قاجەتىمەن ۇشتاستىرىپ، وقۋ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن قولدايدى، جەتەكتەيدى.

جاۋاپتى رەداكتور: ريزا حاميت