شينجياڭدا تاعى 41 جەر مەملەكەتتىك اۋىل - قىستاق ساياحاتىنداعى ءتۇيىندى قىستاقتار قاتارىنان ورىن الدى

  گازەتىمىزدىڭ جالپىلىق اقپارات قۇرالدارى ءتىلشىسى ياۋ گاڭ 8 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، كوكتوعاي اۋدانى كوكتوعاي قالاشىعى تاراتى قىستاعى، لوپنۇر اۋدانى شيڭپيڭ قالاشىعى داشي قىستاعى، بيڭتۋان 12 - شىسى توۋتۇنحى ەگىس الاڭى 3 - ليانى سياقتى شينجياڭداعى 41 جەر 2 - توپتا مەملەكەتتىك اۋىل - قىستاق ساياحاتىنداعى ءتۇيىندى قىستاقتار قاتارىنان ورىن العان. قازىرگە دەيىن شينجياڭدا مەملەكەتتىك اۋىل - قىستاق ساياحاتىنداعى ءتۇيىندى قىستاق 56عا جەتىپ، بۇكىل ەلدىڭ الدىڭعى قاتارىنا وتكەن.

  ”13 - بەسجىلدىقتان“ بەرى، شينجياڭ جوبامەن جەتەكتەۋ، ساياساتتىق قولداۋ كورسەتۋ، ۇلگى كورسەتىپ جەتەكشىلىك ەتۋ ارقىلى تاريحي مادەنيەت مازمۇندارىن كادەگە جاراتىپ، تابيعات پەن جەرگىلىكتى ورىننىڭ گۋمانيتارلىق حيكايالارىن جاقسى بايانداپ، وزگەشە، پارىقتى، كوپ ءتۇرلى اۋىل - قىستاق ساياحات ونىمدەرىن بەلسەنە اشىپ، تابيعات كورىنىسىن، كوركەم اۋىل - قىستاقتى، ەرەكشە اس - سۋدى، ءداستۇرلى تۇرعىن ۇيلەردى ەرەكشەلىك ەتكەن ءبىر توپ اۋىل - قىستاق ساياحات تۇيىندەرىن قالىپتاستىردى جانە سالدى.

  اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى باسقارما - كەڭسەسىنىڭ جاۋاپتىسى بىلاي دەپ تانىستىردى: سوڭعى 2 جىلدان بەرى، رايونىمىز اۋىل - قىستاق ساياحاتى مەن ساياحات حالىقتىق تۇسەلحانالارىن بارىنشا دامىتىپ، ساياحات كاسىبىنىڭ كەدەيلىكتەن ارىلتۋدان قامال الۋ، اۋىل - قىستاقتى كوركەيتۋ جاعىنداعى جەتەكشىلىك رولىن كۇشەيتتى. شارۋالار شاتتىعى، حالىقتىق تۇسەلحانا، سەيىل - سەرۋەن قۇرىپ جەمىس - جيدەك، كوكونىس ءۇزۋ باقشاسى، سەيىل - سەرۋەن ەگىنشىلىگى، اۋىل - قىستاق سەرۋەنى تاقىرىپتىق باقشاسى، اۋىل - قىستاق ساياحات كورىنىس ءوڭىرى سياقتى كاسىپ كۇيلەرىنىڭ فورماسى الۋان ءتۇرلى بولدى. ماڭىنداعى كەدەي وتباسىلارىن كورىنىس وڭىرىندەگى الەۋمەتتىك يگىلىك سيپاتتى قىزمەت ورنى، اس - سۋ، قونالقى، ۇلتتىق ءان - ءبي ورىنداۋ، بەيزاتتىق مادەنيەت مۇرالارىنا مۇراگەرلىك ەتۋ، كورسەتۋ، اۋىل شارۋاشىلىعى ونىمدەرىن، جەرگىلىكتى جانە ەرەكشە ونىمدەردى ساتۋ سياقتى سالالاردا جۇمىسقا قابىلداپ، كەدەي وتباسىلارىنىڭ كىرىستى ارتتىرۋ ارناسىن كەڭەيتتى.

جاۋاپتى رەداكتور: ريزا حاميت
  • 1
  • 2
  • 3
  • 4