وزەكتى رايون قۇرىلىسىن جوعارى ساپامەن ىلگەرىلەتەيىك

  

  گازەتىمىزدىڭ شولۋشىسى

  تاياۋدا اشىلعان ورتالىق كوميتەت ساياسي بيۋروسىنىڭ ءماجىلىسى كەزەكتەگى ەكونوميكالىق جاعدايعا تالداۋ جاساپ جانە ونى اقىلداسىپ، سوڭعى جارتى جىلداعى ەكونوميكالىق قىزمەتتى ورنالاستىرىپ، ”رەفورما جاساۋدى، ەسىك اشۋدى اناعۇرلىم زور سەرپىنمەن ىلگەرىلەتۋ كەرەكتىگىن“ العا قويدى. شينجياڭدا ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرۋ ءۇشىن، ءسوز جوق، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ العى شارتىندا، بازارلاندىرۋ رەفورماسىن تەرەڭدەتىپ، جوعارى دەڭگەيدە ەسىك اشۋدى ىلگەرىلەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جوعارى ساپامەن ىلگەرىلەتۋ كەرەك.

  وزەكتى رايون قۇرىلىسى باستالعاننان بەرى، شينجياڭ تاريحي ورايدى مىقتى يگەرىپ، جاڭا دامۋ ۇستانىمىن امالياتتا ايگىلەپ، مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىمەن توعىسىپ، اشىق دامۋدىڭ ”نازىك كارتيناسىن“ كەسكىندەدى. ءۇرىمجى حالىقارالىق قۇرلىق پورتىنىڭ، شەكارا اتتاعان ەلەكتروندى ساۋدانىڭ جالپىلىق سىناق رايونى قۇرىلىسىنىڭ ۇزدىكسىز تەزدەۋىنەن قاشقار، قورعاس ەكونوميكالىق اشۋ رايونىنداعى نەگىزدىك قۇرىلعىلاردىڭ ۇزدىكسىز كەمەلدەنۋىنە دەيىن، شوعىرلى جيناپ، شوعىرلى جونەلتىلەتىن جۇك تاسىمال پويەزدارىنىڭ قاتىناۋىن ۇدايىلاندىرۋدان 190 مەملەكەتپەن جانە رايونمەن ەكونوميكالىق - ساۋدالىق بارىس - كەلىس ورىستەتكەنگە دەيىن، قۇرىلعىلاردى ۇلاستىرۋدان حالىق تىلەگىن توعىستىرۋعا دەيىن... وزەكتى رايون قۇرىلىسىنىڭ تەرەڭدەۋىنە، ناقتىلانۋىنا ىلەسە، شينجياڭ بۇرىنعى ىشكى قۇرلىقتىڭ قويناۋىنان مەملەكەتتىڭ باتىسقا ەسىك اشۋىنداعى قاقپاسىنا جانە الدىڭعى شەبىنە اينالدى. تەك جاڭا دامۋ ۇستانىمىنا تاباندى بولىپ، وزەكتى رايون قۇرىلىسىن جوعارى ساپامەن ىلگەرىلەتكەندە عانا، شينجياڭ ءوزىنىڭ وڭىرلىك ورىن، بايلىق، قورشاعان ورتا سياقتى باسىمدىقتارىن ەكونوميكالىق دامۋ باسىمدىعىنا اينالدىرا الادى.

  وزەكتى رايون قۇرىلىسىن جوعارى ساپامەن ىلگەرىلەتۋدە كەلەلى ورايدى مىقتى يگەرۋ قاجەت. 2014 - جىلدان بيىل 6 - ايعا دەيىن رايونىمىزدان جالپى 3678 كەزەك جۇڭگو - ەۆروپا كەزەكشى پويەزى قاتىناپ، جىلىنا ورتاشا ەسەپپەن %80تەن استام ارتىپ وتىردى؛ 2014 - جىلدان 2019 - جىلعا دەيىن بۇكىل رايوننىڭ سىرتقى ساۋدا سوماسى 129 ميلليارد 690 ميلليون دوللارعا جەتتى... سان - سيفرلاردىڭ استارىندا وزەكتى رايون قۇرىلىسىنىڭ جالىندى ومىرشەڭدىگىنىڭ ايگىلەنۋى، ونان دا ماڭىزدىسى، وراسان زور ورايدىڭ جارىققا شىعۋى جاتىر. بيىل مەملەكەتتىك ەكى ءماجىلىستىڭ اشىلۋى قارساڭىندا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە باتىس بولىكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ جونىندەگى جەتەكشى پىكىرى» جاريالاندى، وندا ”شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتۋىن قولداپ، باتىسقا باعىتتالعان قاتىناس تورابىن جانە ساۋدا، زات اينالىمى، مادەنيەت، عىلىم - تەحنيكا، وقۋ - اعارتۋ، مەديتسينالىق قىزمەت وتەۋ ورتالىعىن قالىپتاستىرۋ“ ايتىلدى. وزەكتى رايون قۇرىلىسىنىڭ كەلەلى ستراتەگيالىق ورايىن، قىمباتتى ساياساتتىق ورايىن جانە ەرەكشە تاريحي ورايىن مىقتى يگەرىپ، مەملەكەتتىڭ جالپى تۇلعالىق نىساناسىمەن تىعىز بايلانىستىرىپ، ورنىقتىلىقتىڭ پايداسىن جانە رەفورمانىڭ پايداسىن ۇزدىكسىز جارىققا شىعارىپ، ەلەۋلى نىساندار قۇرىلىسىن جانە ءتۇيىندى سالالاردىڭ دامۋىن بەلسەنە ىلگەرىلەتكەندە مەملەكەتتىڭ ”ءبىر بەلدەۋ، ءبىر جول“ قۇرىلىسىنىڭ كەلەلى جاعدايىنا قىزمەت وتەۋ بارىسىندا وزەكتى رايون قۇرىلىسىنىڭ اقاۋسىز دامۋىن جۇزەگە اسىرۋعا بولادى.

  وزەكتى رايون قۇرىلىسىن جوعارى ساپامەن ىلگەرىلەتۋدە نىسانا - مىندەتتەردى ايقىنداۋ كەرەك. ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكا بەلدەۋى“ قۇرىلىسىن ىلگەرىلەتۋدى نىسانالىق جەتەكشى ەتىپ، جۇڭگو - ەۆروپا كەزەكشى پويەزدارىنان ۇتىمدى پايدالانىپ، بايلىقتاردى بىرىكتىرۋدى كۇشەيتىپ، كاسىپ سالاسىنىڭ دامۋىن ىلگەرىلەتىپ، ءۇرىمجى حالىقارالىق قۇرلىق پورتى رايونى قۇرىلىسىن جەدەل ىلگەرىلەتۋ؛ ساياساتتىق باسىمدىقتى ساۋلەلەندىرىپ، باقشا رايونى كاسىپ سالاسىن ۇلعايتىپ، رەفورما جاساۋدى، جاڭالىق اشۋدى تەرەڭدەتىپ، قورعاس، قاشقار ەكونوميكالىق اشۋ رايونى قۇرىلىسىن جەدەل ىلگەرىلەتۋ؛ ءتۇيىندى نىساندار قۇرىلىسىن تىرەك ەتىپ، قاتىناس تورابى ورتالىعى، ساۋدا - زات اينالىمى ورتالىعى، وڭىرلىك فينانس ورتالىعى، مادەنيەت، عىلىم - تەحنيكا، وقۋ - اعارتۋ ورتالىعى، مەديتسينالىق قىزمەت وتەۋ ورتالىعى قۇرىلىسىن جەدەل ىلگەرىلەتۋ؛ ورىن اۋىستىرىپ سايكەسە دامۋعا تاباندى بولىپ، كەدەننەن ءوتۋ قۋاتى قۇرىلىسىن كۇشەيتىپ، ىقپال جاساۋ، جەتەكتەۋ قابىلەتىن ساۋلەلەندىرىپ، ”شەكارا وتكەلى ەكونوميكالىق بەلدەۋى“ قۇرىلىسىن جەدەل ىلگەرىلەتۋ كەرەك. ءتۇرلى قىزمەتتەردى ناقتى، ەگجەي - تەگجەيلى تياناقتاندىرىپ، شەشۋشى، جەتەكشى، كورنەكى جەتىستىكتەردەن ءبىر توبىن قالىپتاستىرۋدى ۇزدىكسىز ىلگەرىلەتكەندە وزەكتى رايون قۇرىلىسىندا جاڭا جاعداي اشىپ، ەكونوميكانىڭ دامۋ كەڭىستىگىن كەڭەيتىپ، ىشكە، سىرتقا ەسىك اشۋدىڭ جاڭا ارناسىن تۇلعالاپ، شينجياڭ ەكونوميكاسىنىڭ جوعارى ساپالى دامۋىن جۇزەگە اسىرۋعا پارمەندى تىرەك ازىرلەۋگە بولادى.

  رەفورما جاساۋعا ۇمتىلۋ − دامۋعا ۇمتىلعاندىق، ەسىك اشۋدى جەبەۋ − ورتاق جەڭىسكە جەتۋدى جەبەگەندىك. پارتيا مەن مەملەكەتتىڭ كەلەلى جاعدايىن تياناق ەتىپ، وزەكتى رايون قۇرىلىسىن ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدىڭ، ىشكە، سىرتقا ەسىك اشۋ دەڭگەيىن جالپى بەتتىك جوعارىلاتۋدىڭ، ەكونوميكانىڭ جوعارى ساپالى دامۋىن جەبەۋدىڭ ماڭىزدى شاراسى ەتۋگە تاباندى بولىپ، ونى كورنەكتى ورىنعا قويىپ، ماڭىزدى كۇن تارتىپكە ەنگىزىپ، ستراتەگيالىق تاباندىلىقتى ساقتاپ، تاريحي توزىمدىلىكتى شىڭداپ، مەملەكەت ساياساتىنان ۇتىمدى پايدالانۋعا، جوسپارلاردى ۇشتاستىرۋدى ىلگەرىلەتۋگە كۇش سالىپ، شارۋاشىلىق - ساۋدا ورتاسىن ساپالىلاندىرۋ، شينجياڭعا كومەك بەرۋ باسىمدىعىنان ۇتىمدى پايدالانۋ جاعىندا ناقتى شارا قولدانساق، ءسوز جوق، باس شۋجي شي جينپيڭنىڭ ”ەگەر جىبەك جولى ەكونوميكالىق بەلدەۋى قۇرىلسا، شينجياڭ گۇلدەنگەن ورتالىققا اينالۋى مۇمكىن“ دەگەن جاقسى تىلەگىن ناعىز تاماشا رەالدىققا اينالدىرا الامىز.

جاۋاپتى رەداكتور: نۇربولات قابىل