ستيلگە بۇرىلىس جاساپ، جاۋاپكەرشىلىكتى ناقتىلاندىرىپ، تياناقتاندىرۋدى مىقتى يگەرىپ، ىندەتتەن ساقتانۋ - تىزگىندەۋدەن قامال الۋ شايقاسىن بار كۇشپەن ويداعىداي جۇرگىزىپ، جەڭىسكە جەتۋ كەرەك

اۆتونوميالى رايوندىق پارتكوم بەينە ەكران ءماجىلىسىن اشىپ، ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى

ستيلگە بۇرىلىس جاساپ، جاۋاپكەرشىلىكتى ناقتىلاندىرىپ، تياناقتاندىرۋدى مىقتى يگەرىپ، ىندەتتەن ساقتانۋ - تىزگىندەۋدەن قامال الۋ شايقاسىن بار كۇشپەن ويداعىداي جۇرگىزىپ، جەڭىسكە جەتۋ كەرەك

چىن چۋانگو قاتىناستى ءارى ءسوز سويلەدى

شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 8 - كۇنى ۇرىمجىدەن حابارلايدى. 8 - ايدىڭ 8 - كۇنى كەشتە اۆتونوميالى رايوندىق پارتكوم بەينە ەكران ءماجىلىسىن اشىپ، بۇكىل رايوننىڭ ىندەتتەن ساقتانۋ - تىزگىندەۋ قىزمەتىن ىشكەرىلەي ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

  اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، لي ۋي، شۇي حايرۇڭ، ەركىن تۇنياز، تيان ۋىن، لي يفي، جاڭ چۇنلين قاتارلىلار ماجىلىسكە قاتىناستى. ماجىلىستە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين بۇكىل رايوننىڭ ىندەتتەن ساقتانۋ - تىزگىندەۋ قىزمەتىن ونان ارى كۇشەيتۋ جونىندە ناقتى ورنالاستىرۋ جاسادى؛ اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى ياڭ شين ىندەتتەن ساقتانۋ - تىزگىندەۋ كەزىندەگى باقىلاۋ - تەكسەرۋدى ونان ارى كۇشەيتۋ، ءتارتىپتى، ستيلدى قاتايتۋ جونىندە تالاپ قويدى.

  چىن چۋانگو سوزىندە بىلاي دەپ اتاپ كورسەتتى: قازىر تۇتاس رايوننىڭ ىندەتتەن ساقتانۋ - تىزگىندەۋ جاعدايى ءالى دە قاتاڭ دا كۇردەلى، ساقتانۋ - تىزگىندەۋ مىندەتى ءالى دە جاپالى، اۋىر. سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا، ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە يگەرىپ، وي - سانانى سەرگەك ۇستاپ، بەلسەندى، ىرىقتى تۇردە ىسكەرلىك كورسەتىپ، سالعىرتسۋ يدەياسىن، باق سىناۋ ويىن باتىل جەڭىپ، ”ءتورت ەرتە بولۋ“ تالابىن قاتاڭ تياناقتاندىرىپ، ”ءتورت جاقتىڭ“ جاۋاپكەرشىلىگىن قاتايتىپ، ناقتىلاندىرىپ، ىندەتتەن ساقتانۋ - تىزگىندەۋ قىزمەتىن اناعۇرلىم ناقتى، اناعۇرلىم ەگجەي - تەگجەيلى تۇردە ويداعىداي يگەرۋ كەرەك.

  چىن چۋانگو بىلاي دەپ باسا دارىپتەدى: ماسەلەنى باعدار ەتۋگە، ناتيجەنى باعدار ەتۋگە تاباندى بولىپ، قىزمەتتەردى بۇلجىماستان مىقتى، ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋدەن قامال الۋ شايقاسىن بار كۇشپەن ويداعىداي جۇرگىزىپ، جەڭىسكە جەتىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك. بىرىنشىدەن، ۇيىمدىق باسشىلىقتى مىقتى، ناقتى، ەگجەي - تەگجەيلى يگەرۋگە كۇش سالۋ كەرەك. بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە بولۋعا تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداپ، باستان - اياق شايقاستىق كۇيدى ساقتاپ، اۆتونوميالى رايوندىق پارتكوم باسشىلىق ەتەتىن، اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابى ءبىر تۇتاس قولباسشىلىق ەتەتىن، جوعارى مەن تومەن سايكەسەتىن، تۇبەگەيلى دايەكتىلەندىرەتىن، جۇمىس جۇرگىزۋى جوعارى ءونىمدى ساقتانۋ - تىزگىندەۋ قولباسشىلىق جۇيەسىنە تاباندى بولىپ ءارى ونى ۇزدىكسىز كەمەلدەندىرىپ، بۇيرىق انىق، اتقارىلۋى تىڭعىلىقتى، سايكەسۋى پارمەندى بولۋدى ورىنداۋ كەرەك. ەكىنشىدەن، دالمە - ءدال ساقتانۋ - تىزگىندەۋدى مىقتى، ناقتى، ەگجەي - تەگجەيلى يگەرۋگە كۇش سالۋ كەرەك. بىرلەسىپ ساقتانۋ، بىرلەسىپ تىزگىندەۋگە، ارنايى كۇشتەر مەن بۇقارالىق كۇشتەردى بىرلەستىرۋگە تاباندى بولىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، ءتۇيىندى ورىندار مەن شەشۋشى بۋىنداردى ءجىتى قاداعالاپ، ساقتانۋ - تىزگىندەۋ وتكەلىن الدىعا جىلجىتىپ، ساقتانۋ - تىزگىندەۋ شارالارىن ەگجەي - تەگجەيلىلەندىرۋ كەرەك. قىزۋ امبولاتورياسىن جۇيەلى ورنالاستىرىپ، شيپاحاناعا كىرەردە الدىن الا تەكسەرۋ، ءبولىپ دياگنوز قويۋدى كۇشەيتىپ، ”قاراۋىلدىق“ فۋنكتسياسىن ساۋلەلەندىرۋ؛ كۇندەلىكتى ەمدەۋ قىزمەت وتەۋىن ءبىر تۇتاس جوسپارلاپ ويداعىداي ىستەپ، ساقتانۋ - قورعانۋ تانىمىن كۇشەيتىپ، شيپاحانادا جۇعىمدالۋدىڭ تۋىلۋىنان قاتاڭ ساقتانۋ؛ نۋكلەين قىشقىلىن تەكسەرۋ قابىلەتى مەن ساپاسىن جوعارىلاتىپ، ەكشەپ تەكسەرۋدىڭ رولىن شىن مانىندە ساۋلەلەندىرۋ؛ الەۋمەتتىك اۋماق پەن اۋىل - قىستاقتى باسقارۋ تورىن مىقتى، بەرىك توقىپ، ساقتانۋ - تىزگىندەۋ شارالارىن ءاربىر وتباسىعا، ءاربىر ادامعا دەيىن ىشكەرىلەي، ەگجەي - تەگجەيلى تياناقتاندىرۋ؛ نۋكلەين قىشقىلىن تەكسەرۋدە بولىمدى بولعانداردى جالپى بارىستىق تۇيىق اينالىمدى باسقارۋدى قاتاڭ اتقارىپ، ەپيدەميولوگيالىق تەكسەرۋدى عىلمي تۇردە ورىستەتىپ، اۋاشالاۋعا تيىستىلەردىڭ بارلىعىن تۇگەلدەي اۋاشالاۋعا شىنايى كەپىلدىك ەتۋ؛ شوعىرلى مەديتسينالىق باقىلاۋ ءتۇيىنىنىڭ ساقتانۋ - تىزگىندەۋ شارالارىن قاتايتىپ، تۇرمىستىق قامتاماسىزداندىرۋدى، سالاماتتىقتى ارالاپ تەكسەرۋدى جانە پسيحولوگيالىق جەتەكتەۋدى كۇشەيتۋ؛ ”ءتورتتى شوعىرلاندىرۋ“ تالابىن تياناقتاندىرىپ، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا تاباندى بولىپ، ناۋقاستاردى بار كۇشپەن قۇتقارۋ - ەمدەۋ؛ قورشاعان ورتانى زارارسىزداندىرۋدى كۇشەيتىپ، جاڭا داۋىردەگى وتانشىلدىق تازالىق قيمىلىن كەڭ كولەمدە ورىستەتۋ كەرەك. ۇشىنشىدەن، حالىق تۇرمىسىن قامتاماسىز ەتۋدى مىقتى، ناقتى، ەگجەي - تەگجەيلى يگەرۋگە كۇش سالۋ كەرەك. حالىققا تيىمدىلىك جاساۋ ساياساتتارى مەن شارالارىن جاپپاي تياناقتاندىرىپ، ”استىققا“، ”كوجە قاتىققا“ جاۋاپتى بولۋ ءتۇزىمىن قاتاڭ تياناقتاندىرىپ، تاسىمالداۋدىڭ ”جاسىل ارناسىن“ اشىپ، كوكونىس، جەمىس - جيدەك، ەت، ءسۇت، جۇمىرتقا، استىق سياقتى تۇرعىنداردىڭ تۇرمىستىق قاجەتتى بۇيىمدارىمەن قامداۋعا شىنايى كەپىلدىك ەتۋ؛ بۇقارانىڭ نەگىزگى تۇرمىسىن قامتاماسىز ەتۋ مەن پسيحولوگيالىق جەتەكتەۋدى سۇيىسپەنشىلىكپەن ويداعىداي ىستەپ، ەرەكشە قيىنشىلىعى بار قاۋىمدى ارالاپ ءمان - جاي ۇعىسۋ مەن قاجەتتى كومەكتى كۇشەيتىپ، قيىنشىلىعى بار بۇقارانى ەڭ تومەنگى شەكتەن تۇسىرمەي قامتاماسىز ەتۋدى كۇشەيتىپ، بۇقارا اسىعىپ، ۋايىمداپ، ويلاپ، كوكسەپ وتىرعان ىستەردى شىن مانىندە ويداعىداي شەشۋ كەرەك. تورتىنشىدەن، ۇگىتتەۋدى، جەتەكتەۋدى مىقتى، ناقتى، ەگجەي - تەگجەيلى يگەرۋگە كۇش سالۋ كەرەك. ىندەتتەن ساقتانۋ بىلىمدەرىن زور كۇشپەن جالپىلاستىرىپ، ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، جۇرتشىلىقتىڭ ساقتانۋ تانىمى مەن ساقتانۋ قابىلەتىن جوعارىلاتۋ؛ ىندەت ينفورماتسيالارى مەن ساقتانۋ - تىزگىندەۋ قىزمەتىنىڭ جاعدايلارىن دەر كەزىندە جاريالاپ، قوعام مەن بۇقارا نازار اۋدارىپ وتىرعان تۇيىندەرگە بەلسەنە جاۋاپ قايتارۋ؛ ىندەتتەن ساقتانۋ - تىزگىندەۋ قىزمەتى بارىسىندا كوزگە تۇسكەن وزات تيپتەر مەن اسەرلى ىزگى ىستەردى زور كۇشپەن ۇگىتتەپ، سەنىمدى كۇشەيتۋگە، جۇرت جۇرەگىن مەيىرگە بولەۋگە، حالىق تىلەگىن توعىستىرۋعا اناعۇرلىم دەن قويۋ كەرەك.

  چىن چۋانگو بىلاي دەپ اتاپ كورسەتتى: ىندەتتەن ساقتانۋ - تىزگىندەۋ قانشالىق ماشاقاتتى شەشۋشى كەزەڭگە تاياعان سايىن، ستيلدە بۇرىلىس جاساۋدى، قىزمەتتى تياناقتاندىرۋدى سونشالىق مىقتى ۇستاۋ كەرەك. ءار دارەجەلى پارتكومدار مەن ۇكىمەتتەردىڭ قاراستى جەر جاۋاپكەرشىلىگىن، پارتيا، ۇكىمەت ءبىرىنشى باسشىلارىنىڭ، ءبىرىنشى جاۋاپتى ادامدىق جاۋاپكەرشىلىگىن، جاۋاپتى باسشىنىڭ تىكەلەي جاۋاپكەرشىلىگىن، ورىنداردىڭ تۇلعالىق جاۋاپكەرشىلىگىن، سالالاردىڭ، تاراۋلاردىڭ نەگىزگى باسقارۋشى جاۋاپكەرشىلىگىن، وتباسىلار مەن جەكەلەردىڭ وزىندىك ساقتانۋ - قورعانۋ جاۋاپكەرشىلىگىن قاتاڭ تياناقتاندىرىپ، دارەجەلەر بويىنشا يگەرىپ، ساتىلار بويىنشا تياناقتاندىرۋ كەرەك. فورماشىلدىقتى، تورەشىلدىكتى باتىل جويىپ، جۇمىستى ءبىر جولاتا سوڭىنا شىعارىپ، بىلەك سىبانا تياناقتاندىرۋدى يگەرىپ، ەسكەرۋسىز ءوڭىر قالدىرماۋدى، قالتارىس جەر قالدىرماۋدى، اقتاڭداق قالدىرماۋدى شىنداپ ورىنداۋ كەرەك. ايقىن باعدار بەلگىلەپ، بەينەسى كورنەكتى بولعانداردى ماداقتاپ، ماراپاتتاپ، باتىلدىقپەن ىستەتۋ؛ جاۋاپكەرشىلىك ارقالاماعانداردىڭ، ىسكەرلىك كورسەتپەگەندەردىڭ، ستيلدە تۇرلاۋسىزدىق ىستەگەندەردىڭ، قىزمەتتە ۇستىرتتىك ىستەگەندەردىڭ، شالا - شارپى ىستەگەندەردىڭ، جاۋاپكەرشىلىكتەن قاشىپ ءبىر - بىرىنە يتەرمەلەگەندەردىڭ جاۋاپكەرشىلىگىن ءتارتىپ بويىنشا، زاڭ بويىنشا قاتاڭ قۋزاستىرۋ، جاۋاپقا تارتۋ، ءار دارەجەلى كادرلاردى ۇلكەن شايقاس، ۇلكەن سىناق بارىسىندا اۋەلگى ماقساتتى، بورىشتى امالياتتا ايگىلەپ، تولىمدى جاۋاپ قايتارۋعا جىگەرلەندىرۋ كەرەك.

جاۋاپتى رەداكتور: ريزا حاميت