ۋيچات توبىندا ”قىستاق كەشى“ كولەمدى بىرىككەن ساۋىعى قويىلدى

ۋيچات توبىندا ”قىستاق كەشى“ كولەمدى بىرىككەن ساۋىعى قويىلدى

گازەتىمىزدىڭ جالپىلىق اقپارات قۇرالدارى ءتىلشىسى جاڭ تيڭ، ەرىكتى ءتىلشى جاۋ شۋەيۋە

  ”سىڭعىر، سىڭعىر...“. 7 - ايدىڭ 30 - كۇنى كەشكى ساعات 7دە، كوكتوعاي اۋدانى تۇرعىن اۋىلى تىلەۋبايقىزىل قىستاعى تۇرعىندارىنىڭ ۋيچات توبىنا ءبىر - بىرلەگەن حابارلامالار كەلىپ ءتۇسىپ جاتتى، ”قىستاقتاعى دوستار، كەش جارىق، قۇربان ايت مەرەكەسى ساۋىق كەشى ءدال ساعات 8دە رەسمي باستالادى“، ”ءۇي ىشىمىزبەن كوپتەن كۇتكەن ويىن ءنومىرى اقىرى كەلدى!“، ”قول تەلەفونعا توك تولتىرىپ، كۇتۋدەمىز“، ەكرانعا دەرەۋ وسىنداي جازبالار تولىپ كەتتى.

  مەرەكەلىك رايدى جانداندىرۋ ءۇشىن، جۇڭگو اۋىل شارۋاشىلىعى بانكەسى التاي بولىمشە بانكەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى، قىستاقتاعى ءار ۇلت بۇقاراسىنىڭ ارتىقشىلىقتارىن تولىق ساۋلەلەندىرىپ، ”ينتەرنەت جەلىسىندە + ادەبيەت - كوركەمونەر كونسەرتى“، ”ينتەرنەت جەلىسىندە + ءدامدى تاعامدار كورمەسى“ سياقتى ”ينتەرنەت جەلىسىندە +“ فورماسى ارقىلى، ۋيچات توبىندا ايرىقشا ءبىر ساۋىق كەش وتكىزىپ، قۇربان ايت مەرەكەسىن قىستاق تۇرعىندارىمەن بىرگە وتكىزدى.

  ”شىرىن - شاربات قۇبىر سۋىن ىشتىك، تىنىستى دا جارىق بەيقۇت ۇيگە كىردىك، كەڭ دە تەگىس جاڭا جولداردا جۇردىك، بال - باقىتتى تۇرمىس كەشىرۋدەمىز، پارتيانىڭ مەيىرى بارىنەن ارتىق...“، دومبىرانىڭ ويناقى اۋەنى، ەل جايىمەن جاناسار ءان تەكستەرى قۇربان ايت مەرەكەسىنە ارنالعان ”ينتەرنەت جەلىسى“ كولەمدى بىرىككەن ساۋىعىنىڭ شىمىلدىعىن اشتى.

  قىستاقتاعى ”ءتورت ءتۇرلى قارتتىڭ“ ءبىرى مەكەشاي بەلگىباي ىشكى تەبىرەنىسىن جاسىرا الماي، ءبىر بەينەجازبا ءتۇسىرىپ، توپقا جولدادى: ”قىستاققا جاڭادان بالاباقشا سالىندى، لەنيا كولىگى قاتىنادى، بۇقارا قاربالاستىققا ءتۇستى، جاسىل كوكونىس ەگىپ، ءسۇت ونىمدەرىن ساتتى... پارتيا ءبىزدىڭ تۇرمىسىمىزدى بارعان سايىن جاقسارتا ءتۇستى“. مەكەشاي تىلەۋبايقىزىل قىستاعىنىڭ كەدەيلىك قالپاعىن الىپ تاستاعاننان بەرگى دامۋىنا، وزگەرىسىنە كۋا بولىپ كەلەدى.

  ءبىر ايدىڭ الدىندا، قىزمەت اترەتى قىستاق تۇرعىندارى جينالىسىندا وسىنداي وزگەشە ءبىر مەرەكە وتكىزۋ ءادىسىن ورتاعا قويىپ، قىستاق تۇرعىندارىن ءۇي ىشتەرىمەن تۇگەل ات سالىسىپ، اركىم ءوز ەرەكشەلىكتەرىن ايگىلەپ، قىسقا بەينەجازبا ەتىپ ءتۇسىرىپ، ونى قىستاق تۇرعىندارى توبىنا جولداپ قويۋعا شابىتتاندىردى، ۇسىنىس ايتىلىسىمەن، قىستاق تۇرعىندارىنىڭ جاپا - تارماعاي قولداۋىنا يە بولدى.

  قيمىل بارىسىندا، قول تەلەفون ەكرانى ارقىلى ءبولىنىپ تۇرعانىمەن، قۋانىپ كۇلگەن، تىلەك ايتىپ سارناعان داۋىستار ارالاسىپ كەتتى، ءبىر - بىرلەگەن دىبىستىق جولدامالاردى ءتۇرتىپ قالساڭىز، قىستاق تۇرعىندارىنىڭ ۇزدىكسىز القاپ، توتەنشە دۋماندى بولىپ جاتقانىن كورەسىز.

  بارلىق ءۇيدىڭ اسىعا كۇتۋىمەن ”شەبەرلىكپەن پىسىرعان ءدامدى تاعامداردى كورەيىك“ اتتى ەلەۋلى ساتكە دە جەتتى، بۇل قيمىلعا تۇرلىشە ۇلتتان كەلگەن 28 وتباسى قاتىناستى.

  كەپتىرىلگەن ەتتى پالاۋ، ءمانتى، نارىن... وزگەشەلىككە يە ءدامدى تاعامدار ۋيچات توبىندا ارت - ارتىنان كورىنىس بەردى، وزگەشە ءورىس اشقان قىستاق تۇرعىندارى تاعى ءوز ۇيلەرى ەككەن ءجۇزىم، قاربىز، قاراقات سياقتى تازا تابيعي جەمىستەردى ”ۇلتتار ىنتىماعىنىڭ بەرەكەلى شاڭىراعى“ دەگەن سياقتى جازۋ بار پىشىندەگى جەمىس تاباعى ەتىپ ءتىزدى.

  ەكران ارقىلى ءبولىنىپ تۇرسا دا، كوپشىلىك ءدامدى تاعامنىڭ ءيىسىن سەزىپ تۇرعانداي بولدى. قىستاق تۇرعىنى زۇلقارناي قابىل ”قۋىرداق“ دەگەن بەينەجازبانى جاريالادى. ”قازان قىزعاندا ماي قۇيىپ، باس پياز سالىپ قۋىرىپ، ودان كەيىن ەت سالىڭىزدار...“. ەگجەي - تەگجەيلى جاسالۋ بارىسى كوپشىلىكتىڭ القاۋىنا بولەندى. زۇلقارناي كەزىندە قىستاقتاعى ارحيۆ تۇرعىزىلىپ، كارتچكالاندىرىلعان كەدەي شارۋا بولاتىن، سوڭعى جىلدارى، اۋىلىنىڭ جالپى وڭىرلىك ساياحاتى جاندانعان ورايدا، اسپازدىق ونەرىنە سۇيەنگەن ول ۇيىنەن 7 كيلومەتر جەردەگى كوكتال الۋان گۇلدەر كورىنىس اۋماعىندا شارۋالار شاتتىعى ساياجايىن اشتى.

  ”3 ايدىڭ الدىندا، قىزمەت اترەتى اسپازدىق شەبەرلىگىنە باۋلۋ كۋرسىن اشتى، مەن كوپتەگەن قۋىرماشتاردىڭ جاڭاشا جاسالۋ ءادىسىن ۇيرەنىپ الدىم“. زۇلقارناي جەرگىلىكتى ورىننىڭ ەرەكشە ءدامدى تاعامدارىن جاقسىلاپ كادەگە جاراتۋ ارقىلى ساياحاتشىلاردىڭ تابەتىن اشىپ، اناعۇرلىم كوپ ادامدى كۇندەرىن ءماندى دە ءساندى وتكىزۋگە باستايتىنىن ايتتى.

  ءار ۇلت بۇقاراسى كوڭىلدى دە جاراسىمدى مەرەكەلىك شاتتىققا شومىپ، تاماشا تۇرمىسقا تىلەكتەرىن بەينەلەپ جاتتى. ”بيىل، كىشى ۇلىم ءۇيدىڭ جانىندا 1 - كلاسقا كىرىپ وقيدى، ونىڭ اقاۋسىز ەسەيىپ - ەرجەتۋىن تىلەيمىن!“، ”ءبىرىنشى رەت وسىنداي فورمامەن مەرەكە وتكىزىپ جاتىرمىز، ەسىمنەن كەتپەيتىن بولدى“... ۋيچات توبى دىر - دۋمانعا تولىپ، ءار ۇلت بۇقاراسىنىڭ كوڭىلدەرى تىعىز توعىسا ءتۇستى.

جاۋاپتى رەداكتور: ريزا حاميت