جوعارى مەكتەپ ەمتيحانىنىڭ ينتەرنەتتە تالاپ تولتىرۋ جۇيەسى اشىلدى

  گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا 7 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ، ەمتيحان مەكەمەسىنەن ۇعىسۋعا قاراعاندا، رايونىمىزدىڭ 2020 - جىلعى ادەتتەگى جوعارى مەكتەپتەرگە وقۋشى قابىلداۋ ەمتيحانىنىڭ ينتەرنەتتە تالاپ تولتىرۋ جۇيەسى 7 - ايدىڭ 25 - كۇنى اشىلدى، ەمتيحان تاپسىرعان وقۋشىلاردىڭ شينجياڭ وقۋشى قابىلداۋ سايتىنا شىعىپ تالاپ تولتىرۋ ادىستەرىن ۇعىسۋىنا بولادى.

  ۇعىسۋعا قاراعاندا، تولىق كۋرس بويىنشا الدىن الا قابىلداۋ كەزەگىنىڭ تالاپ تولتىرۋى 8 - ايدىڭ 3 - كۇنى ساعات 18دە اياقتايدى؛ باسقا كەزەگىنىڭ تالاپ تولتىرۋىنىڭ اياقتالاتىن ۋاقىتى 8 - ايدىڭ 5 - كۇنى ساعات 18گە دەيىن بولادى.

  اۆتونوميالى رايوندىق وقۋ - اعارتۋ، ەمتيحان مەكەمەسى ەمتيحان تاپسىرۋشىلارعا مىنانى ەسكەرتەدى: وقۋ - اعارتۋ مينيسترلىگى مەن اۆتونوميالى رايوننىڭ وقۋشى قابىلداۋعا قاتىستى ساياسات بەلگىلەمەسى بويىنشا، ءوزىنىڭ جوعارى مەكتەپكە وقۋشى قابىلداۋ ەمتيحان ناتيجەسىمەن، دەنساۋلىق شارت - جاعدايىمەن، سونداي - اق جوعارى مەكتەپكە وقۋشى قابىلداۋ ەرەجەسىنىڭ قاتىستى تالاپتارىمەن ۇشتاستىرىپ، تالاپتى ورىندى تولتىرعان ءجون. ەمتيحان تاپسىرعان وقۋشىلار تالاپ تولتىرعاندا، تالاپ تولتىرۋدىڭ تاۋەكەل قاتەرىن تولىق ەسكەرىپ، ىلىنبەي قالۋ سالىستىرماسىن تومەندەتۋ كەرەك.

  ەمتيحان تاپسىرعان وقۋشىلار تالاپ تولتىرۋدان بۇرىن ”مازمۇن تۇسىندىرمەسىن“ مۇقيات، ەگجەي - تەگجەيلى وقىپ شىعۋى ءتيىس. قاتاڭ تۇردە «2020 - جىلعى ادەتتەگى جوعارى مەكتەپتەردىڭ شينجياڭدا وقۋشى قابىلداۋ جوسپارىنىڭ ماماندىق مازمۇنى» جاريالانعان وقۋشى قابىلدايتىن جوعارى مەكتەپتەردىڭ كەزەگى، ءپان ءتۇرى، اتى، ماماندىعى، سونداي - اق شارتتى ءنومىرى مەن قاتىستى تالاپتارى بويىنشا تالاپ تولتىرۋى ءارى تۇراقتاندىرۋى كەرەك، مازمۇنى شىن، ءدال، قاتەسىز بولۋى ءتيىس. جوعارى مەكتەپتەردىڭ ارناۋلى، جوعارى دەڭگەيدەگى كوركەمونەر ۇيىرمەسى جانە جوعارى دەڭگەيدەگى سپورت قوسىندارى سياقتى ولكە جوسپارىنا ايىرمايتىندارى دەرلىكتەي شينجياڭ وقۋشى قابىلداۋ سايتىندا جاريالانعان قاتىستى جوعارى مەكتەپتەر جانە ماماندىقتار بويىنشا تولتىرىلادى.

جاۋاپتى رەداكتور: نۇربولات قابىل
  • 1
  • 2
  • 3
  • 4