شينجياڭداعى 2 قالا، 6 مەكتەپ مەملەكەت دارەجەلى ۇلگى كورسەتەتىن ءوڭىر، ۇلگى كورسەتەتىن مەكتەپ بولىپ تاڭدالدى

  گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا 7 - ايدىڭ 20 - كۇنى ۇرىمجىدەن حابارلايدى. جۋىقتا وقۋ - اعارتۋ مينيسترلىگى ادەتتەگى ورتا مەكتەپتەردىڭ جاڭا ساباق، جاڭا وقۋلىق پايدالانۋىنان مەملەكەت دارەجەلى ۇلگى كورسەتەتىن وڭىرلەردىڭ جانە ۇلگى كورسەتەتىن مەكتەپتەردىڭ ءتىزىمىن جاريالادى، شينجياڭنان (بيڭتۋاندى قامتيدى) 2 قالا، 6 مەكتەپ مەملەكەت دارەجەلى ۇلگى كورسەتەتىن ءوڭىر جانە ۇلگى كورسەتەتىن مەكتەپ تىزىمىنە كىردى.

  مۇنىڭ ىشىندە قارامايلى قالاسى، شىحىزى قالاسى مەملەكەت دارەجەلى ۇلگى كورسەتەتىن وڭىرگە تاڭدالدى. قارامايلى قالالىق 1 - ورتا مەكتەپ، ءۇرىمجى 1 - تامىز ورتا مەكتەبى، ءۇرىمجى قالالىق 1 - ورتا مەكتەپ، شينجياڭ ءوندىرىس - قۇرىلىس بيڭتۋانى 2 - ورتا مەكتەبى، شينجياڭ ءوندىرىس - قۇرىلىس بيڭتۋانى 2 - شىسىنىڭ حۋاشان ورتا مەكتەبى، شىحىزى 1 - ورتا مەكتەبى سياقتى 6 مەكتەپ ۇلگى كورسەتەتىن مەكتەپكە تاڭدالدى.

  ۇعىسۋعا قاراعاندا، ۇلگى كورسەتەتىن ءوڭىر، ۇلگى كورسەتەتىن مەكتەپ قۇرىلىسى ادەتتەگى ورتا مەكتەپتەردىڭ ساباق رەفورماسىن تەرەڭدەتىپ، ادەتتەگى ورتا مەكتەپتەردىڭ ادام تاربيەلەۋ ادىسىندە بۇرىلىس جاساۋدى ىلگەرىلەتۋدەگى ماڭىزدى شارا. ۇلگى كورسەتەتىن ءوڭىر مەن ۇلگى كورسەتەتىن مەكتەپ قۇرىلىسى قىزمەتى بيىلدان باستاپ توپقا ءبولىنىپ اتقارىلادى، ءار توبىنىڭ قۇرىلىس پەريودى 3 جىل.

  وقۋ - اعارتۋ مينيسترلىگى مىنالاردى تالاپ ەتتى: ءارقايسى ۇلگى كورسەتەتىن وڭىرلەر جانە ۇلگى كورسەتەتىن مەكتەپتەر «وقۋ - اعارتۋ مينيسترلىگى كەڭسەسىنىڭ ادەتتەگى ورتا مەكتەپتەردىڭ جاڭا ساباق، جاڭا وقۋلىق پايدالانۋدان مەملەكەت دارەجەلى ۇلگى كورسەتەتىن وڭىرلەر مەن ۇلگى كورسەتەتىن مەكتەپتەردى تاڭداپ قۇرۋ جونىندەگى حابارلاندىرۋدا» ورتاعا قويىلعان ءتۇيىندى مىندەتتەردى ارقاۋ ەتىپ، ءوز جەرىنىڭ، ءوز مەكتەبىنىڭ امالياتىمەن ۇشتاستىرىپ، باسىمدىق پەن وزگەشەلىكتى كورنەكتىلەندىرىپ، ساباق قۇرىلىسى، وقىتۋ رەفورماسى، ەمتيحان الۋ، باعالاۋ سياقتى شەشۋشى سالالارعا بەلسەنە ىزدەنىس جاساپ، تاڭداپ وقىلاتىن ساباقتاردى اشۋ، ساباق تاڭداۋىن، كلاس ارالاپ وقۋىن ىلگەرىلەتۋ، وقۋشىلاردىڭ جەتىلۋىنە ءجون سىلتەۋدى كۇشەيتۋ، وقىتۋ ساپاسىن جانە باعالاۋىن كەمەلدەندىرۋ سياقتى ءتۇيىندى بۋىنداردا تىڭ سەرپىلىس جاساپ، ۋنيۆەرسالدى امالياتتىق قيمىلىنىڭ جانە ەڭبەك تاربيەسىنىڭ ءادىس - امالىندا جاڭالىق اشىپ، ۇلگى الۋعا، جالپىلاستىرۋعا كەلەتىن ءبىر توپ ءونىمدى تاجىريبەلەر مەن تابىستاردى قالىپتاستىرىپ، ادەتتەگى ورتا مەكتەپتەردىڭ ادام تاربيەلەۋ ۇلگسىندە بۇرىلىس جاساۋدى ىلگەرىلەتىپ، مەكتەپتەردىڭ ءار الۋان بولۋىن، ەرەكشەلىكپەن دامۋىن جەبەۋ جاقتارىندا ۇلگىلىك، جەتەكشىلىك رول اتقارۋى كەرەك.

  مۇنان تىس، ۇلگى كورسەتەتىن مەكتەپتەر جاڭا ساباق بويىنشا باۋلۋ بازاسى مەكتەبى قۇرىلىسىن بەلسەندى ورىستەتىپ، مەكتەپ باستىقتارىن، وقىتۋشىلارىن ءمانساپقا ءىلىپ اۋىس - كۇيىس جاساۋىن نەمەسە جۇمىس ورنىندا ىلەستىرىپ ۇيرەتۋ سياقتى ادىستەر ارقىلى، ءالسىز ورتا مەكتەپتەر مەن اۋىل - قىستاق مەكتەپتەرىنە باعىتتامالى كومەكتەسۋ، سۇيەمەلدەۋ تەبىنىن ارتتىرۋى كەرەك. ۇلگى كورسەتەتىن وڭىرلەردە سايكەستى بولعان باعىتتامالى كومەكتەسۋ، سۇيەمەلدەۋ مەحانيزمىن ورناتىپ، كەدەي وڭىرلەرگە كومەكتەسۋ، سۇيەمەلدەۋدى كۇشەيتۋى كەرەك.

جاۋاپتى رەداكتور: نۇربولات قابىل
  • 1
  • 2
  • 3
  • 4