وقۋ تاۋىسقان وقۋشىلاردىڭ شارۋاشىلىق قۇرۋىنا تىڭ ءورىس اشتى

سۇيەمەلدەۋ ساياساتى دەم بەرىپ، ارمانعا قانات ءبىتىردى

وقۋ تاۋىسقان وقۋشىلاردىڭ شارۋاشىلىق قۇرۋىنا تىڭ ءورىس اشتى

گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا

  ”الدىڭعى ايدا ءبىز زەرتتەپ اشقان ەلەكترسيكلدى بەيىمدى توكپەن قامداۋ قۇرىلعى نىسانى مەملەكەتتىك پاتەنت ۇقىعىن الدى“، - دەدى 7 - ايدىڭ 15 - كۇنى ستۋدەنت شارۋاشىلىق قۇرۋشى، ءۇرىمجى كاسىپتىك داشۋەسىنىڭ بيىل وقۋ تاۋىساتىن وقۋشىسى قايسارجان تايىر.

  اۆتونوميالى رايوننىڭ ءبىر قىدىرۋ جۇمىستاندىرۋ، شارۋاشىلىق قۇرۋ بويىنشا سۇيەمەلدەۋ ساياساتتارىنىڭ قولداۋىندا، قايسارجان سياقتى كوپتەگەن جوعارى مەكتەپتەن وقۋ تاۋىساتىن وقۋشىلار رايونىمىزدىڭ جاڭالىق اشۋ، شارۋاشىلىق قۇرۋداعى جاڭا كۇشىنە اينالىپ، جاستىق جىگەرلەرى مەن قاجىر - قايراتتارى ارقىلى شارۋاشىلىق قۇرۋ ارماندارىنا تالپىنۋدا.

  قايسارجان مودەل جاساۋ تەحنيكاسىنا قاتتى قىزىعاتىن. داشۋەگە تۇسكەننەن كەيىن، وقىتۋشىلاردىڭ كومەگىندە ول مەكتەپتىڭ ستۋدەنتتەر جاڭالىق اشۋ، شارۋاشىلىق قۇرۋ بويىنشا جەتىلدىرۋ بازاسىندا ”ارمانعا تالپىنعاندار ەلەكترون قىزمەت كەڭسەسىن“ قۇردى. ”مەكتەپ تەگىن ورىن ازىرلەپ بەرىپ، سۋ، ەلەكتر، جىلۋ، ينتەرنەت جەلىسى سياقتىلاردىڭ شىعىنىن تۇگەلدەي كەشىرىم ەتتى، تاعى بىزگە پارتا - ورىندىق، كومپيۋتەر سياقتىلاردى بەرىپ، ءبىزدىڭ شارۋاشىلىق قۇرۋ وزىندىك قۇنىن ۇنەمدەپ قالۋىمىزعا مۇمكىندىك جاسادى“، - دەدى قايسارجان.

  ساياساتتىڭ قولداۋىنا سۇيەنۋ ارقىلى قايسارجاننىڭ قىزمەت كەڭسەسى مەن ءۇرىمجى قالاسى دابانچىڭ رايوندىق عىلىم - تەحنيكا مەكەمەسى، وقۋ - اعارتۋ مەكەمەسى سەلبەستىك كەلىسىمىنە قول قويىسىپ، ”فىڭچىڭ 1 - ءنومىرلى كۇن ەنەرگيالى بولشەكتەمەلى وقىتۋ كارتين كولىگى“ نىسانىن جاساپ، وسى رايونداعى ورتا، باستاۋىش مەكتەپتەر مەن قوعامدىق ۇيىمداردىڭ قيمىلدارىنا مودەل جابدىعىن ازىرلەدى، دابانچىڭ رايوندىق عىلىم - تەحنيكا مەكەمەسى تاعى وعان 200 مىڭ يۋاندىق زەرتتەۋ - اشۋ قاراجاتىن بەرىپ، قولداۋ كورسەتتى.

  سوڭعى جىلدارى اۆتونوميالى رايون ستۋدەنتتەردى جاڭالىق اشۋ، شارۋاشىلىق قۇرۋ بويىنشا جاتتىقتىرۋ جوسپارىن ۇزدىكسىز اتقارىپ، 2019 - جىلدىڭ سوڭىنا دەيىن مەملەكەت دارەجەلى 1518 نىسانعا، اۆتونوميالى رايون دارەجەلى 2290 نىسانعا قولداۋ كورسەتتى، 15 مىڭ وقىتۋشى - وقۋشى وسى نىساندارعا قاتىناستى. بۇكىل رايونداعى ءارقايسى جوعارى مەكتەپتەر كاسىپورىندار، سالالار قۇرعان داشۋە عىلىم - تەحنيكا باقشاسىنىڭ، ستۋدەنتتەر شارۋاشىلىق قۇرۋ باقشاسىنىڭ، شارۋاشىلىق قۇرۋ بويىنشا جەتىلدىرۋ بازاسىنىڭ جانە شاعىن، ۇساق كاسىپورىندار بازاسىنىڭ 125ىمەن، ءار دارەجەلى، ءار ءتۇرلى جاسامپازشىلار كەڭىستىگىنىڭ 32سىمەن بىرلەسىپ، ستۋدەنتتەردىڭ شارۋاشىلىق قۇرۋ ارمانىنا تالپىنۋىنا تاماشا راي قالىپتاستىردى.

  سونىمەن بىرگە، ءتۇرلى جاڭالىق اشۋ، شارۋاشىلىق قۇرۋ جارىستارىنىڭ وتكىزىلۋى ستۋدەنتتەردىڭ شارۋاشىلىق قۇرۋ ىنتالارىن ۇشتادى. ءۇرىمجى قالالىق 6 - كەزەكتى ”بومىڭ ساۋىتى“ كاسىپتىك مەكتەپ وقۋشىلارىنىڭ جاڭالىق اشۋ، شارۋاشىلىق قۇرۋ جارىسى 7 - ايدىڭ 2 - كۇنى ءساتتى اياقتادى، جيىنى 354 نىسان جارىسقا قاتىناسىپ، 32 نىسان شەشۋشى جارىسقا كىرىپ، 13 نىسان سيلىققا يە بولدى. ۇيىمداستىرۋشى جاقتىڭ تانىستىرۋىنا قاراعاندا، شەشۋشى جارىسقا كىرگەن شارۋاشىلىق قۇرۋ نىسانى شارۋاشىلىق قۇرۋ بازاسى جاعىنان جاڭالىق اشۋ، شارۋاشىلىق قۇرۋ نىسان قورىنا ەنگىزىلىپ، شارۋاشىلىق قۇرۋ جەتەكشىلىگى مەن كەڭەس بەرۋ قىزمەت وتەۋىنەن يگىلىكتەنگەن ءارى فينانس قۇرىلىمدارىنىڭ شارۋاشىلىق قۇرۋ شاعىن سومالى قارىزى نەمەسە تيانشى قارجىسىن الۋ ورايىنا يە بولعان.

  ”ابىروي بولعاندا، ساياساتتىڭ قولداۋىمەن مەن 10 مىڭ يۋاندىق شارۋاشىلىق قۇرۋ قوسىمشا قاراجاتىنان، 6000 يۋاندىق ءۇي جالداۋ قوسىمشا قاراجاتىنان جانە 3000 يۋاندىق جۇمىستاندىرۋدى جەبەۋ قوسىمشا قاراجاتىنان يگىلىكتەندىم، بۇل مەنى قىسىلتاياڭ كۇيدەن قۇتىلدىردى“، - دەدى ستۋدەنت شارۋاشىلىق قۇرۋشى، ءۇرىمجى قالالىق بۋ - ىر شىجۋە كينو - فيلم قىزمەت وتەۋ ءبولىمىنىڭ جاۋاپتىسى دىڭ شۇيحۇي.

  بيىل جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا قاراتا بۇكىل رايوننىڭ جەر - جەرى ستۋدەنتتەردىڭ شارۋاشىلىق قۇرۋىنا كومەكتەسۋ، سۇيەمەلدەۋ تەبىنىن ارتتىردى. ءۇرىمجى قالاسى شارۋاشىلىق قۇرۋعا ءبىر رەتتىك قوسىمشا قاراجات بەرۋ ساياساتىن شىعارىپ، تاياۋ 5 جىل ىشىندە وقۋ تاۋىسقان شينجياڭدىق جوعارى مەكتەپ بىتىرگەن وقۋشىلارمەن كەدەي وتباسىلارىنىڭ ۇرىمجىدە ءوز الدىنا جاڭالىق اشىپ، ورنىقتى تيجارات جۇرگىزگەنىنە ءبىر جىلدان اسىپ، تيجارات كۇيىن ساقتاعاندارىنا ءبىر رەت بەرىلەتىن 10 مىڭ يۋاندىق شارۋاشىلىق قۇرۋ قوسىمشا قاراجاتىن، ءۇي جالداۋعا ءبىر رەت بەرىلەتىن 6000 يۋاندىق قوسىمشا قاراجاتتى بەردى ءارى ورنىقتى جۇمىستانۋعا تارتۋعا ادام باسىنا 1000 يۋاندىق قوسىمشا قاراجات بەرۋ، ەڭ جوعارى بولعاندا 5000 يۋاننان اسىرماۋ ولشەمى بويىنشا شارۋاشىلىق قۇرۋ ارقىلى جۇمىستاندىرۋدى جەبەۋ قوسىمشا قاراجاتىن بەردى.

  بيىل ستۋدەنت شارۋاشىلىق قۇرۋشىلاردىڭ قارجى قيىنشىلىعىن شەشۋ ءۇشىن، اۆتونوميالى رايون تاعى شارۋاشىلىق قۇرۋ كەپىل قارىز سوماسىىن جوعارىلاتىپ، شارتقا ۇيلەسەتىن جەكەلەردىڭ ەڭ جوعارعى ءوتىنىش ەتە الاتىن شارۋاشىلىق قۇرۋ كەپىل قارىز سوماسىن 150 مىڭ يۋاننان 200 مىڭ يۋانعا جوعارىلاتتى.

  4 - ايدا اۆتونوميالى رايون «اۋىلعا قايتىپ، اۋىلعا كەلىپ شارۋاشىلىق قۇرۋ قىزمەتىن ونان ارى ىلگەرىلەتۋ جونىندەگى اتقارۋ پىكىرىن» شىعارىپ، شارۋاشىلىق قۇرۋ ساياساتتىق قولداۋىن ارتتىرۋ، باۋلۋ كولەمىن ۇلعايتىپ، شارۋاشىلىق قۇرۋشىلاردىڭ شارۋاشىلىق قۇرۋ قابىلەتىن جوعارىلاتۋ، شارۋاشىلىق قۇرۋ دانەكەرى قۇرىلىسىن كۇشەيتۋ سياقتىلاردان باستاپ كىرىسىپ، جوعارى مەكتەپ بىتىرگەن وقۋشىلار، اۋىل - قىستاقتاعى ارتىق ەڭبەككۇشتەر، قوسىننان شەگىنگەن اسكەريلەر سياقتى توپتاردىڭ اۋىلعا قايتىپ، اۋىلعا كەلىپ شارۋاشىلىق قۇرۋىنا قولداۋ كورسەتتى.

  شارۋاشىلىق قۇرۋعا دەم بەرەتىن وسى سۇيەمەلدەۋ ساياساتتارى اناعۇرلىم كوپ ستۋدەنتتەرگە كەڭ ساحنا ازىرلەپ، دارىندارىن ايگىلەيتىن وراي تۋدىردى. ساناققا قاراعاندا، بيىل الدىڭعى 5 ايدا بۇكىل رايوندا 28 مىڭ 300 شارۋاشىلىق قۇرۋشى جاڭادان كوبەيىپ، بيىلعى تۇتاس جىلدىق نىسانا - مىندەتتەردىڭ %94.26ى ورىندالىپ، 47 مىڭ 900 ادامدى جۇمىستانۋعا جەتەكتەپ، شارۋاشىلىق قۇرۋ ارقىلى جۇمىستاندىرۋدى جەتەكتەۋدىڭ ەسەلەپ ارتقان اسەرى ونان ارى كورنەكتىلەنە تۇسكەن.

  ”ءبىز شارۋاشىلىق قۇرۋ بويىنشا جەتىلدىرۋ بازاسىن، شارۋاشىلىق قۇرۋ باقشا رايونىن قۇرۋعا قولداۋ كورسەتۋ تەبىنىن ارتتىرىپ، شارۋاشىلىق قۇرۋ دانەكەرىن قۇرىپ، شارۋاشىلىق قۇرۋعا ويداعىداي قىزمەت وتەپ، اناعۇرلىم كوپ ستۋدەنتتىڭ شارۋاشىلىق قۇرۋ ارمانىن جۇزەگە اسىرۋىنا كومەكتەسەمىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسى.

جاۋاپتى رەداكتور: ريزا حاميت