وتان نامىسىن ۇمىتپاي، ناقتى ىستەپ، مەملەكەتتى گۇلدەندىرەيىك

  وتان نامىسىن ۇمىتپاي، ناقتى ىستەپ، مەملەكەتتى گۇلدەندىرەيىك

  − بۇكىل ۇلتتىڭ جاپون شاپقىنشىلارىنا قارسى سوعىسى باستالعاندىعىنىڭ 83 جىلدىعى ساتىندە

  شينحۋا اگەنتتىگىنىڭ تىلشىلەرى ۋاڭ جۇنلۋ، لي فاڭ، جاڭ شياۋ

  1937 - جىلى 7 - ايدىڭ 7 - كۇنى جاپون شاپقىنشىلارى ۋانپيڭچىڭدى ءمىزباقپاستان زەڭبىرەكپەن اتقىلاپ، لۋگوۋچياۋ كوپىرىنىڭ بويى ىس - تۇتەككە تولىپ، جالاڭداعان سوعىس ءورتىنىڭ ىشىندە قالدى. جۇڭگو مەن شەتەلدى تىكسىندىرگەن لۋگوۋچياۋ وقيعاسى تۋىلىپ، جۇڭحۋا ۇلتى ەڭ قاتەرلى كەزگە ءدوپ كەلدى.

  ۇلت قاتەردە قالعان كەزدە، قاشاندا جۇڭحۋا ۇل - قىزدارى كەۋدە كەرىپ العا شىعادى!

  شاپقىنشىلاردىڭ مىلتىق، زەڭبىرەك ۇندەرى شىرت ۇيقىدا جاتقان ۇلتتى وياتتى، لۋگوۋچياۋ كوپىرىنىڭ ۇستىندە بۇكىل ۇلتتىڭ جاپون شاپقىنشىلارىنا قارسى سوعىسىنىڭ العاشقى مىلتىعى اتىلدى. چاڭجياڭ دارياسىنىڭ وڭتۇستىگى مەن سولتۇستىگىندە، ۇلى قورعاننىڭ ءىشى - سىرتىندا، جاپون شاپقىنشىلارىنا قارسى ۇلتتىق بىرلىكساپتىڭ تۋى استىندا، بۇكىل جۇڭحۋا پەرزەنتتەرى ءبىر نيەتپەن جۇمىلىپ، جاۋعا جابال كەكتەنىپ، قايىسپاس قايسارلىقپەن، قان كەشە شايقاس جۇرگىزىپ، ىستەمەگەن سۇرقيالىعى قالماعان جاپون شاپقىنشىلارىمەن جانىن شۇپەرەككە ءتۇيىپ كۇرەسىپ، ومىرلەرىمەن جانە قىزىل قاندارىمەن بۇكىل ۇلتتىڭ جاپون شاپقىنشىلارىنا قارسى سوعىسىنىڭ ايبىندى داستانىن جازدى. توتەنشە ماشاقاتتى شايقاس ارقىلى جۇڭگو حالقى اقىرىندا شاپقىنشىلاردى جەڭىپ، تاياۋ زاماننان بەرگى سىرتقى جاۋدىڭ شاپقىنشىلىعىنا قارسى تۇرۋداعى ءبىرىنشى رەتكى جاپپاي جەڭىسكە قول جەتكىزدى.

  ۋاقىت زىمىراپ وتكەنىمەن، رۋح ماڭگى ساقتالادى. جاپون شاپقىنشىلارىنا قارسى سوعىستىڭ ۇلى رۋحى جۇڭگو حالقىن قيىنشىلىق، كەدەرگى اتاۋلىنى جويۋعا باستان - اياق شابىتتاندىرىپ كەلەدى.

     83 جىلدان كەيىنگى 2020 - جىلى توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدى شارپىپ، ادامزاتتىڭ ءومىرىنىڭ حاۋىپسىزدىگى مەن سالاماتتىعى اۋىر قاتەرگە ءدوپ كەلدى، بۇل ءبىر رەتكى ىس - تۇتەكسىز سوعىس.

  جۇڭگو كوممۋنيستىك پارتياسى قاي - قاشان دا حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىنا تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ توسقاۋىل شايقاسىن باتىل باستادى. ءبىر ميلليارد 400 ميلليون جۇڭگو حالقى شىدامدىلىقپەن ۇلەس قوسىپ، ىنتىماقتاسا سەلبەسىپ، ءبىر نيەتپەن ىندەتپەن شايقاسۋدىڭ بەرىك ساقتىق شەبىن ورناتىپ، اسا ماشاقاتتى قۇلشىنىس ارقىلى حۋبەيدى قورعاۋ شايقاسىندا، ۋحاندى قورعاۋ شايقاسىندا شەشۋشى سيپاتتى تابىسقا قول جەتكىزدى، بۇكىل ەلدەگى ىندەتتەن ساقتانۋ - تىزگىندەۋ توسقاۋىل شايقاسىندا ەلەۋلى ستراتەگيالىق تابىسقا قول جەتكىزدى. جۇڭگو ۆيرۋستىڭ تارالۋىن ءونىمدى تەجەپ، بۇكىل الەمنىڭ ىندەتپەن شايقاسۋىنا ماڭىزدى ۇلەس قوستى.

  لۋگوۋچياۋدىڭ بويىن تاعى ارالاپ جۇرگەندە، ۋانپيڭ كونە قالاسىن ارالاعاندا، قالا داۋالىنداعى قالىڭ وق ىزدەرىنە كوز سالعاندا، جاپون شاپقىنشىلارىنا قارسى سوعىستىڭ مىلتىق، زەڭبىرەك ءۇنى ءالى دە قۇلاققا كەلگەندەي بولادى. قازىر ءبىر رەتكى بۇكىل حالىقتىڭ ىندەتپەن شايقاسۋىنىڭ دابىلى ۋانپيڭچىڭدا قاعىلدى. ىندەتتەن ساقتانۋ - تىزگىندەۋدىڭ ءبىرىنشى شەبىندە قۇرىلعان 12 ۋاقىتتىق پارتيا ياچەيكاسىنا نەگىزگى ساتىعا بارعان كادرلار، الەۋمەتتىك اۋماق دەنساۋلىق ساقتاۋدان قىزمەت وتەۋ ورتالىقتارىنىڭ ەمدەۋ قىزمەتكەرلەرى، حالىق ساقشىلارى، الەۋمەتتىك اۋماق قىزمەتكەرلەرى سياقتى ءتۇرلى ۇيىمدارداعى پارتيا مۇشەلەرى جابال قاتىناسىپ، ۋاقىتتىق پارتيا ۇيىمدارى ءبىر تۇتاس باسشىلىق ەتىپ، ءبىر تۇتاس سايكەستىردى... بۇل بەيجيڭنىڭ تۇتاس قالا بويىنشا اتتانىسقا كەلۋىنىڭ، جالپى حالىقتىڭ ىندەتكە قارسى اتتانۋىنىڭ شاعىن كورىنىسى.

  83 جىلدان كەيىنگى 2020 - جىلى، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىل، جۇڭحۋا ۇلتىنىڭ مىڭداعان جىلداردان بەرگى كۇرەس جاساعان ارمانى اقىرىندا رەالدىققا اينالۋ الدىندا تۇر.

  كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ ”شايقاس مايدانىندا“ قالىڭ پارتيالى كادرلار دا ۋاقىتپەن جارىسىپ، وسى رەتكى قيان - كەسكى شايقاستىڭ جەڭىسىنە باتىلدىقپەن قول جەتكىزۋدە. بەيجيڭنەن اۆتوكولىكپەن جۇرگەندە 4 ساعاتتان استام جول قاشىقتىعىنداعى ىشكى موڭعۇل ۇلانسابىندا، مەملەكەت دارەجەلى 8 كەدەي حوشۇننىڭ، اۋداننىڭ كەدەيلىك قالپاعى تۇگەلدەي الىنىپ تاستالدى، الايدا ىندەتتىڭ ىقپالى سەبەبىنەن، جەرگىلىكتى ورىننىڭ اۋىل شارۋاشىلىق ونىمدەرى ساتىلماي قالۋ جاعدايى تۋىلىپ، ءىشىنارا شارۋالاردا قايتا كەدەيلەسۋ حاۋىپ - قاتەرى بەلەڭ بەردى.

  ”جاقىندا ءبىزدىڭ ۋاقىتشا مىندەت وتەۋگە جىبەرىلگەن كادرلار ۇجىمى مەملەكەت دارەجەلى 8 كەدەي حوشۇندى، اۋداندى تاعى دا تۇگەلدەي ارالاپ، 400دەن استام ەگىن، مال شارۋاشىلىق ءونىمىن رەتتەپ تاڭداپ شىعىپ، امالىن تاۋىپ وسى كەدەيلەردى سۇيەمەلدەۋ، شارۋالارعا كومەكتەسۋ ونىمدەرىن بەيجيڭنىڭ وراسان زور تۇتىنۋ بازارىمەن ۇلاستىردى“، - دەدى بەيجيڭ قالاسىنىڭ 5 - توپتا ىشكى موڭعۇلعا كومەككە كەلگەن كادرى، ۇلانساب قالالىق كەدەيلەردى سۇيەمەلدەۋ، وركەندەتۋ كەڭسەسىنىڭ ورىنباسار مەڭگەرۋشىسى ليۋ پىڭ تانىستىرىپ، ”جول ۇستىندە بولۋ“ − ۋاقىتشا مىندەت وتەۋگە جىبەرىلگەن كەدەيلەردى سۇيەمەلدەيتىن كادرلاردىڭ قىزمەتىندەگى ۇنەمىلىك كۇي، ”جەرگىلىكتى بۇقاراعا كومەكتەسىپ، زاتتارىن ساتىپ جىبەرە الساق بولعانى، قانشا جۇگىرسەك تە ەشتەڭە ەتپەيدى“.

  اۋەلگى ماقساتتى ۇمىتپاي، بورىشتى ەستە بەرىك ساقتادى! شەشۋشى ساتتە اتويلاپ الدا ءجۇرىپ، قيىن كەزەڭدە باسىن ءباي تىكتى، كوممۋنيستىك پارتيا مۇشەلەرى باستان - اياق اتويلاپ الدا ءجۇرىپ، قاستەرلى بورىشتى اقتادى، حالىقتىڭ كەلەلى تاپسىرماسىنىڭ ۇددەسىنەن شىقتى“.

  جالپى حالىقتىڭ ىندەتكە قارسى اتتانۋ شايقاس مايدانىندا، 4 ميلليون 600 مىڭنان استام نەگىزگى ساتى پارتيا ۇيىمدارى، 90 ميلليوننان استام پارتيا مۇشەلەرى كەۋدە كەرىپ العا شىعىپ، ”پارتيا مەن حالىققا بارىمدى قۇربان ەتۋگە قاي - قاشان دا دايىنمىن“ اسقاق سەرت ۇندەرىمەن كۇللى جۇڭحۋانى جاڭعىرتتى، نارت قىزىل پارتيا تۋىن ىندەتكە قارسى اتتانۋدىڭ ءبىرىنشى شەبىندە اسقاق جەلبىرەتتى...

  شەشۋشى شايقاستىڭ شەشۋشى جەڭىسىنە جەتۋدىڭ ەڭ الدىڭعى شەبىندە، كوممۋنيستىك پارتيا مۇشەلەرى اي مەن كۇنگە جاڭا الەم اش دەپ جارلىق شاشاتىن اسقاق كۇرەس جىگەرىمەن بۇقارانى باستاپ كەدەيلىككە سايىس جاريالادى. پارتيا 18 - قۇرىلتايىنان بەرى، بۇكىل ەلدە جيىنى 255 مىڭ قىستاقتا تۇرۋ قىزمەت اترەتى شىعارىلىپ، جيىنى 2 ميلليون 900 مىڭنان استام ءبىرىنشى شۋجي نەمەسە قىستاقتا تۇراتىن كادر تاڭداپ جىبەرىلدى، بۇلاردىڭ 918 مىڭى قازىر قىزمەت ورىندارىندا ىستەۋدە. ولار بۇكىل ەلدەگى كەدەيلىكتەن ارىلتۋ مىندەتىنىڭ ەڭ جاپالى جەرلەرىندە بەرىك تۇرىپ، كەدەيلىك قامالىنا سوڭعى رەت اتوي سالۋدا...

  ”بۇكىل ۇلتتىڭ جاپون شاپقىنشىلارىنا قارسى سوعىسىنان جالپى حالىقتىڭ ىندەتكە قارسى اتتانۋىنا دەيىن، ونان جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە دەيىن، جاپون شاپقىنشىلارىنا قارسى ۇلى سوعىستىڭ رۋحى باستان - اياق ءبىزدى ەرلىكپەن العا ىلگەرىلەۋگە شابىتتاندىرىپ كەلەدى“، - دەدى بەيجيڭ قالاسى فىڭتاي رايونى ۋانپيڭچىڭ اۋماعى پارتيا قىزمەت كوميتەتىنىڭ شۋجيى بو لان.

  كەزىندە لۋگوۋچياۋ وقيعاسىن ءوز باسىنان كەشىرگەن، قازىر جاسى 90عا تاياعان جىڭ فۋلاي قاريا قىزىل جەڭدىك تاعىپ، ۋانپيڭچىڭداعى ىندەتتەن ساقتانۋ - تىزگىندەۋ ەرىكتىلەرىنىڭ ءبىر مۇشەسىنە اينالدى. ”بۇرىنعىنى ۇمىتۋ − ساتقىندىق دەگەندى بىلدىرەدى، جاپون شاپقىنشىلارىنا قارسى سوعىس تاريحىن، ءسوز جوق، ەستە بەرىك ساقتاۋ كەرەك، جاپون شاپقىنشىلارىنا قارسى سوعىس رۋحىن، ءسوز جوق، جالعاستىرۋ كەرەك!“، - دەدى جىڭ فۋلاي.

  (شينحۋا اگەنتتىگىنىڭ 7 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل