قانداستىق بايلانىسى بولماعانىمەن، سۇيىسپەنشىلىكتەرى انا - بالادان كەم ەمەس

  گازەتىمىزدىڭ حوتان تىلشىلەر پۋنكتىنەن شى يىڭيىڭ

  مەملەكەتتىك ەلەكتر تورابى حوتان ەلەكترمەن قامداۋ سەرىكتەستىگىنىڭ قالا رايونىن ەلەكترمەن قامداۋ ورتالىعى نىسانىن باسقارۋعا ارناۋلى جاۋاپتى ۋاڭ يۋەحىڭ مەن شەريا اۋدانى داماگۋ اۋىلى داشى كولى قىستاعىنىڭ تۇرعىنى زەينەپ تۇردىنىڭ قانداستىق بايلانىسى بولماعانىمەن، ناعىز انا - بالادان اۋمايدى.

  1962 - جىلى ۋاڭ يۋەحىڭنىڭ اكە - شەشەسى حۋناننان شەكارا وڭىرگە كومەكتەسۋ ءۇشىن، شينجياڭعا كەلىپ، شەريا اۋدانى داماگۋ گۇڭشىسىنا بولىنەدى. ۋاڭ يۋەحىڭنىڭ شەشەسى تىگىنشى، اكەسى سۋ - ەلەكتر تەحنيكاسى كادرى بولىپ، ۇنەمى اۋىلعا بارىپ قىزمەت ىستەيتىن. ىقىلاستى، باۋىرمال زەينەپ ونىڭ ءۇيىنىڭ جاعدايىن ۇعىسقاننان كەيىن، ولاردىڭ ۇيىنە ۇنەمى بارىپ، انالى - بالالى ەكەۋىنە سەرىك بولاتىن ەدى.

  6 - ايدىڭ 10 - كۇنى، ۋاڭ يۋەحىڭ: ”زەينەپ ۇنەمى ماعان سەرىك بولىپ وينايتىن، ماعان حالىق اراسىنداعى اڭگىمەلەردى ايتىپ، بالالار اندەرىن ۇيرەتەتىن“، - دەپ ەسكە الدى. ءسوز اراسىندا ۋاڭ يۋەحىڭ ۇيعۇر تىلىندە ءان شىرقادى.

  ۋاڭ يۋەحىڭ 7 جاسقا كەلگەن جىلى، زەينەپ باسقا قىستاققا ۇزاتىلادى. ۋاڭ يۋەحىڭ وقۋعا تۇسكەننەن كەيىن، زەينەپ ونان الاڭداپ، ۇنەمى مەكتەپكە ىزدەي بارىپ، ونى كورىپ، جەمىس - جيدەك سياقتىلاردى اپارىپ بەرىپ تۇرادى.

  كەيىن ۋاڭ يۋەحىڭمەن اكە - شەشەسى شەريادان حوتان قالاسىنا كوشىپ بارىپ قونىستانادى، سونىمەن ەكى ءۇيلى جاننىڭ بارىس - كەلىسى ءۇزىلىپ قالادى. 2008 - جىلى زەينەپتى ۇنەمى ەسكە الىپ جۇرەتىن ۋاڭ يۋەحىڭ وتباسىنداعىلار اقىرى ونىڭ حابارىن تاۋىپ، اۆتوكولىكپەن ونىڭ ۇيىنە امانداسا بارادى.

  ”ارادا وسىنشاما كوپ جىل ءوتىپ كەتسە دە، سەندەردىڭ مەنى ەستەن شىعارماعاندارىڭدى، مەنى ىزدەپ كەلەتىندىكتەرىڭدى ويلاماپپىن!“، - دەيدى زەينەپ قۋانا.

  وسىدان كەيىن، ۋاڭ يۋەحىڭ قولى بوساي قالسا بولعانى وعان امانداسىپ بارىپ تۇرادى. ”قازىر مەن زەينەپتىڭ دەنساۋلىعىنان قاتتى الاڭدايمىن، ونىڭ بەلى، اياعى اۋىرادى، وعان ءدارى - دارمەك الىپ بەرمەكپىن“، - دەدى ۋاڭ يۋەحىڭ. زەينەپكە امانداسا بارعان سايىن، ۋاڭ يۋەحىڭ ءدارى - دارمەك جانە كۇرىش، ۇن، ماي سياقتى تۇرمىس بۇيىمدارىن الا بارادى ءارى ۇساق - تۇيەك الاتىن اقشا دا بەرىپ كەتەدى.

  2009 - جىلى 7 - ايدا زەينەپ پەن كەنجە قىزى ءوز ءۇيىنىڭ جەرلىك تاۋىق، جەمىس - جيدەك سياقتى ەرەكشە ونىمدەرىن الىپ، حوتانعا ۋاڭ يۋەحىڭعا امانداسا بارادى. ۋاڭ يۋەحىڭ مەن ايەلى بەكەتكە قارسى الا شىعىپ، ولاردى ۇيىنە اكەلەدى. وسىدان كەيىنگى بىرنەشە كۇندە، ۋاڭ يۋەحىڭ مەن ايەلى حوتاننان زەينەپكە كيىم - كەشەك، اياق كيىم الىسىپ بەردى...

  ”زەينەپتىڭ اياعى اۋىرادى، مەنىڭ ءۇيىم 5 - قاباتتا تۇراتىندىقتان، ءار جولى شىعىپ - تۇسكەندە ونى عيماراتقا كوتەرىپ شىعارىپ - تۇسىرەمىن. كەشتە ۇيگە قايتىپ كەلگەندە، ايەلىم سۋ قايناتىپ ونىڭ اياعىن جىلى سۋعا مالادى“، - دەدى ۋاڭ يۋەحىڭ.

  زەينەپ: ”شياۋ ۋاڭ ماعان شەشەسىندەي مامىلە جاسايدى، مەن دە ونى ۇلىمداي كورەمىن“، - دەدى.

جاۋاپتى رەداكتور: نۇربولات قابىل
  • 1
  • 2
  • 3
  • 4