بەيدوۋ جاساندى سەرىگىنىڭ الەمدىك تورى قۇرىلعاننان كەيىن، ءبارىمىزدىڭ تۇرمىسىمىزعا قانداي ىقپال كورسەتەدى؟

  

  □ شينحۋا اگەنتتىگىنىڭ تىلشىلەرى حۋ جى، ۋي دۇڭحۋا

  بەيدوۋ تورى قۇرىلعاننان كەيىن قالاي جۇمىس جۇرگىزەدى؟ تۇرمىسىمىزعا قانداي ىقپال كورسەتەدى؟ تاياۋدا بەيدوۋ الەمدىك جاساندى سەرىك جول نۇسقاۋ جۇيەسى شوقجۇلدىزدى ورنالاستىرۋدىڭ جالپى بەتتىك ورىندالۋىنا ىلەسە، ءتىلشى مىنالاردى ۇعىستى: اسپاندا بەيدوۋ جاساندى سەرىك تورىن قۇرۋدى، سونداي - اق جەر بەتىندە بەيدوۋ جەر تاعانى كۇشەيتۋ جۇيەسىن تياناق ەتكەن بەيدوۋ اناعۇرلىم كۇشتى يقۋاتپەن، اناعۇرلىم ساپالى قاسيەتىمەن اناعۇرلىم كوپ ومىرشەڭدىك كۇشتى قاۋلاتىپ، ءار كاسىپ، ءار سالاعا قۋات ۇستەپ، بۇكىل الەمگە قىزمەت وتەيدى، ادامزاتتى باقىتقا كەنەلتەدى.

  زەردەلى ”ۇلكەن مي“ باسقارۋ قاربالاستىعىنا ءتۇسىپ، كەز كەلگەن ۋاقىتتا جەلىنى جاپپاي قامتيدى

  بەيدوۋ جول نۇسقاۋ ءبىر الىپ، كۇردەلى عارىشتىق جۇيە ينجەنەرياسى، ونىڭ اسپان مەن جەردە تور قۇرعان سايكەستى اينالىمى نەشە ونداعان جۇيەنى، نەشە ون مىڭ جابدىقتى ءبىر تۇتاس جوسپارلاپ رەتكە سالۋ مەن باقىلاۋ - تىزگىندەۋدى، باسقارۋدى قامتيدى، ولاردىڭ ”ءبىر تۇتاس ارەكەتتەنىپ، قولباسشىلىققا قۇلاق اسۋىنا“ قالاي شىنايى كەپىلدىك ەتۋگە بولادى؟

  جۇڭگو ەلەكتروندى عىلىم - تەحنيكا توبى شەكتى سەرىكتەستىگىندە، تەحنيكتەر بىلاي دەپ تانىستىردى: جۇڭگو ەلەكتروندى عىلىم - تەحنيكا توبى شەكتى سەرىكتەستىگى زەرتتەپ جاساعان بەيدوۋ - 3 باسقارۋ - تىزگىندەۋ ورتالىعى زەردەلى ”ۇلكەن ميمەن“ قارايلاس، كەڭىستىك بولىگى مەن جەر بەتى بولىگىنىڭ سايكەستى اينالىمىن، جەر بەتى انتەنناسى مەن ءتۇرلى باقىلاۋ - ولشەۋ جابدىقتارىن ءبىر تۇتاس جوسپارلاپ رەتتەۋ، سونداي - اي جول نۇسقاۋ جەدەلحاتىن رەداكسيالاۋ، تىركەۋگە الۋ سياقتىلارعا قولباسشىلىق ەتەدى.

  بەيدوۋ جاساندى سەرىك جول نۇسقاۋ جۇيەسىنىڭ جۇلدىز بەن جەردى ءبىر تۇلعالاندىرىپ باسقارۋ مەن تىزگىندەۋىن جۇزەگە اسىرۋ ءۇشىن، جۇڭگو ەلەكتروندى عىلىم - تەحنيكا توبى شەكتى سەرىكتەستىگى كوپ ءتۇرلى شەشۋشى تەحنيكادان قامال الىپ، كوپ ءتۇرلى جاڭالىق اشۋ تابىستارىن زەرتتەپ - اشىپ، ەڭ سوڭىندا بۇكىل توردى جاساندى سەرىكتىڭ ىزگە ءتۇسىپ ولشەۋىن جۇزەگە اسىرىپ، نەشە ونداعان جۇيەنىڭ، ون مىڭنان استام جابدىقتىڭ تىزگىندەۋ قيىن بولۋ ماسەلەسىن شەشتى.

  بەيدوۋ جاساندى سەرىگىنىڭ ۇشۋ مىندەتى بويىنشا حاۋىپسىز ۇشۋىنا، وربيتاعا ءساتتى ەنۋىنە جانە ورنىقتى اينالىمعا تۇسۋىنە شىنايى كەپىلدىك ەتۋ ءۇشىن، جۇڭگو ەلەكتروندى عىلىم - تەحنيكا توبى شەكتى سەرىكتەستىگى قۇرلىقتا، تەڭىزدە، اسپاندا جەر بەتى رادارىن، جەر بەتى ولشەۋ - تىزگىندەۋ پۋنكتىن، تەڭىزدە ولشەۋ كەمەسىن جانە تۇتاسپالى جاساندى سەرىكتى جان - جاقتى ورنالاستىرىپ، جاپپاي قامتىعان ولشەۋ - تىزگىندەۋ تورىن تۇلعالاپ، بەيدوۋ جاساندى سەرىگىنىڭ عارىشتىق ولشەۋ - تىزگىندەۋىنە كەز كەلگەن ۋاقىتتا جەلىدە قىزمەت وتەيتىن بولدى.

  اسپاندا، جەردە ”تۇگەلدەي تور قۇرىلدى“، جەر تاعانى كۇشەيتىپ كومەك كورسەتەدى

  اسپانداعى بەيدوۋ جاساندى سەرىك تورىن قۇرۋمەن بىرگە، جەر بەتىندە تاعى بەيدوۋ جەر تاعانىن كۇشەيتۋ جۇيەسىمەن كومەك كورسەتەدى.

  بەيدوۋ جەر تاعانى كۇشەيتۋ جۇيەسى − بەيدوۋ جاساندى سەرىك جول نۇسقاۋ جۇيەسىنىڭ ماڭىزدى قۇرامداس بولىگى، 2014 - جىلى 9 - ايدا زەرتتەۋ - جاساۋ قۇرىلىسىن باستاعان، جۇڭگو قارۋ - جاراق ونەركاسىپ توبى شەكتى سەرىكتەستىگى جۇيە قۇرىلىسىنىڭ جالپى تۇلعالىق مىندەتىن ۇستىنە العان، جۇيەدەگى مەتر دارەجەلى، دەتسيمەتر دارەجەلى، سانتيمەتر دارەجەلى جانە سوڭىنان ءبىر جاقتى ەتەتىن ميلليمەتر دارەجەلى سىندى 4 ءتۇرلى جوعارى دالدىكتە قىزمەت وتەۋ شوعىرلانعان، بۇل ەل ءىشى - سىرتىنداعى العاشقى جاسامپازدىق سانالادى.

  كەزەكتە بۇل جۇيە 2500دەن اساتىن جەر تاعانىن كۇشەيتۋ پۋنكتىنەن ۇيىمداسقان بەيدوۋ جەر تاعانىن كۇشەيتۋ جۇيەسى ”بۇكىل ەلدە ءبىر توردى“ قالىپتاستىرىپ، جۇيە قۋاتى شەتەلدەگى وسى تەكتەس جۇيە تەحنيكاسى دەڭگەيىنە جەتتى.

  2015 - جىلى 8 - ايدا جۇڭگو قارۋ - جاراق ونەركاسىپ توبى قارجى بىرىكتىرىپ، جوعارى دالدىكتە ورىن تۇراقتاندىرۋ قىزمەت وتەۋ تۇعىرى − جان - جاقتى ورىن قاراستىرۋ تور شەكتى سەرىكتەستىگىن قۇرىپ، جوعارى دالدىكتى كىرىسۋ ءتۇيىنى ەتىپ، ”ينتەرنەت +“ جانە ”بەيدوۋ +“ توعىسا دامىپ، جوعارى دالدىكتى قىزمەت وتەۋ بۇلت تۇعىرىن تۇلعالاپ، بەيدوۋ جوعارى دالدىكتى ۋاقىت - كەڭىستىك قىزمەت وتەۋىنە كۇش سالىپ، بۇقارانى بەتكە العان، سەزىنۋگە بولاتىن، قاجەتكە قاراي قولداناتىن الەۋمەتتىك قىزمەت وتەۋدى قالىپتاستىردى.

  ”بەيدوۋ جوعارى كەڭىستىككە ورنالاستىرىلعان جاساندى سەرىك جول نۇسقاۋ جۇيەسى بولىپ قانا قالماستان، ونان دا ماڭىزدىسى، ءاربىر بۇقارامەن تىعىز قاتىستى مەملەكەتتىڭ كەلەلى ۋاقىت - كەڭىستىك نەگىزدىك قۇرىلعىسى بولىپ تابىلادى“. جان - جاقتى ورىن قاراستىرۋ تور شەكتى سەرىكتەستىگىنىڭ باس اتقارۋشىسى چىن جينپەي: اسپاندا بەيدوۋ جاساندى سەرىك جۇيەسى بار، جەردە بەيدوۋ جەر تاعانى كۇشەيتۋ جۇيەسى بار، جاساندى سەرىك سيگنالى جەر بەتىندە كەي كەزدەرى ءىس جۇزىندىك جاعدايعا قاراي ەسەپتەۋدى كۇشەيتۋدى قاجەت ەتەدى، - دەدى.

  تاياۋ جىلداردان بەرى، بەيدوۋ جوعارى دالدىكتى جانە بەيدوۋ قوسالقى تەز جىلدامدىقتى ورىن تۇراقتاندىرۋشىلار 500 ميلليوننان استى. كەزەكتە جۇڭگونىڭ قارۋ - جاراق ونەركاسىپ توبى جۇڭگو جىلجىمالى حابارلاسۋ سەرىكتەستىگىمەن، جۇڭگو ەلەكتروندى عىلىم - تەحنيكا توبى شەكتى سەرىكتەستىگىمەن بىرلەسىپ بەيدوۋ - 3 وڭىرلىك قىسقا جەدەلحات قولدانىلمالى قىزمەت وتەۋ تۇعىرىن قۇرۋدى مىقتى يگەرۋدە، الداعى جەردە بەيدوۋ جوعارى دالدىكتى، قىسقا جەدەلحات قىزمەت وتەۋى جانە 5G، ۇلكەن ساندى مالىمەت، بۇلتتىق ەسەپتەۋ سياقتىلاردى توعىستىرا جاڭالىق اشۋدى پارمەندى ىلگەرىلەتەدى.

  ”بەيدوۋ“ بۇقارانىڭ وتباسىنا ەنىپ، ءار سالا، ءار كاسىپكە كۇش ۇستەيدى

  جەدەل جەتكىزۋ، سىرتتان تاماق جەتكىزۋ كولىكتەرى قوعام حاۋىپسىزدىگى قاتىناس ساقشىلارىنىڭ سىپات الۋىنا كومەكتەسە الادى، قالانىڭ شۇعىل جاعدايعا توتەپ بەرۋ، رەتتەۋ، قۇتقارۋ - كومەكتەسۋىنە ات سالىسا الادى، تاسىمال كولىكتەرىنىڭ ورىن تۇراقتاندىرۋ ساندى مالىمەتىنەن قالانىڭ تۇتىنۋ ءوڭىرىنىڭ تارالۋىنا تالداۋ جاساي الادى، جەدەل جەتكىزۋ سەرىكتەستىكتەرى جەتكىزۋ ساندى مالىمەتتەرى جانە قاتىناۋ ساندى مالىمەتتەرىنە تالداۋ جاساۋ ارقىلى جەتكىزۋ جولىن جاقسارتا الادى...

  جىجياڭدا، بەيدوۋ كەڭىستىك ورىن تۇراقتاندىرۋ تەحنيكاسىن نەگىز ەتكەن ءبىر قىدىرۋ قولدانىلىمدار ەڭ سوڭعى ءبىر بەيدوۋ - 3 تور قۇرۋ جاساندى سەرىگىنىڭ ءساتتى ۇشىرىلىپ وربيتاعا ەنۋىنە ىلەسە، بىرتىندەپ رەالدىققا اينالۋدا.

  ”تور قۇرۋ ءساتتى بولعاننان كەيىن، بەيدوۋ كەڭىستىك ورىن تۇراقتاندىرۋ تەحنيكاسى حالىق تۇرمىسى سالاسىندا اناعۇرلىم كوپ قولدانىلاتىن بولادى“. حاڭجوۋ بەيدوۋ ۋاقىت - كەڭىستىك زەرتتەۋ اكەدەمياسىنىڭ تەحنيكا باس باقىلاۋشىسى چىن جىڭۋي: بەيدوۋ قاراپايىم ورىن تۇراقتاندىرۋ جانە حابارلاسۋ عانا ەمەس، قايتا جوعارى جىكتە قولدانۋ نەگىزى ساناتىندا تاعى اناعۇرلىم كەڭ قولدانىلۋ كەڭىستىگى بار، - دەدى.

  بەيدوۋ جوعارى دالدىكتى ورىن تۇراقتاندىرۋ تەحنيكاسىنان پايدالانىپ، جەرگىلىكتى ورىن سىرتتان تاماق جەتكىزۋ جانە جەدەل جەتكىزۋ كولىكتەرىنە بەيدوۋ جوعارى دالدىكتى ورىن تۇراقتاندىرۋ قالىپتارىن ورناتىپ، جاعراپيالىق ورنىن ناق ۋاقىتىندا جەتكىزۋ ارقىلى كولىكتىڭ جولدا قاتىناۋ جولىن ناقتى ۋاقىتتا كارتادا كورسەتەدى.

  ”پارىق نەشە سانتيمەتر عانا، كولىكتىڭ جولدا قاتىناۋ جاعدايىن ەرەكشە دالدىكپەن تۇجىرىمداپ، ارتقى تەكشە ساندى مالىمەتتى ەسەپتەۋ ارقىلى كولىكتەردىڭ قىزىل شىراقتان كەسىپ وتكەن - وتپەگەندىگىن، بەلگىلەمەگە قايشى توقتاعان - توقتاماعاندىعىن تۇجىرىمداي الادى، وسى ارقىلى كاسىپتەردى ءوزىن باسقارۋىن جانە جۇيەگە ءتۇسىرۋىن ورىندايدى“.

  مۇنان سىرت، بەيدوۋ تەحنيكاسىنىڭ قولدانىلۋى تاعى قوعام حاۋىپسىزدىگى قاتىناس ساقشىلارىنىڭ ەلەۋلى دەلولار نەمەسە وقيعا تۋىلعان كەزدە سىپات الۋىنا كومەكتەسە الادى. وسى جەتكىزۋشى كولىكتەر بولاشاقتا تاعى قالانىڭ شۇعىل جاعدايعا توتەپ بەرۋ، رەتتەۋ جۇيەسىنە ەنگىزىلىپ، توسىن جاعداي تۋىلىپ، قۇتقارۋ - كومەكتەسۋ قاجەت بولعاندا، بەيدوۋ ورىن تۇراقتاندىرۋ تەحنيكاسىنان پايدالانىپ جاقىن ماڭداعى اۆتوكولىكتەردى كومەك كورسەتۋگە جىلدام شاقىرا الادى.

  بەيدوۋ الەمدىك تور قۇرۋ جاساندى سەرىگىن ۇشىرۋ تولىق اياقتاعاننان كەيىن، بەيدوۋ جۇيەسى بۇكىل الەمگە قىزمەت وتەپ شىت جاڭا باستامانى قارسى الادى. بەيدوۋ جاساندى سەرىك جول نۇسقاۋ جۇيەسى ينجەنەرياسىنىڭ باس جوبالاۋشىسى ياڭ چاڭفىڭ مىنالاردى ءبىلدىردى: 2035 - جىلعا جەتكەندە، جۇڭگو اناعۇرلىم كەڭ كولەمدى، اناعۇرلىم توعىسقان، اناعۇرلىم زەردەلى مەملەكەتتىك جالپىلىق ورىن تۇراقتاندىرۋ جول نۇسقاۋ ۋاقىت قىزمەتى جۇيەسىن قۇرىپ، ۋاقىت - كەڭىستىك ينفورماتسيالىق قىزمەت وتەۋ قابىلەتىن اناعۇرلىم جوعارىلاتادى. بەيدوۋ اناعۇرلىم كۇشتى يقۋات، اناعۇرلىم ساپالى قاسيەت ارقىلى بۇكىل الەمگە قىزمەت وتەيدى، ادامزاتتى باقىتقا كەنەلتەدى.

  (شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4