ەسەكتىڭ ”قاتاردان قالۋىنان“ دوڭگەلەك داۋلەتتىڭ قارقىنىنا نازار سالعاندا

ەسەكتىڭ ”قاتاردان قالۋىنان“ دوڭگەلەك داۋلەتتىڭ قارقىنىنا نازار سالعاندا

□ جاڭ بەي

  بازار، كەدەيلەردى سۇيەمەلدەۋ زاۆودتتارىنىڭ ماڭىندا... ەسەك اربا كورىنبەيتىن بولدى، كوزگە تۇسەتىنى ەلەكترسيكل، موتوتسيكل جانە شاعىن اۆتوكولىك − جۋىقتا شينحۋا اگەنتتىگىنىڭ ءبىر حابارىندا وڭتۇستىك شينجياڭ ءوڭىرىنىڭ جۋىق جىلداردان بەرگى قاتىناس قۇرالدارىنداعى وزگەرىستەرگە نازار اۋدارىلدى. تۇرمىستاعى بۇل تىڭ كورىنىس بىزگە جەرگىلىكتى ورىنداعى بۇقارانىڭ كەدەيلىكتەن ارىلۋدان قامال الۋدىڭ جولىندا بار قايراتىمەن العا ۇمتىلعان اسقاق بەينەسىن سەزىندىردى.

  ەسەكتەن ”ەلەكترلى ەسەككە“ دەيىن، سىرتتاي قاراعاندا قاتىناس قۇرالدارىنداعى وزگەرىس بولعانىمەن، ونىڭ استارىندا وڭتۇستىك شينجياڭنىڭ ەكونوميكاسى، قوعامى قارىشتاي دامىعان قۋانارلىق فاكت جاتىر. اسفاليتتاندىرىلعان جول ءاربىر اۋىلعا، شارت - جاعدايى بار ءاربىر قۇرىلىمدىق قىستاقتارعا دەيىن سالىنىپ، اسىلىندە ەسەك عانا جۇرە الاتىن ءيىر - قيىر تار جولدار كەڭ اسفاليت جولعا اينالدى. مەيلى اۋىل شارۋاشىلىعى ونىمدەرىنىڭ ساپاسى ارتىپ، ونىمدىلىگى جوعارىلاسىن، الدە باسقا سالاعا ويىستىرىلىپ جۇمىستانۋ ارقىلى كاسىپ سالاسى جۇمىسشىنا اينالسىن، وسى ارقىلى قالتاسى قامپيعان ءار ۇلت بۇقاراسى ءوز قاجەتىنە ساي وسىزاماندانعان قاتىناس قۇرالدارىن ساتىپ الا الاتىن بولدى.

  ميمىرتتاپ جۇرەتىن ەسەك اربا ەلەسكە نەمەسە ساياحات مادەنيەتىنىڭ بەلگىلەرىنە اينالىپ، ونىڭ ورنىن جەلدەي ەسكەن ەلەكترلى وسىزاماندانعان قاتىناس قۇرالدارىمەن جۇمىسقا بارۋ باستى، سىرتقا شىعىپ ءتىپتى دە كەڭ دۇنيەگە تالپىنۋ، وسىزاماندانۋ وڭتۇستىك شينجياڭ بۇقاراسىنا تەك تۇرمىس ريتىمىنىڭ تەزدەۋىن عانا الا كەلگەن جوق، ونان دا ماڭىزدىسى، كورگەن - بىلگەنىن مولايتتى جانە ءداۋىر ساناسىن كۇشەيتتى، يدەيالىق كوزقاراستاعى مۇنداي وزگەرىس كەدەيلىكتەن ارىلىپ بايۋ جولىنا ءتۇسۋدىڭ ىشكى قوزعاۋشى كۇشىن قاۋلاتتى.

  سوندىقتان وڭتۇستىك شينجياڭنىڭ داڭعىلدارى مەن كوشەلەرىندەگى قاتىناس قۇرالدارىنداعى وزگەرىس بىزگە جەرگىلىكتى ورىنداعى بۇقارانىڭ تۇرمىسىنىڭ جاقسارعانىن عانا ەمەس، ولاردىڭ اۋىل - قىستاقتىڭ بەت - بەينەسىن وزگەرتۋدەگى ۋاقىت كۇتىپ تۇرمايدى دەيتىن جالىندى جىگەرلەرىن، اناعۇرلىم تاماشا دا تىڭ تۇرمىستى جاراتۋعا بولعان سەنىمدەرىن، دوڭگەلەك داۋلەتتىلىك جولىنداعى قۇلشىنا ۇمتىلعان قايراتىن ايگىلەدى.

(”لەپتى لەبىز“ ماقالا قابىلداۋ حات ساندىعى : xjrbplb@126.com)

جاۋاپتى رەداكتور: ريزا حاميت
  • 1
  • 2
  • 3
  • 4