رايونىمىز كوپ شارانى قاتار قولدانىپ، شاعىن، ۇساق كاسىپورىنداردىڭ قارجى قۇراۋ قيىنشىلىعىن شەشتى

تۇعىر ورناتىپ، كەپىلدىكتى كۇشەيتىپ، جاڭالىق اشۋعا ءمان بەردى

رايونىمىز كوپ شارانى قاتار قولدانىپ، شاعىن، ۇساق كاسىپورىنداردىڭ قارجى قۇراۋ قيىنشىلىعىن شەشتى

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 6 - ايدىڭ 27 - كۇنى ۇرىمجىدەن حابارلايدى. بيىل جىل باسىنان بەرى، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى قارجى قۇراۋدى ءتۇيىستىرۋ تۇعىرىن ورناتۋ، كەپىلدىكتىڭ سۇيمەندىك رولىن ساۋلەلەندىرۋ، شاعىن سوماداعى قارىز بەرۋشى سەرىكتەستىكتەردىڭ قارجى قۇراۋ بويىنشا قىزمەت وتەۋ قابىلەتىن جوعارىلاتۋ سياقتى شەشۋشى بۋىنداردان ىسكە كىرىسىپ، شاعىن سوماداعى قارىز، قارجى قۇراۋ كەپىلدىگى، قارجى قۇراۋ بويىنشا جالعا بەرۋ، كىرەۋگە قويۋ سياقتى جەرگىلىكتى تۇردەگى فينانس قۇرىلىمدارى رەفورماسىن تەرەڭدەتىپ، شاعىن، ۇساق كاسىپورىنداردىڭ قارجى قۇراۋ قيىنشىلىعىن شىنايى شەشتى.

  اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى ۇيىمداستىرىپ، زەرتتەپ - اشقان شينجياڭ ۇكىمەت، بانكە، كاسىپورىن كەشەندى قىزمەت وتەۋ دۇكەنى تاياۋدا رەسمي جەلىگە قوسىلماق. ”اتالعان تۇعىرعا بانكە كاسىبىنىڭ ءتۇرلى قارىز ونىمدەرى جانە رۇقسات بەرۋ شارتى، راسىمدەۋ تارتىپتەرى سياقتى ينفورماتسيالار قوندىرىلعان، ءتۇرلى كاسىپورىندار تۇعىرعا كىرىپ، وزىنە قاجەتتى فينانس ونىمدەرىن وزدىگىنەن ىزدەستىرە الادى، جۇيە كاسىپورىنعا ۇيلەسەتىن فينانس ونىمدەرىن اۆتوماتتى تۇردە سايكەستىرىپ بەرەدى، بۇل بانكە مەن كاسىپورىن اراسىنداعى ينفورماتسيانىڭ ۇيلەسىمسىزدىگى ماسەلەسىن ءونىمدى شەشىپ، كاسىپورىنداردىڭ قارجى قۇراۋعا قولجەتىمدىلىگىن جوعارىلاتادى“، - دەدى اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى فينانستى ورنىقتىرۋ باسقارماسىنىڭ جاۋاپتىسى فۋ يۇڭچياڭ.

  بيىل جىل باسىنان بەرى، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى حالىق بانكەسى ءۇرىمجى ورتالىق تارماق بانكەسىنە سايكەسىپ 300 ميلليارد يۋاندىق ارنايى قايتالاي قارىز بەرۋ، 500 ميلليارد يۋاندىق قايتالاي قارىز بەرۋ، قايتالاي ديسكونتتاۋ جانە قايتالاي قارىز بەرۋگە، قايتالاي ديسكونتتاۋعا جاڭادان ءبىر تريلليون يۋاندىق كۆوتا بەرۋ ساياساتىن ويداعىداي تياناقتاندىرىپ، فينانس قۇرىلىمدارىن امانات - قارىز بەرۋ سەرپىنىن ارتتىرۋعا جەتەكتەپ، اۋىل شارۋاشىلىعىنا ساياتىن، حالىقتىق جانە شاعىن، ۇساق كاسىپورىنداردىڭ جۇيەلى تۇردە جۇمىستى، ءوندىرىستى قالپىنا كەلتىرۋىنە قولداۋ كورسەتتى. 5 - ايدىڭ اقىرىندا شينجياڭ فينانس قۇرىلىمدارى جۇمىستى، ءوندىرىستى قالپىنا كەلتىرۋگە جيىنى 273 ميلليارد 111 ميلليون يۋان قارىز بەردى.

  ”كەپىلدىك − كاسىپورىنداردىڭ سەنىمىن نىعايتۋدىڭ ماڭىزدى شاراسى، بانكەنىڭ حاۋىپ - قاتەردەن ساقتانۋىنىڭ قاجەتتى ءتاسىلى. قارجى قۇراۋعا كەپىل بولۋ سالاسىن ويداعىداي دامىتۋ كاسىپورىنداردىڭ قارىز الۋعا قولجەتىمدىلىگىن جوعارىلاتا الادى“، - دەدى اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى باقىلاۋ - باسقارۋ 1 - باسقارماسىنىڭ 2 - دارەجەلى تەكسەرىپ - زەرتتەۋشىسى لياڭ يۇيۋىن. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى قارجى قۇراۋعا كەپىل بولۋشى 2 - توپتاعى 10 سەرىكتەستىكتىڭ حالىق بانكەسىنىڭ سەنىمدىلىك جۇيەسىنە كىرۋىن ىلگەرىلەتىپ، ولاردىڭ كاسىپورىنداردىڭ سەنىمدىلىگى تۋرالى ينفورماتسيالاردى تەكسەرۋىنە قولايلىلىق جاسادى؛ سونداي - اق قارجى قۇراۋعا كەپىل بولۋشى سەرىكتەستىكتەردى ىندەتتەن ساقتانۋ - تىزگىندەۋدەگى ءتۇيىندى ءوندىرىس كاسىپورىندارىنا الدىمەن كەپىل بولۋعا ىنتالاندىرىپ، كەپىل بولۋشى سەرىكتەستىكتەردى كەپىل بولۋ اقىسىن بۇرىنعى %2 ~ %3تەن %0.5 ~ %1.5كە دەيىن تومەندەتۋگە ىنتالاندىردى. 5 - ايدىڭ سوڭىندا بۇكىل شينجياڭداعى قارجى قۇراۋعا كەپىل بولۋشى سەرىكتەستىكتەر ورتا، شاعىن، ۇساق كاسىپورىندار مەن ”اۋىل شارۋاشىلىعى، اۋىل - قىستاق، شارۋالار“ كاسىپورىندارى ءۇشىن جالپى 28 مىڭ 301 رەت قارجى قۇراۋعا كەپىل بولۋ كاسىبىن ۇسىنعان.

  فينانس ونىمدەرىنە جاڭالىق ەنگىزىپ، قارجى قۇراۋ ارنالارىن كەڭەيتۋ دە كاسىپورىنداردىڭ قارجى قۇراۋ قيىنشىلىعىن شەشۋدىڭ ماڭىزدى شاراسى سانالادى. ”فينانس ونىمدەرى نەعۇرلىم الۋان ءتۇرلى، فينانس ارنالارى نەعۇرلىم كوپ نەگىزدى بولعان سايىن، كاسىپورىنداردىڭ تاڭداۋ مۇمكىندىگى دە سولعۇرلىم جوعارى بولادى دا، ءوز قاجەتىنە ۇيلەسەتىن فينانس ءونىمىن سولعۇرلىم وڭاي تاۋىپ، ءوزىنىڭ قارجى سۇرانىسىن قاناعاتتاندىرا الادى“. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى فينانستى دامىتۋ باسقارماسىنىڭ باستىعى جياڭ ۋىنيىڭ بىلاي دەدى: اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى قاتىستى تاراۋلارمەن بىرلەسىپ جاڭالىق اشا وتىرىپ جەكە ساۋدا - ونەركاسىپشىلەردىڭ شاعىن سوماداعى امانات - قارىز ساياساتىن ورتاعا قويعان، 5 - ايدىڭ سوڭىندا جەكە ساۋدا - ونەركاسىپشىلەردىڭ شاعىن سوماداعى امانات - قارىزىنان جالپى 100 مىڭ 100 ادامعا 5 ميلليارد 245 ميلليون يۋان بەرىلگەن. مۇنان سىرت، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى تاعى كاسىپورىنداردى كوپ ساتىلى كاپيتال بازارىنا بارىپ قارجى قۇراۋعا جەتەكتەپ، كاسىپورىندار مەن بانكەلەر ارا بازاردا بورىشتىق قارجى قۇراۋ قۇرالدارىن تاراتۋىنا قولداۋ كورسەتكەن.

جاۋاپتى رەداكتور: ريزا حاميت
  • 1
  • 2
  • 3
  • 4