جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

كەدەيلىكتەن ارىلتۋدان قامال الۋدى قولدادى:

جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

  شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى (ءتىلشى يۇي چيۇڭيۋان). ءتىلشىنىڭ مەملەكەتتىك سالىق باس مەكەمەسىنەن ۇعىسۋىنشا، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋگە دەم بەرۋ ءۇشىن، سالىق تاراۋلارى جاڭا نۇسقاداعى سالىق جيناۋ تيىمدىلىك ساياساتى باعدارناماسىن جاريالاپ، كەدەي وڭىرلەردىڭ نەگىزدىك قۇرىلعىلار قۇرىلىسىن قولداۋ، اۋىل شارۋاشىلىعىنا ساياتىن كاسىپ سالاسىن دامىتۋدى ىلگەرىلەتۋ، كەدەي وڭىرلەردىڭ شارۋاشىلىق قۇرۋ، جۇمىستاندىرۋ ومىرشەڭدىگىن قاۋلاتۋ، جالپىعا ءتيىمدى فينانستىڭ دامۋىن ىلگەرىلەتۋ، بايىرعى توڭكەرىستىك بازالاردىڭ، از ۇلت وڭىرلەرىنىڭ، شەكارا جانە شالعاي وڭىرلەردىڭ، كەدەي وڭىرلەردىڭ جەدەل دامۋىن جەبەۋ، قوعامدىق كۇشتەردى كەدەيلەردى سۇيەمەلدەۋگە جىلۋ اتاۋ سەرپىنىن ارتتىرۋعا شابىتتاندىرۋ سياقتى 6 جاقتان كەدەيلىكتەن ارىلتۋدان قامال الۋدى ىلگەرىلەتەتىن 110 ءتيىمدى ساياساتتى اتقاردى.

  باعدارنامادا مىنالار ايقىندالدى: مەملەكەت ءتۇيىندى سۇيەمەلدەيتىن الەۋمەتتىك نەگىزدىك قۇرىلعىلار نىسانىن جۇرگىزەتىن كاسىپورىنداردىڭ تابىس سالىعىن ”3 جىل كەشىرۋ، 3 جىل جارتىسىن ازايتۋ“، اۋىل - قىستاق ەلەكتر تورابىن قورعاۋ اقىسىنان ارتقان قۇن سالىعىن الماۋ سياقتى ساياساتتار كەدەي وڭىرلەردىڭ ەكونوميكالىق، قوعامدىق دامۋ ورتاسىن ساپالىلاندىرادى. جەردەن پايدالانۋ ۇقىعى اۋىل شارۋاشىلىعى وندىرىسشىلەرىنىڭ اۋىل شارۋاشىلىعى وندىرىسىنە پايدالانۋىنا بەرىلگەندەرىنەن ارتقان قۇن سالىعىن الماۋ، كوتەرمەگە بەرىلگەن جەر اۋىل شارۋاشىلىعى وندىرىسشىلەرىنىڭ اۋىل شارۋاشىلىعى وندىرىسىنە پايدالانۋىنا وتكەرىپ بەرىلگەندەرىنەن ارتقان قۇن سالىعىن الماۋ، اۋىل - قىستاق جەر، ءۇي ۇقىعىن ايقىنداۋ بويىنشا تىركەۋدەن كەلىسىم سالىعىن الماۋ سياقتى ساياساتتار كەدەي وڭىرلەردىڭ ”ءوزىن - ءوزى دامىتۋ “ يقۋاتىن ارتتىرۋعا دەم بەرەدى.

  ارتقان قۇن سالىعىن شاعىن كولەمدە تاپسىرۋشىلاردىڭ ساتۋ مولشەرى شەكتى ولشەم ىشىندە بولعاندارىنان ارتقان قۇن سالىعىن الماۋ، پايداسى ماردىمسىز شاعىن كاسىپورىنداردىڭ كاسىپورىن تابىس سالىعىن ازايتۋ جانە كەشىرۋ... مەملەكەت شارۋاشىلىق قۇرۋ، جۇمىستاندىرۋ ساياساتىنىڭ قولداۋ سەرپىنىن ۇزبەي ارتتىرىپ، شاعىن، ۇساق كاسىپورىندارعا تيىمدىلىك جاساۋ ساياساتىنىڭ كولەمىن ارتتىرىپ، جۇمىسسىز، مۇگەدەك سياقتى ءتۇيىندى توپتاردىڭ نەمەسە ەرەكشە توپتاردىڭ جۇمىستانۋىنا، شارۋاشىلىق قۇرۋىنا ساياساتتىق قولداۋ كورسەتۋدى كۇشەيتىپ، كەدەي وڭىرلەردەگى بۇقارانىڭ كەدەيلىكتەن ارىلىپ بايۋداعى ىشكى قوزعاۋشى كۇشىن پارمەندى ارتتىردى.

  سالىق جيناۋ ساياساتى سالىقتى كەشىرۋ، كىرىستى كەمەيتىپ ەسەپتەۋ، دايىندىق قوردى سالىق تولەۋدەن بۇرىن شىعارىپ تاستاۋ، سالىقتى ىقشام ەسەپتەۋ سياقتى كوپ ءتۇرلى تاسىلدەر ارقىلى شارۋا وتباسىلارىن جانە شاعىن، ۇساق كاسىپورىنداردى ءتۇيىندى وبيەكتى ەتىپ، فينانس قۇرىلىمدارىن جانە قامسىزداندىرۋ، كەپىل بولۋ، شاعىن سومادا قارىز اقشا بەرۋ سەرىكتەستىكتەرىن كەدەيلەردى سۇيەمەلدەۋ - وركەندەتۋ بويىنشا فينانستىق قولداۋ سەرپىنىن ارتتىرۋعا شابىتتاندىرادى. ماسەلەن، فينانس قۇرىلىمدارىنىڭ شارۋا وتباسىلارىنا شاعىن سومادا بەرگەن قارىز اقشاسىنىڭ ءوسىم كىرىسىنەن ارتقان قۇن سالىعىن الماۋ، فينانس قۇرىلىمدارىنىڭ شاعىن، ۇساق كاسىپورىندارعا، سونداي - اق جەكە ساۋدا - ونەركاسىپشىلەرگە شاعىن سومادا بەرگەن قارىز اقشاسىنىڭ ءوسىم كىرىسىنەن ارتقان قۇن سالىعىن الماۋ سياقتىلار.

  باتىس بولىك وڭىرلەردە شابىتتاندىرىلاتىن كاسىپتىك كاسىپورىندارعا تابىس سالىعى جاعىنان تيىمدىلىك جاساۋ، قونىس جاڭالاپ سۇيەمەلدەنەتىن كەدەيلەردىڭ قاتىستى كىرىستەرىنەن جەكەلەر تابىس سالىعىن الماۋ سياقتى ساياساتتار كەدەيلىكتەن ارىلتۋدان قامال الۋدى وڭىرلەردى سايكەستىرە دامىتۋدى جەبەۋمەن ۇشتاستىرۋعا تاباندى بولادى.

  كاسىپورىنداردىڭ شارتقا ۇيلەسەتىن كەدەيلەردى سۇيەمەلدەۋ بويىنشا اتاعان جىلۋىن تابىس سالىعىن تولەۋدەن بۇرىن ءوز قالپىنشا شىعارىپ تاستاۋ، شارتقا ۇيلەسەتىن كەدەيلەردى سۇيەمەلدەۋ بۇيىمدارىن جىلۋعا اتاۋدا ارتقان قۇن سالىعىن الماۋ، جەكەلەردىڭ الەۋمەتتىك يگىلىك سيپاتتى قوعامدىق ۇيىمدار نەمەسە مەملەكەت ورگاندارى ارقىلى ىستەگەن الەۋمەتتىك يگىلىك قايىرىمدىلىق ىستەرى بويىنشا اتاعان جىلۋىن جەكەلەر تابىس سالىعىن تولەۋدەن بۇرىن شىعارىپ تاستاۋ سياقتى ساياساتتار قوعامدىق كۇشتەردى كەدەيلىكتەن ارىلتۋدان قامال الۋعا بەلسەنە ات سالىسۋعا كەڭىنەن جەتەكتەپ، قوعامدىق كۇشتەردى كەدەيلەردى سۇيەمەلدەۋ بويىنشا جىلۋ اتاۋ سەرپىنىن ارتتىرۋعا شابىتتاندىرىپ، قوعامدىق كۇشتەردى كەدەيلەردى سۇيەمەلدەۋدە اناعۇرلىم جاقسى رول اتقارۋعا جەبەدى.

جاۋاپتى رەداكتور: ريزا حاميت