وڭتۇستىك شينجياڭنىڭ كەدەيلەردى سۇيەمەلدەۋ ءبىرىنشى شەبىندەگى ستۋدەنتتەر

وڭتۇستىك شينجياڭنىڭ كەدەيلەردى سۇيەمەلدەۋ ءبىرىنشى شەبىندەگى ستۋدەنتتەر

□ شينحۋا اگەنتتىگىنىڭ ءتىلشىسى سۇن جى

  ”وڭتۇستىك شينجياڭ اۋىل - قىستاقتارىنىڭ ويىمداعىدان مۇلدە باسقاشا بولارىن ويلاماپپىن، قىستاق تۇرعىندارىنىڭ مۇنشاما اشىق - جارقىن ەكەندىگىن ويلاماپپىن، وسى ءبىر جىلدا ءوزىمنىڭ وسىنشالىق العا باسارىمدى دا ويلاماپپىن“. ءۇشتۇرپان اۋدانى العا قالاشىعى جارباسى قىستاعىندا وتكەن ”قىستاقتا تۇرۋ“ ءبىر جىلدىق تۇرمىسىن اياقتار الدىندا تۇرعان تيان تيان ءوز اسەرىن وسىنداي 3 ”ويلاماپپىن“ دەگەن سوزبەن تۇيىندەدى.

  2018 - جىلى جارباسى قىستاعى ”وقۋشىلاردىڭ پراكتيكا قىزمەت پۋنكتىن“ قۇرىپ، شينجياڭ داشۋەسى، شينجياڭ شىفان داشۋەسى سياقتى مەكتەپتەردە جۇڭگو از ۇلت ءتىل - ادەبيەتىن (ۇيعۇر ءتىلى) وقيتىن پراكتيكانتتارعا ءتىلدى پراكتيكادان وتكىزەتىن تۇعىر قۇرىپ بەرۋمەن بىرگە، نەگىزگى ساتىداعى كەدەيلەردى سۇيەمەلدەۋ كۇشتەرىن دە نىعايتتى، تولىقتادى. 2019 - جىلى 7 - ايدا شينجياڭ داشۋەسى ۇيعۇر ءتىلى ماماندىعىندا وقيتىن 3 - جىلدىق ستۋدەنت تيان تيان جانە ونىڭ 5 ساباقتاسى جارباسى قىستاعىنا كەلىپ، ءبىر جىلدىق پراكتيكالارىن باستاعان - دى.

  سولتۇستىك شينجياڭدا تۋىپ - وسكەن تيان تياننىڭ جانە ونىڭ ساباقتاستارىنىڭ وڭتۇستىك شينجياڭ تۋرالى بىلەرى شامالى ەدى. ”بۇرىن بۇل جەردىڭ شارت - جاعدايى جاپالىراق دەگەندى عانا ەستيتىنبىز، وقىتۋشىلارىمىز بىزگە كوڭىل بولۋگە ءتيىستى ىستەردى تانىستىرعانىمەن دە بۇل جەردە ءبىز بىلمەگەن تالاي وزگەشەلىكتەردىڭ بارلىعىن كەلگەن سوڭ عانا بىلدىك“.

  العاش كەلگەندە - اق جارباسى قىستاعى تيان تياننىڭ بۇرىنعى تانىمىن وزگەرتتى. ”قىستاقتا وسىزاماندانعان كورپە - جاستىق زاۆودى، كيىم - كەشەك فابريكاسى جانە جاڭعاق وڭدەۋ زاۆودى بار، قىستاق تۇرعىندارى ءۇيىنىڭ ماڭايىندا جۇمىستانا الادى ەكەن“. قىستاقتىڭ ورنالاستىرۋى بويىنشا تيان تيان مەن ونىڭ ساباقتاستارى قىستاقتاعى كاسىپ سالاسى نىساندارىنىڭ كۇندەلىكتى جاۋاپتىلارى بولدى. بۇعان دەيىن كاسىپ سالاسىنىڭ ىسىمەن اينالىسىپ كورمەگەن ولار جۇمىستى نولدەن باستاپ، ءار كۇنى قىزمەتشىلەردىڭ كەلىپ - كەتۋىن تەكسەرىپ، ونىمدەردى ساناپ جانە ارحيۆتەردى باسقارىپ، قىستاق تۇرعىنىنىڭ وتباسى جاعدايىن ۋاق - ۋاق ۇعىسىپ تۇردى.

  ”العاش قولعا العان كەزدە نە ءۇشىن ءار كۇنى وتباسىلارىن ارالايمىز دەپ بايىبىنا بارا المادىم؟ كەيىن كوپتەگەن قىستاق تۇرعىندارىنىڭ وتباسى جاعدايىن تەك وتباسىلارىن ارالاعان كەزدە عانا يگەرۋگە بولاتىندىعىن بايقادىم“. تيان تيان بىلاي دەدى: قازىر مەن ءوزىمنىڭ باسقارۋىما بەرىلگەن گرۋپپانىڭ جاعدايىن بەس ساۋساعىمداي يگەرىپ، ءبىرتالاي قىستاق تۇرعىندارىمەن دوس بولدىم.

  تيان تيان مەن ونىڭ ساباقتاستارىنىڭ 2 - مىندەتى جارباسى قىستاعىنداعى كەشكى مەكتەپكە وقىتۋشى بولۋ ەدى. ءار سەيسەنبى كەشتە جارباسى قىستاعىنىڭ قىستاق تۇرعىندارىنا قىزمەت وتەۋ قيمىل ورتالىعى قىستاقتاعى ەڭ دۋماندى جەرگە اينالادى. قوس ءتىل بىلەتىن ارتىقشىلىقتارىنىڭ ارقاسىندا، تيان تيان مەن ونىڭ ساباقتاستارى وتەتىن مەملەكەتتە ءبىر تۇتاس قولدانىلاتىن ءتىل - جازۋ ساباعى ۇعىنىقتى، ۇيرەنۋگە وڭاي بولىپ، قىستاق تۇرعىندارىنىڭ جاپپاي قارسى الۋىنا بولەندى. ”ساباقتان كەيىن دە ءبىزدىڭ سوڭىمىزدان ەرىپ ساباق سۇرايتىندار بولادى“، - دەيدى تيان تيان.

  قازىر پۋتۇڭحۋامەن سويلەسە الاتىن قىستاق تۇرعىندارىنىڭ قاتارى كوبەيە تۇسكەنىنە ول ايرىقشا قۋانۋلى. ”جولدا كەتىپ بارا جاتساڭ، قىستاق تۇرعىندارى بىزگە ىرىقتىلىقپەن امانداسىپ جاتادى“، - دەيدى ول.

  ”العاش كەلگەنىمىزدە قىستاقتا ءماشىراپقا بيلەگەننەن باسقا مادەني - كوڭىل اشۋ قيمىلدارى جوق ەكەن“. تيان تيان مەن ونىڭ ساباقتاستارى قىستاق تۇرعىندارىنىڭ تۇرمىسى كۇننەن - كۇنگە دۋمانداي تۇسكەنىمەن، مادەنيەت، دەنە تاربيە قيمىلدارىنىڭ باياعىداي ءبىر سارىندى ءارى كەمشىل ەكەنىن بايقاپ، قىستاققا وزگەرىس اكەلۋگە بەكيدى. ول سەرىكتەرىمەن بىرگە ويىن نومىرلەرىن دايىنداپ، كۋايشان ۇيىمداستىرىپ، الاڭدا وزدەرى جۇرگىزۋشى، وزدەرى ارتيست بولىپ، قىستاقتاعى مادەنيەت، دەنە تاربيە قيمىلدارىن دۋمانداتۋعا تىرەك بولدى. ءبىر جىلعا جۋىق ۋاقىتتا ولار ىلگەرىندى - كەيىندى 40 رەتكە جۋىق مادەنيەت، دەنە تاربيە قيمىلىنا قاتىناستى جانە ونى ۇيىمداستىردى.

  بۇرىن وڭتۇستىك شينجياڭ اۋىل - قىستاقتارىنىڭ قاتىناسى قولايسىز، ينفورماتسياسى تۇيىق، ءتۇرلى اۋىل شارۋاشىلىعى ونىمدەرى مەن وڭدەلگەن ونىمدەردىڭ ساتىلۋ ارناسى شەكتى بولىپ كەلگەن. تيان تيان مەن ساباقتاستارى كەلگەن سوڭ، جارباسى قىستاعى ءۇشىن سىرتپەن جالعاساتىن ”كوپىر“ سالدى. ”بىلتىر 9 - ايدا ءبىز ينتەرنەت دۇكەنىن اشىپ، قىستاقتاعى اعاش ساڭىراۋقۇلاعى، جاڭعاق جانە وندىرىلگەن كورپە - جاستىق سياقتىلاردى ينتەرنەتكە شىعاردىق، سونداي - اق ونىمدەرگە ساۋدا ماركاسىن جوبالادىق“، - دەيدى تيان تيان تىلشىگە، ساباقتاستار وزدىكتەرىنەن تۋىس - تۋعان، دوس - جاراندارىنا تانىستىرىپ، ۋيچات دوستار شەڭبەرىندە جارباسى قىستاعىنداعى كەدەيلەردى سۇيەمەلدەۋ ونىمدەرىن كەڭىنەن ۇگىتتەدى.

  كەدەيلەردى سۇيەمەلدەۋگە جاۋاپتى كادر، شينجياڭ داشۋەسىنىڭ جاس وقىتۋشىسى ياڭ لەيدىڭ قولداۋىندا ولار تاعى ”ياڭ مۇعالىمنىڭ كەدەيلەردى سۇيەمەلدەۋ ەستەلىگى“ اتتى ميكروبلوگ ءنومىرىن اشىپ، ىلگەرىندى - كەيىندى 30دان استام قىسقا بەينە ەكران ءتۇسىرىپ، جاساپ، نازارلارىن قىستاقتاعى وزگەرىستەردىڭ ءار ساتىنە دەيىن كەڭەيتتى.

  ستۋدەنتتەردىڭ اپپاراتتارى اۋىل - قىستاقتىڭ وزگەرىسىن ەستەلىككە السا، اۋىل - قىستاقتىڭ وزگەرىسى دە وسى جاستاردىڭ ءوسىپ - جەتىلۋ بارىسىنا كۋا بولدى. وڭتۇستىك شينجياڭدا قىستاقتا تۇرۋدا مىندەتتى تۇردە وتۋگە ءتيىس ”بۇرگە وتكەلىنەن“ وزدەرىنىڭ كۇندەلىكتى تۇرمىستارىن ىڭعايلاۋعا دەيىن، تيان تيان مەن ونىڭ ساباقتاستارى بۇرىنعى بالاڭدىققا بىرتە - بىرتە قوش ايتتى. ”العاش كەلگەندە ءۇيدى ساعىنعانىمىز شىن، ءبىراق قىستاق تۇرعىندارى بىزگە ەرەكشە ىستىق ىقىلاس كورسەتىپ، ءبىزدى توسىرقاۋ سەزىمنەن دەرەۋ ارىلتتى“. تيان تيان بىلاي دەدى: كەيدە قىستاق كادرلارىمەن بىرگە تۇسكە دەيىن وتباسىلارىن ارالاپ، جاتاقحاناعا قايتقانىمىزدا، قالتالارىمىز قىستاق تۇرعىندارى ۇسىنعان جاڭعاق پەن تۇت جەمىسىنە تولىپ كەتەدى.

  بۇگىنگى تاڭدا، تيان تيان مەن ونىڭ ساباقتاستارى جارباسى قىستاعىنا باۋىر باسىپ، وزدەرىن ”قىستاق ادامى“ رەتىندە سەزىنەتىن بولىپتى. ۇيگە ءبىر اپتا دەمالىسپەن قايتقاندا دا قىستاقتا ۇلكەن وزگەرىستەر بولعانىن كورىپ اسەرلەنەدى ەكەن. 2019 - جىلى جارباسى قىستاعى تۇتاس قىستاق بويىنشا كەدەيلىكتەن ارىلۋدى جۇزەگە اسىرىپ، قىستاق كوللەكتيۆىنىڭ كىرىسى 492 مىڭ يۋانعا جەتىپتى.

  بيىل جىل باسىندا ساباقتاستار قىستاقتا قالىپ ىندەتتەن ساقتانۋ - تىزگىندەۋ قىزمەتىنە جاردەمدەسۋگە ىرىقتى تۇردە ءوتىنىش ەتتى. ءار كۇنى كۇن شىقپاي، ولار ءبىر كۇنگى قىزمەتتەرىن جۇيەلى تۇردە ورىستەتۋگە كىرىسىپ، قىستاق تۇرعىندارىنا ىندەتتەن ساقتانۋ بىلىمدەرىن ۇگىتتەپ، كەرمە تۋ تارتىپ، قوس تىلدەگى ۇگىت قاعازدارىن جاساپ، ”ىندەت جاعدايىنان حابار شاعىن لاباسىن“ دىبىسقا جازىپ دايىندايدى.

  ”پراكتيكا عانا بولعانىمەن، ءبىر جىلدا ءبىز جارباسى قىستاعىنىڭ كەدەيلىكتەن ارىلتۋ، اۋقاتتانۋ قىزمەتىنە ارالاسقانىمىزعا ايرىقشا قۋانىشتىمىز، بۇل كەشىرمەدەن مەن مول تابىسقا كەنەلدىم“، - دەيدى تيان تيان.

  (شينحۋا اگەنتتىگىنىڭ 6 - ايدىڭ 25 - كۇنى ۇرىمجىدەن بەرگەن حابارى)

جاۋاپتى رەداكتور: ريزا حاميت