باقىتتىڭ گۇلىن ۇستىرتتەگى كەدەي قىستاقتا قۇلپىرتامىز

ءۇرىمجى كەدەنىنەن تاشقورعان تاجىك اۆتونوميالى اۋدانىنىڭ ۋەچە اۋىلى سەرافدى قىستاعىندا تۇراتىن ءبىرىنشى شۋجي ليۋ گاڭ −

باقىتتىڭ گۇلىن ۇستىرتتەگى كەدەي قىستاقتا قۇلپىرتامىز

ءبىرىنشى شەپتەگى تۇلعالار

  【بەتاشار】

  كەدەيلىكتەن ارىلتۋدان قامال الۋ شايقاس مايدانىندا، مىناداي ءبىر توپ ەڭ سۇيىكتى ادامدارىمىز بار −

  ولار − نەگىزگى ساتىداعى بۇقارانى كەدەيلىكتەن ارىلتىپ بايۋعا باستاۋدى كۇرەس نىساناسى ەتكەن، شارۋاشىلىق قۇرۋ، ءىس تىندىرۋ جاۋاپكەرشىلىگىن باتىلدىقپەن ارقالاۋ ستيلىن كەدەيلىكتەن ارىلتۋدان قامال الۋ بارىسىندا ايگىلەگەن، بار قايراتتارىن سالىپ ەڭ ماشاقاتتى تۇيىندەردى شەشىپ، ەڭ قيىن قامالداردى الىپ، جاپپاي دوڭگەلەك داۋلەتتى قوعامدى ۋاعىندا ورناتۋعا شىنايى كەپىلدىك ەتكەن سان مىڭداعان پارتيالى كادرلار؛ ولار قاجىماي - تالماي كۇرەس جۇرگىزگەن قاراپايىم بۇقارا، بەرىك سەنىممەن، ءسوزسىز، جەڭۋ سەنىمىمەن پارتياعا ىلەسىپ، كەدەيلىكتەن ارىلتۋدان قامال الۋدىڭ داڭعىل جولىندا ەرلىكپەن العا تارتۋدا. ولار جەڭدەرىن ءتۇرىپ، قۇشاقتارىن جايىپ، ادىمدارىن اشىپ، كەدەيلىكتىڭ تامىرىن جۇلىپ، بايۋدىڭ جولىنا ءتۇستى، ادال ەڭبەكتەرىنىڭ اشتى تەرىمەن جاپپاي دوڭگەلەك داۋلەتتى باقىتتى تۇرمىستى نارلەندىردى...

  بۇگىننەن باستاپ، گازەتىمىز ”كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ . ءبىرىنشى شەپتەگى تۇلعالار“ ايدارىن اشىپ، رايونىمىزدىڭ كەدەيلىكتەن ارىلتۋدان قامال الۋ بارىسىندا توپ - توبىمەن بايقالعان وزات تۇلعالاردىڭ ىزگى ىستەرىن، ولاردىڭ باستاماشى بولۋعا تايىنباعان، تالىقپاي تالپىنعان، قايسارلىقپەن كۇرەس جۇرگىزگەن رۋحاني بەت - بەينەسىن الدارىڭىزعا ۇسىنىپ، ولاردىڭ كەدەيلىكتەن ارىلتۋدان قامال الۋ بارىسىنداعى كەلبەتتەرىن ورامدى قالاممەن كەسكىندەپ، كەدەيلىكپەن شايقاسۋ رۋحىن تيانشاننىڭ وڭتۇستىگى مەن سولتۇستىگىندە نۇر شاشقىزىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە قۇدىرەتتى كۇش - قۋات ۇيىستىرادى.

□ ەرىكتى ءتىلشى شاڭ شياۋ - ۋي

  4 - ايدىڭ 29 - كۇنى تاشقورعان تاجىك اۆتونوميالى اۋدانى ۋەچە اۋىلى سەرافدى قىستاعىنىڭ ”سازدىق باقشاسى“ ىسكە قوسىلدى، سول كۇنى ءبىر مايدان بايگە جانە كوكپار جارىسىن وتكىزدى. سول كۇنى تيجارات جۇرگىزگەن بارلىق مالشىلار شاتتىعى ساياجايى مەن تاۋاردى بولشەك ساتۋشىلاردىڭ جالپى كىرىسى 40 مىڭ يۋانعا تاياپ، وتباسىلارىنىڭ ورتاشا كىرىسى 3000 يۋاننان استى. 5 - ايدىڭ 30 - كۇنى قىستاق كوللەكتيۆى جىلىجايدا وسىرگەن 1 - توپتاعى 3000 تاشتەك لۇيلو، روزا ساتىلىپ، قىستاق كوللەكتيۆى 150 مىڭ يۋان كىرىس تاپتى.

  قىستاقتا تۇرعانىنا 3 جىل بولعان ءۇرىمجى كەدەنىنىڭ تاشقورعان تاجىك اۆتونوميالى اۋدانى ۋەچە اۋىلى سەرافدى قىستاعىندا تۇراتىن ءبىرىنشى شۋجي ليۋ گاڭ بىلاي دەدى: ”كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە جەتۋدىڭ اياقتالار جىلىندا اۋىلداستار رازى بولاتىنداي تولىمدى جاۋاپ قايتارىپ، باقىتتىڭ گۇلىن پامير ۇستىرتىندە قۇلپىرتامىز“.

”N+1+1“ كومەكتەسۋ، جەتەكتەۋ پارتيا ياچەيكاسىن كۇشەيتتى

  2018 - جىلى 1 - ايدا ءۇرىمجى كەدەنى ليۋ گاڭدى تاڭداپ سەرافدى قىستاعىنا ءبىرىنشى شۋجي مىندەتىن ارقالاۋعا جىبەردى.

  القانىڭ بىتىراندى، اتقارۋ كۇشى ءالسىز بولۋ سياقتى ماسەلەلەرىنە قاراتا، ليۋ گاڭ ”N+1+1“ كومەكتەسۋ، جەتەكتەۋ شاراسىن قولدانىپ، قىستاقتا تۇراتىن ءبىر كادر جۇپ قۇراپ ءبىر قىستاق كادرىنا كومەكتەسۋ، جەتەكتەۋ، ءبىر كادر بايلانىس جاساپ 3 تە 4 پارتيا مۇشەسىنە كومەكتەسۋ، جەتەكتەۋ، بىرگە ءبىر، بىرگە كوپ بويىنشا كومەكتەسۋ، جەتەكتەۋ جاۋاپكەرشىلىك حاتىنا قول قويۋدى تالاپ ەتتى. شارۋالار كەشكى مەكتەبىنەن پايدالانىپ، قىستاق كادرلارىن نازاريا، ساياسات ۇيرەنۋ بويىنشا باۋلۋدى كۇشەيتتى؛ پارتيا ۋستاۆى جانە پارتيا مۇشەلەرىن تاربيەلەۋ، باسقارۋ قىزمەت ەرەجەسى بويىنشا پارتيانىڭ ۇيىمدىق تۇرمىسىن ۇدايىلاندىرىپ، ارناعا ءتۇسىردى؛ قىستاق كادرلارىنىڭ جاس قۇرىلىمىن ساپالىلاندىرىپ، مادەنيەت ساپاسىن جوعارىلاتتى؛ قىستاقتاعى پارتيالى كادرلاردىڭ ارەكەت ولشەمى، قىستاق قاعيداسى سياقتى 26 تارماقتى ەرەجەنى ورناتىپ، كەمەلدەندىرىپ، قىستاق پارتيا ياچەيكاسىنىڭ ءتۇرلى قىزمەتتەرىنىڭ جۇيەلى ءجۇرىلۋىن جانە تياناقتانۋىن جەبەدى.

  2018 - جىلدىڭ سوڭىندا سەرافدى قىستاعى ءبىر جولدا كەدەيلىك قالپاعىن الىپ تاستادى. قىستاق تۇرعىندارىنىڭ جان باسىندىق ورتاشا كىرىسى 2017 - جىلعى 6673 يۋاننان 2019 - جىلى 9275 يۋانعا ارتىپ، ارتۋ سالىستىرماسى %39كە جەتتى.

  قىستاق پارتيا ياچەيكاسىنىڭ شۋجيى ءدۇلاتمامەت رايسىق تەبىرەنىپ بىلاي دەدى: ”قازىرگى قىستاق ’ەكى كوميتەتى‘ القاسىنا بۇقارا بارعان سايىن رازى بولدى“.

كەدەي قىستاق تۇرعىندارى كىرىستەرىن ورنىقتى ارتتىردى

  سەرافدى قىستاعى پامير ءۇستىرتىنىڭ شىعىس وڭتۇستىگىندەگى باتىس كۇنلۇن تاۋ جۇلگەسىنە ورنالاسقان، ءۇستىرتتى، سۋىق، وتتەگى شالاڭ، قورشاعان ورتاسى ناشار، توپىراعى قۇنارسىز، كەدەيلەسۋ سالىستىرماسى جوعارى. وسىنداي ءتيىمسىز فاكتورلارعا ءدوپ كەلگەندە كەدەيلىكتەن ارىلتۋدان قامال الۋدى قالاي ىستەۋگە بولادى؟

  قىزمەت اترەتى مەن قىستاق ”ەكى كوميتەتى“ باسقا سالاعا ويىستىرىپ جۇمىستاندىرۋدى كەدەيلىكتەن ارىلتۋدان قامال الۋدىڭ ءتۇيىنى رەتىندە يگەرىپ، كوپ جاقتان قاتىستى تاراۋلارمەن سايكەسىپ، بەلسەندى تۇردە 94 كەدەي وتباسىنداعى 116 ەڭبەككۇشكە شەكارا قورعاۋشى، جايلىم قورعاۋشى سياقتى جۇمىس ورنىن الىپ بەرىپ، بۇكىل قىستاقتاعى بارلىق ۇيدە جۇمىستانۋدىڭ جولى، اي سايىن كىرىسى بولعان تاماشا جاعدايدى جۇزەگە اسىردى. 2018 - جىلى 10 - ايدىڭ 30 - كۇنى 183 مالشى وتباسىنىڭ تازا دا حاۋىپسىز قۇبىر سۋىنا قولى جەتتى.

  سەرافدى قىستاعى مالشىلاردا ۇزدىكسىز ورنىقتى كىرىس بولۋىن جۇزەگە اسىرۋ ءۇشىن، ءسوزسىز، جاڭا كاسىپ سالاسىن دامىتۋى كەرەك.

  ۋەچە اۋىلىنىڭ ”پانلۇڭ بايىرعى جولى“ دوۋيىن، كۋايشوۋ سياقتى جاڭا مەديالاردا قىزۋ قارسى الىندى. 30 نەشە كيلومەترلىك قاپتالدامالى تاس جولدىڭ 600دەن استام بۇرىلماسى بار، بۇل ساياحاتشىلاردى ايرىقشا جەلپىندىرەتىن ءتىلسىم كۇشى بار تىزبەكتى يرەك جول، ءبىر قىسقا بەينەكەسكىننىڭ ءتۇرتىلىم مولشەرى 100 ميلليوننان اسىپ، بۇكىل ەلدەگى ينتەرنەتتە تانىمالى، ءسوزسىز، بارار تاس جولعا اينالدى. الايدا كەيبىر ساياحاتشىلار تاماق ءىشىپ، ەرۋلەيتىن جەر تابا الماعاندىقتان ەرىكسىز كەلگەن جولىمەن كەرى قايتتى.

  وسى سەبەپتى، قىستاق ”’پانلۇڭ بايىرعى جولىمەن‘ ءجۇرۋ، سازدىق باقشاسىندا سەرۋەندەۋ، مالشىلار ساياجايىنان ءدام تاتۋ“ سىندى ساياحاتتى دامىتۋ نىساناسىن تۇراقتاندىردى. بيىل 3 - ايدىڭ باسىندا وسى قىستاق يەلەگەن جەر اۋماعى 180 مۋ كەلەتىن ”سەرافدى سازدىق باقشاسىن“ سالىپ، كەدەي وتباسىلار تيجاراتپەن اينالىساتىن 9 ساياحات كيىز ءۇيىن تىگىپ، وسى قىستاقتىڭ بايگە، كوكبار اترەتىن قۇردى.

  2020 - جىلدىڭ باسىندا ليۋ گاڭ ءوزى قارجى توپتاپ، قىستاق تۇرعىندار كوميتەتىنىڭ كوللەكتيۆ ەكى جىلىجايىن وزگەرتىپ، ”گۇل نەگە وسىنشا قىزىل“ سەرافدى گۇل كاسىبىنەن ۇلگى كورسەتۋ باقشاسىن تۇلعالادى. 5 - ايدىڭ 30 - كۇنى جەتىلدىرىلگەن 1 - توپتاعى گۇلدەر تۇگەل ساتىلىپ بولدى.

قىستاق تۇرعىندارى ءۇشىن ناقتى ءىس تىندىرۋعا كۇش سالدى

  ليۋ گاڭ ينتەرنەتتەن جىلىجايدا ءوسىرۋ تەحنيكاسىن ۇيرەنىپ، مالشىلارعا شاعىن دوعاشا لاپاستا كوكونىس ءوسىرۋدى قولما - قول ۇيرەتىپ، قىستاق تۇرعىندار كوميتەتىنىڭ اسحاناسىنان پايدالانىپ وقىتۋ - باۋلۋ ساباقحاناسىن اشىپ، قىستاق تۇرعىندارىنىڭ ازىقتانۋ قۇرىلىمىن جاقسارتتى. قىستا كۇننىڭ سۋىق بولۋى، قىستاق تۇرعىندارىنىڭ وڭاي ءۇسىنىپ قالۋ جايتىنە مەڭزەس، ليۋ گاڭ ۋحان حۋايۋان تايكاڭ بيوعىلىم - تەحنيكا سەرىكتەستىگىنە حابارلاسىپ، قىستاقتىڭ ەمحاناسىنا قۇنى 100 مىڭ يۋاندىق 1000 قوراپ ۇسىك سىقپاسىن جىلۋعا اتاپ، ءۇسىنىپ قالعان قىستاق تۇرعىندارىنىڭ تەگىن پايدالانۋىنا بەردى.

  قىستاق تۇرعىندار كوميتەتى تاعى ءبىر ورىندا قولايلى قىزمەت وتەۋ زالىن سالدى، قىستاق تۇرعىندارى وسىندا شاعىن سومالى اقشا قويۋ، الۋ، اقشا تولىقتاۋ، ينتەرنەتتەن زات ساتىپ الۋ، جەدەل جولداما سياقتى قولايلى كاسىپتەردى بىتىرە الادى، قىستاق تۇرعىندارى ىقىلاسپەن وسى زالدى ”ءبىر جولدا بىتىرەتىن زال“ دەپ اتاپ كەتتى.

  2019 - جىلى 7 - ايدا ليۋ گاڭ ءۇرىمجى كەدەنىنىڭ 190 مىڭ يۋان قارجىلىق قولداۋىنا قول جەتكىزىپ، قىستاق تۇرعىندارىنىڭ ءۇيىن جوندەپ بەردى؛ 115 دانا كۇن نۇرى قابىرعا شامىن الىپ ورناتىپ بەرىپ، قىستاق تۇرعىندارىنىڭ اۋلاسىن تۇندە جارىقتاندىرۋ ماسەلەسىن شەشتى.

  3 جىلدان بەرى ليۋ گاڭ ءۇرىمجى كەدەنى جانە قوعامداعى ءار سالادان ءبىر ميلليون 417 مىڭ 200 يۋان قارجىعا قول جەتكىزىپ، سەرافدى قىستاعىنا 11 كيلومەترلىك اسفالت جول جاساپ، 4500 مەتر ەلەكتر جەلىسىن جاڭالاپ، قىستاق تۇرعىندارىنىڭ ۇيلەرىن جوندەپ، مەيىر باعىشتاۋ جيناق ءنومىرى ەرەن بازارى، باقىت اۋلاسى سياقتىلاردى سالىپ، مالشىلاردىڭ ءبىرتالاي قيىنشىلىعىن شەشتى.

جاۋاپتى رەداكتور: ريزا حاميت
  • 1
  • 2
  • 3
  • 4