شينجياڭ دەنە تاربيەشىلەرىنىڭ جاڭا ”جارىس الاڭى“

شينجياڭ دەنە تاربيەشىلەرىنىڭ جاڭا ”جارىس الاڭى“

گازەتىمىزدىڭ جالپىلىق اقپارات قۇرالدارى ءتىلشىسى جيڭ بو

  5 - ايداعى وڭتۇستىك شينجياڭ، ءبيداي جايقالا ءوسىپ، تۇت جەمىسىنىڭ ءدامى ءتىل ۇيىرەدى.

  اۆتونوميالى رايوندىق دەنە تاربيە مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى، اۋىر كەدەي قىستاقتىڭ ءبىرىنشى شۋجيلەرى ءدال قازىر وزدەرىنىڭ جاڭا ”جارىس الاڭىندا“ سىعايلانعان كۇشتەرمەن شايقاسقا شىعىپ، دەنە تاربيەشىلەردىڭ العان بەتىنەن قايتپايتىن، ەرلىكپەن شىڭعا ورلەيتىن قايسار رۋحىن ساۋلەلەندىرىپ، بار كۇشپەن تاماشا ناتيجەگە قول جەتكىزدى.

شايقاس

بار ىنتا - پەيىلدەرىمەن كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزدى

  قيىنشىلىقتان قورىقپاۋ، ارىپ - شارشادىم دەمەۋ − دەنە تاربيەشىلەردىڭ تاماشا قاسيەتى. ولار وسى قاسيەتتى قىستاقتا تۇرۋ قىزمەتىنە الا كەلىپ، كۇندىز - ءتۇنى دەمەي قاجىرلىلىقپەن ەڭبەك ەتتى. ولاردىڭ قۇلشىنىسىنان ءبىر - بىرلەگەن كورنەكتى ناتيجەلەر جارىققا شىقتى.

  بيىل جاۋ چىڭچياڭنىڭ قىستاقتا قىزمەت ىستەگەنىنە 4 جىلدىڭ ءجۇزى بولدى. مارالباسى اۋدانى اناركول اۋىلى چۇچۇرگا قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باستىعى رەتىندە قىستاقتا تۇرىپ قىزمەت ىستەگەن 1100 كۇننەن استام ۋاقىتتا ول اترەت مۇشەلەرىمەن بىرگە قىستاقتىڭ تۇكپىر - تۇكپىرلەرىن قويماي ارالاپ، قۇلشىنىسىمەن جانە ماڭداي تەرىمەن قىستاقتىڭ ءتۇرلى جاقتارىنا وزگەرىس اكەلدى.

  بۇل كۇندەرى قىستاقتىڭ ۇنى مەن سىركە سۋى قوراپتالىپ سىرتقا ساتىلاتىن ونىمگە اينالدى، باعىمشىلىق سەلبەستىك كووپەراتيۆتەرى قۇرىلدى، قىستاق جولدارىنا كۇن ەنەرگيالى شىراق ورناتىلدى، ساياحاتشىلاردى قابىلداۋ ورنى قۇرىلدى، اعاش ماتەريالدارىن مانەرلەۋ سەحى سالىندى... ەڭ قۋانىشتىسى، قىستاقتان 6 بالا جوعارى مەكتەپ وقۋشىسىنا اينالدى.

  اناركول اۋىلى ءدوڭمالى قىستاعىنىڭ ءبىرىنشى شۋجيى ديڭ لەيدى اۋزىنا العاندا، قىستاق ايەلدەر ۇيىمىنىڭ مەڭگەرۋشىسى رايحانگۇل مامۇت وعان تاڭداۋلى دەگەن باعا بەردى.

  ”ديڭ شۋجي 2018 - جىلى ءبىزدىڭ قىستاققا كەلگەننەن كەيىن، ءاربىر كەدەيلىكتەن ارىلاتىن وتباسىلارىنا دالمە - ءدال كەدەيلىكتەن ارىلتۋ شاراسىن بەلگىلەدى“، رايحانگۇل ءاسىلى قىستاقتاعى كەدەي شارۋا بولاتىن، 2018 - جىلى ول كەدەيلىكتەن ارىلىپ قانا قالماستان، قىستاق كادرى دا بولدى. 2019 - جىلى ونىڭ وتباسىنىڭ جان باسىندىق ورتاشا تازا كىرىسى 6680 يۋانعا جوعارىلادى.

  ”ديڭ شۋجي قىستاقتا تۇرعاننان بەرى قىستاقتا كوپتەگەن وزگەرىستەر بولدى. قىستاق تۇرعىندارىنىڭ اۋلاسى كوكونىسكە تولدى، قىستاقتا 4 دەنە شىنىقتىرۋ الاڭى سالىندى، جول شىراقتارى ورناتىلدى، قىستاق سەلبەستىك كووپەراتيۆتەرى قۇرىلدى، بۇقارانىڭ كىرىسى دە جوعارىلادى“، رايحانگۇل بىلاي دەدى: ”پارتيا مۇنداي جاقسى شۋجيدى جىبەردى، ءبىز ونىمەن بىرگە ىستەۋدى، ءتىپتى دە كوپ قىستاق تۇرعىندارىن باستاپ، كىرىستەرىن ارتتىرىپ بايىتۋدى قالايمىز“.

  ءتىلشى شاڭ حۇڭبوعا جولىققان شاقتا، ول قىستاق كادرلارىمەن بىرگە كەدەي وتباسىلارىنىڭ قاتىستى جاعدايلارىن انىقتاۋمەن قاربالاس بولىپ جاتىر ەكەن. بيىل ءپايزاۋات اۋدانى كەدەيلىك قالپاعىن الىپ تاستاۋى قاجەت، ۋاقىت تىعىز، مىندەت اۋىر. اۆتونوميالى رايوندىق دەنە تاربيە مەكەمەسىنەن وسى اۋدانعا تۇرۋعا جىبەرىلگەن 6 ءبىرىنشى شۋجيدىڭ بارلىعى دەمالىستان ۋاز كەشتى.

  جانباز اۋىلى شىبىق قىستاعىنىڭ ءبىرىنشى شۋجيى شاڭ حۇڭبو بىلاي دەدى:” اۋىلداستار كەدەيلىكتەن ارىلىپ، باقىتتى تۇرمىس وتكىزسە بولعانى، ءبىز قيىنشىلىق تارتۋعا، ارىپ - شارشاۋعا پەيىلمىز“.

قۇلشىنىس

اۋىل - قىستاقتىڭ كونە بەت - بەينەسىن شىت جاڭا تۇسكە ەنگىزدى

  ”تەمىر سوقساڭ قۇرىش بول“، نەگىزگى ساتى پارتيا ۇيىمىن كۇشەيتۋ − وزەك.

  ”تامىرى توپىراققا تەرەڭ بويلاعان مايسانى داۋىل دا جىعا المايدى“. اناركول اۋىلى قۇمبۇعۇز قىستاعى پارتيا ياچەيكاسىنىڭ شۋجيى جوۋ شيڭپيڭ بۇگىنگى قىستاق دارەجەلى پارتيا ۇيىمى قۇرىلىسىنىڭ ناتيجەلەرىن وسىلايشا ۇيعۇر ماقال - ماتەلىمەن بەينەلەدى.

  ”قىزمەت اترەتى كوپشىلىككە ىستەپ كورسەتتى، كوپشىلىكتى باستاپ ىستەدى، وزدەرى ونەگە كورسەتىپ، قىستاق كادرلارىنىڭ ستيلىن وزگەرتۋگە باستادى، قىستاق ’ەكى كوميتەتى‘ القاسى مۇشەلەرىنىڭ قابىلەتى، ساپاسى كورنەكتى جوعارىلادى“. جوۋ شيڭپيڭ بىلاي دەدى: بۇل كۇندەرى قىستاق ”ەكى كوميتەتى“ القاسى مۇشەلەرىنىڭ ورتاشا جاسى 27دە، پارتيا مۇشەلەرى 2016 - جىلعى 33 ادامنان قازىرگى 49 ادامعا كوبەيدى.

  پارتياعا كىرۋگە ءوتىنىش ەتكەن بەلسەندى ءىرسالات ابدىرەيىمنىڭ پارتياعا كىرۋ ارمانى وتە قاراپايىم: ”پارتيا بۇقارانىڭ باستاۋشىسى، بۇقاراعا باقىت اكەلەدى، مەن بۇلاردىڭ ىشىندەگى ءبىر مۇشەگە اينالۋىم كەرەك“.

  ”باستاۋشى“ بولعاندىقتان، اۋىل - قىستاقتىڭ وزگەرىسى ادامدى قۋانتادى.

  ”قاتتىلانعان جول، ادەمى ءۇي، تۇپ - تۇنىق قۇبىر سۋى، تەلەۆيزور، سافا، سۋمەن شايىلاتىن دارەتحانا، ۇيدە مۇنشاعا ءتۇسۋ، ەسىك الدىنداعى كەشكى بازاردا جۇمىستانۋ، بۇرىن قيالعا دا كەلمەگەن ىستەردىڭ بارلىعى قازىر شىندىققا اينالىپ قالماستان، اۋەلى، ودان دا اسىپ كەتتى“. اناركول اۋىلى كولمالى قىستاعىنىڭ تۇرعىنى ۇرايىم ءاليدىڭ ءتول كەشىرمەلەرى قىستاقتىڭ وراسان زور وزگەرىسىنە كۋا بولدى.

  بۇلار عانا ەمەس، قىستاقتا تاعى دەمالىس ورنى، جەمىس ءۇزۋ باقشاسى بار، دەنە تاربيە باقشاسى، بالىق اۋلاۋ بازاسى، قاردان سىرعاناۋ الاڭى، ادامدار قاتىسا الاتىن CS كوڭىل اشۋ الاڭى سياقتىلار دا بار، مۇنداي جوعارى ”كەلبەت“ قىستاققا بارعان ادامداردىڭ اۋىز جاپپاي ماداقتاۋىنا يە بولدى.

  بۇرىن قوقىر - قوقسىق شاشىلىپ جاتاتىن جەر قازىر دەنە تاربيە باقشاسىنا اينالدى. بۇل مارالباسى اۋدانى الاعىر اۋىلى اقكول قىستاعى اقكول كولىنىڭ ”بۇرىنعى بەينەسى مەن بۇگىنگى كەلبەتى“.

  اقكول كولىن بۇرىن قىستاق تۇرعىندارى قوقىر - قوقسىق الاڭى دەپ بىلەتىن. قىستاقتا تۇراتىن قىزمەت اترەتى كەلگەننەن كەيىن اقكول كولىن جونگە سالىپ، ونى دەنە تاربيە دەنە شىنىقتىرۋ باقشاسىنا وزگەرتىپ سالدى. قازىر بۇرىن ادامدار سىرتتاي اينالىپ وتەتىن، ساسىق ءيىسى قولقانى قاباتىن وسى تابيعي سۋ الابى اۋەلگى سۋى تۇنىق، ءشوبى جاسىل بەينەسىن قايتا تاپتى ءارى قورا - جاي اشۋ ساۋداگەرلەرى جاعىنان تۇلعالىق ”جاڭارتىلدى“. بۇل شارا 10 جىلدا قىستاق كوللەكتيۆىنە ءبىر ميلليون يۋان كىرىس اكەلىپ قانا قالماستان، تاعى، از دەگەندە، 20 نەشە تۇرعىندى ءۇيىنىڭ ەسىگىنىڭ الدىنان جۇمىستاندىرادى.

بورىش

بۇقارانىڭ باقىتتى تۇرمىس كەشىرۋىنە كومەكتەستى

  قىستاق كوركەيدى، جول قاتتىلاندى، كۇلكى ەسكەن جۇزدەر كوبەيدى، بالالار ادامعا جولىققاندا، ىرىقتىلىقپەن امانداساتىن بولدى، باستاۋىش مەكتەپ وقۋشىلارى قىزمەت اترەتىنىڭ مۇشەلەرىن كورگەندە قۇرمەت كورسەتەتىن بولدى... وسىنداي ءبىر - بىرلەگەن باقىتتىڭ بەينەلەرىنە ءتىلشى قاي جەرگە بارسا دا كۋا بولدى.

  الاعىر اۋىلى قارا اعىن قىستاعى حالىققا تيىمدىلىك جاساۋ اجارلاندىرۋ، شاش جاساۋ دۇكەنىنىڭ قوجايىنى گۇلحايرنيسا توحتى الىس - جۋىققا ايگىلى ”جاس كەلىنشەكتەردىڭ گريمشىسى“، ايلىق كىرىسى 3000 يۋان اينالاسىندا، ال 2018 - جىلدىڭ الدىندا ول كەدەي شارۋا بولاتىن.

  قىستاقتا تۇراتىن قىزمەت اترەتىنىڭ كومەگىندە، گۇلحايرنيسا شاش جاساۋ دۇكەنىن اشادى. شەبەر بولعاندىقتان گۇلحايرنيسانىڭ ساۋداسى بارعان سايىن كۇسەت بولىپ، 2018 - جىلى كەدەيلىكتەن ارىلعاننان كەيىن، تاعى 2 كەدەي وتباسىنان شاكىرت تاربيەلەپ، ولاردىڭ بىرگە كىرىستەرىن ارتتىرىپ بايۋىنا كومەكتەسەدى.

  ”قازىر قىستاقتا سۇلۋلىقتى سۇيەتىن، ساندەنۋدى ۇناتاتىن قىزدار بارعان سايىن كوبەيدى“. گۇلحايرنيسا كۇلە سويلەپ بىلاي دەدى: ”دۇكەنىمنىڭ 50 نەشە تۇراقتى قاريدارى بار، ولار بەلگىلەگەن ۋاقىتتا تەرىسىن كۇتىمدەتەدى، شاشىن جاساتادى، قاس - كىرپىگىن جوندەتەدى“.

  بۇگىنگى تاماشا كۇنىن اۋىزعا العاندا اناركول اۋىلى كولمالى قىستاعىنداعى كەدەيلىكتەن ارىلعان شارۋا ابدىرەيىم يمىننىڭ دە وسىنداي اسەرى بار. بىلتىر وتباسىنىڭ جان باسىندىق ورتاشا كىرىسى 13 مىڭ 600 يۋانعا جەتتى، تاياۋدا عانا ءبىر وتكەرمە اۆتوكولىك ساتىپ الىپ، 3 بالاسىن مەكتەپكە اپارۋعا - اكەلۋگە پايدالاندى.

  دەنە تاربيە دەنەنى قۋاتتاندىرىپ قانا قالماستان، رۋحتى شوعىرلاندىرادى. اۆتونوميالى رايوندىق دەنە تاربيە مەكەمەسىنىڭ قىستاقتا تۇراتىن قىزمەت اترەتتەرى مەن ءبىرىنشى شۋجيلەرى تۇرعان قىستاقتاردىڭ بارلىعىندا باسكەتبول الاڭى، ۆولەيبول الاڭى جانە دەنە شىنىقتىرۋ جولى سالىندى. بىلتىر اۆتونوميالى رايوندىق دەنە تاربيە مەكەمەسى باعىتتامالى كومەكتەسكەن - سۇيەمەلدەگەن مارالباسى اۋدانىنداعى، ءپايزاۋات اۋدانىنداعى 3 اۋىلدىڭ 17 قىستاعىندا ”شارۋالار جالپى حالىقتىق دەنە شىنىقتىرۋ گيمناستيكاسىن تۇيىندە سىناق ەتۋدى جالپىلاستىرۋ نىسانىن“ اتقارىپ، ”مەن شىنىعامىن، مەن سالاماتپىن، مەن باقىتتىمىن“ جالپى حالىقتىق دەنە شىنىقتىرۋ ۇستانىمىن جۇرت جۇرەگىنە بىرتىندەپ تەرەڭ ۇيالاتىپ، بۇقارانىڭ تابىس سەزىمىن، باقىت سەزىمىن، سالاماتتىق سەزىمىن ارەكەت جاساۋ بارىسىندا بىرتىندەپ جوعارىلاتتى.

  اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇن بىلاي دەدى: وسىدان كەيىن كەدەيلىكتەن ارىلتۋدان قامال الۋدى، بەكەمدەۋدى، جوعارىلاتۋدى ويداعىداي ىستەۋدىڭ سوڭعى جۇمىستارىن ىستەۋ بارىسىندا قىزمەت اترەتى ۇزدىكسىز ولقىلىقتاردى تولىقتاپ، ءالسىز بۋىنداردى كۇشەيتىپ، اۋىل - قىستاقتى ونان ارى كوركەم ەتىپ قۇرادى.

جاۋاپتى رەداكتور: ريزا حاميت